Најмалку 19.000 лица се евакуирани во регионот Мадрид, каде што беснее најголемиот шумски пожар во историјата на оваа шпанска автономна област.

Пожарот досега уништил околу 6.000 хектари шума, соопшти претседателката на регионалната Влада на Мадрид, Исабел Дијас Ајусо.

– Ова е катастрофа за регион со толку голема густина на население и станбени објекти. Никогаш не сме виделе нешто слично. Во овој момент наш приоритет е спасувањето човечки животи – изјави Ајусо на прес-конференција во координативниот центар за итни интервенции.

España ha declarado una emergencia nacional en Madrid y otra región mientras un gran incendio forestal se propaga sin control.
Miles de personas enfrentan la evacuación mientras las llamas arrasan el área cerca de la capital. pic.twitter.com/oE6oQJGmo1

— Ernesto Madrid (@JErnestoMadrid) July 24, 2026

Шпанските служби за итни случаи соопштија дека два од трите пожари западно од Мадрид се споиле во едно големо жариште, во областа меѓу Сан Мартин де Валдеиглесијас и Виља дел Прадо.

Поради опасноста, Шпанија прогласи вонредна состојба во подрачјето околу Мадрид, како и во провинцијата Авила, каде што дополнително биле евакуирани околу 1.500 жители.

Според шпанската телевизија РТВЕ, ова е првпат во регионот да биде прогласена ваква мерка поради шумски пожари.

BREAKING: More than 20,000 people have been evacuated as an extreme wildfire continues to burn near Madrid, Spain.

The fire, which began as two separate wildfires, merged into one larger blaze on Friday, according to emergency services. More than 6,000 hectares have already… pic.twitter.com/YHStYhlwQO

— The Daily Brief (@_TheDailyBrief_) July 24, 2026

Шпанскиот премиер Педро Санчез предупреди дека земјата и соседните држави се соочуваат со исклучително тешка состојба поради пожарите кои беснеат во период на екстремни температури.

– Пожарите пустошат илјадници хектари и погодуваат бројни градови и села – рече Санчез, повикувајќи ги граѓаните строго да ги следат препораките на надлежните служби.

Европската комисија соопшти дека Европската Унија испрати дополнителна помош за Шпанија – четири противпожарни авиони, покрај трите кои претходно биле испратени во Франција.

Qué situación tan dura. Así se ve el incendio desde Las Rozas, Madrid. Todo mi apoyo a los equipos de emergencia y a los vecinos afectados. pic.twitter.com/a9OsYZEP3p

— María Varón (@merimotion) July 24, 2026

– Се подготвуваме за многу тешка ситуација – изјави портпаролката на Европската комисија, Ана-Кајса Итконен.

Во меѓувреме, големиот пожар во провинцијата Гвадалахара, кој зафати повеќе од 32.000 хектари и беше активен повеќе од една недела, значително ослабнал.

Spain’s government declared a national emergency Friday after wildfires forced the evacuation of some 10,000 people in the central region of Madrid. The national emergency means that the interior ministry, which controls police and security forces, has taken charge of overseeing… pic.twitter.com/hKMj636qt1

— The Associated Press (@AP) July 24, 2026

Поради подобрувањето на состојбата, армијата се повлекла од теренот, но пожарот сè уште официјално не е целосно изгаснат ниту ставен под целосна контрола.

Претседателот на автономната област Кастиља-Ла Манча, Емилијано Гарсија-Пахе, соопшти дека пожарот е намален на прво ниво на опасност.

И покрај тоа, на терен остануваат повеќе од 200 пожарникари, дваесетина противпожарни возила и два авиона.

Madrid on Fire – A state of emergency has been declared in the Spanish capital due to wildfires.

The flames are approaching the city. Authorities have declared a state of emergency due to the uncontrolled wildfires. The Ministry of Defense of the kingdom has confirmed that the… pic.twitter.com/enpgLpZHED

— Kordon (@Kordoneuropa) July 24, 2026

Сериозна е состојбата и во Франција, каде што шумските пожари продолжуваат да се шират.

Пожарот што му се закани на туристичкото место Бискарос во департманот Ланд уништил 2.600 хектари и оштетил или целосно уништил 105 куќи и други објекти.

Поради приближувањето на огнот, биле евакуирани 18.000 жители на Бискарос и уште 5.000 туристи од камп во близина на Парантис.

| España: Los tres grandes incendios que azotan a la región de Madrid se unieron en un solo frente masivo. Las autoridades de España informaron que hay cerca de 40.000 personas evacuadas o bajo cuarentena debido a la rápida propagación del fuego. pic.twitter.com/Ctx6jI3mkj

— Mundo en Conflicto (@MundoEConflicto) July 24, 2026

Францускиот министер за внатрешни работи Лоран Нуњез соопшти дека во земјата моментално се активни 32 шумски пожари.

– Од почетокот на годината досега се уништени повеќе од 50.000 хектари. Тоа е трипати повеќе отколку во истиот период минатата година – изјави Нуњез.

На полуостровот Кап Фере, една од најпознатите туристички дестинации во Франција, пожарот зафатил повеќе од 10.000 хектари и е најголемиот пожар оваа сезона.

Во тој регион во тек е евакуација на околу 40.000 лица, а досега се уништени 80 куќи.

The post 📽️ СТРАШНИ ПОЖАРИ ПРЕД ВРАТИТЕ НА МАДРИД Евакуирани илјадници жители, армијата на терен appeared first on plusinfo.mk.

Франција ќе стане првата земја во Европската унија што ќе воведе забрана за користење социјални мрежи за деца помлади од 15 години. Француските власти ја усвоија мерката со образложение дека е потребно поголемо обезбедување на децата од ризиците што ги носи онлајн просторот, објави Еуроњуз.

Според новото правило, платформите за социјални мрежи ќе треба да воведат механизми за проверка на возраста на корисниците и да спречат пристап на лица под 15 години. Мерката се очекува да започне да се применува од септември 2026 година.
Владата во Париз наведува дека целта е да се намали изложеноста на малолетниците на сајбер-насилство, штетни содржини и прекумерно користење на дигитални платформи. Поддржувачите на законот сметаат дека државата мора да преземе мерки за заштита на менталното здравје и безбедноста на младите.

Критичарите, пак, предупредуваат дека спроведувањето на забраната може да биде сложено, особено поради прашањата поврзани со проверката на возраста, заштитата на приватноста и можноста малолетниците да ги заобиколат ограничувањата.
Одлуката на Франција доаѓа во период кога повеќе европски земји разгледуваат построги правила за користење на социјалните мрежи кај децата. Дебатата за балансот меѓу дигиталната слобода и заштитата на младите станува едно од клучните прашања во европската дигитална политика.

The post МАЛОЛЕТНИЦИТЕ ЌЕ БИДАТ ОФЛАЈН ДО 15-ТАТА ГОДИНА Франција воведе забрана за користење на социјалните мрежи appeared first on plusinfo.mk.

Голем пожар избувна во магацин во местото Митри-Мори, во францускиот департман Сена и Марна, јавува „Ле Фигаро“, повикувајќи се на противпожарната служба.

Густи облаци црн чад биле видливи на километри околу местото на пожарот околу 21 часот, а снимките објавени на социјалните мрежи покажуваат како чадот се издига над аеродромот „Шарл де Гол“, кој се наоѓа на само неколку стотици метри од местото на несреќата.

Од управата на аеродромот за „Ле Фигаро“ соопштија дека пожарот засега не влијае врз воздушниот сообраќај.

„Во моментов пожарот нема никакви последици врз воздушниот сообраќај на аеродромот ‘Шарл де Гол’“, соопштија од аеродромската управа.

Франција веќе со недели се соочува со последиците од силниот топлотен бран што зафати голем дел од Европа. Високите температури, сушата и силниот ветер создадоа идеални услови за брзо избувнување и ширење на пожари, поради што противпожарните служби низ целата земја се во состојба на зголемена готовност.

Во изминатите денови беа регистрирани повеќе големи пожари во различни делови на Франција, а надлежните предупредуваат дека екстремно високите температури може да предизвикаат нови инциденти.

Според метеоролозите, жешката воздушна маса од Сахара ќе се задржи и во наредните денови, што дополнително го зголемува ризикот од пожари на отворено.

Француските власти ги повикаа граѓаните на зголемена претпазливост и апелираа да избегнуваат активности што би можеле да предизвикаат пожар, додека пожарникарите продолжуваат да се борат со огнените стихии, кои поради високите температури и сувата вегетација често излегуваат од контрола.

The post 📽️ ЦРН ЧАД ГО ПРЕКРИ НЕБОТО НАД „ШАРЛ ДЕ ГОЛ“ Огромен пожар избувна во близина на аеродромот во Париз appeared first on plusinfo.mk.

Франција регистрирала 5.764 дополнителни смртни случаи за време на исклучително силниот топлотен бран што ја зафати земјата од 17 јуни до 2 јули, соопшти денеска француската Агенција за јавно здравје.

Од Агенцијата нагласуваат дека зголемената вкупна смртност засега не може со сигурност да се припише исклучиво на високите температури, бидејќи причините сè уште се анализираат.

Според привремените податоци, ова е највисоката прекумерна смртност забележана во Франција по катастрофалниот топлотен бран во 2003 година.

Надлежните посочија дека бројките ќе бидат дополнително ревидирани и потврдени во наредните месеци.

Агенцијата соопшти дека зголемена смртност е регистрирана кај сите возрасни групи над 15 години, со особено изразен пораст кај лицата постари од 45 години, оценувајќи дека ваквиот тренд е „без преседан“.

Во најновите податоци се вклучени и смртните случаи евидентирани со хартиени потврди, кои не биле опфатени во претходните проценки, особено кај лицата кои биле пронајдени починати во своите домови.

Француската министерка за здравство Стефани Рист на 3 јули соопшти дека во периодот од 22 до 28 јуни биле регистрирани најмалку 2.025 дополнителни смртни случаи, но тогаш нагласи дека податоците се нецелосни бидејќи не биле пристигнати сите извештаи.

Во прелиминарната проценка тогаш биле опфатени само електронските потврди за смрт.

The post ТОПЛОТНИОТ БРАН ОСТАВИ ТЕШКИ ПОСЛЕДИЦИ ВО ФРАНЦИЈА За само две недели регистрирани 5.764 дополнителни смртни случаи appeared first on plusinfo.mk.

Француските пратеници во вторникот усвоија закон со кој на децата помлади од 15 години им се забранува користење социјални мрежи, со што Франција стана првата земја во Европската Унија што воведе ваква целосна забрана, во време кога низ светот расте загриженоста за штетното влијание на дигиталните содржини врз децатаа.

И двата дома на францускиот парламент гласаа за законот, кој е една од клучните иницијативи на вториот претседателски мандат на Емануел Макрон.

Со законот се забранува и употребата на мобилни телефони во средните училишта.

Неколку семејства во Франција поднесоа тужби против Тикток, тврдејќи дека штетните содржини на платформата придонеле за самоубиства кај тинејџери.

Организациите за заштита на децата и голем број родители го поздравија усвојувањето на законот.

– Од самиот почеток се залагавме за овој закон затоа што, искрено, немаме друга можност да им се спротивставиме на технолошките гиганти. Единственото што можеме да го направиме е да ги заштитиме нашите деца, исто како што ги штитиме од алкохол – изјави Гаел Бербонд, која живее во регионот на Париз.

Таа за Асошиејтед прес раскажа дека нејзината ќерка го добила првиот паметен телефон во седмо одделение. Иако семејството користело апликација за родителска контрола, не знаеле што всушност претставува Тикток. По неколку месеци сфатиле дека девојчето се самоповредува и страда од анорексија и од депресија. Девојчето поминало година и пол во болница, а денес е добро.

Ова е една од последните големи мерки усвоени за време на претседателството на Макрон, кој следната година ја напушта функцијата. Тој сака законот да стапи во сила од почетокот на новата учебна година во септември.

Сепак, прво се очекува проверка дали законот е во согласност со францускиот Устав, што би можело да ја одложи неговата примена.

Забраната нема да важи за онлајн енциклопедии, ниту за образовни и научни бази на податоци.

Пратениците од левичарската партија Непокорна Франција се спротивставија на законот, тврдејќи дека неговата уставност е спорна, дека практично ќе ја укине анонимноста на интернет и дека ќе биде невозможно да се спроведе.

Инес Лежандр, правен советник во организацијата за заштита на децата на интернет е-Енфанс, изјави дека законот нема веднаш да значи целосна забрана.

– Ќе треба да се реши и прашањето со веќе постојните профили на деца помлади од 15 години. Како ќе ги идентификуваме? Како ќе ги суспендираме? Потоа следува и прашањето за проверката на возраста при отворање нови профили – рече таа.

Според француската здравствена агенција, секој втор тинејџер поминува меѓу два и пет часа дневно на паметен телефон.

Во извештај објавен во декември се наведува дека околу 90 проценти од децата на возраст од 12 до 17 години секојдневно користат паметни телефони за пристап до интернет, а 58 проценти ги користат главно за социјални мрежи.

Во извештајот се предупредува дека користењето социјални мрежи може да доведе до намалена самодоверба и поголема изложеност на содржини поврзани со ризично однесување, како што се самоповредување, употреба на дрога и самоубиство.

Откако Европската комисија оцени дека претходната верзија на законот се преклопува со европскиот Закон за дигитални услуги (ДСА), кој утврдува правила за безбедност на корисниците на интернет, француските пратеници одржаа дополнителни преговори и постигнаа договор за изменета верзија на текстот, која потоа беше усвоена.

Сè поголемата загриженост поради влијанието на социјалните мрежи врз развојот на детскиот мозок доведе до воведување нови ограничувања во повеќе земји.

Австралија во 2024 година стана првата држава што им забрани на лицата помлади од 16 години да имаат профили на социјалните мрежи. Законот предвидува платформи како Тикток, Фејсбук, Снепчет, Редит, Икс и Инстаграм да бидат казнети со казни до 50 милиони австралиски долари доколку не спречат отворање профили од лица под 16 години.

Шпанскиот премиер Педро Санчез во февруари најави дека и Шпанија сака да го ограничи пристапот до социјалните мрежи за лица помлади од 16 години. Данска и Грција веќе претставија слични планови, а Велика Британија соопшти дека ја разгледува таквата можност.

Претседателката на Европската комисија Урсула фон дер Лаен претходно овој месец повика да се воведат ограничувања за користење социјални мрежи од децата. Специјална експертска група на ЕУ препорача пристапот да им биде забранет на деца помлади од 13 години сè додека технолошките компании не докажат дека нивните платформи се безбедни.

Фон дер Лаен исто така изјави дека децата помлади од три години воопшто не треба да бидат изложени на екрани и го посочи бескрајното скролање како една од „зависничките“ функции што технолошките компании мора да ги променат.

Европската комисија наскоро се очекува да предложи заеднички мерки што ќе ги разгледуваат сите 27 земји членки на ЕУ.

The post ФРАНЦИЈА ЗАБРАНИ СОЦИЈАНИ МРЕЖИ ЗА ДЕЦАТА ПОД 15 ГОДИНИ Прва земја од ЕУ со ваква мерка appeared first on plusinfo.mk.

Градскиот совет на Париз одобри двојно зголемување на данокот за празните станови, мерка што ќе стапи во сила на 1 јануари 2027 година, со цел да се поттикне понудата на станови за изнајмување и да се ублажи недостигот од домување во француската престолнина.

Според податоците на градските власти, во Париз има околу 150.000 ненаселени станови, што претставува девет проценти од вкупниот станбен фонд. Од нив, околу 80.000 се долгорочно празни и подлежат на оданочување.

Во согласност со францускиот Закон за буџет за 2026 година, општините ќе можат да ја зголемат даночната стапка од 17 на 30 проценти по една година ненаселеност, односно од 34 на 60 проценти по две години.

Заменик-градоначалникот задолжен за станбената политика, Жак Бодрие, ја оцени одлуката како „историска победа по десетгодишна борба“.

Според него, мерката би можела повторно да врати околу 20.000 станови на пазарот за продажба или изнајмување.

Тој додаде дека повисокиот данок ќе ја ограничи практиката дел од сопствениците своите втори станови да ги пријавуваат како ненаселени за да користат даночни олеснувања, а воедно ќе придонесе за зачувување на бројот на станови што се користат како основно живеалиште во Париз.

Предлогот, сепак, наиде на критики од десничарската опозиција во Градскиот совет.

Копретседателот на групата „Пари либерте“, Грегори Канал, изјави дека зголемувањето на данокот нема да го даде посакуваниот ефект.

– Данокот го поставувате на максимално дозволеното ниво. Тоа не е поттик, туку даночен притисок – изјави Канал.

The post ПАРИЖАНИ ЌЕ ПЛАЌААТ ДВОЈНО АКО СТАНОТ ИМ Е ПРАЗЕН Француската престолнина воведува рекорден данок appeared first on plusinfo.mk.

Легендарниот француски фудбалер и поранешен тренер на Реал Мадрид, Зинедин Зидан, од 1 септември и официјално ќе стане нов селектор на француската фудбалска репрезентација, објави францускиот весник „Л’Екип“.

Според информациите, токму 1 септември е одреден како датум за потпишување на договорите меѓу Зидан и неговиот тренерски штаб, согласно документите што веќе биле разменети меѓу двете страни.

Претходно француските медиуми објавија дека Зидан и Фудбалската федерација на Франција планирале да потпишат четиригодишен договор, со кој легендарниот стратег ќе ја предводи репрезентацијата на Европското првенство во 2028 година и на Светското првенство во 2030 година.

Зидан на селекторската функција ќе го наследи Дидие Дешан, кој по повеќе од една деценија ја завршува својата успешна ера на клупата на „триколорите“.

Франција во вторникот беше поразена од Шпанија со 2:0 во полуфиналето на Светското првенство 2026, а вечерва ќе го одигра натпреварот за третото место против Англија. Тоа воедно ќе биде и последниот натпревар на француската репрезентација под водство на Дешан.

Дуелот меѓу Франција и Англија за третото место на Мундијалот е закажан за 23:00 часот по македонско време.

The post ЗИДАН СЕ ВРАЌА НА ГОЛЕМА СЦЕНА Легендата од 1 септември ќе ја преземе Франција appeared first on plusinfo.mk.

Поминаа четири години од денот кога на македонската јавност ѝ беше претставен Францускиот предлог како „единствена шанса“ за почеток на преговорите со Европската Унија. Тогаш се тврдеше дека со неговото прифаќање конечно ќе биде деблокиран европскиот пат на државата. Денес, четири години подоцна, време е без политички страсти да се постави едно едноставно прашање: дали Македонија навистина го доби ветеното или плати висока политичка и државна цена без соодветен резултат?

Најважните елементи на предлогот беа: уставни измени со внесување на Бугарите во Преамбулата на Уставот; спроведување на Договорот за пријателство од 2017 година и билатералните протоколи; следење на исполнувањето на овие обврски како дел од преговарачката рамка со ЕУ како и можност Бугарија и понатаму да влијае врз текот на пристапните преговори доколку оцени дека обврските не се исполнуваат.

Предлогот предизвика силна политичка и општествена поларизација во Македонија. Поддржувачите тврдеа дека тоа е единствениот начин да се деблокира европскиот пат, додека противниците сметаа дека со него билатералните историски и идентитетски прашања за првпат се вградени во преговарачката рамка на ЕУ, што создава опасен преседан. Во јули 2022 година се одржаа и масовни протести против неговото прифаќање.

Од денешна перспектива, резултатите од спроведување на предлогот остануваат предмет на сериозна дебата. Иако формално беа отворени пристапните преговори и беше завршен скринингот, суштинските преговори не продолжија бидејќи не се усвоени уставните измени што се предуслов за следната меѓувладина конференција. Во меѓувреме, Албанија продолжи самостојно на европскиот пат, додека Македонија остана во застој.

Што доби Македонија?

Објективно гледано, Македонија доби три работи. Прво, беше формално деблокирано бугарското вето и се одржа првата меѓувладина конференција со Европската Унија. Второ, беше завршен скрининг-процесот, кој претставува техничка подготовка за пристапните преговори. Трето, Европската Унија испрати политичка порака дека местото на Македонија останува во Унијата.

Но, ниту една од овие придобивки не значеше и реален напредок во преговарачкиот процес.

Кога денес ќе се направи биланс, станува јасно дека цената што Македонија ја прифати беше значително поголема од конкретните резултати. Главните негативности на Францускиот предлог за Македонија може да се сведат на неколку суштински политички, правни и идентитетски прашања:

Прво, билатералниот спор со Бугарија е внесен во европскиот пристапен процес. Наместо Македонија да напредува првенствено според Копенхашките критериуми — владеење на правото, демократија, економски реформи и функционални институции, нејзиниот напредок стана зависен и од исполнувањето на обврски поврзани со Договорот за добрососедство и двата билатерални протоколи со Бугарија. Со тоа, прашања од историјата, јазикот и идентитетот добија европска институционална тежина.

Второ, Бугарија доби трајна можност да го блокира процесот. Иако формално преговорите се водат со Европската Унија, за отворање и затворање на кластерите и поглавјата е потребна согласност од сите земји членки. Тоа значи дека Софија може во повеќе фази повторно да поставува услови или да оцени дека Македонија недоволно ги исполнува преземените обврски. Практично, ветото не беше целосно отстрането, туку беше претворено во механизам што може повторно да се активира.

Трето, уставните измени се поставени како услов пред вистинското отворање на преговарачките кластери. Македонија ја одржа првата меѓувладина конференција и го заврши скринингот во декември 2023 година, но не може да премине во следната фаза без внесување на Бугарите во Уставот. Така, политички чувствително внатрешно прашање стана надворешен услов за европски напредок.

Четврто, не постојат цврсти гаранции дека со уставните измени ќе завршат бугарските барања. Францускиот предлог не содржи механизам што би ја спречил Бугарија во иднина да отвора нови прашања, како толкувањето на заедничката историја, учебниците, историските личности, говорот на омраза или работата на историската комисија. Македонија треба да исполни конкретен услов, додека обврската дека потоа нема да има нови условувања не е еднакво конкретна.

Петто, создаден е преседан националниот идентитет на кандидатска држава да биде предмет на притисок во пристапниот процес. Европските интеграции треба да се засноваат врз реформи и усогласување со европското право, а не врз прифаќање на историски толкувања на соседна држава. Токму тука е најголемиот принципиелен проблем: Македонија е ставена во позиција постојано да докажува нешто што за другите народи и држави се смета за саморазбирливо како на пример сопствениот јазик, историја и национална посебност.

Шесто, македонскиот јазик не е целосно заштитен од бугарски еднострани толкувања. ЕУ го употребува македонскиот јазик без дополнителни квалификации во своите документи, што е позитивно. Но Бугарија приложи еднострана декларација со која го изнесува сопствениот став за потеклото на македонскиот јазик. Иако таа декларација формално не е став на ЕУ, фактот дека останува во официјалниот контекст на процесот создава простор прашањето повторно да се политизира.

Седмо, Македонија и Албанија беа раздвоени на европскиот пат. Двете држави ја одржаа првата меѓувладина конференција во јули 2022 година, но Албанија потоа продолжи со отворање на кластерите и поглавјата, додека Македонија остана блокирана поради уставните измени. Денес Албанија има отворено сите 33 преговарачки поглавја, додека Македонија сè уште нема започнато суштински преговори по кластерите.

Осмо, предлогот создаде длабока внатрешна политичка поделба. Наместо европската интеграција да биде обединувачки државен проект, таа се претвори во извор на недоверба, протести, меѓупартиски конфликти и сомневање дека државата повторно прифатила асиметричен договор под надворешен притисок.

Деветто, Македонија презеде обврски без јасен рок за членство. Државата треба да направи уставни и политички отстапки веднаш, додека ЕУ не гарантира датум за прием, автоматско отворање на кластерите или заштита од идни блокади. Оттука произлегува суштинската асиметрија: македонските обврски се конкретни и непосредни, а европската награда е условна и временски неопределена.

Десетто, со Францускиот предлог проблемот не беше решен, туку беше префрлен во самата преговарачка постапка. Формално беше отворен процесот, но суштински Македонија остана во чекалницата. Советот на ЕУ ја одобри преговарачката рамка на 18 јули 2022 година, а првата меѓувладина конференција се одржа на 19 јули, но по завршувањето на скринингот процесот повторно застана.

Најкратко кажано, Францускиот предлог не го укина бугарското условување, туку го европеизираше. Македонија доби формален почеток на преговорите, но за возврат прифати билатерални историски и идентитетски прашања да станат дел од процесот во кој Бугарија има можност да влијае врз секоја наредна фаза.

Четири години подоцна, веќе не е потребно да чекаме историјата да ја даде својата оценка. Резултатите се видливи: Македонија не ги започна суштинските преговори по кластери, беше раздвоена од Албанија, а бугарските барања од билатерален спор беа претворени во дел од европската преговарачка рамка. Наместо ветената деблокада, државата доби нов и долгорочен механизам на условување; наместо сигурен европски напредок, доби обврски без цврсти гаранции и без јасен рок за членство.

Затоа, врз основа на досегашните политички и правни последици, Францускиот предлог не може да се оцени како успешно компромисно решение за Македонија. Тој не го реши македонско-бугарскиот спор, туку го внесе во пристапниот процес и ѝ овозможи на Бугарија своите билатерални барања да ги поставува под европско знаме. Македонија, пак, ја плати политичката цена, а сè уште не го доби она што во јули 2022 година ѝ беше ветувано, реален, предвидлив и непречен почеток на преговорите за членство во Европската Унија.

The post ЧЕТИРИ ГОДИНИ ПОДОЦНА Што навистина ѝ донесе Францускиот предлог на Македонија? appeared first on plusinfo.mk.

Додека во многу земји тони храна секојдневно завршуваат во контејнери, Франција уште во 2016 година стана првата држава во светот што законски ги обврза големите супермаркети да ја донираат непродадената, но сѐ уште безбедна храна на хуманитарни организации и банки за храна.

Законот, познат како „Гаро закон“ (според пратеникот Гијом Гаро кој го иницираше), беше усвоен на 11 февруари 2016 година и се смета за пресвртница во борбата против фрлањето храна. Според француското Министерство за земјоделство, Франција е првата земја во светот што вовела ваква обврска за супермаркетите.

Мерката се однесува на сите продавници со површина поголема од 400 квадратни метри. Наместо да ја фрлаат храната што е пред истекување на рокот или која не може да се продаде, тие мора да склучат договори со хуманитарни организации и да ја донираат. Доколку храната веќе не е соодветна за човечка исхрана, таа треба да се пренамени за добиточна храна, компостирање или производство на енергија.

Особено внимание привлече забраната супермаркетите намерно да ја уништуваат храната. Пред донесувањето на законот, во Франција биле регистрирани случаи во кои непродадени производи биле полевани со белило или на друг начин правени неупотребливи за луѓето што пребарувале по контејнерите. Со новите правила таквите практики станаа незаконски.

Законот произлезе од растечкото незадоволство на јавноста поради фактот што милиони тони храна завршувале како отпад, додека многу луѓе зависеле од помош од банки за храна. Голема улога во иницијативата имаше и францускиот политичар Араш Дерамбарш, кој покрена петиција и кампања против уништувањето на непродадената храна.

Повеќе од четири години по стапувањето во сила на законот, француските власти соопштија дека бројот на оброци дистрибуирани од хуманитарните организации значително се зголемил. Илјадници здруженија, банки за храна и специјализирани компании се вклучиле во собирањето и распределбата на вишокот храна.

Успехот на францускиот модел поттикна и други држави да размислуваат за слични решенија. Италија донесе закон за донирање вишоци храна само неколку месеци подоцна, а темата стана важен дел од европските политики за намалување на отпадот од храна.

Во меѓувреме, Франција ги прошири мерките и надвор од супермаркетите. Новите правила постепено ги опфатија колективните кујни, училиштата, болниците и дел од прехранбената индустрија, со што земјата дополнително ја зацврсти својата позиција како еден од предводниците во борбата против фрлањето храна.

The post ВИШОКОТ ХРАНА ЗА ГЛАДНИТЕ, А НЕ ВО КОНТЕЈНЕРИ Франција е прва земја што ги обврза маркетите да ја донираат непродадената храна appeared first on plusinfo.mk.

Додека седеше меѓу светските лидери на парадата во Париз, украинскиот претседател се обиде да отвори шише вода. Неколку секунди подоцна, капачката заврши откината, а видеото ги преплави социјалните мрежи.

Токму тој момент стана вирален. Снимката брзо се прошири на социјалните мрежи, каде илјадници корисници коментираа дека се препознале во неговата реакција.

Zelensky struggles with a plastic water bottle, fully detaching the screw cap, and setting it aside.

Under the EU’s Single-Use Plastics Directive, bottle caps must stay physically attached. pic.twitter.com/ZrBRLiS2LR

— Clash Report (@clashreport) July 14, 2026

„Треба да го уапсат. Ја уништи најголемата европска иновација на 21 век“, се пошегува еден корисник.

„Не можам да ги поднесам овие капачиња. Секоја ја кинaм“, напиша друг.

Меѓу коментарите имаше и шеги поврзани со европските интеграции на Украина.

„Како што гледаме, Украина сè уште не е подготвена за Европската Унија“, гласеше една од најсподелуваните реакции.

Зеленски присуствуваше на традиционалната воена парада по повод Денот на Бастилја, заедно со сопругата Олена Зеленска и бројни европски лидери.

Прославата се одржа на Шанзелизе, каде француската армија ги претстави своите копнени, воздушни и поморски капацитети. Моментот со шишето траеше само неколку секунди. На интернет, сепак, траеше многу подолго.

The post 📽️ ЗЕЛЕНСКИ ПОКАЖА КАКО СЕ КИНЕ КАПАЧЕ НА „БАЛКАНСКИ“ НАЧИН! „Требаше да го уапсат, во ЕУ важат други правила“ appeared first on plusinfo.mk.