Германскиот канцелар Фридрих Мерц му испратил рачно напишано писмо на Доналд Трамп по повод неговиот 80. роденден, а во понеделник лично ќе му врачи и подарок чија содржина засега се чува во тајност.

Писмото преку курир ќе пристигне во Белата куќа, додека мистериозниот пакет ќе биде предаден на Самитот на Г7 во францускиот град Евијан, покрај Женевското Езеро.

Што се крие во пакетот?

Од германската влада не откриваат што ќе добие Трамп, но ова не е првпат Мерц да избере необичен подарок за американскиот претседател.

При една од претходните средби му подари копија од изводот на родени на неговиот дедо од германското село Калштат, заедно со палка за голф. Подоцна му врачи и реплика од историскиот договор за пријателство и трговија меѓу САД и Прусија од 1785 година.

Роденден со спектакл

Трамп в недела ќе го прослави јубилејниот 80. роденден во Вашингтон со голем број гости и борба во кафез, по што директно ќе отпатува на Самитот на Г7.

Таму треба да се сретне со лидерите на најмоќните западни економии, меѓу кои и со германскиот канцелар.

Од добри односи до заладување

Иако двајцата лидери минатата година имаа добар почеток на соработката, односите во последно време значително заладија.

Причина се критиките на Мерц за американската политика кон Иран и кризата на Блискиот Исток. По тие изјави, Трамп најави повлекување на 5.000 американски војници од Германија.

Поради тоа, сè уште нема официјална потврда дали двајцата ќе одржат посебна билатерална средба за време на самитот.

The post ТРАМП ЗА 80. РОДЕНДЕН ЌЕ ДОБИЕ ПИСМО И МИСТЕРИОЗЕН ПАКЕТ Што му подготви Мерц среде дипломатското заладување? appeared first on plusinfo.mk.

Германскиот канцелар Фридрих Мерц денеска по самитот ЕУ – Западен Балкан во Тиват изјави дека Европската Унија планира да почне постепен процес за вклучување на земјите од регионот во Унијата, што испраќа сигнал дека тие се посакувани како полноправни членки.

– Јасната порака од денеска е, и ќе остане: Ве сакаме. И сакаме државите од овој регион наскоро да станат членки на Европската Унија – рече Мерц на прес-конференција.

Тој истакна дека целта е и останува полноправно членство на сите држави од регионот на Западен Балкан.

– Имаме стратешки интерес овие држави да ги поврземе со нас, со Европската Унија. Да им го
отвориме патот и кон институциите, на пример за учество како набљудувачи на седниците на Европскиот совет, а можеби и на Европскиот парламент – кажа Мерц.

• 13 ГОДИНИ НЕ Е ПРИМЕНА НОВА ЧЛЕНКА Европската Унија мора да покаже волја и подготвеност за проширување

Сепак, за ова ќе треба да одлучи Европскиот парламент, во рамките на своите надлежности.

– Нема веќе да има изговори, туку ќе има многу конкретни, но индивидуални процеси што ќе се однесуваат на секоја одделна држава од Западен Балкан – изјави германскиот канцелар.

Тој претходно изјави дека ЕУ мора јасно да покаже дека има политичка волја и дека е подготвена за проширувањето, кое веќе со години доцни. Нагласи дека Унијата цели 13 години нема примено ниту една нова земја-членка е јасен показател дека самата ЕУ направила одредени сопствени грешки во управувањето со процесот на проширувањето.

Франција и Германија денеска на самитот во Тиват презентираа нон пејпер, во кој се предлага постепена интеграција на Западен Балкан во ЕУ пред полноправното членство.

Европската комисија е повикана да подготви предлози за олеснување на постепената интеграција на земјите кандидати, вклучително и привилегиран пристап до единствениот европски пазар врз основа на нивниот напредок во пристапните преговори и поцврсти врски со европските институции во секојдневниот процес на одлучување.

ЕУ ДА ПОНУДИ ПОСТЕПЕНА ИНТЕГРАЦИЈА И ПРИСТАП ДО ЕВРОПСКИОТ ПАЗАР НА ЗЕМЈИТЕ КАНДИДАТИ Француско-германски нон-пејпер презентиран на Самитот во Тиват

The post ВЕ САКАМЕ ВО ЕУ Целта е полноправно членство на земјите од Западен Балкан appeared first on plusinfo.mk.

Европската Унија мора јасно да покаже дека има политичка волја и дека е подготвена за проширувањето, кое веќе со години доцни, изјави денеска германскиот канцелар Фридрих Мерц на Самитот ЕУ – Западен Балкан во црногорскиот град Тиват.

Мерц информираше дека за следните конкретни чекори за влез на земјите од Западен Балкан во Унијата веќе разговарал и со францускиот претседател Емануел Макрон. Според германскиот канцелар, овој дел од Европа во перспективна смисла е неодвоив дел од ЕУ.

Тој упати и окритика до Брисел, нагласувајќи дека фактот што Унијата цели 13 години нема примено ниту една нова земја-членка е јасен показател дека самата ЕУ направила одредени сопствени грешки во  управувањето со процесот на проширување.

ЕУ ДА ПОНУДИ ПОСТЕПЕНА ИНТЕГРАЦИЈА И ПРИСТАП ДО ЕВРОПСКИОТ ПАЗАР НА ЗЕМЈИТЕ КАНДИДАТИ Француско-германски нон-пејпер презентиран на Самитот во Тиват

The post 13 ГОДИНИ НЕ Е ПРИМЕНА НОВА ЧЛЕНКА Европската Унија мора да покаже волја и подготвеност за проширување appeared first on plusinfo.mk.

Црна Гора е на чекор да стане членка на Европската Унија. Целта на земјата е до 2028 година да го изоди европскиот пат.

Ова се пораките од европските челници за балканската земја која е најнапред во преговорите. На самитот ЕУ-Западен Балкан во Тиват беше испратена и пораката дека ЕУ мора да презеде конкретни чекори за проширувањето да биде пример за другите земји во регионот.

– Кога Црна Гора ќе стане членка на Европската Унија, тоа ќе биде доказ дека европскиот пат има смисла, дека реформите носат резултати и дека регионот има свое место во европското семејство – изјави претседателот на Црна Гора Јаков Милатовиќ по средбата со првиот човек на Европскиот совет Антонио Кошта.

Во разговорот со Кошта, беше нагласено дека земјата треба да продолжи со реформите, зајакнување на владеењето на правото, функционалноста на институциите, изборните реформи и со борбата против корупцијата.

„Тука сме поради Црна Гора“

Претседателот на Франција Емануел Макрон исто така навести скоро членство на Црна Гора:

– Причината за нашето пристигнување е проширувањето на нашата нова членка Црна Гора. Сите сме на страната на Црна Гора за да ѝ помогнеме да се интегрира што е можно поскоро.

Германскиот канцелар Фридрих Мерц, пак, изјави:

– Европската Унија мора да покаже дека има волја и е подготвена за проширување, а за тоа ќе разговараме денеска. Овој дел од Европа е дел од ЕУ во перспектива, и ако не сме приклучиле на ниту една земја 13 години, можеме да кажеме дека ЕУ направила некои свои грешки.

„Ние во европарламентот сакаме проширување“

Претседателката на Европскиот парламент, Роберта Мецола, изјави дека процесот на проширување е инвестиција во иднината и во просперитетот и дека „ние во Европскиот парламент сме големи застапници на овој процес“.

Мецола истакна дека е важно граѓаните на Црна Гора и регионот да ги видат конкретните пораки што доаѓаат од самитот.

Кој ќе ги исполни условите, ќе влезе

Претседателката на Европската комисија, Урсула фон дер Лајен, изјави дека Црна Гора постигнува одлични резултати и дека е блиску до целта да стане членка на Унијата.

– Мора да ги разбереме придобивките од членството бидејќи тоа носи многу корисни работи. Црна Гора е импресивна и постигнува одлични резултати. Продолжете по тој пат и ние сме тука да ве поддржиме. Мислам дека сте блиску до целта.

Таа нагласи дека ова е процес базиран на заслуги.

– Кој ќе ги исполни условите ќе биде дел од ЕУ – заклучи таа.

Загреб има неколку отворени прашања

Хрватскиот премиер Андреј Пленковиќ на прес-конференција во рамките на самитот изјави дека Црна Гора постигнала најголем напредок во процесот на европска интеграција меѓу земјите од регионот, но дека постојат отворени билатерални прашања.

– Првото очекување (од Загреб) е обештетување на затворениците во логорот во Бока Которска. Сакаме билатерален договор за тоа – рече Пленковиќ.

Зборувајќи за други отворени прашања, тој ги спомена имотно-правните барања на семејствата од Хрватска, прашањето за спомен-плочата во Мориње, училишниот брод „Јадран“, како и прашањето за границата меѓу двете земји.

The post ЦРНА ГОРА ЌЕ ВЛЕЗЕ ВО ЕУ ДО 2028 ГОДИНА Тука сме поради новата членка, вели Макрон appeared first on plusinfo.mk.

Нова иницијатива со која ќе се забрза интеграцијата на земјите кандидатки од Западен Балкан во ЕУ ќе покренат германскиот канцелар Фридрих Мерц и францускиот претседател Емануел Макрон на Самитот ЕУ – Западен Балкан и Молдавија во Тиват.

Во заеднички документ (position paper), владите на Берлин и на Париз се залагаат за први чекори во интеграцијата и пред полноправно членство, со цел да се забрза процесот на интеграција.

Според документот, исполнувањето одредени критериуми за прием ќе биде наградено со привилегиран пристап до заедничкиот европски пазар и со можност за испраќање набљудувачи во европските институции.

„Политиката на проширување има потреба од нов импулс“, се наведува во документот во кој увид имаше Германската новинска агенција (ДПА).

Предвидено е Мерц на Самитот во Тиват да одржи билатерални средби со премиерот на Македонија, Христијан Мицковски, со претседателот на Црна Гора, Јаков Милатовиќ и со претседателот на Србија, Александар Вучиќ.

Во овие разговори посебен акцент ќе биде ставен на перспективата на шесте земји од Западен Балкан да се приклучат кон ЕУ. Конкретно, се очекуваат првите предлози за нивна побрза интеграција во институциите и во политиките на ЕУ, дури и пред нивното полноправно членство.

Мерц претходно изјави дека се потребни нови идеи и флексибилност во процесот на проширување на ЕУ и предложи постепена интеграција на шесте земји од Западен Балкан и придружно, условено членство на Украина.

The post МЕРЦ И МАКРОН ЌЕ ГО ЗАБРЗААТ ВЛЕЗОТ НА ЗАПАДЕН БАЛКАН ВО ЕУ Кој ќе исполни критериуми, ќе влезе на европскиот пазар и во европските институции appeared first on plusinfo.mk.

The post БЕЗ ГАРАНЦИИ, НЕМА УСТАВНИ ИЗМЕНИ Најмалку што може Софија е да ги исполни пресудите appeared first on plusinfo.mk.

Премиерот Христијан Мицкоски изјави дека Владата со интерес ги следи најавите за постепена интеграција во Европската Унија, по предлогот на германскиот канцелар Фридрих Мерц, но посочи дека е рано за конкретни коментари додека иницијативата не стане официјална.

Одговарајќи на новинарско прашање, Мицкоски потврди дека ќе присуствува на Самитот ЕУ – Западен Балкан во Тиват, каде што очекува да слушне повеќе детали за предложените идеи и концепти.

– Тие размислувања и идеи ги слушаме подолго време, но не би можел да зборувам ништо додека не станат официјални. Канцеларот Мерц најави ваков развој на настаните уште на состанокот на Берлинскиот процес во Лондон минатата година и јас тоа го коментирав тогаш, дека ќе се појавуваат нови предлози и нови можности за регионот – изјави Мицкоски.

Тој нагласи дека Владата сака прво да ги слушне конкретните детали од иницијативата.

– Она што можам да го кажам во овој момент е дека сме љубопитни да дознаеме повеќе каква е идејата. Претпоставувам дека тоа ќе се случи на самитот во Тиват од 4 до 5 јуни. Јас ќе бидам таму и со нетрпение очекувам да ги слушнам овие концепти и идеи. Откако ќе имаме повеќе суштина, тогаш ќе можеме да зборуваме и во јавност – рече Мицкоски.

The post ЉУБОПИТНИ СМЕ ДА ДОЗНАЕМЕ ПОВЕЌЕ ЗА ИДЕЈАТА НА МЕРЦ Мицкоски очекува детали на самитот во Тиват appeared first on plusinfo.mk.

Германскиот канцелар Фридрих Мерц испратил официјално писмо до лидерите на Европската Унија во кое предлага нова стратегија за забрзување на проширувањето, со посебен фокус на Западен Балкан и на Украина.

Според предлогот, земјите од регионот постепено би се интегрирале во европскиот систем уште пред полноправното членство.

Мерц смета дека проширувањето е „геополитичка неопходност“, но предупредува дека сегашниот процес трае предолго и дека ЕУ ризикува да го изгуби реформскиот моментум кај кандидатите.

Информацијата доаѓа во време кога Еурактив објави дека 5 членки на Унијата преку неофицијален документ туркаат модел за постепено членство за Западен Балкан.

Пристап до европскиот пазар и институции

Германскиот план предвидува земјите од Западен Балкан, зависно од реформите, постепено да добиваат пристап до делови од единствениот европски пазар и до европските програми.

Во писмото се предлага и институционално поврзување со Брисел уште пред членството.

Тоа би значело претставници од регионот да учествуваат на заеднички седници со Европската комисија и Европскиот парламент, како и постепено вклучување во одредени политики на Унијата.

Мерц предлага и систем на постепена интеграција по области, односно земјата да добива пристап до конкретни европски механизми веднаш штом ќе исполни услови во тие сектори.

• ЕКСКЛУЗИВНО • МОДЕЛ „ЧЕКОР ПО ЧЕКОР“ ЗА ЕУ Пет членки туркаат нов план за Балканот

Украина со „придружно членство“

Во писмото, германскиот канцелар предлага и посебен модел на „придружно членство“ за Украина.

Планот предвидува Киев да добие присуство во институциите на ЕУ, претставници во Европската комисија и во Европскиот парламент, но без право на глас.

За Украина би важеле и безбедносни гаранции преку механизмот за взаемна помош на ЕУ, како и пристап до делови од европскиот буџет.

Истовремено, предвиден е и механизам за автоматско укинување на статусот доколку Киев назадува во владеењето на правото.

Балканот не сака Украина да биде привилегирана

Според информациите што ги пренесуваат медиумите, дел од земјите членки веќе се противат Украина да добие побрз и попривилегиран третман од државите од Западен Балкан.

Особено воздржани за оваа идеја се земјите од групата „Пријатели на Западен Балкан“, предводени од Австрија, кои сметаат дека регионот со години чека пред вратите на ЕУ.

The post ПРВО ПРИСТАП ДО ПАЗАРОТ, ПОТОА ЧЛЕНСТВО Мерц бара интеграција „чекор по чекор“ за Западен Балкан  appeared first on plusinfo.mk.

Германскиот канцелар Фридрих Мерц предложи Украина да добие статус на „придружна членка“ на Европската Унија како преоден чекор кон полноправно членство, оценувајќи дека таквиот модел би можел да помогне во напорите за завршување на војната со Русија.

Според предлогот на Мерц, украинските претставници би можеле да присуствуваат на самити и министерски состаноци на Европската Унија, како и да учествуваат во работата на Европската комисија и Европскиот парламент, но без право на глас и одлучување.

Германскиот канцелар смета дека овој модел би испратил силна политичка и безбедносна порака кон Киев, но и кон Москва, во период кога се водат дипломатски напори за прекин на конфликтот.

Мерц предлага и земјите-членки на Унијата политички да се обврзат дека клаузулата за заемна помош ќе важи и за Украина, што според него би претставувало дополнителна безбедносна гаранција и би придонело за стабилноста на Европа.

Украина во моментов има кандидатски статус за членство во Европската Унија, но европски дипломати предупредуваат дека целосното членство е долг процес кој подразбира сериозни реформи и ратификација од сите 27 земји-членки.

Германскиот канцелар најави дека за иницијативата ќе разговара со европските лидери во наредниот период.

The post МЕРЦ СО НОВ ПРЕДЛОГ ЗА УКРАИНА „Придружно членство“ во ЕУ како чекор кон мир appeared first on plusinfo.mk.

Најновите анкети во Германија покажуваат драматичен пресврт на политичката сцена – десничарската партија АФД (Alternative für Deutschland – AfD) убедливо избива на првото место, додека блокот на канцеларот Фридрих Мерц веќе нема парламентарно мнозинство.

Според резултатите што ги објавуваат германските медиуми, поддршката за АФД продолжува да расте, особено во источните германски покраини, но и меѓу гласачите разочарани од економската состојба, миграциската политика и од цената на енергенсите.

Кога револтот станува политички капитал

Ова е првпат во поновата германска историја една партија од крајната десница толку долго и стабилно да се задржува на врвот на анкетите. Политичкиот шок во Берлин е уште поголем бидејќи владината коалиција предводена од демохристијаните на Мерц веќе не може да смета на сигурна поддршка кај мнозинството избирачи. Германските аналитичари предупредуваат дека земјата влегува во период на сериозна политичка нестабилност.

Податоците покажуваат дека АФД повеќе не е само „протестна партија“. Нејзиниот рејтинг расте веќе неколку години, а особено забрза по енергетската криза, инфлацијата и незадоволството поради големиот број мигранти и азиланти. Дел од гласачите сметаат дека традиционалните партии повеќе не ги слушаат нивните проблеми, а АФД успеа токму тој револт да го претвори во политички капитал.

И социјалдемократите и зелените губат поддршка

Во меѓувреме, демохристијаните на Мерц не успеваат да создадат впечаток дека нудат нова визија за Германија. Иако Мерц беше претставуван како човек што треба да ја врати конзервативната база разочарана од ерата на Ангела Меркел, анкетите покажуваат дека дел од тие гласачи сега директно се прелеваат кон АФД. Особено е чувствително прашањето за миграцијата, каде АФД води многу поагресивна кампања.

Дополнителен проблем за германскиот политички центар е фактот што поддршката за социјалдемократите и зелените продолжува да паѓа. Така се создава атмосфера во која АФД станува најсилниот поединечен политички фактор, иако останатите партии и понатаму одбиваат коалиција со неа. Тоа ја отвора можноста Германија да влезе во период на долги и комплицирани преговори за идни влади.

Контроверзната реторика на АФД

Партијата АФД е основана во 2013 година, првично како евроскептична и антибриселска опција. Но, со текот на времето, таа се трансформираше во силно национал-конзервативно и антиимиграциско движење. Нејзината реторика често предизвикува контроверзии, а германските безбедносни служби делови од партијата ги следат под сомнеж за екстремистички тенденции.

Сепак, и покрај постојаните критики од политичкиот естаблишмент и голем дел од медиумите, АФД успева да ја зголемува поддршката. Политиколозите велат дека причината е едноставна – многу Германци чувствуваат дека економскиот модел на земјата повеќе не функционира како порано. Индустријата се соочува со високи трошоци за енергија, стандардот стагнира, а несигурноста расте.

Генерациски пресврт

Особено интересен е генерацискиот пресврт. Според дел од анализите, АФД веќе не ја поддржуваат само постари и конзервативни гласачи. Партијата бележи раст и кај помладите, особено на социјалните мрежи, каде успешно гради антиелитистички наратив и претставува слика дека е „единствената вистинска опозиција“.

За Европа, ваквите трендови се сериозен аларм. Германија со децении беше симбол на политичка стабилност и центристички консензус. Денес, најсилната економија во ЕУ изгледа политички поделена повеќе од кога било по обединувањето. А растот на АФД покажува дека незадоволството кај европските гласачи повеќе не е маргинален феномен, туку централна политичка сила.

The post ГЕРМАНИЈА ВО ШОК, АФД ГО ПРЕЗЕДЕ ВОДСТВОТО Анкетите го тресат Берлин, Мерц без мнозинство appeared first on plusinfo.mk.