Гнев ја преплави Франција откако истрагата откри дека главниот осомничен за смртта на 11-годишната Лихана со години бил предмет на пријави за сексуална злоупотреба на малолетници, а против него не биле преземени мерки да биде остранет од јавноста.

Телото на девојчето беше пронајдено во четврток по повеќедневна потрага во југозападниот дел на земјата.

Француските власти сè уште ја спроведуваат официјалната идентификација, но истрагата веќе отвори сериозни прашања за работата на институциите, пишува „Гардијан“.

Пријавите не го тргнале осомничениот од улица 

Како главен осомничен е приведен 41-годишник. Тој е татко на две деца. Според обвинителството, против него во изминатите години биле поднесени повеќе пријави поврзани со малолетнички.

Еден случај бил затворен откако девојка изјавила дека врската била доброволна. Друг бил отфрлен поради недостиг на докази. Трета истрага сè уште била активна кога Лихана исчезнала.

Обвинителката Клеменс Мејер потврди дека постоеле претходни пријави против осомничениот.

Потрагата траела со денови

Лихана исчезнала минатиот петок во близина на Флеранс, мало место во југозападна Франција.

Последен пат била видена како влегува во автомобил. Во потрагата учествувале околу 170 полицајци, волонтери на коњи и нуркачи кои пребарувале водни површини во регионот.

По неколкудневна потрага, нејзиното тело било пронајдено.

Откако му биле прикажани снимките од безбедносните камери, осомничениот признал дека ја превезол, но инсистирал дека ја оставил на базен, пишува „Гардијан“.

„Апсолутно неподносливи откритија“

Новите детали предизвикаа силни реакции во француската јавност.

Портпаролката на владата Мод Брежон изјави дека откритијата се „апсолутно неподносливи“ и отвораат прашања за начинот на кој институциите постапуваат по пријавите на жртвите.

Министерот за внатрешни работи Лоран Нуњез побарал дополнителна проверка за тоа како биле водени претходните предмети.

Активистичките организации, пак, побараа построги механизми за заштита на децата и побрзо постапување по пријавите за сексуално насилство.

Дали трагедијата можела да биде спречена доколку институциите порано реагирале на пријавите против осомничениот?

The post ПРОНАЈДЕНОТО ТЕЛО НА 11-ГОДИШНАТА ЛИХАНА ЈА ЗБЕСНА ФРАНЦИЈА Можеше ли да биде спречена трагедијата? appeared first on plusinfo.mk.

Прославата на европската титула на ПСЖ прерасна во немири низ француската престолнина. Француските власти соопштија дека во текот на ноќта биле приведени 416 лица, од кои 280 во Париз, а во судирите биле повредени и 7 полицајци, пренесува хрватски Индекс.

Илјадници навивачи излегоа на улиците по победата на ПСЖ во финалето на Лигата на шампионите против Арсенал. И покрај големото полициско присуство, дел од прославата прераснала во насилство.

ПСЖ го победи Арсенал синоќа во финалето на Лигата на шампионите во Будимпешта (1:1, пенали 4:3). 

Според весникот „Ле Фигаро“ немирите се прошириле во Авр, Ажен, Монпелје и во Дижон.

Чад и солзавец на Шанзелизе 

Видеоснимките од Париз покажуваат запалени електрични велосипеди, пиротехника на улиците и искршени излози. Навивачите го преплавиле булеварот Шанзелизе веднаш по завршувањето на натпреварот.

Судири меѓу полицијата и дел од навивачите имало уште во текот на денот, додека илјадници луѓе го следеле финалето на големи екрани на стадионот „Парк де Пренс“. Полицијата употребила солзавец за да ја растера толпата во центарот на градот.

Според официјалните податоци, оштетени биле 6 возила, 2 деловни згради и една автобуска станица.

Il est 2h30 du matin et les tensions se poursuivent aux pieds de la Tour Eiffel à Paris.

La police tente de disperser les derniers groupes de supporters.#PSG #PSGARS #Arsenal #UCLfinal #Paris pic.twitter.com/I5HtUhL4tF

— Luc Auffret (@LucAuffret) May 31, 2026

Problems in Paris pic.twitter.com/KOU8r5UF4S

— Elon Musk (@elonmusk) May 31, 2026

Се јави Марин Ле Пен 

Францускиот министер за внатрешни работи Лоран Нуњез ги оцени немирите како „апсолутно неприфатливи“.

Поранешната претседателска кандидатка Марин Ле Пен објави дека само во Франција фудбалска победа може да заврши со масовни немири и дека граѓаните чувствуваат потреба да се затвораат во своите домови за да избегнат насилство.

La police est prise pour cibles par de très nombreux tirs de feux d’artifice près du Parc des Princes à Paris.

Plusieurs départs de feux dans le secteur.#PSG #PSGARS #Arsenal #UCLfinal #Paris pic.twitter.com/5PlI0NZYAi

— Luc Auffret (@LucAuffret) May 30, 2026

ПСЖ продолжува со прославата

И покрај инцидентите, фудбалерите на ПСЖ денеска треба да учествуваат на победничка парада во Париз. Предвидена е обиколка кај Ајфеловата кула, како и прием кај францускиот претседател Емануел Макрон.

Насилството по фудбалските успеси станува сè почеста појава во Франција. И минатата година прославата на европската титула на ПСЖ заврши трагично, со двајца загинати, меѓу кои и 17-годишно момче.

The post 📽️ ШАНЗЕЛИЗЕ ВО ЧАД И ХАОС ПО ТРИУМФОТ НА ПСЖ Приведени над 400 лица на синоќешното славје appeared first on plusinfo.mk.

Полициски службеници денеска отвориле оган врз маж на железничката станица Монпарнас во Париз, откако тој мавтал со нож, одбил да се предаде и се заканувал дека ќе ја убие својата поранешна сопруга. Настанот предизвикал хаос меѓу патниците кои во паника почнале да бегаат низ железничката станица.

Според обвинителството, мажот бил веќе регистриран за семејно насилство. Кога полицајците се обиделе да го уапсат, тој продолжил да мавта со ножот и да се самоповредува, игнорирајќи ги наредбите.

– Според првичните информации, мажот покажувал нож, по што полицаец употребил огнено оружје за да го запре. После тоа, тој се повредил и сам со ножот – велат од париското обвинителство.

Во метежот бил повреден и случаен минувач, кој се здобил со полесни повреди и бил згрижен од медицински екипи.

Сведоците раскажале дека сцената била „шокантна и многу стресна“.

– Бев на терасата во централниот хол работејќи кога се слушна многу гласен звук. Сите почнаа да трчаат. Рацете ми се уште се тресат – изјавил очевидец за француските медиуми.

Полицијата го обезбедила местото, а истрагата продолжува.

The post 📽️ ПУКАЊЕ НА ЖЕЛЕЗНИЧКА СТАНИЦА ВО ПАРИЗ Маж мавтал со нож и се заканувал со убиство, полицијата го застрела appeared first on plusinfo.mk.

Француската полиција ја ослободи жената осомничена за учество во грабежот на Лувр, при што беше украден накит во вредност од неверојатни 88 милиони евра од „Галеријата на Аполон“.

Според Канцеларијата на парискиот обвинител, таа ќе биде под судски надзор и нема да смее да ја напушти Франција или да стапува во контакт со останатите осомничени.

Жената е една од четворицата кои беа уапсени во рамките на истрагата, тројца мажи и една жена, која, според полициските информации, е пријателка на еден од осомничените.

Грабежот, кој се случи минатиот месец, се одиграл кратко по отворањето на музејот. Засега не е пронајден никаков траг од накитот, а истрагата продолжува со цел да се идентификуваат сите инволвирани и да се врати вредниот плен.

The post ОСЛОБОДЕНА ЖЕНАТА ОСОМНИЧЕНА ЗА ГРАБЕЖ ВО ЛУВР Судот ѝ забрани да ја напушти Франција, накитот никаде го нема appeared first on plusinfo.mk.

Грабеж како на филм во северна Франција, четворица напаѓачи со динамит го кренале во воздух сефот на поштата во градот Рубе и избегале со непозната количина пари.

Во 8:30 часот наутро, кога поштата сè уште не била отворена, четири лица пристигнале пред зградата и поставиле динамит на надворешен сеф што се користи за депонирање готовина за банкоматите. По силната експлозија, напаѓачите го земале пленот и побегнале со возило во непознат правец, објави „Ле Фигаро“.

Експлозијата предизвикала сериозна материјална штета на фасадата на поштата, но, за среќа, нема повредени. За вработените е формиран тим за психолошка поддршка, соопшти портпаролката на регионот О-де-Франс.

Полицијата веднаш го блокирала подрачјето, а јавниот обвинител во Лил веќе отвори истрага за грабежот. Засега не е познато колку пари биле однесени, ниту идентитетот на сторителите, кои според сведоци делувале брзо и професионално.

Explosion à la poste de Roubaix ce matin à 8h50 pic.twitter.com/51Byo2o4vE

— 75 Secondes (@75secondes) November 12, 2025

The post 📽️ НОВ ФИЛМСКИ ГРАБЕЖ ВО ФРАНЦИЈА Одекна експлозија, крадци со динамит разнесоа сеф за банкомати appeared first on plusinfo.mk.

Двајца мажи уапсени во врска со грабежот на францускиот кралски накит од Лувр делумно признале вина, потврдија француските обвинители. Украдени се експонати вредни 88 милиони евра, меѓу кои и круна на царицата Евгенија, сопруга на Наполеон III.

Осомничените, на возраст од триесетина години, се дел од група која со електрични алати провалила во Галеријата Аполон и за само неколку минути го извршила најголемиот музејски грабеж во последната деценија.

– Сè уште се надевам дека накитот ќе биде пронајден и вратен на нацијата – изјави париската обвинителка Лор Бекио, додавајќи дека накитот не може легално да се продаде и секој што ќе се обиде тоа да го направи, ќе одговара за прикривање украдена стока.

Еден од уапсените бил приведен на аеродром додека се обидувал да побегне во Алжир, додека другиот, според обвинителството, не планирал да ја напушти земјата.

Во потрагата по сторителите учествувале над 100 истражители, кои анализирале повеќе од 150 ДНК примероци и докази како ракавици, кациги и елеци.

Полицијата открила дека крадците користеле украдена камионска дигалка со која влегле во музејот во 9:30 часот, искршиле две сигурносни витрини, украле девет предмети и исчезнале за седум минути на два скутери.

По инцидентот, Франција ги засили безбедносните мерки во сите културни институции, а највредните експонати на Лувр се префрлени во сефовите на Банката на Франција, 26 метри под земја.

Случајот откри сериозни пропусти во безбедносниот систем на музејот — камерите имале истечена дозвола, а алармот не се активирал. Полицијата добила прва дојава не од музејот, туку од велоcипедист кој ги забележал крадците на улица.

The post ДВАЈЦАТА УАПСЕНИ ДЕЛУМНО ПРИЗНАА ВИНА Сѐ уште нема трага од украдениот накит во Лувр вреден 88 милиони евра appeared first on plusinfo.mk.

На социјалните мрежи се појави нова, неверојатна снимка од крадците кои што смирено се спуштале со товарен лифт од прочуениот музеј Лувр во Париз, носејќи со себе накит од француските кралски колекции вреден 88 милиони евра.

Крадците се облечени во жолти елеци како обезбедувачи од самиот музеј.

На видеото се гледаат двајца мажи облечени во црно, еден со жолт рефлектирачки елек, другиот со мотоциклистичка кацига. Тие се спуштаат по надворешен товарен лифт од галеријата „Аполон“, од каде што ги украле скапоценостите.

Се смета дека снимката е направена од прозорец во самиот музеј, со поглед кон кејот Франсоа Митеран, каде што бил паркиран украден камион со скали долги 30 метри, со кои крадците влегле во музејот.

Притоа, во снимката се слуша глас од радиоврска што вели:

„Побегнуваат на скутери, заминуваат!“

The moment the thieves fled the Louvre was caught on camera!

The robbers left the museum using a lift and then escaped on scooters. pic.twitter.com/D3xVW8maHe

— NEXTA (@nexta_tv) October 23, 2025

Само неколку секунди подоцна, на кадарот се појавуваат двајца мажи што со огромна брзина исчезнуваат низ париските улици, додека се слуша друг глас што вика:

„Проклетство, еве ја полицијата!“

Според истрагата, грабежот траел само 7 минути. Двајца од четворицата членови на бандата упаднале во галеријата веднаш по отворањето на музејот, околу 9 часот и 30 минути наутро. Со сечила за метал ги отвориле стаклените витрини и украле осум уникатни парчиња накит, меѓу кои смарагдниот ѓердан што Наполеон I ѝ го подарил на својата сопруга Марија Луиза и тијара што некогаш ѝ припаѓала на царицата Евгенија, сопруга на Наполеон III.

Министерот за внатрешни работи Лоран Њуњес изјавил дека во потрагата по сторителите се вклучени над 100 истражители.

Директорката на Лувр, Лоренс де Кар, пред францускиот Сенат признала „страшен пропуст“. Таа нагласила дека надворешните ѕидови на огромната зграда имале „срамно мала покриеност“ со безбедносни камери, што на крадците им ја олеснило мисијата.

The post 📽️ НАКИТОТ ОД ЛУВР БИЛ СПУШТЕН СО ЛИФТ, КАКО НА ФИЛМ! Се појави нова снимка, еве како избегале крадците appeared first on plusinfo.mk.