Делегација од Амбасадата на Франција, предводена од неговата екселенција Кристоф Ле Риголер, оствари работна посета на „Алкалоид“ АД Скопје. Во рамките на посетата, чиј домаќин беше генералниот директор и претседател на Управниот одбор, Живко Мукаетов, дипломатскиот тим имаше можност да се запознае со работењето на компанијата, финансиските резултати, деловните активности, како и со производствените перформанси и продуктното портфолио.

Деветдецениската корпоративна историја и постапниот раст и развој на „Алкалоид“ на амбасадорот Ле Риголер му беа презентирани низ обиколка на компанискиот Музеј, во кој хронолошки, во декаден след, е претставена трансформацијата на „Алкалоид“ од скромен фармацевтски локалитет во современ глобален бренд зад кој стојат над 3.000 исполнителни вработени.

Официјалната работна посета на француската дипломатска делегација вклучи и обиколка на производствените капацитети во сегментот ПЦ Фармација, како и посета на компанискиот Институт за истражување и развој, каде беа презентирани современите технолошки процеси и иновативниот пристап во развојот на нови фармацевтски формулации и производи.

Во фокусот на работната средба се најдоа и клучните стратешки определби на компанијата – силно изразената извозна ориентација, континуираните капитални инвестиции, вложувањата во програмски инструменти за едукација и доквалификација на вработените, навременото воведување и одличната реализација на ESG-стандардите, општествено одговорните проекти, како и стратешката посветеност кон одржлив раст и пазарна диференцијација во глобални рамки.

Франција е една од водечките земји во светската фармацевтска индустрија и претставува значаен меѓународен партнер за „Алкалоид“, со долгорочна и успешна соработка со повеќе водечки француски фармацевтски компании, меѓу кои: „Sanofi Aventis“, „Sanofi Pasteur“, „Ethypharm“, „Saint Gobain“ и други. Франција е меѓу петте најголеми фармацевтски пазари во светот. Високоразвиената француска фармацевтска индустрија во просек учествува со околу 3% во вкупното глобално производство на лекови, со значаен придонес во истражувањето, развојот и извозот на фармацевтски производи.

Официјалната работна посета на францускиот амбасадор е од особено значење за компанијата и претставува одлична можност за продлабочување на досегашната соработка и за изнаоѓање нови форми на синергија меѓу „Алкалоид“ и француските фармацевтски компании.

The post ФРАНЦИЈА Е ЗНАЧАЕН ПАРТНЕР НА „АЛКАЛОИД“ Францускиот амбасадор во работна посета на компанијата appeared first on plusinfo.mk.

На најпознатата и најуспешна македонска кореографка за модерен танц Рисима Рисимкин синоќа во Скопје ѝ беше доделено одличјето Витез од редот на уметностите и книжевноста што ги доделува државата Франција.

Одличјето ѝ го додели францускиот амбасадор во земјава Кристоф Ле Риголер на свечена пригодност што се одржа во француската резиденција.

Тој ги истакна достигнувањата на Рисимкин во модерниот танц, а особено нејзините соработки со француските танчарски трупи и културни институции. Рисимкин и нејзиниот Скопје танцов театар беа први и единствени изведувачи од Македонија кои настапија на сцената на Националниот театар за современ танц „Шајо“ во Париз во 2022 година.

Амбасадорот Ле Риголер нагласи дека Рисимкин не само што овозможила да гостуваат француски танчари, трупи и професори по танц во земјава, туку била и културен амбасадор кој придонел да се претстави модерниот танц во македонска кореографија и изведба пред префинетата француска публика.

– Креацијата беше и сѐ уште е постојан дел од мојот живот. Целта ми е да ја издигнам танцовата уметност и да ја промовирам не само дома, туку, и посебно надвор. Историското гостување кое го остварив со танчерите на Скопје танцовиот театар во Националниот театар за современ танц „Шајо“ во Франција, беше врв на мојата уметничка кариера, остварување на мојот долгогодишен сон и огромно признание за мојата короеграфска работа. Да се биде Витез на уметностите и книжевноста на Франција, за мене е голема чест и признание и чувствувам радост и воодушевеност – рече Рисимкин на доделувањето на одличјето и се заблагодари до Француската амбасада, Францускиот институт и до државата Франција.

Одличјето Витез од редот на уметностите и книжевноста го доделува француското министерство за култура.

The post РИСИМА РИСИМКИН ОДЛИКУВАНА KAKO ВИТЕЗ ОД РЕДОТ НА УМЕТНОСТИТЕ Францускиот амбасадор Ле Риголер ѝ го додели одличјето appeared first on plusinfo.mk.

Претседателката Гордана Сиљановска Давкова денеска го прими амбасадорот на Француската Република, Сирил Бомгартнер.

На средбата беа разменети мислења за севкупните билатерални односи меѓу двете држави, што се карактеризираат со традиционално пријателство, отворен и конструктивен дијалог и континуирано унапредување на соработката во мноштво сфери од заемен интерес.

На средбата се разговараше за македонските аспирации за членство во Европската Унија, како стратешки приоритет на државата. Во тој контекст претседателката Сиљановска Давкова истакна дека поддршката од страна на нашите пријатели и партнери во ЕУ, вклучувајќи ја и Франција, за нас е високо ценета и значајна.

Претседателката Сиљановска Давкова изрази очекување за продолжување на пристапниот процес во ЕУ, преку враќање на вербата во мериторниот процес на интеграција, со фокус на исполнување на копенхагенските критериуми.

„Таа изрази надеж дека историските прашања, стари и по сто години, нема да го преземат приматот на реформите кои се главен национален приоритет и воедно изрази очекување за подлабока соработка со Француската петта република за примена на француските искуства во развојот на демократијата. Во контекст на владеење на правото како прв и најважен критериум од Копенхаген, претседателката ги посочи актуелните внатрешни предизвици врзани за нарушениот уставен принцип на поделба на власта без која нема парламентарна демократија“, се наведува во соопштението од нејзиниот кабинет.

The post СТРАТЕШКИ ПРИОРИТЕТ Е ЧЛЕНСТВОТО ВО ЕУ Сиљановска Давкова се сретна со францускиот амбасадор appeared first on plusinfo.mk.

Жозеп Борел, високиот претставник на ЕУ за надворешна политика и безбедност, денеска изјави дека Унијата работи на подготовките за воведување санкции против членовите на хунтата која минатиот месец ја презеде власта во Нигер.

Ситуацијата во регионот на Сахел, пред се во Нигер, како и руската агресија врз Украина и мировната иницијатива предложена од Киев, ќе бидат главни теми на денешниот неформален состанок на министрите за надворешни работи на земјите членки на ЕУ, што ќе се одржи во шпанскиот град Толедо.

The post ПУЧИСТИТЕ НАРЕДИЈА ПРОТЕРУВАЊЕ НА ФРАНЦУСКИОТ АМБАСАДОР Новите власти во Нигер ѝ дадоа наредба на полицијата appeared first on plusinfo.mk.

Францускиот амбасадор, Сирил Бомгартнер, не е прв од европските политичари коишто, очигледно, доаѓаат во земјава со цел да нѐ заведат, за да ги реализираат нивните нелегални и нецивилизациски европски интереси во однос на Македонија и Македонците. Не е спорно дека за ЕУ и нејзините членки, особено главните, е исклучително важно Македонија да си го смени Уставот и да ја забрза бугаризацијата на македонскиот народ.

Тоа е нивна политика, диктирана од САД, којашто ни ја наметнаа на крајно безобразен и бескрупулозен начин. Претходно, во однос на Македонија, тие се изрезилија и во случајот со Грција, и сега им се повторува истото сценарио. Заради безумните и нелегални блокади на Македонија, ЕУ се посрамоти како неефикасна и нефункционална. Затоа, сите тие, на чело со германскиот претседател, при неодамнешната посета на Македонија, обидувајќи се да го спасат угледот на Брисел, се прават наивни и зборуваат работи коишто немаат врска со вистината, и се тешко потценување на Македонците.

Францускиот амбасадор, за да не остане покус, во интервјуто вели – „Франција не се откажува од францускиот предлог и доколку… македонскиот Устав не биде ревидиран, тоа ќе значи дека процесот на европска интеграција моментално ќе биде запрен“!

Всушност, тоа е чиста и подла закана и уцена, подметната од нив. И, продолжува – „Првата етапа сега, реално кажано, е дека вашата земја веќе ги почна преговорите за членство. Нема никаков сомнеж во Европа дека вие веќе ги отворивте преговорите и … Македонија денес се наоѓа во иста состојба како Албанија во однос на евроинтегративниот процес“.

Сирил, МАКЕДОНИЈА НЕ ГИ ИМА ЗАПОЧНАТО ПРЕГОВОРИТЕ ЗА ЧЛЕНСТВО ВО ЕУ! Тебе ти е јасно што има одлучено Брисел, ама ни тврдиш поинаку, со јасна намера да не доведеш во забуна.

Ова се тешки лаги, извадени од лев ракав! Прво, во основата, францускиот предлог е – бугарски, со којшто, пак, се согласиле нашите предавници. Франција е само злоупотребена за тие кукавички јајца, и нема место за гордост, Сирил.

Второ, Македонија не ги има започнато преговорите. Отворен е само процесот за нивно отворање и завршена е само првата фаза. Втората фаза е срамната и понижувачка промена на Уставот, којашто ни е наметната на силеџиски начин. Ако оваа држава и малку држи до своето достоинство, Уставот нема да го менува под надворешен притисок. Трето, Македонија воопшто не е во иста состојба со Албанија. Тирана ги започна преговорите и нема никакви нови пречки пред неа.

Впрочем, да не измислуваме. Еве што стои во документите на Брисел во врска со преговорите на Македонија:

По првата меѓу владина конференција меѓу Македонија и ЕУ, Фон дер Лејен, информираше – „За завршување на ПРВАТА ФАЗА на отворање на пристапни преговори меѓу вашата (нашата, де) земја со ЕУ“. Најпросто кажано, ако е завршена само првата фаза, тоа значи дека има и втора, поточно – дека ПРЕГОВОРИТЕ НЕ СЕ ОТВОРЕНИ. Тоа е неспорно за секој чесен набљудувач.

Во член 6 од Предлог – заклучоци на Советот, се вели – „Со цел да се заврши оваа фаза на отворање на преговорите за пристапување, Советот одлучува да свика друга меѓувладина конференција, со цел да ја претстави Преговарачката рамка и тековната состојба на подготвителните работи… веднаш штом Македонија ќе ја спроведе СВОЈАТА ЗАЛОЖБА за уставните измени…“!?

Прва фаза е готова, драг Сирил, а за да почнат преговорите, Македонија, монструозно натерана од ЕУ, предводена од твојата Франција, мора да го смени Уставот. Ти се гордееш со тоа, што покажува дека работите ги разбираш. И, замисли, бирократските идиоти и кретени од Брисел тврдат дека ЗАЛОЖБАТА за промена на Уставот била – наша! Не се тие виновни. Нашле овци, и ќе ги стрижат под кожа.

Сѐ е јасно: на втората меѓувладина конференција за Македонија, ќе биде усвоена преговарачката рамка, и ќе можат да почнат преговорите. До тогаш, ПРЕГОВОРИ – НЕМА!

Мил Сирил, мала поука: ако си некаде само во прва фаза, со таков услов како нашиот, шансите да нема втора се – огромни. Ако не те известиле за сето тоа еве, јас ти кажувам. За Албанија нема втора фаза и Преговарачката рамка со неа е веќе договорена. За Македонија – не е. Срамно е и недостојно да се лаже, дека двете земји се во иста позиција. Не се. Тоа особено важи кога фактите се јавно познати. На амбасадорите не им личи да изигруваат селски кловнови.

Драг Сирил, сепак, голема благодарност за опомената дека ако не го ревидираме Уставот, за нас – нема ЕУ. Ако е точна информацијата дека твојата сопруга е – Бугарка, тој податок е важен и за тебе лично – заради мир во семејството. Бугарскиот национал-шовинизам, во никој случај не смее да се остави изневерен и на цедило, и на фамилијарен план.

Но, Сирил, еве и знак на добра волја. Заканата ја примивме. Арно ама, што ќе правиме ако Македонија, сепак, не го промени Уставот? Ти се фалиш дека е тоа француски марифет. Дали ќе треба на Франција да фрламе дрвја и камења, ако не успееме да ги отвориме преговорите? Тоа е крајно нелегално, грозоморно и безумно барање од Македонија. Нормална земја, никогаш не би прифатила таква дискриминација. Одговорна и демократска држава, пак, каква што би требало да биде Франција, никогаш и не би поставила таков услов.

Ако ти, Сирил, навистина беше претставник на некаква демократска држава, по логиката на нештата, барем ќе прашаше – а, зошто Македонија да менува Устав за 3.504 измислени Бугари, а стотици илјади Македонци во Бугарија да немаат никакви права? Или, барем, зошто Софија не почитува 17 пресуди на Судот за човекови права од Стразбур, во врска со Македонците? Не е возможно тоа да не се знае и, зарем, за тоа треба некој да те потсетува? Та, не сте вие селска задруга, туку водечка европска земја и дипломатија. Или, кога доминира силата, а вие сте моќни, други критериуми – нема? Познато е дека дипломатите се чесни луѓе што лажат во корист на сопствените држави, ама да се лаже за други држави, тоа е навистина надвор од умот.

Сепак, да не бидеме премногу остри кон Сирил. Тој не спроведува свои политики, туку директиви од Вашингтон, претходно усогласени со Париз, Берлин и Брисел. Не е тој виновен што се тие бесмислени, а нашите генијални политичари, претходно, понизно – ги прифатиле. Тој мора да е свесен дека со неговото интервју ќе изгледа смешен, ама само кај тие што ги разбираат работите. Неговите пораки се за масите и партиските војници, коишто треба да ги завршат гнасните задачи, испорачани од светските центри на моќ.

Се сеќавате што ни се случи со комесарчето, наречено Хан, кога ни порачуваше Уставот за Нивици да го промениме со балкански методи, што значи на криминален начин? И тоа беше политика на ЕУ, а не негова „генијалност“. Сега, само се повторува истиот европски срамотилак.

Сѐ ова ќе беше смешно, ако не беше трагично. Вината е, сепак – наша. Самите се доведовме во ваква катастрофа. Ако народот и понатака ги толерира политичарите коишто не доведоа до ова дереџе, ништо подобро и не заслужува.

The post Кого лаже францускиот амбасадор? appeared first on plusinfo.mk.

– Дали е штета тоа што беше така-да, но тоа не е невообичаено. Сметам дека не можеше да биде поинаку, бидејќи дипломатскиот принцип на преговарање наметнува оти доколку сакаме да бидеме ефикасни, треба да бидат вклучени многу мал број луѓе и генерално преговорите да се одвиваат во тајност – вели амбасадорот во Тема на денот на Сител во одговор на прашање дали ваквиот пристап во преговорите создаде дополнителен отпор кај граѓаните во прифаќањето на овој предлог.

Во врска со вчерашната изјава на претставници од невладиниот сектор од Чешка дека согласно информациите што ги добиле од нивното МНР, дека дури ни земји членки на ЕУ не биле информирани за деталите од преговорите, францускиот амбасадор вели дека тоа не е така и оти за официјални информации на оваа тема треба да се прашаат официјалните власти на земјата.

Но, нагласува, темата била претставена и  споделена во повеќе наврати во КОРЕПЕР, во Советот на амбасадори на земји членки, но и на Советот на министри и за тоа немало никакви забелешки.

– Сметам дека тоа не соодветствува со реалноста. Темата беше претставена и споделена во повеќе наврати во КОРЕПЕР, во Советот на амбасадори на земји членки на ЕУ во Брисел на ниво на Советот на министри и немаше забелешки. Она што јас го забележувам е токму спротивното. Недвосмислени изјави за поддршка од страна на компетентните европски институции и државите членки во Советот. Поконкретно за Република Чешка прашањето треба да го поставите на официјалните претставници во земјата за да имате официјално мислење. Бидејќи завршуваме со претседавање во Советот на ЕУ, приморани сме на соодветна неутралност, кога сте во тоа својство не објавувате државен став, туку објаснувате за консензусот што е постигнат во рамки на Советот на ЕУ, Сојузот на државите членки – вели Бомгартнер.

Тој не сакаше да навлегува во деталите на текстовите од договорот, но нагласува, има еден документ кој е над сите, а тоа е Преговарачката рамка.

– Во неа зборуваме за македонски јазик, нема ниту фусноти, ниту ѕвездички. Ако сметате дека ова не соодветствува со црвените линии на суштествена тема за македонската страна, тогаш не би имал што да додадам – вели амбасадорот.

Дека договорот е компромисен, според него, говори и фактот што тој предизвикал незадоволство и кај другата страна.

– Вистина е дека текстот предизвика реакции и дискусии и од другата страна на границата, дури падна и влада на ова прашање – рече Бомгартнер додавајќи дека едно истражување во Бугарија покажало оти 60 отсто од граѓаните не го поддржуваат предлогот или се дистанцираат од него.

– Станува збор – нагласи тој – за компромис за кој се обидувавме да биде што поурамнотежен.

На прашањето дали е добра стратегијата на власта тоа што се уште во тајност ги држи деталите од Протоколот што треба да го потпишат МНР на Бугарија и Северна Македонија францускиот амбасадор во земјава вели дека официјалните власти кажале дека тој документ ќе биде целосно достапен за јавноста, а оти во меѓувреме е потребно време за објаснување на договореното.

– Можам да ви кажам повеќе работи – Протоколот е билатерален документ за кој се преговара меѓу две држави. Двете земји треба да се договорат за најдобриот начин на делување. За оваа тема како и за други теми за кои разговаравме претходно потребно е време за преговарање, но потребно е време за комуникација и објаснување. Токму тоа треба да го имаме на ум. Доколку не се лажам официјалните претставници јавно кажаа дека тој документ ќе биде достапен за јавноста – вели амбасадорот.

За отпорот што се јави во македонската јавност за францускиот предлог, амбасадорот Бомгартнер вели дека е разбирлив со оглед на тоа што станува збор за мошне чувствителни теми.

– Сосема разбирливо е да има отпор затоа што станува збор за чувствителни теми за граѓаните, за јавното мислење и од политичка гледна точка. Неспорно е дека некогаш може да има одредени резерви и отпор кај населението. Потребно е објаснување, но и неопходно е време со ладна глава да се проучи за што всушност станува збор имајќи на ум дека самата тема е многу чувствителна. Од друга страна предлогот е доста сложен. Станува збор за текстови кои се доста технички и доколку не поседуваме соодветно првно знаење тешко е да се разберат. Оправдана е потребата за разбирање и може да постои одредено чувство на фрустрираност, ако го немаме клучот за сами да си донесеме мислење во поглед на текстовите тогаш ги слушаме другите. Овде станува збор за прашање на доверба во институциите од кои се бара објаснување – вели францускиот амбасадор додавајќи дека на сето ова треба да се гледа рационално, без чувства, со цел да се разбере смислата на предлозите и на нивниот опсег.

Во врска со тоа што францускиот претседател Емануел Макрон неколкупати употреби термин „северномакедонци“ во неколку дена, францускиот амбасадор рече дека веќе неколкупати било објаснето оти станувало збор за грешка.

– Ќе повторам дека нема никаков сомнеж дека жителите на Северна Македонија се Македонци. Имаше разговори меѓу Елисејската палата и македонското МНР на кои беа дадени објаснувања што одговараат на реалноста и им овозможуваат на сите да ги разберат околностите во кои тоа беше кажано. Сакам да потсетам и дека францускиот претседател пред два дена објави порака во која директно им се обраќа на Македонците – рече францускиот амбасадор Бомгартнер.

The post СЕ ТРУДЕВМЕ ПРЕДЛОГОТ ДА Е ШТО ПОУРАМНОТЕЖЕН Во преговарачката рамка македонскиот јазик е запишан без фусноти appeared first on plusinfo.mk.

„Овој пат квалитетот беше препознаен од Француската амбасада во нашата земја. Ваквата потврда ни дава поттик и желба и понатаму да продолжиме успешно да ја реализираме мисијата за добро здравје на сите наши граѓани. Огромна благодарност до Амбасадата и до францускиот амбасадор, г-дин Сирил Бомгартнер, кои ja препознаа заложбата на целиот тим“, се вели во соопштението на Зегин.

The post Францускиот амбасадор го пофали тимот на ПЗУ Зегин Медика за успешното справување со здравствената состојба appeared first on plusinfo.mk.

– Мојата мисија почнува во нов суштински момент, тоа е патот на интеграцијата на Северна Македонија во Европската Унија. Франција ја поддржува оваа перспектива, која стана уште појасна благодарение на донесените храбри политички одлуки. Целта за влез во Европската Унија претставува стратешки приоритет. За новиот период, кој е пред нас, имајќи обновена рамка, ќе бидат неопходни и реформи. Барајќи ја поддршката од сите сили во општеството, ќе се одлучува за реформите кои ќе треба да се спроведат и кои ќе треба да ги дадат своите резултати. Франција ќе биде внимателен и добронамерен партнер, искрен и пријателски. На конкретен план, ќе се обиде да помогне со европски и билатерални средства – рече Бомгартнер во обраќањето пред Пендаровски.

Тој напомена дека оваа стратешка цел претставува заеднички приоритет затоа што не станува збор само за проширување, туку за обединување на европското семејство, меѓу членови кои споделуваат исти вредности.

– Новата стратегија за земјите од Западен Балкан, посакувана и донесена од страна на претседателот на Република Франција е потврда за желбата која постои за зближување во една поширока рамка. Станува збор за историска определба но и за сосема легитимни национални интереси. Новите реформи кои се очекувани, ќе придонесат и за економски развој на Северна Македонија, кон кој Франција има желба да го даде својот придонес, но и ќе помогнат за зајакнување на националното единство, што Вие го гарантирате – додаде Бомгартнер.

The post Франција ќе биде внимателен партнер, не отстапува од бараните реформи, порача новиот амбасадор appeared first on plusinfo.mk.