Бројни обожаватели на бендот The Lemonheads се собрале на 16 септември, во барот „Vintage Industrial“ во Загреб за да го слушнат легендарниот албум Come on Feel the Lemonheads во живо, изданието што му донесе на бендот светска слава и популарност што траеше повеќе од три децении.

Сепак, концертот завршил неславно – по само половина час, настапот бил прекинат, а фронтменот Еван Дандо, единствениот оригинален член на бендот основан во 1986 година, доживеал нервен слом на сцената.

Иако концертот сигурно ќе се памети, дел од публиката изразува големо незадоволство. На социјалните мрежи се појавија бројни коментари од разочарани посетители кои платиле 27 евра однапред за билети, или 30 евра на денот на концертот.

„Поврат на парите?“ напиша еден посетител во коментар упатен до организаторите, а други наскоро му се придружија.

„Би било фер… Штета што никој не може да ни го врати времето што го поминавме. Подобро би прочитал за ова на веб-страница отколку да го доживеам лично“, напиша друг корисник на Фејсбук.

Според критичар од Јутарњи лист, по првите неколку такта станало јасно дека Дандо не е способен да одржи концерт на високо ниво.

Инцидентот предизвика лавина од реакции. Додека некои бараат враќање на парите, други ја коментираат ситуацијата со саркастичен тон.

Организаторите сè уште не објавиле можна компензација за публиката.

The post 🎥 ХАОС НА КОНЦЕРТ ВО ЗАГРЕБ Пејачот доживеал нервен слом на бината, веднаш го отстраниле appeared first on plusinfo.mk.

Дека фронтменот на „Рибља чорба“ е во лоша здравствена состојба најпрвин беше обелоденето на официјалната Фејсбук страница на групата, каде беше наведено дека боледува од тешка пневмонија, поради што е хоспитализиран и подоцна приклучен на респиратор.

Но, како што дознаваме, Бора имал и тешко воспаление на белите дробови во април и со таа дијагноза пеел на големиот концерт во Љубљана на 20 април годинава по повод 45-годишнината од формирањето на групата.

Колку е професионален Чорба говори и фактот што иако беше болен, успеа да го одржи целиот концерт.

Ова го потврди Тамара Горичанец, водителка на телевизија и радио Актуел од Љубљана.

– Бев присутна на тој концерт. Тоа беше и еден од неговите последни концерти што ги одржа. Беше прекрасно. До последен момент не знаевме дали ќе може да пее бидејќи со тешко воспаление на белите дробови се наоѓаше во Клиничката болница. Тој сепак издржа, излезе на сцената и одржа концерт како да е здрав и млад. Екипата за итна помош цело време бепе покрај бината во случај ненадејно да му се слоши. Беше навистина прекрасно, а сега се згрозувам кога ќе размислам – вели Тамара, а потоа додаде:

„Од дете ја слушам „Рибља чорба“. Иако живее во Љубљана, никогаш немав можност да го запознаам. Знам дека многумина ја имале таа можност и сите ми кажаа дека тој е одлична личност, која сака да разговара со сите. Се надевам дека ќе оздрави и дека ќе можеме да го испиеме тоа кафе“, оптимист е водителката.

Таа имаше и порака за Бора:

„Драг Боро, издржи! Можете да го направите тоа! Имаш рокенрол во себе, но можеш и повеќе од тоа“, заклучи Тамара.

The post „ИТНАТА ПОМОШ СЕКОГАШ БЕШЕ ДО СЦЕНАТА“ Откриени детали од настапот на Бора Ѓорѓевиќ во април appeared first on plusinfo.mk.

Имено, „Ем-ти-ви“ ги цензурираше повеќето настапи на минатогодишните победници на Евровизија. На овие награди за првпат настапи италијанскиот глам рок-бенд, составен од пејачот Дамијано Давид, басистката Викторија Де Анџелис, гитаристот Томас Раџи и тапанарот Итан Торчио.

Бендот на доделувањето го изведе својот последен хит „Supermodel“. Фронтменот на бендот Дaвид го зачини настапот со интересен аутфит кој го покажа неговиот задник.

Набргу потоа, гледачите забележале дека телевизиската мрежа почнала да снима широк кадар од салата во Њу Џерси, наместо крупни снимки од настапот на бендот одблиску, пренесува „Индепендент“.

Обожавателите го изразија своето незадоволство на социјалните мрежи: „Цела ноќ чекав да ги гледам „Манескин“ на видеомузичките награди, а „Ем-ти-ви“ покажа две секунди од вистинскиот настап?! Зошто е цензурирано?“

Друго лице додаде: „Не можам да верувам дека „Ем-ти-ви“ го цензурира „Манескин“. Изведувачите „тверкаа“ цела ноќ, имаа огромна анимација за „тверкање“, но човекот што го покажа задникот беше цензуриран?“

И новинарката на „ЈуЕс тудеј“ Аника Рид го коментираше целиот настан: „Какви се овие проблеми со настапот на „Манескин“?! „Ем-ти-ви“ целосно се оддалечи од сцената подолг временски период (дали е тоа цензура или грешка?).

ФОТО: Инстаграм

The post „ЕМ-ТИ-ВИ“ ГО ЦЕНЗУРИРАШЕ НАСТАПОТ НА „МАНЕСКИН“ Дамиано Давид пееше со гол задник (ВИДЕО) appeared first on plusinfo.mk.

Фронтменот на „Металика“, Џејмс Хетфилд (59) и неговата повеќе од две децении сопруга се разведуваат.

Извори блиски до поранешната двојка велат дека Џејмс поднел барање за развод од Франческа Хетфилд (52) во Колорадо претходно оваа година.

Изненадувачки, поднесувањето никогаш не било пријавено, а парот држеше сè подалеку од центарот на вниманието, според ТМЗ.

Џејмс и Франческа се запознале во 1992 година, а се венчале во 1997 година. Заедно имаат две ќерки и еден син.

Џејмс со години ѝ ги препишуваше заслугите на Франческа дека му помогнала во тешките моменти, вклучувајќи ги и неговите проблеми со управувањето со гневот.

Џејмс во едно интервју изјавил дека Франческа еднаш се заканувала дека ќе ги одведе децата од дома доколку не го контролира темпераментот.

Тој претходно оваа година поднел барање за развод од сопругата Франческа Хетфилд, пишуваат американските медиуми.

Во подкаст во 2016 година, тој рече дека неговата сопруга во еден момент го избркала од куќата поради неговата зависност.

Музичарот сè уште не ги коментирал написите за разводот.

The post КРАЈ ПО 25 ГОДИНИ БРАК Се разведува фронтменот на „Металика“ appeared first on plusinfo.mk.

Фронтменот на украинскиот бенд „Калуш оркестра“, кој во саботата победи на Евровизија, вчера е снимен како се збогува со девојка пред да се врати во Украина, каде што, пишува британски „Дејли мејл“, ќе ѝ се придружи на украинската војска на првата линија на фронтот.

Олег Псиук, фронтменот на украинската фолк-рап група „Калуш оркестра“, вчера е снимен пред хотелот во којшто престојувал во Торино додека се поздравува со својата девојка Олександра.

Како што пишува „Дејли мејл“, Псиук по трогателниот и јавен поздрав, се вратил во Украина и се приклучил на првата линија на фронтот.

Eurovision winner kisses girlfriend goodbye outside hotel as he prepares to join frontline in war against Russia https://t.co/prZCfkJcrH

— Daily Mail Online (@MailOnline) May 15, 2022

Потсетуваме, Украина во саботата победи на Евровизија, додека Велика Британија заврши на второто место, а Србија беше петта.

Украинскиот претседател Володимир Зеленски се огласи набргу по објавувањето на резултатите, поздравувајќи ја победата и дури вети дека наредната година натпреварот ќе се одржи во Мариупол.

ФОТО: Твитер/Јутјуб

The post ТРОГАТЕЛНА СЦЕНА Победникот на Евровизија ја бакна девојката и отиде во војна (ФОТО) appeared first on plusinfo.mk.