Судењето за случајот „Меѓународен сојуз“ доби нов тек, откако бизнисменот Ардијан Амзоски, сопственик на компанијата „Дрим билдинг“, се откажа од кривичниот прогон против Бојан Јовановски-Боки 13, како и од оштетното побарување кое претходно го имаше.

Амзоски во своето сведочење изјави дека во проектот влегол поради довербата што ја имал во Фросина Ременски и во Александар Кирацовски, нагласувајќи дека според него, Јовановски не е виновен.

Адвокатот Владимир Туфегџиќ, кој го застапува Јовановски, за порталот Скопје1 потврди дека неговиот клиент и Амзоски склучиле спогодба.

– На последната главна расправа, Ардијан Амзоски сведочеше за неговите контакти со Бојан Јовановски и посочи дека во проектите влегол врз основа на уверувањата на Фросина Ременски и Александар Кирацовски, кои биле присутни на средбите и го уверувале во успехот на проектот. Тој истакна дека никогаш немало да соработува со Јовановски, доколку не бил убеден од нив. Се откажа од оштетното побарување и од кривичниот прогон, бидејќи со Јовановски постигнал договор за враќање на средствата, кој веќе делумно се реализира – изјави Туфегџиќ.

Амзоски и во претходното сведочење пред Кривичниот суд посочи дека на состаноците, покрај него, Јовановски и Јасна Мандиќ, присуствувала и Фросина Ременски, која подоцна беше ослободена од вина, како и Александар Кирацовски, кој го убедувал дека проектот ќе биде успешен.

Во рамки на договорената соработка, Амзоски дал 350.000 евра во готово за проектот поврзан со изградба на европски центри за возрасни лица, кој на крајот не бил реализиран.

Според договорот, обврска на инвеститорите била изградбата на комплексот, додека претставниците на „Меѓународен сојуз“ требало да обезбедат државно земјиште по цена од 1,5 до 1,8 евра за квадратен метар, како и ослободување од плаќање комуналии и градежна дозвола.

Пресудата за „Меѓународен сојуз“, со која претходно Бојан Јовановски беше осуден, беше укината, а судењето започна одново. Се презентираат нови докази, при што Јовановски и останатите обвинети настојуваат да ја докажат својата невиност, додека Обвинителството не се откажува од кривичниот прогон.

Дејствијата кои првично ѝ беа припишувани на Фросина Ременски, која беше ослободена од вина, сега му се ставаат на товар на Јовановски.

The post РЕМЕНСКИ И КИРАЦОВСКИ ГО УБЕДИЛЕ ДА ИНВЕСТИРА Бизнисменот Амзоски се откажа од прогон на Боки 13 appeared first on plusinfo.mk.

Апелација одлучи да ја потврди ослободителната пресуда за експратеничката и потпретседател на СДСМ, Фросина Ташевска-Ременски.

Ваквата одлука доаѓа поради суштествени повреди, а по жалбите кои беа поднесени од обвинетите, пренесе порталот Скопје1.

„Апелациониот суд Скопје во интерес на јавноста и медиумите информира дека постапувајќи по кривичниот предмет познат како ‘Меѓународен сојуз’, по одржана јавна седница и разгледување на списите во предметот, пресудата, изјавените жалби, предлогот на Вишото јавно обвинителство Скопје, како и усмените наводи изнесени на јавната седница, на 24.01.2024 година, а по извршено советување и гласање на ден 02.02.2024 година, донесе пресуда со којаделумно ги уважи жалбите на Основното јавно обвинителство за гонење организиран криминал и корупција Скопје и на обвинетиот М.J. на начин што пресудата на Основниот кривичен суд Скопје КОК.бр.49/20 од 07.04.2022 година:

– ја потврди во ослободителниот дел по однос на обвинетите Ф.Т.Р. и Х.Б. двете од С. за кривично дело Измама од член 247 став 4 в.в со став 1 и в.в. со член 24 од Кривичниот законик и

– ја преиначи во осудителниот дел – делот на одлуката за кривичната санкција по однос на обвинетиот М.Ј. од С., за кривично дело Неовластено изработување, држење, посредување и тргување со оружје или распрскувачки материи од член 396 став 1 од Кривичниот законик со што обвинетиот М.Ј. од С. се осудува на казна затвор во траење од една година“, вели Апелација.

Претходно, Боки 13 пред Апелација укажа дека бара фер судење, а не милост.

The post АПЕЛАЦИЈА ЈА УКИНА ПРЕСУДАТА ЗА „МЕЃУНАРОДЕН СОЈУЗ“ Прифатена жалбата на Боки 13, Фросина Ременски ослободена appeared first on plusinfo.mk.

Потписник на оваа одлука е потпретседателот на Владата Фатмир Битиќи.

Фросина Ременски е редовна професорка на Факултетот за безбедност во Скопје. Како член на СДСМ беше пратеник, потпретседателка на Собранието и министерка за труд и социјална политика на Македонија.

The post ФРОСИНА РЕМЕНСКИ ОДИ ВО ДИПЛОМАТИЈА Именувана е за генерален конзул на Македонија во Венеција appeared first on plusinfo.mk.

„Еве едно студентско криминалистичко објаснување зошто. Грабнување на малолетно лице/дете заради изнуда е скоро исто што и земање/држење заложници за изнуда на корист како терористички елемент. Ако се точни информациите дека Вања се задушила во колата со која грабнувачите ја возеле/однеле на локацијата, тогаш пукањето во задушеното дете е ЧИН НА СВИРЕПОСТ познат во правото како најтежок облик на убиство со казна доживотен затвор. Ако Вања била задушена, во планот на монструмите таа станала неупотреблив заложник со кој не можат да изнудат ништо и затоа никој не барал ништо. Во монструозниот план на убиецот и соизвршителите чекорот што го презеле со закопување на телото на детето им било надеж дека, никогаш никој нема да ја најде и нема да бидат откриени. Најмонструозниот дел од овој план според сите криминалистички златни прашања е т.н. ТАТКО, но не само заради согласувањето сопственото дете да го даде за заложник и да им дојави за најпогодниот момент за негово грабнување во планот за изнуда што го направил со извршителите, туку заради ФАКТОТ што тој ПРВ ЗНАЕЛ дека неговата ќерка е мртва ТОЈ ПРВ ЗНАЕЛ дека нема да може да се изврши изнудата, зошто заложникот, детето е мртво, па затоа и немало барање пари и изнуда ТОЈ ЗНАЕЛ од понеделник – цели 7 дена – вели Ременски.

По ова, додава таа, поставете си го и одговорете си го прашањето КОЈ КРИЕЛ и заради каков „самит” криел.

„Чија монструозност помеѓу овие монструми е поголема здрав разум тешко може да сфати, но во криминалистиката има градација и реконструкција која ги дава сите одговори. Во сите криминалистички истраги мора да има повеќе верзии/хипотези за настанот, па така и во оваа. За да може да се поврзе убиството во Велес од страна на истата група, една од можните верзии би била: ‘Дали фризерот го дознал/знаел планот за грабнувањето на детето заради изнуда и во него ја гледале опасноста за нивно откривање, па така станал жртва’. Тешко може да се поверува дека целта била колата, а мотивот – долг од 500 евра. Кога голем број поддржувачи на Палевски и тој самиот кукаа јавно дека безбедносните служби ги третирале, работеле, дека тие не планирале никакви убиства, експозиви, оружје и сл., туку дека тие биле невидени патриоти под ѕвездата на Вергина, тогаш сите веруваа во некаква ‘света мисија’ на овие монструми од луѓе, па и пари донираа од дијаспората за нивната ‘мисија’. Очигледно требало да има клиничко посматрање на овие болесници за кои буквата ‘П’ не е Патриотизам, туку Пари и Патологија. Едно од клучните прашања е дали соодветно и континуирано се следат состојбите кај нас на линија на радикален, профитно ориентиран десен екстремизам кој е предворје на тероризмот. Ова е прашање за сите институции. И престанете да се бусате во гради со ѕвездата од Вергина, пароли, знамиња и квазипатриотизам за ‘никогаш Северна’, зошто овие идиоти им го уништија секаквото значење… Веќе ќе ви биде срам кога ќе го видите во чии раце било и како зад ‘Големиот’ патриотизам се криела монструозност и гол криминал“, коментира Ременски.

The post ДАЛИ ВО ВАЊА Е ПУКАНО ЗАШТО СЕ ЗАДУШИЛА, А ВО ПАНЧЕ ЗАТОА ШТО ДОЗНАЛ ЗА ПЛАНОТ? Фросина Ременски коментира хипотези за злосторството appeared first on plusinfo.mk.

Момироски изјави дека е подготвен за своите тврдења да разговара и со Јавното обвинителство, за да се расветли како Онишченко, „човек на Путин“ како што вели новинарот, ги поминал сите инстанци во владата и добил македонски пасош, по колкава цена го продава гасот тука и колкави проивизии се делат.

Новинарот тврди дека дека не е само Агенцијата за национална безбедност одговорна за скандалот, туку и функционери на МВР, но и врвот на владата – сите кои дале дозвола за пасош за рускиот играч што сакал да го урне американскиот претседател Џо Бајден со трансфер на видео материјали за неговиот син Хантер Бајден.

Во меѓувреме, на социјалните мрежи се појави документ со потпис на началникот Јовче Ременски, којшто е дел од досието за државјанството на Олександр Онишечнко и е класифициран како доверлива информација. Во документот пишува дека лани, на крајот на ноември, Секторот за спротивставување на тероризам и насилен екстремизам на АНБ до Одделот за безбедносни проверки и НАТО регистар испратиле одговор за Онишченко, во кој е наведено дека Секторот не располага со материјали од противуставен и криминално штетен карактер.

Интересно е дека во гостување во „Топ тема“ на телевизијата Телма, професорката на факултетот за безбедност, Фросина Ременски, инаку сопруга на Јовче Ременски, ги повика органите  сериозно да се зафатат со прашањето за истражување на причините за скандалот, за, како што рече, „да не остане да провејува она што го нарекувам инсталации на Мијалков“.

Извор на Плусинфо велат дека ова е уште еден од обидите за дефокусирање на истрагата за случајот и за отфрлање на објективната одговорност на првите луѓе на АНБ, првенствено на директорот Виктор Димовски, кој наскоро треба да замине на амбасадорска позиција во Париз.

Премиерот Димитар Ковачевски за 24 дена треба да го предложи наследникот на директорот Виктор Димовски. Но, изворот на Плусинфо тврди дека во Министерството за надворешни работи се прават проценки дали постои ризик Димовски да не добие агреман од земјата домаќин, за да амбасадорува во Париз. МНР можеби ќе сака да се поштеди од непријатности во релациите Скопје – Вашингтон, откако сегашниот дипломатски претставник на Македонија во ООН Љубомир Фрчкоски претходно не доби агреман да биде амбасадор на нашата земја во САД.

Новинарот Мимироски смета дека аферата „Онишченко“ е уште еден силен удар во грб за Вашингтон од пријателско Скопје. Тој најави дека во наредните денови ќе продолжи да открива нови детаљи за „човекот на Путин“и за неговите односи со македонските власти.

The post ОНИШЧЕНКО ТРГУВАЛ СО ГАС? Новинарот Момироски открива фрапантни детаљи за „човекот на Путин“ во Македонија appeared first on plusinfo.mk.

Давајќи образложение за најавената жалба, обвинителката Трајчева, истакна дека за неа како обвинител којшто го застапуваше овој предмет во текот на судската постапка навистина е нејасно како судот не утврдил кои се дејствијата на влијание од страна на Ременски.

– Самите оштетени посочија дека токму поради нејзината личност, функцијата која што ја извршувала во тој момент довела до потпишување на таквите договори. Кога ги имате овие два факти коишто судот и самиот ги прифатил, неспорно денеска тоа беше кажано, навистина не знам како на крајот судот донел заклучок дека Обвинителството во текот на постапката не докажа надвор од разумно сомневање дека го сторила делото кое што и се става на товар. Но, ние како странка во постапка имаме право на жалба и сметам дека тоа право секако ќе биде искористено – рече обвинителката Трајчева.

Воедно, што се однесува на осудителниот дел таа посочи дека се потврдила тезата на Обвинителството дека обвинетите ги сториле делата коишто им се ставаат на товар со предметниот обвинителен акт.

– Во однос на казните морам да кажам дека ќе мораме да ја почекаме писмената пресуда за да слушнеме точно кои околности како олеснувачки и отежнувачки биле ценети од страна на судот при одлучување и одредување на видот и висината на изречените казни бидејќи, како слушнав и денеска, самите тие околности не ги слушнавте. Оттука не можам да ви кажам дали би имало жалба во овој дел по однос на веќе изречените казни – рече Трајчева.

Правниот застапник на првообвинетиот Бојан Јовановски, адвокатот Сашо Дуковски, после изречената пресуда за „Меѓународен сојуз”, изјави дека оваа судска пресуда не се заснова ни еден милиметар на докази коишто беа изведени во текот на постапката, туку е несреќен компромис помеѓу политиката, а особено на личен анимузитет на судечкиот судија према неговите клиенти, особено кон обвинетиот Бојан Јовановски.

– Не влегувам воопшто во драконската казна дали е мала или голема, затоа што сметам дека во овој конкретен случај нема никакво кривично дело извршено од страна на обвинетиот Бојан Јовановски – изјави Дуковски и најави дека за ова пресуда ќе биде поднесена жалба.

Поранешната пратеничка од редовите на СДСМ, Фросина Ременски, по објавување на одлуката дека е ослободена од вина кратко наведе дека е задоволна од денешната одлука и побара разбирање по добивањето на пресудата да даде образложение за денешниот настан.

The post ЖАЛБИ ЗА ПРЕСУДИТЕ ВО „МЕЃУНАРОДЕН СОЈУЗ“ Незадоволна е и обвинителката за ослободувањето на Ременски appeared first on plusinfo.mk.

-Виновен е затоа што го сторил кривичното дело „измама“ и „перење пари“ – истакна судијката Софче Гавриловска.

Обвинетата Јасна Ерцеговиќ , пак, е осудена на казна затвор од 4 години, а Фросина Ременски се ослободува од обвинението.

-Јавниот обвинител не докажа дека обвинетата Ременски го сторила делото за кое се гонеше – истакна судијката.

Обвинетата Христина Блажевска пак е осудена на казна затвор од една година. Таа беше ослободена од вина за кривичното дело измама, но беше прогласена за виновна за помагање за извршување на делото „перење пари“. Таткото на Боки 13, Миле Јовановски, доби условна казна од две години.

Правното лице Меѓународен сојуз е осудено на 1 милион денари казна.

Судот пресуди и конфискација на имотна корист стекната или употребена за кривично дело.

Обвинетите се задолжени и солидарно да им ја надоместат штетата на фирмите на бизнисмените Силјан Мицески и Адријан Амзоски кои, според пресудата, биле доведени во заблуда и од имотот на своите компании на Јовановски преку Македонска авторска агенција му исплатиле износи кои надминуваат значителна вредност, и тоа 719.905 евра, односно 233.821 евра во денарска противвредност.

The post БОКИ 13 ДОБИ 9 ГОДИНИ ЗАТВОР ЗА „МЕЃУНАРОДЕН СОЈУЗ“ Ослободителна пресуда за Ременски appeared first on plusinfo.mk.

Истовремено, свои материјални докази предложи и првообвинетиот Бојан Јовановски, кој побара од судот да се изведат како докази Ватсап – комуникациите меѓу него и поранешниот премиер Зоран Заев, односно министрите Мила Царовска, Горан Сугаревски, и поранешни претставници од локалната власт.

Воедно, правниот застапник на правното лице Меѓународен сојуз, Иванка Јакимовска, пред новинарите после денешното рочиште истакна дека правниот субјект Меѓународен сојуз во своето дејствување нема никакви елементи на кривично дело, туку се работи за чист граѓанско-правен однос.

– Сметам за потребно да појаснам дека иако се работи за предмет кој е во фаза на доказна постапка јас како преставник на правното лице Меѓународен сојуз, стојам на становиште дека во неговите дејствија, односно во договорите и пред договорите кои што се направени во име и на сметка на правното лице не постои ниту еден доказ дека се работи за кривично дело – рече адвокатот Јакимовска.

На денешното рочиште за случајот „Меѓународен сојуз” според редоследот своја одбрана требаше да даде обвинетата Фросина Ременски, меѓутоа пред судот таа посочи дека во овој стадиум на судењето нема да го искористи ова право со образложение дека одбрана може да се дава во секоја фаза на постапката.

– Не бегам воопшто од испитување, напротив сметам дека не смее судот да дозволи во ова фаза инверзија на товарот на докажување. Товарот на докажување според закон е обврска на ЈО, преку главната расправа, преку изведените докази да докаже вина на обвинетите – наведе Ременски.

Според неа, во овој случај на неизведени материјални докази, на докази што одат во прилог на она што цело време го истакнува е дека постои сериозна злоупотреба во само јавно обвинителско постапување.

– Од главната расправа и се тоа што произлезе, произлегува дека преставници на локалната или извршната власт кои што имале конкретни овластувања непосредно, директно, усно комуницирале со Меѓународниот сојуз, тоа не сум јас во овој случај. Лице од законодавната власт не може да создава некаков субјективен впечаток, напротив тој впечаток веќе бил создаден ако го имал. Но, тоа воопшто не алудира на инкриминирачки дејствија кон ниту еден од посочените кој од локалната или извршната власт – рече Ременски.

Судењето за овој предмет го води судијката Софче Ефремова-Гаврилова.

Меѓу обвинетите во овој случај се и Миле Јовановски, (таткото на првообвинетиот) и Јасна Мандиќ Ерцеговиќ. Првобвинетиот Бојан Јовановски е обвинет за „измама и перење пари“, Ременски за „помагање во делото измама“, Мандиќ за „помагање во измамата и перењето пари“, а Миле Јовановски се товари за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.

The post ОБВИНИТЕЛСТВОТО ПОДНЕСЕ НОВИ ДОКАЗИ ПРОТИВ ОБВИНЕТИТЕ ВО „МЕЃУНАРОДЕН СОЈУЗ“ Ременски ја одложи својата одбрана appeared first on plusinfo.mk.

Кандидатот Јован Деспотовски освои 3.319 гласа, Фросина Ременски освои 2.836 гласа, а Ковачевски 37.649 гласа. Неважечки биле 602 ливчиња. На 194 места, вкупно гласале 44.406 членови на СДСМ.

Ковачевски им се заблагодари на Фросина и на Јован и рече дека имало фер натпревар.

– Вечерва СДСМ одржа уште една лекција по демократија, но од утре мора да засукаме ракави и да се фатиме за работа. Наша е одговорноста за сѐ што ќе се случува во партијата и во државата, ни треба силен и обединет СДСМ кој има јасни цели и енергија за обединување – рече Ковачевски.

Тој му заблагодари на досегашниот претседател на СДСМ Зоран Заев.

– Не само што оствари многу значајни победи во СДСМ, туку и со неговата храбрсот сите нѐ мотивираше и инспирираше. Заев го консолидираше СДСМ во многу тешки услови, го сруши режимот на Груевски, ја внесе државата во НАТО, нѐ научи што е партиско другарство, ни остави аманет да го продолжиме патот на демократскиот развој. Вечерва завршуваме со ветувањата, од утре почнуваме со реализиација. Многу работа за да ја вратиме довербата на граѓаните и на членството – рече Ковачевски.

Пред него, збор имаа кандидатите Деспотовски и Ременски.

– Искрени честитки за Таче, честитки за Фросина за машката борба. Таче ќе ја има обврската заедно со сите нас да се обидеме уште повеќе и уште подобро и да бидеме вистинска авангарда во регионот – рече Деспотовски и најави дека продолжува со неговиот Концепт 28 и дека веќе од утре од срце ќе продолжи да работи за партијата како обичен член.

Ременски му честиташе на Ковачевски за изборот, но и на Деспотовски со кого рече дека деновиве делеле идеи за обединување на СДСМ.

– Очекував поголема излезност на внатрепартиските избори. Но тоа е предизвик за сите нас, сето она што не сме го направиле во изминатиот период да го направиме подобро и да ги послушаме сите позитивни и негативни критики. Обединети заедно со Концептот 28 ќе го вратиме СДСМ на победничките шини – рече Ременски.

Таа рече дека ќе му го понуди својот критички однос на новиот лидер на СДСМ. А нејзината кандидатура имала симболика за „16 дена активизам“.

На крајот од вечерашната прес конференција се појави и Зоран Заев кој даде оставка од лидерската позиција по поразот на СДСМ на локалните избори. Тој им честиташе на кандидатите, но не одржа говор.

The post КОВАЧЕВСКИ Е НОВ ЛИДЕР НА СДСМ Ќе ја враќа довербата кај граѓаните и членството appeared first on plusinfo.mk.

За претседател на партијата се кандидираа тројца кандидати и тоа Димитар Ковачевски, кој е актуелен заменик-министер за финансии и член на Извршниот одбор на СДСМ, Фросина Ременски, поранешна пратеничка и екс-потпретседателка на СДСМ и Јован Деспотовски, актуелен директор на Дирекцијата на ТИРЗ. Еден од нив ќе го заземе местото на досегашниот претседател на СДСМ Зоран Заев, кој даде оставка по неуспехот на партијата на локалните избори. Заев првпат на позицијата претседател на СДСМ беше избран во 2013 година.

Согласно Правилникот за постапката и роковникот, активно се регистрирани 51.228 членови на СДСМ, а пријави се пристигнати и по истекување на предвидените рокови.

Од овие причини, имајќи го предвид краткиот временски рок за активна регистрација, но и интересот на членовите на СДСМ, Централната изборна комисија задолжена за спроведување на вонредните внатрепартиски избори во СДСМ, донесе одлука да им се овозможи на сите членови кои поседуваат електронска членска картичка да може да се регистрираат на самото гласачко место и да гласаат на вонредните внатрепартиските избори.

Гласањето на денешните вонредни избори ќе се одвива на 194 избирачки места низ општинските организации ширум државата, почнувајќи од 08 часот наутро, сѐ до 19 часот навечер. Гласањето е тајно, со заокружување на редниот број на еден од тројцата кандидати за претседатал на СДСМ кои се наоѓаат на гласачкото ливче, согласно ждрепка за утврден редослед.

Во интервју за МИА, кандидатот за лидер на СДСМ Димитар Ковачевски истакна дека партијата треба интензивно да ја спроведува европската агенда, но, како што кажа, не може да очекуваме дека ЕУ или некој друг ќе ни ги реши проблемите. Приоритет, според него, мора да е домашната политика, подигање на животниот стандард на граѓаните и јакнење на економијата.

Ковачевски верува дека со нова стратегија и реорганизација на партијата брзо ќе се врати и зголеми поддршката.

– Јас сум ослободен од внатрепартиски поделби и игри кои ги сметам за многу непродуктивни. Јас верувам дека можеме да ја вратиме поддршката веќе на следните избори, но само доколку граѓаните и членовите на СДСМ ја видат потребната промена во партијата и начинот на раководење и во Владата и во самата партија – рече тој.

Кандидатката за претседател на партијата, Фросина Ременски во интервју за МИА нагласи дека фокусот на нејзината програма е насочен кон операционализирани чекори за враќање на социјалдемократијата кон изворните корени – работничките и синдикалните движења и организации, правата на работниците, социјалната еднаквост преку враќање на законското решение за прогресивен данок, особено во време на економска, енергетска, ковид и социјална криза, кршење на „железниот закон на олигархијата“, децентрализација на партиската организација и деконцентрација на моќта и одлучувањето.

– Ќе ја свртам пирамидата наопаку. Базата ќе биде врв – врвот ќе биде основа – вели таа и ветува максимална автономија на младинските и женските организации.

Конкретна мерливост на успесите на политиките, како и фокус на луѓето, нивните практични потреби и проблеми се дел од Концептот 28, програма на кандидатот за нов лидер на СДСМ, Јован Деспотовски.

– Концепт 28 е основа за сериозна промена на начинот на практикување на политиката. Фокусот на секоја политика, на секоја влада и политичка организација стануваат луѓето, нивните практични потреби, проблеми. Доста зборуваме за ресори, за функции, за договарања, за политики што не се базираат на реални и мерливи цели. Во Концепт 28 поставуваме прецизни и мерливи резултати по кои ќе се мери учинокот на претседателот на СДСМ – вели Деспотовски во интервју за МИА.

Деспотовски вели дека доколку ја добие довербата да ја води партијата, веднаш ќе организира широка дискусија за карактерот, особините, квалитетите на идниот премиер.

– Со Концепт 28 воведуваме поголема одговорност на носителите на јавни функции. Воведуваме систем во кој кандидатите за градоначалник и пратеник ќе се бидат од членовите, а не од раководството. Така, носителите на јавни функции ќе бидат свртени кон граѓаните, а не кон лидерот. Јавните функции носат голема одговорност и оној што ќе биде избран мора да биде подготвен да се носи со истата. Нема повеќе простор за импровизации, нема „криење“ од јавноста, пријателите, соседите. Комуницираме за сите отворени прашања – рече Деспотовски.

СДСМ по вторпат годинава оди на внатрепартиски избори за лидер и тоа по само девет месеци откако, наместо на конгрес, со статутарни измени се предвиде непосредно гласање на целото членство за највисоката партиска функција.

Да не ја најавеше Зоран Заев оставката на лидерската функција, вторите внатрепартиски избори ќе требаше да се одржат во 2025 година, до кога, поради новонастанатата ситуација, веројатно ќе трае и мандатот на петтиот претседател на СДСМ кој ќе биде избран денеска.

Заев не е првиот претседател на СДСМ кој поднел оставка на функцијата. Пред него, тоа го направи Бранко Црвенковски во 2004 година, повлекувајќи се среде мандат и од лидерската и од премиерската функција, за да се кандидира за претседател на државата, а четири години подоцна од лидерското место се повлече и Радмила Шекеринска, по поразот на тогаш опозициските социјалдемократи на предвремените парламентарни избори во 2008 година.

Заев првпат беше избран за лидер на СДСМ во 2013 година, на конгрес на кој имаше двајца противкандидати, а дојде на чело на партијата од позиција на градоначалник на Струмица.

The post СДСМ ДЕНЕСКА ГЛАСА ЗА НАСЛЕДНИК НА ЗАЕВ Ќе гласаат 51.228 членови, а во игра се тројца кандидати appeared first on plusinfo.mk.