За време на денешната Конференција на Обединетите Нации во Њујорк неколку земји планираат формално да ја признаат палестинската држава. Настанот се организира пред годишниот собир на светските лидери на Генералното собрание на ОН, јави ДПА.

Францускиот претседател Емануел Макрон е домаќин на конференцијата на ОН заедно со Саудиска Арабија, која започнува во 15 часот (19 часот по Гринич). Тој ќе го промовира решението за две држави.

Покрај Франција, и Белгија и Нов Зеланд објавија или посочија планови за признавање на Палестина и покрај жестокото противење на Израел.

Велика Британија, Канада и Австралија овој чекор го направија вчера, со што станаа првите големи западни економии што ја признаа палестинската државност. На денешната конференција во ОН свои говори ќе имаат и британскиот премиер Кир Стармер и канадскиот премиер Марк Карни.

Земјите учеснички имаат цел да ги одржат живи надежите за дипломатско решение што предвидува палестинска држава покрај Израел.

Вчера и Португалија официјално ја призна независноста на палестинската држава.

– Признавањето на државата Палестина е исполнување на фундаменталната, конзистентна и широко прифатена политика, изјави португалскиот министер за надворешни работи, Пауло Рангел пред новинарите во Њујорк.

Рангел додаде дека „Португалија се залага за решение со две држави како единствен начин за праведен и траен мир, мир што промовира коегзистенција и мирни односи меѓу Израел и Палестина“.

Критичарите предупредуваат дека притисокот врз Израел може дополнително да ги ескалира тензиите.

Израел и неговиот сојузник, САД, ја бојкотираат конференцијата. Германскиот министер за надворешни работи Јохан Вадефул ќе присуствува како поддржувач на решението за две држави, иако Берлин моментално се спротивставува на формалното признавање на Палестина.

Палестинскиот претседател Махмуд Абас ќе учествува преку видео врска откако, администрацијата на Трамп му одби виза.

Годишната Генерална дебата на ОН започнува утре и се очекува да присуствуваат околу 150 шефови на држави и влади.

Независноста на палестинската држава е поддржана од повеќе од 150 земји во светот.

„СЕГА Е МОМЕНТОТ ЗА ПРИЗНАВАЊЕ“ Велика Британија, Канада и Австралија ја признаа Палестина

The post ФРАНЦИЈА, БЕЛГИЈА И НОВ ЗЕЛАНД ЌЕ ЈА ПРИЗНААТ ПАЛЕСТИНА Велика Британија и Португалија веќе тоа го сторија, расте притисокот врз Израел appeared first on plusinfo.mk.

Соединетите Американски Држави и Израел остро го критикуваа францускиот претседател Емануел Макрон, откако тој објави дека Франција има намера да ја признае државата Палестина.

Макрон ова го најави вчера, а формалната декларација се очекува во септември. Тој рече дека потегот ќе ги унапреди мировните напори на Блискиот Исток.

Вашингтон и Западен Ерусалим го осудија ветувањето на Макрон, предупредувајќи дека тоа би било контрапродуктивно.

– Оваа непромислена одлука служи само на пропагандата на Хамас и не придонесува за мир – рече американскиот државен секретар, Марко Рубио.

Тоа е шлаканица во лицето на жртвите од 7 октомври 2023 година, додаде Рубио, осврнувајќи се на датумот кога милитантите на Хамас од Газа започнаа смртоносен напад врз јужен Израел.

Израелскиот премиер Бенјамин Нетанјаху ја критикуваше одлуката на Макрон, нарекувајќи ја „чин што наградува терор и ризикува да создаде уште еден ирански посредник, исто како што стана Газа“.

Мировните преговори со посредство на Катар повторно пропаднаа оваа недела откако САД и Израел се повлекоа, обвинувајќи го Хамас дека не дејствува со добра намера.

Големите западни новински агенции предупредија дека нивните новинари во Газа се соочуваат со глад. Би-Би-Си, АФП, АП и Ројтерс го повикаа Израел да им дозволи на странските новинари пристап до енклавата.

Израелскиот министер за наследство, кој е од крајната десница, Амихај Елијаху, изјави дека владата не треба да интервенира поради тоа што жителите на енклавата се соочуваат со глад.

– Цела Газа ќе биде еврејска – изјави тој за локалните медиуми.

Западен Ерусалим ги негираше обвинувањата за попречување на хуманитарната помош. Оттаму го обвинија Хамас за „грабеж“ и додадоа дека Обединетите Нации се неактивни во врска со проблемите со дистрибуцијата.

Во првата инвазија во 2023 година палестинските милитанти убија околу 1.200 луѓе и зедоа десетици заложници.

Според локалнит власти во Газа додега над 59.000 луѓе се убиени како резултат на воениот одговор на Израел. Според критичарите ова е епропорционален и потенцијално геноциден одговор.

Конфликтот се прошири и во други земји, вклучувајќи ги Либан, Јемен, Сирија и Иран и се зголемени стравувањата од регионална војна.

Неколку земји формално ја признаа државата Палестина додека трае тековниот конфликт, вклучувајќи ги Шпанија, Норвешка, Ирска и Мексико.

The post „НЕ ПРАВЕТЕ НЕПРОМИСЛЕН ПОТЕГ КОЈ НЕ НОСИ МИР“ Израел и САД ја предупредија Франција да не ја признава независноста на Палестина appeared first on plusinfo.mk.