Откако најавуваше формирање на нова политичка партија во САД, милијардерот Илон Маск кој до неодамна беше шеф на Одделот за ефикасност во администрацијата на претседателот Доналд Трамп, објави дека ја формирал „Американска партија“.

Маск вчера се обрати на „Икс“ каде ги праша своите следачи дали на САД и е потребна нова партија, по што денеска и официјално ја објави.

„Вие сакате нова политичка партија и ја добивате. Денеска „Американска партија“ (America Party) е формирана за да ви ја врати слободата“, напиша Маск.

Соопштението од Маск доаѓа откако претседателот Доналд Трамп во петокот потпиша закон за намалување на даноците и трошењето, на што милијардерот, извршен директор на „Тесла“, жестоко се спротивстави.

Маск потроши стотици милиони долари за реизборот на Трамп и го водеше Одделот за владина ефикасност под администрацијата на Трамп, со цел намалување на владините трошоци, но двајцата оттогаш се скараа поради несогласувања околу законот.

Трамп претходно оваа недела се закани дека ќе ги прекине милијардите долари субвенции што компаниите на Маск ги добиваат од федералната влада.

By a factor of 2 to 1, you want a new political party and you shall have it!

When it comes to bankrupting our country with waste & graft, we live in a one-party system, not a democracy.

Today, the America Party is formed to give you back your freedom. https://t.co/9K8AD04QQN

— Elon Musk (@elonmusk) July 5, 2025

The post 📷 МИЛИЈАРДЕРОТ ФОРМИРАШЕ „АМЕРИКАНСКА ПАРТИЈА“ Маск објави дека ќе ја врати слободата во САД appeared first on plusinfo.mk.