Принцот Фредерик од Насау, член на кралското семејство на Луксембург, почина на 22-годишна возраст, објави Дејли мејл.

Овој млад принц се борел со ретко генетско нарушување, синдром на осиромашување на митохондријалната ДНК, кој постепено ја исцрпува клеточната енергија и доведува до дисфункција и до откажување на органите, пишува Луксембург Тајмс.

Неговиот татко, принцот Роберт од Луксембург, ја објави тажната вест за смртта на неговиот син и изјави дека и покрај напорите на неговото семејство и лекарите, Фредерик ја загубил битката со болеста на 1 март.

Посебно трогателен момент се случил на 28 февруари, Денот на ретките болести, кога Фредерик, чувствувајќи дека неговиот живот е при крај, го собрал семејството за да се збогува.

 

View this post on Instagram

 

A post shared by Grand Ducal Family of Luxembourg (@royalsofluxembourg)

The post 📷 ТРАГЕДИЈА ВО КРАЛСКОТО СЕМЕЈСТВО НА ЛУКСЕНБУРГ Принцот Фредерик почина на 22-годишна возраст по тешка борба со ретка болест appeared first on plusinfo.mk.

Премиерот на Гренланд, Муте Егеде, денеска ќе оствари средба со кралот на Данска, Фредерик Десетти, откако новоизбраниот американски претседател, Доналд Трамп, изјави дека сака САД да го контролираат Гренланд.

ТРАМП СЕ ПОДГОТВУВА ДА ГИ ОКУПИРА ГРЕНЛАНД И ПАНАМА? Идниот претседател на САД не ја исклучува можноста да испрати војска

Трамп, кој ја презема функцијата на 20 јануари, вчера изјави дека не може да ја исклучи можноста за прибегнување кон воена или кон економска акција против Данска за да го направи Гренланд дел од САД. Истиот ден, неговиот најстар син, Доналд Трамп Џуниор, беше во приватна посета на островот ,богат со минерали.

Егеде, кој синоќа пристигна во Копенхаген, пред неговото патување најави дека средбата со данскиот крал Фредерик, која е планирана за денеска, е одложена. Денеска, сепак, данскиот кралски двор соопшти дека средбата ќе се одржи, без да даде повеќе детали.

Гренланд, со население од 57.000 жители, е дел од Данска веќе 600 години и моментално во голема мера ги контролира своите внатрешни работи како полусуверена територија во рамките на данското кралство. Неговите односи со Данска неодамна беа затегнати поради наводите за лошиот третман на граѓаните на Гренланд за време на колонијалното владеење.

По забелешките на Трамп, Егеде рече дека островот не е на продажба, а во својот новогодишен говор ја нагласи желбата за независност од Данска.

Данска, исто така, тврди дека територијата не е на продажба и дека за нејзината судбина може да одлучуваат само граѓаните на Гренланд.

Во 2019 година Трамп ја откажа планираната посета на Данска откако премиерот Мете Фредериксен ја отфрли неговата идеја САД да го купат Гренланд.

ЌЕ ОДГОВОРИ ЛИ ЕВРОПА АКО ТРАМП ГО НАПАДНЕ ГРЕНЛАНД? Мештаните сакаат самостојност, дел од нив се сликаа со Трамп Џуниор

The post СЕ СТЕГА ОБРАЧОТ ОКОЛУ НАЈГОЛЕМИОТ ОСТРОВ НА СВЕТОТ? Премиерот на Гренланд ќе се сретне со кралот на Данска appeared first on plusinfo.mk.

Данската кралица Маргарета Втора, најдолговечниот монарх во Европа, ќе абдицира денеска на свечена церемонија и ќе му ја предаде круната на својот син Фредерик, точно 52 години откако таа самата беше крунисана.

Маргарета (83) ја најави абдицијата во својот новогодишен говор и ја закажа за 14 јануари, датумот кога таа самата ја презеде круната по смртта на нејзиниот татко во 1972 година.

Во Данска во последните 900 години ниту еден монарх доброволно не се откажал од круната.

Во јавноста сепак се шпекулираше за можноста за ваков потег поради нејзиното нарушено здравје. Таа беше подложена на тешка операција на грбот минатата година и дури во април се врати на јавните должности.

Популарната кралица важи за многу образована личност, студирала на Кембриџ, Универзитетот Архус и Сорбона и течно зборува француски, англиски, шведски и германски јазик. Заедно со нејзината државничка способност, таа беше почитувана и поради нејзината смисла за хумор. Таа е страствен пушач и често е видена со цигара во раката.

Нејзиниот син Фредерик (55), чие полно име е Фредерик Андре Хенрик Кристијан, исто така е популарен меѓу Данците. Омилен е поради блискоста со народот, спортскиот дух, но и љубовта кон рок музиката. Дипломирал политички науки на Универзитетот во Архус, а извесно време студирал и на Харвард, пренесоа агенциите.

Меѓу другото, како млад истрчал маратон во респектабилно време од три часа и 23 минути, поминал тешка обука за борбено пливање во војска и учествувал во експедиција со санки долга 2.800 километри на Гренланд, кој заедно со Фарските Острови, е автономен регион во состав на данската круна.

Осамен и несреќен како тинејџер, Фредерик им замерувал на своите родители затоа што го занемарувале при извршувањето на кралските должности. Утеха барал во брзи автомобили и жесток начин на живот, а во раните деведесетти важеше за размазен принц кој сакаше само да се забавува.

Јавноста почна да го сфаќа посериозно откако дипломираше на Универзитетот Архус во 1995 година. Тој е првиот член на данското кралско семејство кој го завршил факултетот. Дел од студентските денови минал и на Харвард во САД, каде се запишал под псевдонимот Фредерик Хенриксен.

Некогаш бунтовен тинејџер, поборник за еколошки прашања, а сега угледен семеен човек, данскиот престолонаследник Фредерик, соодветно ја олицетворува данската опуштена либерална монархија.

Уживајќи ја поддршката на повеќе од 80 проценти од Данците според неодамнешната анкета, принцот денеска ќе стане крал Фредерик X откако неговата мајка ќе ја потпише абдикацијата. „Ќе те следам, како што го следеше татко ти во водење на институција стара илјада години“, однапред вети принцот Фредерик.

Тоа ветување дојде со зрелоста далеку од неговите младешки лудории.

– Не може да се каже дека беше бунтовник, но како дете и млад човек не се справуваше добро со медиумското внимание и сознанието дека ќе биде крал. Дури во средината на неговите дваесетти тој стекна доверба – рече Гите Редер, експерт за данското кралско семејство.

The post 📷 ДАНСКА ДОБИВА НОВ КРАЛ, КОЛОРИТНИОТ ФРЕДЕРИК X. Некогаш бунтовниот рокер и авантурист дипломирал политички науки на Харвард appeared first on plusinfo.mk.