Така, прашан за Ангела Меркел и нејзините омилени јадења, готвачот на канцеларката во една прилика одговорил:

– Не можам да ви кажам што таа претпочита – инаку овие јадења би се готвеле насекаде низ светот.

Инаку, познато е дека канцеларката, наводно сакала печива, како и супа од компири и зелка.

Путин

Рускиот претседател е познат по стравот од труење, па наводно, најмил човек со полно работно време, за да ги пробува јадењата приготвени за него. Со својата склоност кон сладолед од ф’стаци, инаку, и лете и зиме во Русија, наводно, Путин останува „конзервативно доследен“ кон оваа слатка закуска.

Буш и Обама

Во 1990 година, републиканецот Џорџ Буш го забрани консумирањето брокула за време на ручек во Белата куќа, како и во просториите на Воздухопловните сили, па остана запаметен по неговата „славна“ изјава:

– Не сакам брокула, никогаш не ми се допаѓал овој зеленчук. Како мал, мајка ми ме хранеше со тоа. Сега сум претседател на САД и веќе нема да јадам брокула!

Тоа пак, следствено ги поттикна земјоделците да испратат 10 тони зелјест зеленчук во Белата куќа во знак на протест.

За разлика од Мишел Обама, која е поборничка против дебелината и за овошје, зеленчук и здрава исхрана, Барак Обама беше редовен посетител на рестораните за брза храна и е познат како љубител на мексиканското чили.

Кралицата Елизабета

Кралицата го започнува денот со шолја зелен чај од нејзиниот омилен бренд – англиска компанија „Твинингс“ – со овошје, а понекогаш и омлет со чаден лосос. За ручек таа претпочита вино „Дубоне“, риба со спанаќ и тиквички или пилешко на скара, а избегнува јаглехидрати.

Вечерата на британската кралица се состои само од месо и зеленчук.

Хитлер

На изненадување на многумина, можеби, Адолф Хитлер не јадел месо и бил речиси вегетаријанец. Последниот оброк на Хитлер беше точен показател за тоа. На 30 април 1945, 25-годишна девојка пристигнала во бункерот на Хитлер, каде што добила задача да приготви изматени јајца со пире од компири.

Како што раскажуваат Викторија Кларк и Мелиса Скот во нивната книга „Вечерата на диктаторите“, Хитлер бил повеќе пријателски настроен кон животните отколку кон луѓето, но тој не бил посветен вегетаријанец, оти понекогаш сакал „живинско месо од Хамбург“ – месо од гулаби, полнето со џигер, јазик, и ф’стаци.

Жак Ширак

Жак Ширак бил познат како гостопримлив домаќин кој на гостите им ги нуди омилените јадења. Сакал азиска кујна и нетрадиционални јадења, како говедска глава. Французите знаат и дека поранешниот претседател Франсоа Оланд не сакал артичока и аспарагус.

Саркози

И за поранешниот претседател Никола Саркози, Бернард Вакон, кој ја води кујната во Елисејската палата речиси 40 години, вели дека тој мразел артичока, но сакал чоколадо.

–Беше познат и по тоа што не сака вино и сирење, а беше зависен од чоколадо. Саркози претпочиташе и обични салати, бело месо и секако – тестенините на неговата италијанска сопруга Карла Бруни – истакнува Вакон.

Кастро

Неговиот пријател, колумбискиот писател Габриел Гарсија Маркез го опишува Кастро како „неуморен рибар кој бара нови рецепти и готви со труд, љубов и посветеност на научник“. Тој бил познат по неговата страст за книги за готвење, по собирањето рецепти и готвењето за неговите најблиски да ги вкусат вкусните јадења. Според блиските, тој сакал да готви тестенини.

Садам Хусеин

Хусеин го водеше Ирак меѓу 1979 и 2003 година. Тој претпочитал свежо, не многу мрсно месо, како и свежи ракчиња и маслинки од Голанската Висорамнина, а омиленото јадење му бил месопотамскиот тн. масгуф, но сакал и свежа риба, чорба од бамја, супа од леќа…

Поранешниот либиски претседател Моамер Гадафи е познат по неговата љубов кон млекото од камила. Иако страдал од стомачни болки, не престанал да го пие. Неговата љубов кон пијалакот била толку силна што секогаш настојувал и гостите да го пробаат тоа.

Лидерот на Северна Кореја Ким Јонг-ил (1994-2011) е познат по својата слабост кон супата од перки од ајкула и кучешко месо… А, неговиот ориз го правеле група жени, кои избирале зрна ориз со ист облик, боја и должина и ги готвеле на оган од дрвја исечени од планински врв во близина на границата со Кина.

Тој сакал и суши и свежа риба што се јаде додека е жива. Додека неговата храна се одгледуваше само за него, велат, многу од Севернокорејците гладуваа.

Сталин

Вториот лидер на СССР, е познат по својата моќ и суровост, преоразбата на земјоделската земја во индустриско општество и победата над силите на Оската во Втората светска војна. Меѓу неговите омилени јадења биле традиционалниот десерт од јаткасти плодови и карамела натопени со мед, од неговата родна Грузија.

Свечените гозби на Сталин често траеле и до шест часа, па на трпезата имало и други грузиски јадења и намирници – ореви, лук, праски и калинки.

Мусолини

Бенито Мусолини е еден од основачите на фашистичкото движење во Италија, а неговата омраза кон Франција одела и подалеку од политиката. Тој еднаш рекол:

– Француската кујна е бескорисна, а италијанската кујна е најдобра на светот.

Тој претпочитал да јаде дома со сопругата Ракел и неговите деца и сакал сите членови на семејството да бидат на масата кога тој ќе се врати дома. Омиленото негово јадење било едноставна салата со мелен лук, путер и лимон. Очигледно неговата исхрана подоцна се променила, оти во 1945 година, му било дијагностициран зголемен црн дроб, висок шеќер во крвта и болест на дебелото црево.

Според некои наводи, тој сакал да проба и пилешко, но и зајачко месо во својата исхрана.

The post ПУТИН САКА СЛАДОЛЕД ОД Ф’СТАЦИ, ХИТЛЕР БИЛ ВЕГЕТАРИЈАНЕЦ Еве што претпочитаат светските лидери appeared first on plusinfo.mk.

– Износот на капиталните инвестиции е намален за 13 милиони евра во споредба со буџетот од 2020 година, што покажува дека оваа неспособна власт нема намера да направи ништо и оваа година, како и претходните години наназад. Патем се покажаа исклучително неодговорни, па и овие суми кои сега ги зацртуваат се сомневаме дека ќе успеат барем половина да ги реализираат – велат од партијата.

Оттаму забележуваат и на непродуктивните трошења.

– Овие ставки наместо да се намалуваат во време на криза, тие или ги задржуваат или ги зголемуваат. Па така дури граѓаните се разболуваат или умираат од ковид вирусот, власта на премиерот во заминување Зоран Заев ќе продолжи да троши за возила, мебел, шкампи, ф`стаци или партиски вработувања.Со други зборови, дури власта продолжува да се луксузира, граѓаните и понатаму ќе поминуваат ден со 50-тина денари – додаваат од ВМРО-ДПМНЕ.

Од патријата имаат забелешки и на буџетот за здравство.

– И покрај високите задолжувања буџетот на Министерството за здравство за 2021 година ќе биде помал за 4,68% спореден со претходно. Исто така ги скратија и средствата за новиот клинички центар и клиничката болница во Штип, што значи дека и оваа година нема ништо од овие капитални инвестиции во здравството. Да сакаа нешто да направат владејачкото мнозинство ќе ги прифатеа амандманите со кои се предвидуваа средства за набавка на 50 амбулантни возила или за обезбедување на средства за бесплатни ковид тестови за граѓаните. Вака граѓаните остануваат сами да се справуваат со епидемијата, дури функционерите се привилегирани и се тестираат експресно и бесплатно или се лекуваат на државен трошок во јавното здравје, дури народот плаќа на приватно – велат од ВМРО-ДПМНЕ.

The post ВМРО-ДПМНЕ: Во Буџетот за 2021 ќе има за ф`стаци и шкампи, ама нема за инвестиции во здравството appeared first on plusinfo.mk.