Како што информираат, стaнува збор за три активни проекти, од кои за еден се досега исплатени финансиски средства (Гери Ван Симон ДООЕЛ), а кои се предмет на мониторинг од страна на меѓународна ревизорска куќа. За активните проекти на останатите две компании (МСТ Солушн и Лини 08 ДООЕЛ) досега не се исплатени финансиски средства од Фондот.

– Овој чекор следи по објавените податоци од УЈП и Генералниот секретаријат на Владата, што укажуваат на несоодветен однос на овие компании кон работниците, особено во време на глобална пандемија со ковид-19. Истото, сериозно влијае врз угледот, а со тоа и капацитетот на овие компании за реализација на предвидените проекти. Потсетуваме дека капацитетот, како и поширокото влијание на проектите се дел од критериумите за евалуација и доделување на финансиска поддршка од Фондот, стои во соопштението.

Додаваат дека одлуката во однос на натамошниот статус на овие проекти ќе биде донесена од страна на Комитетот за одобрување на инвестиции на Фондот, а по завршување на процедурите пред надлежните институции задолжени за реализација на државната помош за минимална плата.

Фондот за иновации и технолошки развој, истакнуваат, спроведува строги процедури и механизми за заштита на јавниот интерес и средства, што важи за сите корисници, без исклучок.

The post ФИТР најави запирање на финансиите на сите компании што се најдоа на листата на УЈП appeared first on plusinfo.mk.

– Со хакерскиот напад оневозможени се повеќе функции достапни за граѓаните и компаниите, вклучително и аплицирање за тековни јавни повици. Нападот се случува на помаку од 24 часа пред затворање на рокот за доставување на апликации во рамки на Јавниот повик за Технолошки развој за брзо прилагодување од ковид-19. Јавниот повик е една од мерките од третиот сет владина поддршка за заздравување на македонската економија. Во изминатите 30 дена колку што траеше јавниот повик, над 2.100 микро, мали и средни компании подигнале апликациски пакети, што е рекордно висок одзив од сите досегашни јавни повици – се вели во соопштението на Фондот.

Оттаму додаваат поради настанатите потешкотии во аплицирањето, како и исклучително високиот интерес кај домашните компании, Фондот донесе одлука да се пролонгира рокот за доставување на апликациите до 03.07 (петок), до 14.00ч.

– Фондот остро го осудува обидот за нарушување на редовното функционирање на процесите, особено во услови кога на домашните микро, мали и средни компании им е потребна државна поддршка за надминување на последиците од здравствената криза – велат од ФИТР.

Фондот останува посветен на својата мисија и поддршката за домашните компании, а транспарентноста, отчетноста и двонасочната комуникација и понаму ни се основен императив во функционирањето и дејствувањето.

The post Веб страната на ФИТР цел на хакерски напад appeared first on plusinfo.mk.

Како што соопшти денеска ФИТР, наредните два дена тимовите на учениците од 19 основни и 20 средни училишта, согласно препораките за превенција и заштита од ковид- 19, онлајн ќе ги презентираат своите проекти пред комисијата составена од претставници на МОН, Бирото за развој на образование, Фонд за иновации и технолошки развој, универзитетски професори и партнерски организации.

– Охрабрува тоа што и во услови на криза и затворени училишта, на јавниот повик „Предизвик за млади истражувачи 3″ дури 58 училишта доставија свои предлог проекти. Од нив 28 се од основни, а вкупно 30 од средни училишта од цела Македонија. Најмногу поднесени апликации се од училиштата на територија на град Скопје – вкупно 23, но апликации има од над дваесет места во земјава меѓу кои Велес, Свети Николе, Прилеп, Битола, Кратково, Гостоивар и Тетово – се наведува во соопштението на ФИТР.

Оттаму посочуваат дека се опфатени речиси сите области од природните и техничките науки, а во најголем дел предлог прооектите се поврзани со истражување на полето на биологија, физика и хемија. На проектите би работеле над 300 ученици.

– Побаруваниот износ од училиштата е 12 милиони денари, што е двојно повеќе од предвидениот буџет кој изнесува 6.000.000 денари. Буџетот предевиден за поединечен предлог проект е до 300.000 денари, односно дополнителни 30.000 денари за ментори, наменети за обуки, семинари, конференции што би придонеле кон поуспешна реализација на проектот. Во рамките на претходните два јавни повици, досега се поддржани 54 училишта кои работат на вакви проекти а во кој се вклучени околу 500 ученици и професори – информира ФИТР.

Предизвикот беше отворен од 24 јануари годинава, а поради настанатата ситуација со пандемијата, на барање на училиштата рокот беше продолжен до 6 април.

The post ФИТР: Вкупно 39 училишта во финална селекција на „Предизвик за млади истражувачи 3″ appeared first on plusinfo.mk.