– Омразата што господинот Еди Рама ја има кон мене и етничкото грчко малцинство во Химара не исчезнува. За жал, Албанија, земја кандидат за членство во ЕУ, покажува девалвација на европските тела во кои сака да се приклучи, но и девалвација на договорите што ги потпиша за заштита на дипломатските претставништва – изјави Белери, објави Топ чанел.

Тој потсети дека 16 месеци поминал во албанска затворска ќелија без никаков доказ.

– Овие напади не ме плашат. Албанија мора со дела да покаже дека сака да биде во Европа. Тоа не може да се направи доколку не се затворат старите рани во демократијата и владеењето на правото и додека не почне ги почитува правата на грчкото етничко малцинство – вели Белери.

При пристигнувањето во Тирана, денеска, пред зградата на Собранието помала група граѓани протестираа извикувајќи „ти си срам“, „ти си убиец“, а едно лице го гаѓаше со јајца и јогурт.

Нападот врз Белери го осуди грчкото министерство за надворешни работи.

Поради Белери Грција и Албанија ги нарушија односите.

Тој е припадник на грчкото малцинство во Албанија, доби двегодишна затворска казна за купување гласови, а беше уапсен два дена пред изборите што се одржаа на 14 мај минатата година.

Иако во притвор, тој беше реизбран за градоначалник на јужното приморско гратче Химара, но не даде заклетва во предвидениот законски рок, по што беа спроведени дополнителни избори.

Тој во јуни годинава беше избран на конзервативната листа на грчкиот премиер Кирјакос Мицотакис за европратеник. Седницата за неговата инаугурација беше во средината на јули, на која присуствуваше со претходна дозвола на затворот.

The post РАМА ГО МРАЗИ ГРЧКОТО МАЛЦИНСТВО Грчкиот европратеник Белери порача дека Албанија мора со дела да покаже дека е за ЕУ appeared first on plusinfo.mk.

Според податоците на албанските медиуми Белери е на третото место по гласови во партијата на грчкиот премиер Киријакос Мицотакис. Според Еуроњуз Албанија, тој треба да биде меѓу седумте европратеници кои ќе ја претставуваат „Нова демократија“ во Европскиот парламент.

Фреди Белери, кој е етнички Грк, беше уапсен два дена пред локалните избори во Албанија на 14 мај 2023 година, под обвинение за купување гласови. Во март годинава беше осуден на две години затвор. Од грчка страна ја доведоа во прашање правичноста на судскиот процес против него и јасно ставија до знаење дека тоа може да ја загрози европската интеграција на Албанија.

По изборот за европратеник, Белери им се заблагодари на Грците кои „го почестија со својот глас“ и ја опиша веста како „победа на светлината над темнината“.

Белери додава дека војната е добиена благодарение на гордоста и патриотизмот на Грците.

Во пораката до поддржувачите, тој подвлекува дека гласот на грчкото малцинството во Албанија сега ќе биде уште посилен.

The post УАПСЕН АЛБАНСКИ ГРАДОНАЧАЛНИК СТАНА ГРЧКИ ЕВРОПРАТЕНИК Фреди Белери кој издржува 2-годишна казна затвор, ќе ја застапува владејачката Нова Демократија на Мицотакис appeared first on plusinfo.mk.