За време на фудбалски натпревар доцна попладнево во Лозница, на 100 километри западно од Белград, при удар на гром 11 играчи се полесно повредени.

Според српски медиуми, фудбалскиот натпревар се одиграл помеѓу Раднички од Клупци и Цер од Петковица.

Десет играчи на домашниот тим се полесно повредени, а играч на Цер е потешко повреден и е хоспитализиран.

Во саботата во Чешка се случи слчен инцидент, во градот Опава гром удри за време на фудбалски тренинг на деца. Едно дете е хоспитализирано со тешки повреди додека други седум и еден возрасен се здобија со полесни повреди.

The post ГРОМ ПОВРЕДИ 11 СРПСКИ ФУДБАЛЕРИ Еден е во болница appeared first on plusinfo.mk.

Додека другите тенисери се подготвуваат за американската турнеја, Новак Ѓоковиќ одмара – тој дел од годишниот одмор го поминува со своето семејство во Хрватска, а во последните денови веќе имаше информации за тоа каде е и што прави.

Сега ситуацијата е малку поинаква, бидејќи Новак Ѓоковиќ има и многу популарно друштво во Хрватска – Александар Чеферин претседателот на УЕФА, како и хрватските репрезентативци Лука Модриќ и Матео Ковачиќ.

Според хрватските медиуми, заедничката фотографија на четворицата луѓе од светот на спортот е направена на Корчула, каде што секој од нив е добредојден гостин. Новак Ѓоковиќ ја посети Хрватска минатата година за време на летната сезона, а меѓу другото, беше на Корчула, каде што имаше неколку дена за релаксација.

Novak Djokovic with Luka Modric in Croatia

pic.twitter.com/tEGcpoR9nr

— The Tennis Letter (@TheTennisLetter) July 22, 2025

Фотографиите и видеата што кружат на социјалните мрежи покажуваат дека Новак Ѓоковиќ го поминал своето време во Хрватска со фудбалерите Лука Модриќ и Матео Ковачиќ, и со првиот човек на УЕФА, Александар Чеферин. Четворицата сигурно поминале многу време зборувајќи за фудбал бидејќи Ѓоковиќ е голем симпатизер и познавач на овој спорт, но и навивач на Милан, каде Модриќ ќе ја продолжи својата кариера.

Двајцата хрватски играчи очигледно беа добри домаќини за српскиот тенисер, бидејќи двајцата добија подароци од најголемиот на сите времиња на крајот од нивната средба. Новак Ѓоковиќ им ги потпиша своите маички „Лакоста“ на хрватските играчи, заедно со специјални пораки што ќе бидат убав спомен.

Nole also signed shirts to Modric and Kovacic
Korcula Island Croatia @DjokerNole#Croatia #vacation #NoleFam pic.twitter.com/qeGgdPMVz4

— Milica Milutinovic (@MilicaM84932667) July 22, 2025

„За Матео, од срце ти посакувам сѐ најдобро“ пишува на маицата што ја доби Ковачиќ, додека на онаа на Модриќ пишува „За Лука, од дното на моето срце за спомен, сѐ најдобро брате“.

Погледнете ја заедничката фотографија на хрватските спортисти, Новак Ѓоковиќ и сувенирите што ќе ги задржат играчите од средниот ред.

The post 📷 ЃОКОВИЌ ОДМОРОТ ГО ПРОДОЛЖИ ВО ХРВАТСКА Погледнете со кого Србинот се дружеше во Корчула appeared first on plusinfo.mk.

Здравјето и благосостојбата на играчите остануваат клучно прашање за ФИФА, истакна првиот човек на светскиот фудбал Џани Инфантино, во контекст на критиките поврзани со новиот, проширен, формат на Светското клупско првенство во веќе преполнетиот календар.

Синдикатот на играчи (ФИФПРО), шпанската Ла Лига и група европски лиги поднесоа заедничка жалба до антимонополските регулатори на Европската унија претходно во октомври, обвинувајќи ја ФИФА за „злоупотреба на календарот“.

Критичарите тврдат дека новиот формат на Светското клупско првенство во организација на ФИФА со 32 екипи и другите проширени турнири ќе го зголемуваат бројот на натпревари секоја сезона и ќе им остават на играчите малку слободно време помеѓу натпреварите.

Инфантино во интервју за Си-Ен-Ен рече дека влијанието на Светското клупско првенство врз благосостојбата на играчите ќе биде ограничено.

– Тоа е натпреварување што се одржува на секои четири години. Победникот игра седум натпревари – што е како уште еден и пол натпревари годишно – така што нема големо влијание – наведе Инфантино.

– Тоа што се случува во светскиот фудбал е дека имаме многу натпревари за многу малку тимови, многу малку играчи. Зборуван за оние кои стигнуваат можеби до последната фаза од сите натпреварувања, што е повторно многу ретко. Значи, сè на сè, тоа е сосема избалансирано. Но, ние обрнуваме многу внимание на календарот и здравјето на играчите. Мислам, сакаме да сториме сè за играчите да имаат за да играат на најдобар начин. И тоа е нешто што многумина играчи ми го пренесуваат. Тоа што сакаат е да играат, а не да тренираат, нели? – заклучи првиот човек на ФИФА.

Инфантино исто така рече дека работната група на ФИФА, предводена од поранешниот тренер на Арсенал, Арсен Венгер, го анализира влијанието на Светското клупско првенство врз благосостојбата на играчи

The post ИГРАЧИТЕ ПУКААТ ОД УМОРОТ, А ФИФА ГО ШИРИ КАЛЕНДАРОТ Инфантино тврди дека сè е под контрола appeared first on plusinfo.mk.

Црногорските аеродроми ја губат трката со Тирана поради одлуките кои доведоа до намалување на бројот на летови на нискобуџетните компании, а ноќните летови се стар проблем.

Тоа го почувствувале и црногорските фудбалери и делегацијата, која со нив се вратила од Кардиф, бидејќи авионот на бугарската компанија „БХ ер“ повеќе од 40 минути кружел околу Херцег Нови, пишува РТЦГ.

Причината за ова е што освен во летниот период, аеродромот во Подгорица не сообраќа пред 5:30 часот, па слетувањето било невозможно.

Поради оваа причина, чартер-летот од Кардиф беше планиран во 1:30 по локално време (2:30 по наше време), а веднаш по качувањето, капетанот најавил дека авионот ќе биде во воздух два часа и 20 минути.

А, наместо да слета нешто пред пет часот, авионот слетал точно во 5:31 часот. Аеродромот дотогаш бил во длабок сон, јавуваат црногорските медиуми.

Аеродромот во Подгорица ниту е во „длабок сон“, ниту некој од вработените спие

Аеродромот во Подгорица во тековната летна сезона е отворен за сообраќај од 7 часот, што значи дека дозволивме авионот на „Бугарија ер“ да слета час и половина порано – во 5:23 часот заврши обиколката на местата за маневрирање, а авионот слетал во 5:31 часот. Според тоа, авионот не слетал со никакво задоцнување.

„Дополнително, истакнуваме дека оваа авиокомпанија, иако знаеле дека аеродромот е отворен за сообраќај од 7 часот, ја прифатиле нашата понуда да изврши принудно слетување во 5.40 часот, што, според тоа, значително го знаеле пред поаѓањето од Кардиф. Зошто компанијата решила да полета уште порано е прашање за нив. Во оваа прилика нагласуваме дека отвореноста на аеродромот за сообраќај и работното време на вработените во аеродромот не се иста работа. Поточно, во текот на летната сезона, која во воздухопловството трае до крајот на октомври, работното време на вработените започнува во 04:45 часот, додека сообраќајот се реализира од 7 часот. Значи, јасно е дека утрово, со дополнителни напори на Техничката служба, Службата за планирање и управување со сообраќајот, службата за копно, Службата за безбедност и службата за спасување и противпожарна заштита, го опслуживме овој авион и неговите патници – напред на времето. Дополнителен сензибилитет беше изразен бидејќи се работи за репрезентацијата на Црна Гора“, реагираат од аеродромот во Подгорица.

The post АЕРОДРОМОТ ВО ПОДГОРИЦА БИЛ ВО „ДЛАБОК СОН“!? Авионот со црногорската репрезентација кружел 40 минути над Херцег Нови appeared first on plusinfo.mk.

Во прашање се Ејнар Гундерсен и Јерген Јуве. Првиот почина во 1962 година, а вториот во 1983 година.

И покрај ова тие се најдоа на списокот на антидопинг агенцијата заедно со актуелните репрезентативци Ерлинг Халанд, Странд Ларсен, Антонио Нуси и Оскар Боба.

За тоа проговори селекторот Стале Солбакен.

– Сите се запрашавме што се случи. Беше сериозна ситуација, веднаш се јавивме во агенцијата и ги прашавме дали се сериозни или се работи за скриена камера. Најверојатно ја погледнале листата на најдобри стрелци при правењето на нивниот избор. Малку доцна ги повикаа Гундерсен и Јуве, мислам дека тестовите ќе бидат негативни – потенцира Солбакен.

Потоа сериозно се зафати со приказната.

– Во Федерацијата секогаш сме добро примени, драго ни е што на хумористичен начин разбраа се. Но, останува фактот дека имаше голема грешка. Не можеме со сигурност да знаеме каде точно се случи грешката, но можеме да кажеме дека ќе бидеме многу повнимателни во иднина – заврши Солбакен.

Инаку, Јуве е најдобриот стрелец на норвешкиот тим во историјата со 33 гола. Гундерсен постигна 26.

The post ГО ПОВИКАЛЕ ХАЛАНД НА ДОПИНГ ТЕСТ СО ДВАЈЦА ПОЧИНАТИ ФУДБАЛЕРИ Норвешката анти-допинг агенција направила скандал appeared first on plusinfo.mk.

На една недела пред крајот на летниот преоден рок, речиси сите играчи на Лион се ставени на трансфер листата.

Клубот за да го испочитува финансискиот фер-плеј има рок уште една едела да собере 100 милиони евра.

„Л’Екип“, објави дека клубот на сите фудбалери им испратил порака дека сите се на продажба и дека ќе бидат продадени доколку некој им понуди сумата која ги задоволува нивните апетити.

Намерата на раководството на Лион е да инкасира 100 милиони евра крајот на летото, односно потребни им се уште 75 милиони евра за да биде се во ред со нивните книги.

The post ЛИОН ГО ПРОДАВА ЦЕЛИОТ ТИМ! Сите фудбалери ставени на трансфер листата appeared first on plusinfo.mk.

Французите стигнаа до полуфиналето со победата против Аргентина во меч кој го одбележаа бројни инциденти. Раниот гол, веќе во петтата минута, беше доволен за домаќините да слават против „гаучосите“.

За Французите, кои од клупата ги предводи Тиери Анри, стрелец беше Жан-Филип Матета, напаѓач на Кристал Палас. Сепак, она за што се пишува и зборува повеќе од самиот натпревар е она што се случи по натпреварот. Веднаш по неговиот крај, дојде до физичка пресметка меѓу играчите.

Сè траеше околу две-три минути пред играчите да бидат разделени. Инцидентот се случил и во тунелот што води кон соблекувалните. Пред, за време и по натпреварот, домашната публика ги исвиркуваше фудбалерите на Аргентина и нивниот селектор.

Се претпоставува дека за се е виновен расистичкиот испад на некои играчи на аргентинската репрезентација по освојувањето на Копа Америка. Тогаш „излезе на површина“ видео на кое се гледа како играчите на сениорската аргентинска репрезентација пеат дека француските репрезентативци се „од Ангола“ и дека имаат „мајки Нигеријки“ и „татковци од Камерун“.

The post СЕ СТЕПАА ФУДБАЛЕРИ Аргентина и Франција не војуваа само на теренот appeared first on plusinfo.mk.

Шпанскиот Ел Конфиденсијал објави дека тамошната безбедносно-разузнурувачка служба ја растурила самопрогласената „Фондација Илам“, еден од најголемите пропагандни центри поврзани со Исламската држава, пренесува Марка.

Наводно, хакираната мрежа им наредила на своите следбеници да го нападнат автобусот на играчите на Реал Мадрид, како и навивачите на клубот.

На постер кој стана вирален, може да се види фигура со качулка како пука во автобусот на Реал, со порака која гласи: „Драг мој брат. Чекај во близина на пристигнувањето на играчите. Стрелај во нив и во навивачите“.

El Estado Islámico pidió atentar contra los jugadores del Real Madrid y sus aficionados https://t.co/1NRDzCra8n

— El Confidencial (@elconfidencial) June 17, 2024

Друг постер го илустрираше нападот на стадионот „Сантијаго Бернабеу“.

„Драг мој брату во Ал-Андалус. Ве очекува многу достојна цел. Упаднете во толпата, одвлечете го вниманието на обезбедувањето со импровизирани експлозиви и мамки и одлучно тргнете кон главната цел“, пишува во пораката.

Покрај нападите врз играчите и навивачите на Реал, беше поставен и постер со стадионите на Арсенал (Емирати), ПСЖ (Паркот на Принцовите), Атлетико Мадрид (Ванда Метрополитано) и Реал Мадрид (Сантијаго Бернабеу) со натпис „Убијте ги сите“.

Во соработка на шпанската полиција, Европол и на ФБИ со властите на Холандија, Германија, Франција, Естонија, Романија и Исланд, уапсени се девет лица.

The post 📷 СПРЕЧЕН НАПАД НА АВТОБУСОТ НА РЕАЛ МАДРИД И НА НАВИВАЧИТЕ Шпанската служба спречи голема трагедија appeared first on plusinfo.mk.

Сан пренесува дека еден од фудбалерите е осомничен за напад и помагање во силувањето, но и дека разговарал со полицијата и пред официјално да биде уапсен. Вториот фудбалер најпрвин бил уапсен, а подоцна и сослушан. Двајцата фудбалери сега се ослободени бидејќи за нив е платена кауција.

„Сега работата е во рацете на полицијата, нашиот фудбалски клуб нема да дава никакви изјави во оваа фаза од истрагата“, изјави за Сан извор од клубот.

Во последно време зачестија случаите на силување меѓу фудбалерите, а неодамна беше осуден и Робињо. Дани Алвеш, како и Мејсон Гринвуд исто така беа обвинети за силување.

The post СКАНДАЛ ВО АНГЛИСКАТА ПРЕМИЕРЛИГА Полицијата упадна на стадионот за да ги уапси двајцата фудбалери appeared first on plusinfo.mk.

Српската полиција идентификувала двајца осомничени за убиството. Се трага по Василиј Гачевиќ (23) и Марко Даничиќ (23), а полицијата ги повикува сите граѓани кои имаат корисни информации да се јават.

Двајцата осомничени се фудбалери. Српските медиуми пренесуваат дека, според информациите од интернет, Даничиќ настапува за српскиот клуб Вајт Иглс од Торонто, Канада. Гачевиќ пак настапува во Србија, во првиот состав на фудбалскиот клуб Црвена звезда Мали Мокри Луг.

Порталот Нова.рс неофицијално дознава дека мотивот за убиството била одмазда за настан од пред две години. Тогаш Гачевиќ и Даничиќ наводно се судриле со Савиќ кај Ада Циганлија, при што настанала тепачка во која Савиќ му ја скршил вилицата на еден од осомничените.

Савиќ беше убиен во ноќта меѓу саботата и неделата на улицата Дунавска, Дорчол, во центарот на Белград.

– За да избегне конфликт, Савиќ почнал да трча по улицата Дунавска. Во еден момент напаѓачите го стигнале, го собориле на тротоарот и почнале да го удираат. Потоа, еден од напаѓачите извадил нож и го прободел младиот човек – вели соговорникот на Телеграф.

Случаен  минувач Стефан М.(22), се обидeл да го спречи нападот, но напаѓачите и нему му нанеле неколку убодни рани. Пријател го ставил избодениот млад човек Стефан М. во возило и на пат кон болница ја известил полицијата дека на улицата Дунавска се случило кривично дело.

– На инспекторите им кажале дека оделе по улицата кога виделе двајца како го удираат трето лице, а потоа и го избодуваат со нож. Додека се обидувале да го заштитат, напаѓачот со нож го избодел еден од нив во градите. Тие објасниле дека Стефан истрчал од автомобилот да му помогне на младиот човек кој не го ни познавал – додава соговорникот.

The post СРПСКИ РЕПРЕЗЕНТАТИВЕЦ УБИЕН ВО БЕЛГРАД Двајца фудбалери осомничени за убиството appeared first on plusinfo.mk.