Сѐдодека се во сила спорните правосудни закони во Србија, таа држава нема да добие финансиски средства од Планот за раст. Тоа синоќа го потврди еврокомесарката за проширување Марта Кос.

„Засега, ги запревме сите исплати од Планот за раст бидејќи Србија има назадување во областа на правосудството и додека не го поправи тоа, нема да може да добие финансиска поддршка од ЕУ“, изјави таа синоќа зборувајќи на Универзитетот во Фрајбург во Швајцарија, пренесоа српските медиуми.

Комесарката Кос претходно во неколку наврати предупреди дека тие закони – усвоени во јануари годинава – ја ограничуваат независноста на судството. На 24 април, Венецијанската комисија оцени дека неодамнешните измени во неколку судски закони во Србија ги отстрануваат претходно постоечките заштити за автономијата на обвинителството.

Ова експертско тело на Советот на Европа издаде девет препораки до Србија за тоа како да се отстранат недостатоците. ЕУ бара од Србија целосно да ги спроведе сите препораки на Венецијанската комисија во врска со судските закони и во исто време да ја суспендира примената на овие закони додека не се изменат.

Од средствата на Планот за раст, Србија има право на вкупно 1,588 милијарди евра за периодот помеѓу 2024 и 2027 година. Од првата транша од плаќањето од Европскиот план за раст во јануари, Србија доби малку повеќе од половина од предвидените средства, бидејќи беше утврдено дека исполнила само три од седумте планирани реформи. Наместо предвидените 112 милиони, земјата доби 61,1 милион евра.

Марта Кос изјави и дека е критична кон идејата на Србија и Албанија да им се овозможи да станат членки на единствениот европски пазар и Шенген зоната, посочувајќи дека не постои нешто како „лајт (лесно)“ или делумно, туку само полноправно членство во ЕУ кога сите обврски се исполнети.

Во врска со иницијативата што српскиот претседател Александар Вучиќ и албанскиот премиер Еди Рама ја презентираа во заеднички текст за „Франкфуртер алгемајне цајтунг“, Кос рече дека „двајцата политичари веројатно знаат дека за членство во заедничкиот пазар и Шенген треба да се исполни многу во областа на владеењето на правото“.

Таа додаде дека во ЕУ се води дебата дали постојната методологија на проширување е соодветна за сегашното време и дали се можни некои специфични аранжмани и постепена интеграција, но дека нејзината улога како комесар за проширување е да ги подготви земјите да станат полноправни членки. На прашањето како политичката криза во Србија влијае на процесот на пристапување, Кос рече дека Србија назадува во многу области, поради што нејзините исплати од Планот за раст се запрени.

„Србија денес е многу поларизирана. Таа е кандидат за членство во Европската Унија повеќе од 10 години. За жал, видовме, гледаме дека назадува, особено кога станува збор за вредностите за кои зборував претходно – владеењето на правото, демократијата, слободата на говорот и, особено, слободата на медиумите. Србија има иднина во Европската Унија, но курсот мора да се промени или посилно да се изрази во постапките на политичарите“, изјави таа.

The post ЗАПРЕНИ ПАРИТЕ ЗА СРБИЈА ОД ЕВРОПСКИОТ ПЛАН ЗА РАСТ Земјата назадува во многу области, нема да ги добие предвидените 1,5 милијарди евра appeared first on plusinfo.mk.

Милиони бегалци и раселени лица ширум светот се подготвуваат за студена зима со многу помалку помош отколку во претходните години, соопшти Агенцијата на ОН за бегалци (УНХЦР).

Доминик Хајд од УНХЦР изјави дека, поради наглото намалување на помошта од Германија, САД и многу други земји, поддршката за бегалците оваа зима ќе биде „многу помала“.

– Хуманитарните буџети се растегнати до крајни граници и зимската помош што ја нудиме ќе биде многу помала оваа година, рече Хајд.

– Семејствата ќе мора да издржат смрзнувачки температури без работи што многумина од нас ги земаат „здраво за готово“: Соодветен покрив, изолација, греење, ќебиња, топла облека или лекови, нагласи тој.

УНХЦР сака да собере средства од приватни донатори за да ја надомести делумно намалената поддршка од владите. Организацијата упати апел за донации со цел да собере најмалку 35 милиони долари.

Парите ќе бидат искористени за поправка на бомбардирани куќи и изолација на други, соопшти агенцијата. Семејствата ќе добијат ќебиња и пари за лекови и топли оброци.

Според агенцијата, зимска облека за дете-бегалец во Молдавија чини 95 долари. За еквивалент од 30 долари, семејство во Авганистан би можело да добие традиционална печка. Со 120 долари, семејство во Либан може да го грее своето засолниште.

Агенцијата соопшти дека се обидува да им помогне на луѓето во Украина, кои се соочуваат со својата четврта зима во војна, со температури што често паѓаат до минус 20 степени Целзиусови, како и на повеќе од два милиони Авганистанци кои беа принудени да се вратат во својата татковина, некои од нив „со празни раце и со малку изгледи“ по враќањето од Пакистан и Иран.

The post НА МИЛИОНИ БЕГАЛЦИ ОВАА ЗИМА ИМ СЕ ЗАКАНУВААТ СТУД И ГЛАД Фондовите на ООН за хуманитарна помош се исцрпени appeared first on plusinfo.mk.

„Поради многу големата заинтересираност во јавноста, Европското јавно обвинителство потврдува дека во тек е истрага за можна злоупотреба на фондовите на ЕУ кога станува збор за Железничката станица во Нови Сад. За да не се загрози исходот од оваа истрага, не можеме јавно да објавиме никакви дополнителни детали“, соопштија од канцеларијата за комуникации на Европското јавно обвинителство.

Исто така, се наведува дека Европското јавно обвинителство мора да одлучи за вршењето на својата надлежност „кога е извршена измама во однос на фондовите на ЕУ доделени на земји кои не се членки на ЕУ или на земји-членки кои не се учеснички“.

„Со оглед на тоа што штетата на финансиските интереси на ЕУ е составен дел на кривичното дело измама, кога таа штета се случува во Белгија или Луксембург (бидејќи таму се исплаќаат средства, каде што се наоѓаат институциите на ЕУ), постои надлежност на тие земји-членки, а со тоа и надлежност за Европското јавно обвинителство без оглед на тоа каде се случило тоа, т.е. на територија на третата земја“, се наведува во соопштение на канцеларијата.

Европското јавно обвинителство е надлежно за истражување, гонење и изведување пред лицето на правдата на сторителите на кривични дела против финансиските интереси на ЕУ.

Тие дела, како што се наведува, опфаќаат разни видови измами, даночна измама со ДДВ во износ од над 10 милиони евра, перење пари, корупција и друго.

The post НЕСРЕЌАТА ВО НОВИ САД ПАДНА ВО РАЦЕТЕ НА ОПАСНАТА РОМАНКА Лаура Ковеси ќе истражува злоупотреба на ЕУ фондовите appeared first on plusinfo.mk.

„Овој проект е клучен за усогласување на нашето законодавство со европските стандарди за квалитет на воздухот. Ќе работиме на донесување нови закони и правилници кои ќе овозможат подобра контрола и спроведување на мерките за заштита на воздухот“, велат од Министерството за животна средина и просторно уредување.

Проектот ќе резултира со комплетирање на законската рамка, создавањето на нов закон за квалитет на амбиентен воздух и серија подзаконски акти кои ќе ги следат европските директиви (2008/50/EC, 2004/107/EC и 2016/2284/EC). Заедно со нив, ќе се подготват и планови за имплементација на директивите, вклучувајќи фискални импликации за нивно спроведување.

„Со овие мерки, ќе се дефинираат и приоритетизираат акции за подобрување на квалитетот на воздухот. Заедно со надлежните институции ќе работиме на изработка на национални плански документи кои ќе го поддржат оваа стратегија“, додаваат од министерството.

Проектот исто така ќе се фокусира на зајакнување на националниот инвентар за емисии во воздухот и на спроведување на план за мониторинг на опасни супстанци, како што се тешки метали и полициклични ароматични јаглеводороди. Ќе се воспостават нови зони и агломерации за мерење на овие супстанци, со цел да се добијат прецизни податоци за квалитетот на воздухот.

За успешна имплементација на проектот, ќе се инвестира и во зајакнување на административните капацитети кои ќе бидат одговорни за спроведувањето на овие мерки. Ова ќе помогне во подобрувањето на квалитетот на воздухот и во заштита на здравјето на граѓаните.

The post СЕ НАЈАВУВААТ НОВИ ПРАВИЛНИЦИ ЗА ЧИСТ ВОЗДУХ Како ќе се промени ситуацијата по проектот вреден 1,5 милиони евра appeared first on plusinfo.mk.

Според податоците од Буџетот за 2025 година, трошењето, односно расходите на Фондот за здравствено осигурување следната година ќе изнесуваат 867,8 милиони евра што е за 84,3 милиони евра повеќе во однос на годинава. Највисока ставка од 764,1 милион евра се „договорните услуги“ со кои се опфатени финансиските договори и обврски на ФЗО со јавни и приватни здравствени институции.

На приходната страна, од наплата на придонеси ФЗО очекува прилив од 799,6 милиони евра. Според прогнозите на власта, приходите од наплата на придонеси за здравствено осигурување, следната година во споредба на оваа, ќе се зголемат за 9%. Од Централниот Буџет, следната година пак, трансферот до овој фонд ќе изнесува 118,2 милиони евра што е за 3 милиони евра помалку во однос на годинава. Од вкупниот буџет на ФЗОМ во 2025-та 854,1 милион евра ќе бидат за „здравствена заштита“.

„Здравствената заштита е планирана на ниво од околу 52,5 милијарди денари, средства кои ќе се реализираат преку ФЗО, најголем дел од планираните средства се наменети за финансирање на здравствените услуги и исплата на обврски на јавните здравствени установи“, се наведува во Буџетот.

Фондот за пензиско осигурување на ниво на државата е институција со најголем буџет. Следната година ПИО ќе има историски највисоко ниво на расходи кои за прв пат надминаа 2 милијарди евра. Според новите буџетски проекции, во 2025 година во однос на оваа година, расходите на овој фонд се зголемени за 285 милиони евра.

Највисока расходна ставка од 1,7 милијарди евра се пензиите кои се опфатени во ставката „социјални бенефиции“ која тежи дури 2,17 милијарди евра и е за дури 284,3 милиони евра поголема во однос на годинава.

„За исплата на пензии планирани се 105,5 милијарди денари (1,7 милијарди евра), со вклучен ефект за линеарен пораст на пензијата за секој пензионер од 2.500 денари почнувајќи од март 2025 година, а со цел да се овозможи пристоен животен стандард на пензионерите“, наведува Министерството за финансии.

Сумата за исплата на пензии следната година во споредба со оваа е зголемена за дури 16,6%. Државниот ПИО следната година ќе има зголемени расходи по два основи, раст на пензиите и раст на бројот на пензионери. И за овој државен фонд власта предвидува раст на приходите, пред сè по основ на придонеси кои се клучен извор за буџетските приливи во фондовската каса. Конкретно преку ставката даночни приходи следната година се очекува прилив од 1,3 милијарди евра што е за 148,7 милиони евра во однос на годинава.

Фондот за пензиско осигурување следната година од Буџетот ќе доби 787 милиони евра што е за 130,7 милиони евра повеќе во однос на годинава.

ПИО и ФЗО се двата најважни државни фондови кои даваат услуги на сите категории на граѓани од сите возрасни групи – вработени, невработени, пензионери, пациенти. И двата фондови се „потпираат“ на државните трансфери.

Економистите со децении укажуваат на потребата од консолидација на фондовските финансии со цел да се обезбеди одржливост.

The post ПОВЕЌЕ ОД 3 МИЛИЈАРДИ ЕВРА ЌЕ СЕ СЛЕАТ ВО ДВАТА НАЈГОЛЕМИ ДРЖАВНИ ФОНДА На што ќе бидат потрошени парите? appeared first on plusinfo.mk.

Би се надоврзал на делот за преземените обврски во светло на сега веќе усвоената Нацрт-Реформска агенда 2024-2027 (која што ќе остане како нацрт сѐ до финалното усвојување и од страна на ЕК), рече министерот за европски прашања Орхан Муртезани на денешната прес-конференција.

– Преземајќи ги најголем дел од приоритетите кои нашите институции ги воделе со Европската комисија, јас заедно со тимот од стручните служби во Министерството за европски прашања, Министерството за финансии и сите надлежни министерства, се разбира и самата Влада, од првиот ден посветено работевме на зададените обврски, фокусирајќи се на клучните проекти, а чие успешно исполнување го сметам за едно од најважните постигнувања во првите 100 дена од мандатот на оваа Влада – објасни Муртезани.

Тој истакна дека според информацијата проследена од Европската комисија, според формулата од Регулативата за инструментот за реформи и раст, усвоена од страна на Европскиот парламент и Советот на ЕУ, Македонија треба да добие 750,4 милиони евра за периодот 2024-2027 година.

– Овие средства ќе бидат условени со реализација на конкретни квалитативни и квантитативни чекори поврзани со мерките за планираните реформи. Или со други зборови, а со заокружени бројки, 250 милиони евра ќе се добијат како грант или неповратни средства за инвестициски проекти, додека 500 милиони евра ќе се обезбедат преку заем со исклучително поволни услови (почеток на отплата од 2034 година, со до 40 години рок за отплата и поволна каматна стапка), од кои 250 милиони евра за реализација на реформите (буџетска поддршка) и преостанатите 250 милиони ќе бидат алоцирани за инвестициски проекти – додаде министерот.

Откако премиерот Мицкоски се осврна на содржината и столбовите на Планот за раст и реформската агенда, Муртезани посочи дека ќе се осврне конкретно на предвидените реформи.

– Конкретно, ќе работиме на зајакнување на јавната внатрешна финансиска контрола, зајакнување на системот за јавни набавки, декарбонизација и обновливи извори на енергија, (соларна и ветерници), усвојување на систем за трговија со емисии на гас, енергетска ефикасност и справување со загадувањето на воздухот. Тука спаѓа и развојот на образованието и вештини преку реформи на средното стручно образование, како и реформа на државните и јавните претпријатија, особено во поштенскиот и железничкиот сообраќај, вклучително и воведување на интелигентен транспортен систем, зголемување на е-услугите во царинското работење, подобрување на деловната средина преку зајакнување на инспекторатите и зголемување на инспекциските надзори, поддршка за работа на малите и средни претпријатија. Во делот на Владеење на правото – развој на демократијата преку реформа на изборното законодавство, зајакнување на независноста, квалитетот и интегритетот на правосудството, борба против корупцијата и организираниот криминал, донесување на нов Кривичен законик и Закон за кривична постапка согласно стандардите на ЕУ и други приоритети кои во интерес на времето не би ги набројувал детално – рече министерот.

Тој вели дека во функција на имплементирање на реформската агенда, ќе биде направена анализа за евентуална потреба од создавање на дополнителна структура или користење на постојната (со нејзино зајакнување или проширување), а која што ќе има за цел со сите ресурси и капацитети да обезбеди економска стабилност, одржлив раст и подобар квалитет на живот за сите граѓани.

The post МУРТЕЗАНИ ЗА РЕФОРМСКА АГЕНДА 2024-2027 Владата од првиот ден посветено работи на зададените обврски фокусирајќи се на клучните проекти appeared first on plusinfo.mk.

Го слуша ли некој крикот на шумите? Криците на илјадници мали и големи живи суштества што живеат во нив? По шумите, се палат стрништа, депонии, страдаат луѓето во градовите и селата. Нашата убава земја е на пат да се претвори во пустина, со соголени ридови и суви корита, ако не се направи остро ресетирање. Мора да влеземе во борба за шумите и во ново пошумување! Да ги повториме масовните акции, од Водно пред шест децении, до акцијата низ цела земја пред десетина години. Поучени од грешките, а стимулирани од добрите резултати.

Климата и екологијата се со години запоставени, парцијални решенија, нема организиран и координиран одговор. Единствени видливи борци со климатските невремиња и катастрофи се Стојанче Ангелов со ЦУК, со Дирекцијата за спасување, со пожарникарите и локалните доброволни спасувачки екипи. Тие заслужуваат секакво признание, но и поддршка од целата држава на осмислен начин, со силен буџет и кадровско засилување.

Добро е што Владата се вдаде во борба со природната стихија, па ги оспособи ер-тракторите сосе пилоти, се координира со локалната самоуправа во погодените подрачја и обезбеди меѓународна помош, која по број ги надминува СИТЕ наши хеликоптери и ер-трактори, но пак не е доволна! Очекуваме овој шок-тест да биде аларм за брза акција сега, за да има резултати при следните стихии, кои секако ќе дојдат. Негрижата за климатските промени не е само наша специјалност. Ама секој треба да си го бере своето гајле, барем она што е само негово, локално.

Инаку, климатските промени се покажуваат во сета своја разулавеност ширум планетава. И оние што мижат и не ги признаваат, го чувствуваат нивниот здив, час врел, час смрзнувачки и нивниот пркосен диктат во секојдневниот живот. Изгор температури, поројни дождови со бури и поплави. На климатските самити сите светски нации со години се убедуваат и договараат како ќе спречат глобалната земјина температура да не се покачи било кога, повеќе од 1,5 степени Целзиусови над прединдустриското време. А еве, веќе во текот на изминатава година се покачила за 1,6 степени Целзиусови и продолжува да расте!

Гласот на климатските научници и екологисти е сè уште многу послаб од оној на големите загадувачки бизниси и воените лобисти. Па така, договореното на КОП развиените држави не го исполнуваат зашто имаат други приоритети, а неразвиените зашто се сиромашни и не можат без фонд за прилагодување и покривање на штетите од климатските промени. Патем, ваков фонд беше договорен пред две години по долги години борби, но никако да се наполни. Па останува обврска на секоја држава да си води грижа за својата територија, природата, биодиверзитетот и луѓето. Да почнеме со Буџетот и Законот за климатска акција!

The post Во борба за шумите appeared first on plusinfo.mk.

Инструментот на Планот за раст, што за целиот Западен Балкан изнесува 6 милијарди евра, ќе се реализира во периодот од 2024 до 2027, почнувајќи од оваа година па наредните 4 години и овие средства ќе бидат надополнување на инструментот за претпристапна помош ИПА 3, којшто веќе државава го користи, значително зголемувајќи ја финансиската помош за сите партнери од регионот, беше посочено на брифингот со новинари за Планот за раст на Европската комисија за Западен Балкан, од страна на СЕП со поддршка на УНОПС.

Планот за раст е можност за развој на компаниите, мобилност на младите, за посуштински секојдневни релации со членките од ЕУ, суштинско вклучување во пазарот на ЕУ. Борба против корупцијата и воспоставување подобар систем на владеење на правото, но и јасната порака од ЕУ дека сакаат да ги видат нашите граѓаните и држави внатре во Унијата.

Финансиската помош ќе биде поврзана со реформската динамика во секоја држава.

Владата на седницата во вторникот ја усвои Нацрт реформската агенда 2024-2027, во рамки на Планот за раст за земјите од Западен Балкан и ја усвои усогласената верзија на Нацрт реформската агенда. Ажурираната Нацрт реформска агенда се споделува со Европската комисија со цел усогласување на листата реформски приоритети и мерки, со конкретни рокови предложени од македонска страна, со ЕУ.

Усогласувањето на Нацрт реформската агенда меѓу Македонија и ЕУ ќе продолжи и во наредниот период и треба да се заврши најдоцна до 26 април 2024 година, а финалната верзија на Реформската агенда да се усвои најдоцна до средината на мај 2024. По утврдувањето на финалната верзија на Реформската агенда и усвојувањето од ЕК ќе се отвори можноста за потпишување на договорите за инструментот за реформи и раст и за заем и со тоа поднесување Барање за повлекување на првата транша, односно за авансот во висина од 7 проценти од алокацијата за нашата држава, од вкупно 850 милиони евра.

Реформската агенда е важна, бидејќи државите членки на ЕУ не сакаат да го поддржат финансискиот пакет, без да биде усвоена реформската агенда, затоа што на овој план гледаат како на механизам за забрзување на реформите, нешто што подолго време се укажува дека земјите од ЗБ не прават доволно реформи. Механизмот е да направат повеќе реформи за да добијат повеќе средства и повеќе пари.

Со Планот за раст треба значително да се забрза ефектот од сите социо-економски придобивки од пат на земјава кон полноправно членство, и ова треба да биде надополнување и поддршка на процесот на преговори, не треба да биде негова замена, не треба да биде во судир со него, треба да биде како поддршка и надополнување на тој процес, беше посочено на брифингот.

Исплатата на средства од Планот за раст предвидено е да се случува два пати годишно, а за Македонија приоритетите што беа договорени со Реформската агенда се однесуваат на следните приоритетни области – Реформа во јавната администрација и управување со јавните финансии, Дигитална енергетска и зелена транзиција и вложување во човечки капитал, Деловно опкружување и Владеење на правото.

ЕУ со овој план се заложува да примени една од најголемите инвестициски стратегии и за интеграција на регионот преку заедничка соработка и помош од вкупно 6 милијарди евра, две милијарди во грантови, 4 милијарди во поволни заеми, со цел да се помогне во реформите поврзани со економското приближување до европскиот стандард и приближувањето до заедничкиот пазар.

На самиот на лидерите на Западен Балкан во Тирана на крајот на февруари ЕК презентираше 4 предлози со конкретни патокази, со кои постои реална можност за забрзано пристапување и тогаш беше усвоена заедничка изјава со која лидерите се обврзаа да започнат структуриран дијалог со ЕК и земјите-членки, со цел да се спроведе овој План за раст.

За време на тој самит се одржа и министерски состанок на министрите за европски прашања како и на министрите за финансии и таму беа презентирани патокази на Планот за раст.

На брифингот беше истакнато дека конкретни проекти кои биле презентирани на министерскиот состанок со Западен Балкан се – пристап до Единствената европска платежна област – СЕПА, тоа е учество на сите држави од Западен Балкан во платежната зона на ЕУ што значи олеснето и повтино плаќање на трговија и услуги меѓу ЕУ и Западен Балкан, што е важно за нашата дијаспора која редовно испраќа дознаки дома. Целта на оваа мерка е до крајот на 2024 државите да бидат подготвени за нејзина имплементација.

Второ – подобрување и воспоставување зелени коридори и подобрена царинска соработка, или популарно наречените зелени ленти на граничните премини за возила кои носат производи или кои работат на трговија. Целта е да се намали времето на чекање, да се зголеми трговијата, а со тоа и економскиот развој. Она што е важно е што ова не го опфаќа само регионот на Западен Балкан, значи не се воспоставува само од државите од регионот, туку секоја држава што граничи со држави од ЕУ има право да побара, односно одбере еден граничен премин на кој ќе се воспостави зелена лента со државите членки од ЕУ. Северна Македонија побарала тоа да биде за граничкиот премин Богородица кон Грција и тоа било прифатено, беше појаснето на брифингот.

Третата мерка што беше презентирана во Тирана и на која сега се работи е – бежична Интернет мрежа за јавни простори за ЗБ (Wi-fi for Western Balkans), што треба да овозможи бесплатен Интернет пристап до граѓаните на јавни прстори и објекти во 500 општини во целиот регион, до крајот на годината со финансиска помош од ЕУ од 7,5 милиони евра. Сè уште се дефинира начинот на којшто ќе аплицираат општините. Се предлага тоа да биде на принцип прв дојден прв услужен, на јавен повик, но државава побарала да се прифати квота за секоја држава да има број на оштини кои ќе добијат грантови за бесплатен интернет на јавните простори.

Четвртата мерка е вклучување во европските центри за дигитални иновации што ќе овозможи забрзана дигитална транзиција на малите и средни претпријатија, на старт-апите и на јавниот сектор, а се разгледува и вклучување во стратешките медицински набавки на ЕУ, а тоа е да бидеме вклучени во системот на набавките на ЕУ за стратешките медицински производи.

Ова е сериозна шанса и за конкретизација на европската агенда и за конкретни придобивки на граѓаните од процесот на пристапување кон ЕУ пред членство – тоа е основната цел на овој механизам на Планот за раст, исто така забрзан пристап кон ЕУ со што секој ден суштински ќе стануваме дел од европскиот систем, беше кажано на брифингот на СЕП со поддршка на УНОПС.

The post ШТО ПРЕДВИДУВА ПЛАНОТ ЗА РАСТ ЗА ЗАПАДЕН БАЛКАН ОД 6 МИЛИЈАРДИ ЕВРА? Зелени ленти, достап до набавките на ЕУ, дигитални иновации… appeared first on plusinfo.mk.

Регулаторите ги одобрија сите 11 апликации што чекаат за биткоин ETF, вклучувајќи ги BlackRock, Grayscale, Ark Investments, 21Shares, Fidelity и VanEck.. Тие можат да започнат со тргување уште денеска.

Овие инвестициски компании, со месеци чекаа американската Комисија за хартии од вредност (SEC) да им даде зелено светло да почнат да купуваат биткоин за нивните сопствени ETF.

Овој потег, кој беше најавен како значаен настан за секторот на дигитални средства, ќе го прошири пристапот до најголемата криптовалута на Вол Стрит и пошироко. Тоа доведе до зголемување на вредноста на оваа валута.

Комисијата за хартии од вредност во образложението даде и строго предупредување за ризиците поврзани со средството.

„Биткоинот е првенствено шпекулативно, нестабилно средство кое исто така се користи за недозволени активности, вклучувајќи откуп, перење пари, затајување санкции и финансирање тероризам. Инвеститорите треба да останат претпазливи во врска со безбројните ризици поврзани со биткоинот и производите чија вредност е поврзана со крипто“, стои во изјавата.

Одлуката значи дека новата група инвеститори сега може да влезе во шпекулативниот свет на Биткоин, без да мора да се грижите за добивање дигитални паричници или за навигација на крипто размена.

Се очекува милијарди долари да се слеваат на пазарот на Биткоин, бидејќи овие финансиски компании ќе почнат да ја купуваат дигиталната монета.

Аналитичарите во Standard Chartered изјавија дека овие фондови можат да привлечат 50 до 100 милијарди долари само оваа година, со што цената на биткоинот ќе достигне 100.000 долари. Други аналитичари велат дека приливот ќе биде поблиску до 55 милијарди долари во текот на пет години.

Што се однесува до цената, во последните неколку месеци, главно поради исчекувањето на објавувањето на Bitcoin ETF, цената на оваа криптовалута скокна за околу 70 отсто, а огромното мнозинство аналитичари истакнуваат дека овој тренд само ќе продолжи.

Во 2023 година, цената на биткоинот постојано се зголемуваше, делумно поради возбудата околу одобрувањето на Bitcoin ETF, и сега изнесува 44.000 долари.

Американското Комисија за хартии од вредност постојано ги одбиваше претходните барања за одобренија, наведувајќи ја загриженоста за потенцијалот за измама и манипулација.

Но, американскиот суд минатата година пресуди дека неговото оправдување е несоодветно.

ЕТФ се портфолија кои им овозможуваат на инвеститорите да се обложуваат на повеќе средства, без да мораат сами да купуваат.

Фондот со кој се тргува преку берза (ETF) е вид на инвестициски фонд кој исто така е производ со кој се тргува преку берза, т.е. се тргува на берзите. ЕТФ поседуваат финансиски средства како што се акции, обврзници, валути, долгови, фјучерси договори и/или стоки како што се златни прачки. Списокот на средства што ги поседува секој ЕТФ, како и нивните пондери, се објавуваат на веб-страницата на издавачот дневно или квартално во случај на активни нетранспарентни ETF. Многу ETF обезбедуваат одредено ниво на диверзификација во споредба со поседување индивидуална акција.

The post СОПСТВЕНИЦИТЕ НА БИТКОИН МОЖАТ ДА ИНВЕСТИРААТ НА БЕРЗА Американската комисија даде одобрение за 11 фондови appeared first on plusinfo.mk.

Најмногу пари заработил Новак Ѓоковиќ кога е во прашање машкиот тенис, додека Ига Швјонтек е најдобрата според заработувачката во женскиот тенис.

Новак Ѓоковиќ освои седум турнири оваа сезона, а само од нив заработи дури 15.952.044 долари.

Да потсетиме, Новак ги освои Аделаида, Синсинати, финалето на АТП во Торино, Мастерсот во Париз, како и Грен слем титули во Мелбурн, Париз и Њујорк.

Што се однесува до Ига Свјонтек, таа има заработено 9.857.686 долари со вкупно шест титули.

Прв придружник на Ѓоковиќ на листата за заработка е второпласираниот на АТП листата, Шпанецот Карлос Алкарас. Карлитос заработил 10.753.431 долари.

Кај тенисерките втората со највисока заработувачка е Арина Сабаленка со 9.195.703 долари.

Статистичарите пресметале дека годинава дури 111 тенисери заработиле над милион долари, никогаш досега немало толку „милионери“ во една сезона.

The post ДУРИ 111 ТЕНИСЕРИ СТАНАА МИЛИОНЕРИ Еве колку заработи Новак Ѓоковиќ во оваа сезона, Алкараз далеку зад него appeared first on plusinfo.mk.