Членките на здружението Онлајнмедиа одлучија нивните редакции да не ги снимаат и фотографираат погребите в четврток, на загинатите во пожарот во Кочани.

„Во овој период на жалост, кога болката од згаснувањето на 59 животи е неизмерна, треба да се почитува приватноста на семејствата, а медиумите да известуваат одговорно и професионално. Бидејќи, загубата на овие млади животи е толку трагична и трогателна и воопшто не се потребни светлата на камерите да сведочат за лелекот на скршените души што ќе се збогуваат со своите чеда за последен пат.

Редакциите на членките на Онлајнмедиа одлучија да не се снимаат погребите на загинатите не само во Кочани, туку и во сите други градови во земјава. Исто така, членките на Онлајнмедиа (onlinemedia.mk) нема да објавуваат видеозаписи и фотографии од погребите, ниту од други медумски куќи“, се вели во соопштението на членките на Онлајнмедиа.

И жителите на Кочани до медиумите упатија апел да не се злоупотребува трагедијата и тагата на луѓето за сензационализам и да се обезбедат достоинствени услови за погребите.

The post ПОРТАЛИТЕ ОД ОНЛАЈНМЕДИА НЕМА ДА ГИ СНИМААТ ПОГРЕБИТЕ НА ЗАГИНАТИТЕ ВО ТРАГЕДИЈАТА Треба целосно да се почитува приватноста на семејствата appeared first on plusinfo.mk.

Како што соопшти полицијата, вчера во 17 часот било пријавено дека во Медицинскиот центар Куманово со повреди бил донесен малолетник. Според пријавеното, малолетникот се здобил со повреди од струен удар при обид да се качи на вагон на железничката станица во Куманово, за да се фотографира.

Увид на место извршила увидна екипа од СВР Куманово.

The post ЛОША ИДЕЈА ЗА СЕЛФИ Тинејџер сакал да се слика на вагон, го удрила струја appeared first on plusinfo.mk.