Судот за човекови права пресуди во корист на Французинката со образложение дека судовите во Франција „го прекршиле нејзиното право на почитување на приватниот и семејниот живот“.

„Судот заклучи дека инсистирањето на таква брачна обврска е во спротивност со сексуалната слобода и правото на телесна автономија“, се вели во пресудата на Европскиот суд.

Станува збор за случај во кој жената се развела од нејзиниот сопруг „врз основа на нејзина вина“, бидејќи, како што пресуди француски Суд, престанала да има сексуални односи со него.

Жената во жалбата пред Судот за човекови права не ја оспори одлуката за развод на бракот, туку основата врз основа на кој тој бил одобрен.

Таа и нејзиниот поранешен сопруг се венчале во 1984 година и имале четири деца, од кои едното било со хендикеп, поради што Французинката морала постојано да се грижи за него, што, според неа, и претставувало дополнителен стрес и напор во бракот. Таа престанала да има секс со сопругот во 2004 година поради, како што тврди, здравствени проблеми и злоупотреба од негова страна.

Врз основа на „одбивањето на сексуални односи“ од страна на жената, француски Суд одобрил развод на бракот во 2012 година, но Французинката незадоволна од таквата одлука поднела жалба со цел да биде ослободена од вината за распадот на бракот. По исцрпувањето сите правни можности во Франција, жената во 2021 година поднела жалба пред Европскиот суд за човекови права.

Адвокатката на Французинката, Лилија Мисен изјави дека пресудата на Европскиот суд за човекови права може да претставува пресвртница во однос на правата на жените во Франција и да стави крај на праксата жените да бидат обвинувани за разводите.

– Судовите конечно ќе престанат да го толкуваат францускиот закон низ призмата на канонското право и да им наметнуваат на жените обврска да имаат сексуални односи во бракот – рече Мисен.

Француското правосудство не ја коментираше пресудата.

The post ФРАНЦУЗИНКА ОСЛОБОДЕНА ОД ВИНА, СЕКСОТ НЕ Е БРАЧНА ОБВРСКА Историска пресуда на Европскиот суд appeared first on plusinfo.mk.

Француска државјанка, членка на екипажот на едрилица што учествува во меѓународната регата „Ејџијан 600“, во Егејско Море го загуби животот во близина на грчкиот остров Касос, откако паднала во море, јави дописничката на МИА од Атина.

Од крајбрежната служба на Грција соопштија дека несреќата се случила вчера кога двајца членови на екипажот од едрилица што пловела под шпанско знаме, паднале во морето, веднаш биле извлечени, но 40-годишната Французинка била во безживотна состојба, а откако била пренесена на пристаништето во Касос, лекарот констатирал смрт.

The post ТРАГЕДИЈА ВО ГРЦИЈА Французинка загина во Егејско Море за време на регата appeared first on plusinfo.mk.

Девојката им ги кажала плановите на членовите на семејството пред да го напушти селото во близина на Лион каде што живеела.

Полицијата верува дека жртвата можеби се обидела да направи некој вид предизвик на Тик-Ток и дека нејзината смрт можеби е поврзана со натпреварот во лов на духови. Полицијата сѐ уште трага по младиот човек кој бил виден со неа. Уште две лица се водат како исчезнати во тој реон, а од полицијата велат дека случаите можеби се поврзани.

Портпаролката на полицијата за Си-Ен-Ен изјави дека жртвата и нејзиниот пријател биле видени во областа облечени како вампири. Сведокот со кој разговараше полицијата вели дека младата жена била бледа и слаба, а мажот имал темна коса и маслинеста кожа. Тој додаде дека жртвата личи на „леш што оди“.

Жртвата, чие име не се соопштува, била избодена со камперски нож и искрвавена до смрт. Била застрелана во вратот и во стомакот, соопштува полицијата.

Дел од крвта била изгребана од подот и отстранета од местото на злосторството. Немало знаци на борба.

Во близина на нејзиното тело биле пронајдени торбичка со розови колачиња од бел слез и некои намирници купени од локална самопослуга, а под долгиот темен капут била облечена во беж хеланки и спортски панталони.

Жената со себе немала документи или мобилен телефон.

The post ТИКТОКЕРКА ПРОНАЈДЕНА МРТВА ВО ИТАЛИЈАНСКА ЦРКВА Барала опседнати места?! appeared first on plusinfo.mk.

Нејзината издавачка куќа „Габс и Џеј-Оу“ на Инстаграм ја објави тажната вест.

Според извештаите од медиумите, пејачката со нејзиното возило излетала од патот и удрила во дрво. Таа починала на местото на несреќата, на автопатот М-491, во близина на Лил во Франција.

И семејството на починатата се збогувало со објава.

„Сите кои ја имаа привилегијата да ја познаваат, ја сакаа и ја ценеа. Почивај во мир, Анаис. Засекогаш ќе останеш во нашите срца“, гласи објавата.

Многу обожаватели напишале коментар под таа објава.

„Мое најдлабоко сочувство. Нека почива во мир. Нема да ја заборавам твојата животна радост, моја убавице“, напишал еден обожавател.

„Не ми се верува, те молам кажи ми дека е лага“, „Таа беше само дете. Ова се страшни вести“, се само дел од многуте коментари на ожалостените обожаватели.

Анаис Робин имаше повеќе од 500.000 следбеници на Тик-Ток. Повеќе од 160.000 обожаватели ги следеа нејзините објави на Инстаграм. Минатото лето, таа ја објави песната „Un Autre“ („Уште еден“) на нејзиниот Јутјуб канал (со речиси 80.000 следбеници). Поп песната веќе има повеќе од 2,2 милиона прегледи на видеото.

Таа честопати ја делеше сцената со нејзиниот брат близнак Елиот.

The post СЕ ЗАБИЛА СО ВОЗИЛОТО ВО ДРВО Загина 21-годишна француска пејачка и тиктокерка appeared first on plusinfo.mk.

The post Загина во лавина поранешната светска првенка во сноуборд appeared first on plusinfo.mk.