На заедничка средба меѓу преговарачките тимови на ГЕРБ, Демократска Бугарија, БСП и ИТН денеска се разговараше за предлозите за нацрт-договорот за управување. Ова го соопштија ГЕРБ и ДБ во идентични пораки по средбата што се одржа во Националното собрание.

Предлозите вклучуваат дефинирање на владините приоритети и механизмите за одлучување од страна на идното владејачко мнозинство, јавуваат бугарските медиуми. ГЕРБ и ДБ продолжуваат да излегуваат со исти пораки по тековните средби без да соопштуваат детали за договореното.

На последната средба на 30 декември, двете страни информираа дека ги презентирале своите нацрти за коалициски договор, во кој се вклучени предлози за приоритетите на владеењето на државата, меѓу кои се надминување на кризата во јавните финансии, енергетиката, правдата и борбата против корупција, модернизација на инфраструктурата и механизмот за одлучување меѓу актери за управување.

Непосредно пред пратениците да заминат на божиќна пауза, ГЕРБ и ДБ постигнаа пробив во преговорите и најавија дека работат на нацрт договор за заедничко управување.

Со оглед на контроверзноста и акумулираната недоверба, разговорите се одвиваат изненадувачки без проблеми, судејќи според официјалните и неофицијални настапи на учесниците.

Партијата Продолжуваме со промената на поранешниот премиер Кирил Петков, која е коалициски партнер на ДБ, категорично одби какви било преговори со ГЕРБ, бидејќи не го исполниле условот да ја потпишат декларацијата за „санитарен кордон околу контроверзниот олигарх санкциониран според законот магнитски, Дељан Пеевски, и неговата партија ДПС – Нов почеток. ДБ влезе во разговори со идеја да ги вклучи темите од „санитарниот кордон“ во евентуалниот коалициски договор со ГЕРБ.

Претседателот Румен Радев изјави првиот мандат ќе го врачи на почетокот на 2025 година. поради преговорите и божикните и новогодишните празници.

The post СОФИЈА НА ЧЕКОР ДО НАДМИНУВАЊЕ НА КРИЗАТА Бугарските партии блиску до регуларна влада по есенските избори appeared first on plusinfo.mk.

– Министерството за образование и наука учествува во изнаоѓањето решение за случајот со ученикот со кој јавноста е веќе запознаена и во таа насока, на иницијатива на МОН е формирана интердисциплинарна комисија составена од претставници на Министерството, Бирото за развој на образованието, општината, училиштето и социјалните служби, која се состанува за разгледување и преземање соодветно мерки и активности согласно законската регулатива, во чиј фокус се најдобрите интереси на ученикот, но и на сите инволвиран – велат од МОН.

Третоодделенецот од чие однесување се жалат родители од ОУ „Лазо Ангеловски“ во Ново Лисиче требаше да биде префрлен во ОУ „11 Октомври“ во Центар. Родителите на учениците од „11 Октомври“ ја бојкотираа наставата, а по повлекување на одлуката и негово враќање во матичното училиште „Лазо Ангеловски“, денеска празно остана и ова училиште.

Министерката за образование и наука Весна Јаневска вчера изјави дека случајот добил „преголема, непотребна и донекаде неправедна јавност, обем и јавна дискусија“.

– Сметам дека е пренагласена реакцијата на сите родители, но сметам дека и училиштата треба посериозно да ја сфатат работата во однос на децата кои имаат потешкотии во учењето или во однос на децата кои имаат потешкотии во однесувањето и социјализација во сопствената средина. Овој случај трае премногу, преземени се одредени мерки, па дури и МОН формирало комисија која се вмеша во решавање на проблемот. Препорачано е детето да ја промени средината. Ако стручни лица препорачале така, значи треба да ја промени средината – изјави Јаневска.

Училиштето од кое потекнува, рече таа, има на располагање стручна служба (педагог, психолог, социјален работник) и директор кои треба да го решат проблем.

Министерката нагласи дека „детето не може и не смее да остане на улица“ затоа што „секое дете има право на образование кое е задолжително“.

Како што рече, „државата е должна, заедно со училиштата, да му овозможат на детето да поминува низ образовен процес“.

The post КОМИСИЈА ЌЕ ГО РЕШАВА СЛУЧАЈОТ СО УЧЕНИКОТ ОД „ЛАЗО АНГЕЛОВСКИ“ Со проблемот ќе се занимаваат повеќе институции appeared first on plusinfo.mk.

Партијата Продолжуваме со промената на поранешниот премиер Кирил Петков, која се обиде да формира малцинска влада со партијата Демократска Бугарија, вчера не доби поддршка од Парламентот. „За” гласаа 63 пратеници, а „против” беа 114 од 240 пратеници.

Пратениците од партијата ГЕРБ на поранешниот премиер Бојко Борисов и проруската националистичка партија Преродба беа против, додека три политички опции беа воздржани, вклучително и Бугарската социјалистичка партија, поранешен сојузник на партијата на Кирил Петков.

Коалицијата на Бојко Борисов, која на вонредните парламентарни избори на 2 октомври освои најмногу гласови, но само 67 мандати, во декември не успеа да обезбеди мнозинство во Парламентот.

Бугарскиот претседател Радев сега мора да побара од третата најмоќна политичка опција за формирање влада, а тоа е центристичката партија Движење за права и слободи. Доколку и таа не успее да формира влада, Радев мора да го распушти Парламентот и да распише нови избори, петти во изминатите две години.

Политичката криза во Бугарија трае од 2020 година, кога земјата беше потресена од демонстрации против владата на Бојко Борисов, каде илјадници бараа елиминирање на корупцијата и политичкото мешање во работата на медиумите и ефективна реформа на судството. Обидите на владата на Бојко Борисов да ги запре протестите со насилство поттикнаа дополнителен гнев и доведоа до подлабока поларизација на општеството.

Од април 2021 година, кога се одржаа последните редовни парламентарни избори, формирањето на стабилна влада е спречено поради острата поларизација меѓу партиите и нивната недоволна сила.

Оттогаш, Радев назначи неколку преодни влади, а единствената во полн капацитет, предводена од Петков, беше формирана по вонредните избори во ноември 2021 година, но нестабилната четиричлена коалиција се распадна по само шест месеци, во јуни 2022 година.

Долготрајната политичка блокада може да го загрози влезот на Бугарија во еврозоната на 1 јануари 2024 година и користењето на фондовите на ЕУ за закрепнување на земјата, а ќе ги одложи реформите неопходни за борба против корупцијата.

The post БУГАРИЈА НА ЧЕКОР ДО НОВИ ИЗБОРИ Кирил Петков не успеа да формира влада appeared first on plusinfo.mk.

Како што јави дописникот на МИА од Софија, повикувајќи се на Петков, пред „Промените продолжуваат” да го добие вториот мандат за формирање влада, тие ги донеле предлог-законите поврзани со усвојувањето на европскиот план за закрепнување. Тие испратија писма до сите парламентарни политички партии и денеска ќе испратат до Претседателскиот совет за да разговараат за ситуацијата во земјата.

Доколку, смета Петков, претседателот на Бугарија следната недела и го додели мандатот на „Промените продолжуваат”, а Народното собрание нема време да ги усвои овие предлог-закони, додаде дека кога има волја, може да се најде и време. А доколку политичките партии во бугарското Народно собрание, кои имаат над 121 глас, кажат дека се согласуваат, веднаш ќе испратат писмо до претседателот на Бугарија да им даде време да гласаат за нив.

Тој не го потврди името на поранешната министерка за правда Надежда Јорданова од неговата поранешна влада како можен кандидат за премиер на Бугарија доколку „Промените продолжуваат” и „Демократска Бугарија” формираат малцинска влада.

Како што пишува весникот „24 Часа”, пратениците од партијата на Петков велат дека номинирањето на Јорданова на функцијата премиер на Бугарија би било гест од „Промените продолжуваат” кон нивниот помал коалициски партнер „Демократска Бугарија”. затоа што таа е нивни претставник.

Петков апелираше до лидерката на бугарските социјалисти, Корнелија Нинова, да го поддржи ветото на претседателот на Бугарија, Румен Радев, кој го врати Изборниот законик со кој беа вратени хартиените гласачки ливчиња на прегласување во Народното собрание и повторно да работат заедно.

Како што потсетува дописникот на МИА од Софија, Надежда Јорданова е познат софиски адвокат, а нејзината кариера почна како шеф на кабинет на Христо Иванов, кога тој беше министер за правда во втората влада на Бојко Борисов.

The post НЕ СЕ ПЛАШИМЕ Петков е подготвен да ја преземе одговорноста за составување влада appeared first on plusinfo.mk.

Украинската влада вчера вети дека ќе изгради засолништа во кои ќе има греење, вода и електрична енергија, предупредувајќи ги граѓаните да штедат енергија за време на немилосрдната руска офанзива која сериозно ја оштети енергетската инфраструктура оваа зима.

– Специјални „центри на непобедливоста” ќе бидат формирани низ Украина за 24 часа на ден бесплатно да обезбедуваат струја, греење, вода, интернет, мобилни врски и лекови – рече претседателот Володимир Зеленски во своето редовно видео обраќањето до нацијата доцна ноќеска.

Во Украина над 10 милиони потрошувачи имаат прекин во снабдувањето со електрична енергија поради руските напади. Украинскиот национален оператор за електрична енергија вчера соопшти дека штетата е „колосална”.

– Доколку се повторат масивните руски напади и стане јасно дека со часови нема да има струја тогаш „центрите на непобедливост” ќе тргнат во акција со сите клучни служби – рече Зеленски.

Властите предупредија на исклучувањата на струјата може да погодат милиони луѓе до крајот на март, што е најнов резултат на деветмесечната инвазија на Русија во која веќе загинаа десетици илјади лица, раселени се милиони и опустошена е глобалната економија, пишуваат британските медиуми.

Руските напади врз украинските енергетски капацитети се проследени со серија неуспеси на бојното поле, што вклучуваат повлекување на нејзините сили од јужниот град Херсон до источниот брег на реката Дњепар.

The post „ЦЕНТРИ НА НЕПОБЕДЛИВОСТА“ Украина отвора засолништа со греење, струја, вода и интернет appeared first on plusinfo.mk.

Како што јави дописникот на МИА од Софија, Дечев, кој е член на новоформираниот Клуб за бугарско-македонско пријателство, во изјава за Бугарското национално радио (БНР) вели дека таа нова Комисија ќе има своја агенда, свој календар и свои состаноци и цели и ќе покаже дека не мора да има скандали по секоја средба на историчарите од двете земји.

Дечев изразува надеж дека членовите на „Комисијата во сенка“ ќе бидат подготвени за отворен дијалог.

– Целта е да се покаже дека е можно да се соберат луѓе од двете страни на границата и да се води искрен и плоден дијалог насочен кон сите области од животот – изјави Дечев, говорејќи за мисијата на Клубот за бугарско-македонско пријателство, кој брои повеќе од 120 членови.

Дечев најави и дека првиот јавен настан на новиот Клуб во Бугарија ќе се одржи на 16 мај.

Во врска со изјавите на претседателот на Бугарија, Румен Радев во однос на преговорите за членство на Северна Македонија во ЕУ, Дечев оцени дека шефот на бугарската држава не тој што треба да кажува како стојат работите кога станува збор за историјата.

Според Дечев, бугарската позиција по прашањето на земјава постојано се менува и кога се следат медиумите во Софија и во Скопје се добива впечаток дека тие создаваат амбиент кој на краток рок не придонесува за промена на ставовите.

The post „ИСТОРИЈА ВО СЕНКА“ Дечев најави за формирање паралелна заедничка бугарско-македонска Комисија appeared first on plusinfo.mk.

ПССЕ ги повика 46 „земји-членки и набљудувачи“ „итно да основаат“ таков трибунал „со мандат да истражува и гони“ за злосторства на агресија „наводно извршени од политички и воени лидери на Руската Федерација“.

Судот треба да ја „примени дефиницијата за воено злосторство“ утврдена со меѓународното право и да има седиште во Стразбур.

Советот оваа недела ќе одржи пролетна седница за „последиците од руската агресија врз Украина“.

Предложениот суд треба да има моќ да издава „меѓународни налози за апсење без ограничување на имунитетот“ на држави или лидери, соопшти собранието, „згрозено“ од војната во Украина и згрозено од информациите за „злосторства против цивили“.

„Во едногласна резолуција“, собранието исто така изрази „запрепастеност од бројните извештаи за употреба на силување и тортура како воено оружје“, практики што се признати како воени злосторства според меѓународното кривично право.

Од исклучувањето на Русија од Советот на Европа на 16 март, има 46 членки. Парламентарното собрание има 306 пратеници од националните парламенти.

The post БАРАЊЕ ЗА ФОРМИРАЊЕ КРИВИЧЕН СУД Советот на Европа повика да се судат злосторствата во Украина appeared first on plusinfo.mk.

– Иницијативата за формирање на партијата сè уште е во зачеток, а кога ќе биде официјализирана ќе зависи од составот на новата Владата и компетентноста на кадровските решенија што ќе ги испорачаат органите на СДСМ – вели Атанасов.

Според Атанасов дојдено е време за нова политичка сила во државата која би ги обединила незадоволните и од социјалдемократските, но и од политиките на другите партии, како и сите граѓаните кои, како што вели, сакаат подобра иднина.

The post АТАНАСОВ ПОТВРДИ ЗА КАНАЛ 5 Долгогодишниот член на СДСМ ќе формира нова партија appeared first on plusinfo.mk.

Република Српска започна политички процес на враќање на своите надлежности во областа на безбедноста, армијата, даноците, судот, обвинителството и други кои според Уставот на Босна и Херцеговина не припаѓаат на БиХ. Формирањето на вооружените сили на Српска предизвика најмногу бури, пред се кај заштитниците на интересите на НАТО во БиХ. Оваа точка би можела да биде столбот околу кој Српска ќе се бори за поголеми овластувања во преговорите со Западот, оценуваат експертите и додаваат дека Западот ќе и понуди одредени отстапки на РС за да се откаже од создавање војска.

Подготвени за договор

Политичкиот аналитичар Драгомир Анѓелковиќ смета дека РС мора да игра рационално и потсетува дека армијата е само една од 70-те надлежности што и се одземени.

– Додик е искусен и флексибилен политичар. Мислам дека тој е подготвен да седне и да преговара со западните центри на моќ, за да се откаже од некои барања, доколку се исполнат барањата на РС на други полиња. Денеска Додик се движи поофанзивно со намера да ги спречи дополнително да ја преземат власта. Целта овде не е само враќање на одземените, туку и спречување одземање на нови овластувања – забележува Анѓелковиќ.

Професорот по меѓународни односи Срѓан Перишиќ ја гледа независната армија на РС како најголем проблем за САД и оценува дека околу таа точка ќе има обиди за спогодба или притисок.

– Целта на Вашингтон е членството на БиХ во НАТО, а тоа би ја ставило Србија во многу непријатна положба и би била под огромен притисок. Намерата е да се спречи врската меѓу РС и Србија, да се направи вечна границата на Дрина. Затоа мислам дека Американците во оваа ситуација не се многу заинтересирани за сите овие надлежности на РС, туку само за она што се однесува на армијата. Моја проценка е дека на Српска ќе и бидат понудени некои бенефиции и дека за возврат ќе се откаже од војската. Сепак, какви и да се притисоците и понудите, ниедно решение не може да помине без согласност на Србија – нагласува тој.

Кршење на Српска

Политичкиот аналитичар Џевад Галијашевиќ вели дека поголема автономија на Српска значи и нејзино отстапување од патеката на НАТО. Тој смета дека примарна цел на Америка е да има активен непријател на Балканот за НАТО да добие цел и да воспостави партнерство со муслиманскиот свет:

– Во тој контекст треба да се погледне и политичкиот процес што го иницира РС. Ако и дадете поголема автономија на Србија, тогаш таа има свој одбранбен пат кој би бил надвор од колосекот на НАТО, а Америка тоа воопшто не го сака. Иако формално не е членка на Алијансата, БиХ и легално и де факто е дом на НАТО и Србите протестираат против тоа. Нема поента што би ги задоволила САД. Нејзиниот политички проект е да спречи каков било договор меѓу српската и бошњачката елита – вели Галијашевиќ.

The post ДОДЕКА ДОДИК ЈА ПОДГОТВУВА ВОЈСКАТА, ЗАПАДОТ СО ДРУГА ЦЕЛ Спречување на формирањето на воените сили appeared first on plusinfo.mk.

– Таквата борба ги дефинираше нивните животи, но и ја одредуваше нашата иднина. Ова што го имаме денес не е плод на борбата на само една успешна генерација, туку саможртва на цела низа на генерации кои се бореа, гинеа, и одново се раѓаа нови јунаци кои продолжуваа таму каде претците застануваа. Таквата посветеност е можна само доколку идејата е доволно силна, а мотивот доволно голем. И во градењето на таквиот ѕид на надежи и соништа секој еден јунак кој дејствувал на ова тло е подеднакво значаен, без оглед дали неговото име денес го читаме на камените статуи по плоштадите, или неговата жртва останала незапишана од историјата, но е доволно голема денес и во идните времиња да ја споменуваме и паметиме – рече Мицкоски и додаде:

„Во таквиот ѕид врз чии темели почива денешната наша Македонија значаен камен и тврдина е организацијата која пред точно 128 години на денешен се роди во Солун. Таа организација беше последица на жедта на македонскиот народ за свое упориште во борбата за слобода, но истата стана и мајка на целокупниот отпор на населението кое заеднички се бореше за слобода. И од тој аспект В.М.Р.О стана чадорот на секоја акција, на секое спротивставување, на секоја организираност на нашето народно ослободување“.

Според Мицкоски, македонската држава има повеќе значајни темели, но еден од најсилните е токму оваа организација.

– И навистина се без предметни оние обвинувања кога во виорот на дневните препукувања само поради некаков ситен политички контекст се посочува дека празнувањето на денешниот ден припаѓал и бил исклучиво на една политичка партија, на тој начин сакајќи да се намали важноста на празнувањето. На таквите кои тоа го велат им порачувам дека, ова е и ваш празник затоа што ВМРО ги обединувало сите слободно мислечки индивидуи, и го ослободуваше меѓу другото и целокупниот креативен потенцијал на нашата напредна интелигенција. И тука немало поделба на наши и ваши, големи или мали, тие се воделе од идеја, имале емоција и гинеле поради кауза. Таквиот темел подоцна беше добра основа и за партизанското движење како природен след на она што го започна ВМРО. Затоа ова е празник на сите кои ја сакаат слободата на Македонија, на сите кои го почитуваат делото на татковците на нашата нација – потенцира Мицкоски и додава:

– Гане велеше дека незапирлива е светлината на Илиндените која ќе стигне до идните поколенија, а Пирузе Мајски дека ВМРО е дело кое му припаѓа на народот и тој фаќел на слободата им припаѓа на сите генерации кои потоа ја продолжуваа таа столетна идеја за независност. И токму затоа велам дека ВМРО и Македонија се сопатници низ времето, лице и опачина, дел од еден ист сон, од една иста идеја, од еден континуитет низ бурите и премрежјата што се вика-Македонија. Македонија која мора да биде наша заедничка, Македонија која мора да има иднина. Македонија која ќе победува. Македонија која ќе гради нов заеднички патриотизам. Македонија на гордо кренати глави, држава со р`бет, Македонија која ќе биде нашиот сон, кој е одсонуван и реализиран. И затоа со достоинство во гласот и искрен трепет во срцето велам….Среќен празник Македонијо!“.

The post МИЦКОСКИ ЗА 23-ТИ ОКТОМВРИ Ова е празник на сите кои ја сакаат слободата на Македонија appeared first on plusinfo.mk.