Со договор за значителна годишна финансиска поддршка од 1 милион евра, Новоматик Македонија и во следната фудбалска сезона останува генерален спонзор на ФК Вардар. Продолжувањето на договорот беше официјализирано на прес конференција на која присуствуваа претставници на менаџментот на Новоматик Македонија, капитенот на ФК Вардар, Горан Закариќ, како и други членови на компанијата и клубот.

– Во Новоматик Македонија во чија групација се светски реномираните брендови Адмирал, Астра и Казино Фламинго, сме многу горди што ги поддржавме амбициите на најтрофејниот македонски клуб кога беше најтешко и кога ФК Вардар требаше да се подигнува од амбисот. Уште повеќе што нашата повеќегодишна соработка ја крунисавме со нова титула на ФК Вардар. Денес, заедно со капитенот, Горан Закариќ, објавуваме дека светскиот шампионски бренд во игрите на среќа ја продолжува поддршката на македонскиот фудбалски шампион Вардар! Патот до спортскиот успех на ФК Вардар беше тежок, но ние никогаш не престанавме да веруваме. Како што сега веруваме дека следуваат уште многу блескави спортски успеси – изјави на прес конференцијата по повод продолжувањето на договорот, г-динот Петар Пенчев претставник на менаџментот на Новоматик Македонија.

Од Новоматик Македонија велат дека одлуката за продолжување на договорот за соработка е донесена бидејќи ФК Вардар не е само спортски клуб туку симбол на македонскиот идентитет и успешен национален амбасадор.

На почетокот од своето обраќање капитенот Закариќ од име на клубот, играчите и стручниот тим упати јавна благодарност до Новоматик Македонија.

– Дозволете на почетокот во името на менаџментот на клубот, играчите и навивачите јавно да упатам благодарност што Новоматик Македонија беа со нас кога ја започнавме најтешката битка за враќање на довербата на навивачите, на спортската, но и на пошироката јавност. Довербата на Новоматик Македонија во нашиот проект придонесе да ја освоиме 12. титула фудбалски шампион во македонското национално првенство – истакна капитенот на ФК Вардар, Горан Закариќ.

На настанот присуствуваше и новиот тренер на ФК Вардар, Кристијан Фабијани.

Новоматик Македонија во 2025 стана спонзор и на Фудбалската федерација на Македонија. Во македонскиот фудбал Новоматик Македонија во период од само три години спонзорски вложува повеќе од 3,5 милиони евра. Дополнително, како светски лидери во индустријата игри на среќа оваа корпорација е спонзор и на кошаркарскиот клуб МЗТ и фудбалскиот клуб Кожув. Новоматик Македонија е присутен во домашната економија веќе полни 19 години, вработува повеќе од 2.000 граѓани и во донаторски проекти од областа на јавното здравство, културата, спортот и во кампањи од јавен интерес има вложено повеќе од 400 милиони денари.

The post НОВОМАТИК МАКЕДОНИЈА ЌЕ БИДЕ ГЕНЕРАЛЕН СПОНЗОР НА ВАРДАР И ВО СЛЕДНАТА ФУДБАЛСКА СЕЗОНА Шампионите продолжуваат заедно appeared first on plusinfo.mk.

Teтовскиот фудбалски клуб Шкендија ја предупреди ФФМ дека неговиот спонзор би можел да се повлече од клубот и од македонскиот фудбал доколку не биде ревидирана последната казна.

Најавата доаѓа откако Фудбалската федерација на Македонија ја казни Шкендија со 105.000 евра и суспендирање од купот за идната сезона поради поради инцидентите за време и по финалниот натпревар против Силекс.

Следуваше одговор од ФФМ:

„Никакви уцени, притисоци или закани нема да ја поколебаат Фудбалската федерација на Македонија во намерата да стави крај на дивеењето на трибините. Почитувањето на противникот, навивачите, законите и државните симболи е обврска за сите и нема да има исклучоци“, наведуваат од Федерацијата.

Во финалето во кое победи Силекс фудбалерите на Шкендија одбија да примат медали, публиката ја исвиркуваше македонската химна, беше истакнат и спорен транспарент.

Од друга страна, ФФМ го казни Силекс со 5.000 евра поради пиротехника на финалниот натпревар.

Победникот на купот, Вардар, беше глобен 15.000 евра за недолично славење на титулата и за навредливо скандирање од трибините. 

ЕДНА ОД НАЈТЕШКИТЕ САНКЦИИ ВО ПОНОВАТА ИСТОРИЈА НА ФФМ Еве што „заработија“ Шкендија, Вардар и Силекс

The post ШКЕНДИЈА СЕ ЗАКАНИ КОН ФФМ, ДОБИ ОДГОВОР Федерацијата не отстапува од казната од 105.000 евра appeared first on plusinfo.mk.

Шкендија доби жестока казна по случувањата на финалето од Купот на Македонија против Силекс. ФФМ одлучи тетовскиот клуб да плати вкупно 105.000 евра за повеќе обвиненија, следната сезона нема да настапува во Купот, а четири домашни натпревари ќе игра без публика.

Одлуката на Фудбалската федерација на Македонија следува поради употреба на пиротехника, националистички скандирања, навредливи пораки на национална основа, истакнување спорен транспарент и однесувањето по завршувањето на натпреварот, вклучително скандалот со одбивањето на медалите.

Од друга страна, клубот Силекс е казнет со 5.000 евра поради пиротехника на финалниот натпревар.

Парична казна доби и Вардар. Новиот шампион ќе треба да плати 15.000 евра поради навредливо скандирање од трибините и поради несоодветна прослава на титулата.

ФФМ исто така отвори и нова дисциплинска постапка против Вардар поради употреба на пиротехника на дербито против Шкендија.

The post ЕДНА ОД НАЈТЕШКИТЕ САНКЦИИ ВО ПОНОВАТА ИСТОРИЈА НА ФФМ Еве што „заработија“ Шкендија, Вардар и Силекс appeared first on plusinfo.mk.

Фудбалската федерација на Македонија донесе одлука за суспензија на теренот на стадионот „Башкими“ во Куманово по инцидентот на вчерашниот натпревар со Струга Трим Лум.

Воедно, против ФК Башкими 1947 Куманово и лицето Бурак Хида се покренува дисциплинска постапка, а предметот се доставува на понатамошно постапување пред Дисциплинската комисија на ФФМ.

„Фудбалската федерација на Македонија најостро ги осудува сите форми на насилство и недолично однесување и ќе продолжи доследно да ги применува прописите со цел заштита на интегритетот на натпреварувањето и безбедноста на сите учесници“, се вели во соопштението на ФФМ.

Инцидентот се случи по натпреварот од 28. коло на ПМФЛ. Имено, додека делегатот и судиската екипа сè уште се наоѓале на теренот, настанал инцидент во кој биле нападнати играчи и претставници на гостинската екипа од страна на лица поврзани со домашниот клуб и редарската служба.

Во инцидентот се вклучило и лицето Бурак Хида, кое не било заведено во записникот, а кое физички го нападнало претставникот на гостинската екипа, Шаќири Мифтар, нанесувајќи удар во пределот на градите, по што следувале и вербални навреди и недолично однесување кон повеќе членови на гостинскиот тим.

Инцидентот траел околу 10 до 15 минути, по што со интервенција на полициските службеници, делегатот и судиската четворка биле безбедно спроведени во службените простории.

Дополнително, делегатот побарал засилено полициско присуство со цел да се овозможи безбедно напуштање на стадионот од страна на гостинската екипа.

The post ФФМ ГО СУСПЕНДИРАШЕ СТАДИОНОТ „БАШКИМИ“ Покрената е постапка за инцидентот во Куманово appeared first on plusinfo.mk.

Поради слаба организација на натпреварот меѓу фудбалските клубови Вардар и Башкими, навредливо и националистичко скандирање од страна на навивачката група на ФК Вардар и користење на недозволени пиротехнички средства, клубот Вардар се казнува со забрана на присуство на публика на еден натпревар и парична казна во износ од 5.000 евра. Оваа одлука е донесена на вонредна седница на Дисциплинската комисија при Фудбалската федерација на Македонија.

Дисциплинската комисија констатира дека одлуката на делегатот на натпреварот за изрекување опомена поради националистички скандирања е исправна, како и одлуката на судијата за привремен прекин на натпреварот.

„Дисциплинската комисија отвора постапка против делегатот на натпреварот ФК Шкендија Арачиново – ФК Преспа поради недоставување на релевантни факти во врска со ситуацијата околу поставувањето на државното знаме на стадионот, како и други околности поврзани со организацијата и текот на натпреварот, односно присуство на неслужбени лица на теренот за време на натпреварот. Дисциплинската комисија ќе постапува согласно важечките прописи и по целосно утврдување на фактичката состојба ќе донесе соодветна одлука“, соопшти ФФМ по вонредната седница.

The post КАЗНА ОД 5.000 ЕВРА ЗА ФК ВАРДАР ПОРАДИ НАВРЕДЛИВО И НАЦИОНАЛИСТИЧКО СКАНДИРАЊЕ Клубот ќе игра еден натпревар без публика appeared first on plusinfo.mk.

Забрана за вршење на функција во траење од две години му изрече денеска Фудбалската федерација на Македонија (ФФМ) на својот поранешен претседател Муамед Сејдини поради финансиска измама поврзана со градежни работи на стадионот во Охрид.

Сејдини е санкциониран поради злоупотреба на својата положба во врска со авансна исплата во износ од околу 700.000 евра кон фирма-изведувач задолжена за изградба на трибина на охридскиот стадион „Билјанини Извори“.

„Утврдено е дека Одборот за итност на ФФМ на 27. ноември 2024 година донел одлука за прифаќање на понуда од ДПТУ „Енергоинвест Трејд“ ДОО Скопје за изградба на трибина на стадионот „Билјанини Извори“ во Охрид, во износ од 202.919.610,00 денари, без услов за авансно плаќање, и го овластил тогашниот претседател Муамед Сејдини да потпише договор согласно прифатената понуда. Спротивно на донесената одлука, Сејдини на 03. декември 2024 година, злоупотребувајќи ја својата положба, потпишал договор со вметнат услов за авансно плаќање од 20 проценти, што било извршено без обезбедена банкарска гаранција и без соодветно овластување“, соопшти ФФМ.

„Со ваквото постапување, Дисциплинската комисија утврди дека Муамед Сејдини го измамил и довел во заблуда Управниот одбор на ФФМ и нанел сериозна материјална штета на Федерацијата, поради што му е изречена соодветната дисциплинска санкција“, се додава во соопштението.

Сејдини беше на чело на ФФМ во два мандати од 2019 до 2025 година.

The post ФФМ ГО КАЗНИ СВОЈОТ ЕКС-ПРЕТСЕДАТЕЛ Авансирал 700.000 евра за трибини во Охрид appeared first on plusinfo.mk.

Фудбалската инфраструктура во Македонија влезе во нова визуелна ера. Фудбалска федерација на Македонија инвестираше во нов, сопствен ЛЕД-екран со вкупна должина од 210 метри на Национална арена „Тодор Проески“, потег што директно го менува доживувањето на секој натпревар.

Претседателот на ФФМ, Масар Омерагиќ, потврди дека станува збор за трајна инвестиција, без изнајмување и без привремени решенија, со јасна цел – модерни стандарди и професионален изглед на најголемиот спортски објект во државата.

Споделувајќи снимка од црвената трака која го краси стадионот тој напиша:

„До сега, единствено во Македонија рекламите на стадионите се поставуваа преку ‘дрвени табли’. Правиме исчекор кон современите стандарди. Без изнајмување, со јасна визија. Уште едно исполнето ветување, уште еден конкретен чекор кон професионализација и стандарди какви што заслужуваат репрезентацијата, публиката и фудбалот во Македонија“.

The post 📽️ ЏИШ ЦРВЕН ЛЕД ОД 210 МЕТРИ НА АРЕНАТА „ТОДОР ПРОЕСКИ“ Нова визуелна ера за македонскиот фудбал appeared first on plusinfo.mk.

Фудбалската федерација на Македонија (ФФМ) го светна Градски стадион.

Новото раководство на Куќата на фудбалот реши да се посвети на подобрување на состојбата на Националната арена.

„Секое столче, секој агол. Националната арена во полн сјај! ФФМ ги светна столчињата, ги исчисти трибините, го средува теренот…промените се случуваат“, објавија од ФФМ.

The post 📽 СВЕТНА ГРАДСКИОТ СТАДИОН Трибините конечно се исчистени и обновени appeared first on plusinfo.mk.

Поранешниот фудбалер на Слога Југомагнат и Вардар, и долгогодишен спортски работник, 51-годишниот Омерагиќ во неделата беше избран со акламација за прв човек на македонскиот фудбал, наследувајќи го Муамед Сејдини.

Потенцирајќи дека оваа година се одбележуваат 30 години од членството на ФФМ во УЕФА, Чеферин во писмото до Омерагиќ посочи дека ФФМ изминатите три децении се работеше многу во градењето и развојот на фудбалот, па изрази уверување дека новото раководство ќе продолжи со напредокот.

„Масар, бидејќи одблизу го знаете притисокот од играњето и менаџирањето со фудбалот на највисоко ниво, верувам дека со сето срце ќе го прифатите потенцијалот на фудбалот во Македонија и ќе продолжите да ги бележите точките за напредок, кои вашата федерација и вашата држава го заслужуваат“, порача Чеферин во писмото до Омерагиќ.

The post ЧЕСТИТКА ОД ЧЕФЕРИН ДО НОВИОТ ПРЕТСЕДАТЕЛ НА ФФМ Првиот човек на УЕФА очекува успешна соработка со Омерагиќ appeared first on plusinfo.mk.

Вонредното собрание беше закажано на 17 ноември, откако Муамед Сејдини поднесе оставка на претседателското место во ФФМ.

Единствен кандидат за негов наследник е поранешниот фудбалер на Вардар и Слога Југомагнат, Масар Омерагиќ.

Комисијата за избори и верификација во рамки на ФФМ на почетокот на декември го прифати предлогот на Општинскиот фудбалски Сојуз на Свети Николе за поддршка на кандидатурата на Омерагиќ за претседател на ФФМ.

Јавна поддршка Омерагиќ да биде избран за нов претседател на ФФМ изминатиот период дојде од многу познати поранешни македонски фудбалери, предводени од Горан Пандев, Илија Најдоски, Агим Ибраими, Гоце Седлоски и Ѓорги Христов.

Сејдини беше на чело на ФФМ од март 2029 година. Во 2021 доби нов четиригодишен мандат, кој требаше да заврши во март идната година.

The post ВОНРЕДНО СОБРАНИЕ ЗА ИЗБОР НА НОВ ПРЕТСЕДАТЕЛ НА ФФМ Омерагиќ ја има поддршката од познати екс-репрезентативци appeared first on plusinfo.mk.