Претседателот на Движењето ЗНАМ за Наша Македонија, Максим Димитриевски, во интервју за „Фокус“ упати остри критики кон СДСМ, оценувајќи дека партијата продолжува со, како што рече, старата матрица на политички спинови и дефокусирање на јавноста од сопствените проблеми.

Димитриевски изјави дека обидите за создавање приказни за наводни незадоволства и поделби во ЗНАМ се дел од политичка стратегија на раководството на СДСМ.

– Сите овие приказни што периодично се пуштаат во јавноста дека некој бил незадоволен или маргинализиран се дел од старата матрица на политичкиот спин, поттикната од необољшевиците што сега го водат СДСМ и се обидуваат своите внатрешни проблеми да ги рефокусираат кај конкурентните партии – истакна Димитриевски.

Тој нагласи дека ЗНАМ останува стабилен политички субјект со сопствен интегритет и јасна визија, додавајќи дека движењето не функционира како привезок на туѓи политики.

Според него, ЗНАМ гради автентичен политички концепт во Македонија, со јасно поставени принципи и црвени линии.

Осврнувајќи се на прашањето за уставните измени и внесувањето на Бугарите во Уставот, Димитриевски повтори дека неговата партија нема да поддржи решенија што, како што рече, се наметнуваат под диктат и со постојани нови условувања.

– Ако воопшто се отвора Уставот, тоа мора да биде резултат на јасен внатрешен консензус и реални, проверливи гаранции за националните и државните интереси и врз база на реципроцитет. Без тоа, секое инсистирање е само продолжување на политичка несигурност и постојано поместување на условите – нагласи претседателот на ЗНАМ.

Димитриевски порача дека пратениците на ЗНАМ ќе носат одлуки исклучиво во согласност со националниот и државниот интерес, Уставот и програмските принципи на движењето.

Во интервјуто тој посочи дека ЗНАМ ќе продолжи со политиките насочени кон, како што наведе, градење стабилна држава, силни институции и решенија во интерес на граѓаните, со фокус на долгорочен раст и развој на државата.

The post СДСМ СЕ ОБИДУВА ДА ГИ СОКРИЕ СОПСТВЕНИТЕ ПРОБЛЕМИ Необошевици ја водат партијата, тврди Димитриевски appeared first on plusinfo.mk.

Сигурно ви се случило среде реченица одеднаш да не знаете што сте сакале да кажете. Мислата како да исчезнува во дел од секундата, иако точно знаевте што сакате да кажете само пред момент. Иако може да изгледа чудно или фрустрирачки, овој феномен е доста чест и има врска со начинот на кој мозокот ги обработува информациите.

Ова не е знак дека нешто „не е во ред“, туку е начин на кој функционираат вниманието и меморијата.

Ограничен распон на внимание

Мозокот обработува голема количина на информации во секој даден момент. Кога зборуваме, мора истовремено да ги следиме нашите мисли, да ги избираме нашите зборови и да обрнеме внимание на околината.

Ако нашето внимание се помести дури и за момент – поради надворешен звук, друга мисла или прекин – лесно е да се „изгуби нишката“.

Повеќе за ова прочитајте ТУКА.

The post ВИ СЕ СЛУЧУВА СРЕДЕ РЕЧЕНИЦА ДА ЗАБОРАВИТЕ ШТО ЗБОРУВАВТЕ ПРЕД МАЛКУ? Зошто забораваме што сакавме да кажеме? appeared first on plusinfo.mk.

Во социјализмот постоеше акција наречена „Сите во одбрана и заштита“. Масовно се мобилизираат резервисти и цивили да вежбаат како да ја бранат и да ја заштитат земјата.

Нешто слично се случува во Хрватска, откако министерот за одбрана Иван Анушиќ најави дека се работи на враќање на задолжителниот воен рок, а во меѓувреме дел од граѓаните добиваат повици за воени вежби.

Министерството за одбрана на Република Хрватска (МОЗ) изјави за „N1“ дека тоа е планирана активност на припадниците на резервните сили на Хрватската армија.

Кој е поканет?

„Конкретно, во овој циклус на осумдневната обука беа поканети клучниот персонал на Командата на 1. пешадиски полк – Загреб, односно 26 класифицирани резервисти, од кои повеќето се регрути над 45 години“, соопшти Министерството на одбраната.

Инаку, додаваат од Министерството за одбрана, обуката и развојот на резервистите се врши со цел да се подигне нивото на нивните вештини за успешно извршување на задачите, а фокусот на обуката е да им се помогне на цивилните институции во заштита и спасување во случај на катастрофи, противпожарна заштита, пребарување и спасување.

Обуката трае 8 дена

„Повикувањето на резервистите се врши според потребите на вооружените сили на Република Хрватска. Обуката трае осум дена, а може да трае до 30 дена во текот на една календарска година. Поканети се само класифицирани резервисти, кои се регрути кои отслужиле воена служба, биле на доброволна воена обука или активен воен рок и добиле воено професионална специјалност и се распоредени во резервните единици на вооружените сили на Република Хрватска“, се појасни дополнително причината за испраќање на повикот.

За воведувањето на воениот рок, за кој јавноста е многу поделена, Анушиќ вчера изјави дека сигурно нема да се воведе годинава.

The post СВОЗ ВО ХРВАТСКА Резервисти се повикуваат на воени вежби appeared first on plusinfo.mk.

На вре­ме­то, ко­га жи­ве­ев­ме во нај­до­бри­от од си­те мож­ни по­ре­до­ци на све­тов и ве­ков, имав теш­ки неп­ри­ли­ки со Единстве­на­та пар­ти­ја и со неј­зи­на­та држав­на без­бед­нос­т (при­чи­на: поврза­нос­та со над­во­реш­ни­от неп­ри­ја­тел!).

Нај­бе­нигна по­след­ица од ти­е не­вол­ји (опи­ша­ни во мо­ја­та со­ти­ја СТРУ­ЧЕН ТРУД, об­ја­ве­на десети­на го­ди­ни по­доц­на) бе­ше мо­е­то ек­ско­му­ни­ци­ра­ње од јав­нос­та: во Ма­ке­до­ни­ја ни­кој жи­в (ос­вен во мо­ја­та ма­тич­на ку­ќа, во ГО­ДИШ­НИК-от на Прав­ни­от фа­кул­тет во Скоп­је, ед­наш го­диш­но) не сме­е­ше да об­ја­ви ни­ту еден ред од ме­не. Ка­ко чо­век од на­у­ка­та пре­жи­ве­ав објаву­вај­ќи се­вер­но од Та­ба­нов­ци.

То­а тра­е­ше не­кол­ку го­ди­ни. Сè до де­нот ко­га ми се ја­ви г. Ни­ко­ла Мла­де­нов (то­гаш гла­вен и од­го­во­рен уред­ни­к на ед­но спи­са­ни­е со из­ра­зе­но соц-ре­а­лис­тич­ко име – МЛАД БО­РЕЦ) и пред­ло­жи да нап­ра­ви ин­тер­вју со ме­не. Пред­ло­жи и го нап­ра­ви. Се­га ве­ќе не се се­ќа­ва­м да­ли раз­го­во­рот го во­де­ше тој или не­кој друг од ку­ќа­та, но то­а не е ни важ­но.

Важ­но е, ме­ѓу­тоа, де­ка и по­доц­на, во муг­ри­те на плу­ра­лиз­мот, г. Ни­ко­ла Мла­де­нов бе­ше прв и единствен уред­ни­к што одо­бри на стра­ни­ци­те на не­го­во­то спи­са­ни­е (бес­плат­но!) да се об­ја­ви по­ли­тич­ка­та пла­т­фор­ма и прог­ра­ма­та на Ли­га­та за де­мок­ра­ти­ја со прис­тап­ни­ца. За зна­че­ње­то на тој не­гов гес­т не­ка по­слу­жи ова­а спо­ред­ба: де­нес не­ко­и не­за­вис­ни вес­ни­ци (да не ре­ча­м кои) не са­ка­ат да об­ја­ву­ва­ат прис­тап­ни­ци ду­ри ни ко­га сте спрем­ни да им пла­ти­те (ос­вен ако не сте Ци­ле На­ци­о­на­ле, се раз­би­ра).

От­то­гаш од­гле­ду­ва­м при­ја­тел­ски чув­ства спре­ма овој млад џентл­мен, иа­ко го гле­да­м ед­наш во три-че­ти­ри го­ди­ни, на ми­ну­ва­ње, на не­кој кок­тел или пре­ку про­зо­ре­цот од не­ко­ја пи­це­ри­ја, ка­де што во­ди важ­ни по­ли­тич­ки раз­го­во­ри. Искре­но се на­де­ва­м де­ка и г. Мла­де­нов од­гле­ду­ва слич­ни чув­ства спре­ма ме­не, а уш­те по­ис­кре­но се на­де­ва­м де­ка та­ка ќе би­де и в ид­ни­на, без ог­лед на она што са­кам да го на­пи­ша­м во про­дол­же­ни­е­то на мо­јов на­пис.

Целата колумна прочитајте ја на следниот ЛИНК.

***

Сакате да продолжите со читањето на останатите 319 колумни? Обезбедете си примерок!
Оваа колумна е само една 319-те издадени во збирката наречена едноставно „Колумни“. Оваа книга, како и сите останати во издание на Фондацијата Ѓорѓи Марјановиќ, не се продаваат на „традиционален“ начин. туку се добиваат како благодарност за вашата донација. Финансиските средства обезбедени од донациите ќе бидат употребени за помош при школување и вработување на деца без родители, што е една од стратешките определби на Фондацијата.

Инструкции за нарачување За да ја добиете оваа книга, кликнете на копчето Донирај на следниот ЛИНК и во полето за забелешка наведете ја адресата на која сакате да ви биде доставена книгата. Донирајте износ по Ваш избор во Фондот за школување на Фондацијата Ѓорѓи Марјановиќ, а книгите заедно со автограм од авторот ќе Ви бидат доставени на Вашата домашна адреса. Забелешка: Можете да донирате износ по Ваш избор, но не помал од 1000 ден + поштарина. Поштарината за испорака во Македонија изнесува 130 денари. За испорака надвор од Македонија, контактирајте ја Фондацијата претходно.

The post На децата им се потребни чоколади appeared first on plusinfo.mk.

Тој се осврнува и на генезата на потпишаниот договор за добрососедство и соработка, на уставните промени и на идниот евроинтегративен процес на Македонија.

„Од ВМРО-ДПМНЕ се бара да поддржи процес од кој не бил дел, бидејќи да сме биле дел ќе сме се бореле. Ако не сме биле во можност да се избориме, ќе сме кажеле – ние ова не го поддржуваме и тогаш ќе се знаело. Па тие ќе тргнеле во процес или нема да тргнат и ќе бараа нов предлог. Но, одлучија да нè исфрлат од процесот и сега ни викаат: ова е на маса.

Што се бара од нас? Да го промениме Уставот и да го ставиме дел од бугарскиот народ како конститутивен елемент. Прашањето е зошто? За некој да се чувствува покомотен, како уставна категорија, значи дека неговите права како неуставна категорија се начнати, дека предмет е на асимилација, негација.

Ајде сега да ги видиме фактите. Имаме македонска заедница во Бугарија којашто на своја страна има 14 пресуди од Судот на човекови права во Стразбур, каде јасно и недвосмислено се кажува што треба Бугарија да преземе. Од друга страна, имаме бугарска заедница во Македонија со нула пресуди. Сега чии права се начнати? Тоа се правата на македонската заедница во Бугарија за културно организирање. Имате европска институција која носи обврзувачка одлука за земја членка на ЕУ која не сака да ја имплементира.

Кога разговараме со претставници на меѓународната заедница им велиме во ред, немаме против Бугарите и Бугарија, но да видиме добра волја од другата страна. Како ние вам да ви веруваме дека за година две нема да видиме ново вето кога вие не сте во можност да ја убедите Бугарија тоа што задолжително треба да го примени да го примени.

За да ја разбиеме тезата дека ова не е ново право за македонската заедница, туку е стекнато право, и да ја разбиеме тезата кои се вистинските руски интереси на Балканот, се враќаме назад низ историјата, па почнуваме со Санстефанскиот договор, па Бледскиот договор, едностраното напуштање на Бугарија на Бледскиот договор по налог на Сталин, и даваме еден осврт на правата на македонската заедница во тоа време во Пиринска Македонија. Не можете во политиката да ги гледате работите парцијално, мора да имате поширок опфат во нештата.

Македонскиот народ повеќе од 3 децении се покажаа како големи космополити и не се анахрони луѓе. Кога би се станувало член на ЕУ по измени на Устав, досега шампиони ќе бевме, одамна ќе бевме член на ЕУ. Тоа што ЕУ не е фер кон нас, па за првпат вклучува билатерални договори, и тоа е така. Ние сме малоброен народ, мала држава и не може да се спротивставиме на гигантот ЕУ ако така одлучиле и нам тоа ни е јасно, ние водиме реална политика.

Но, бараме нешто со кое достоинството и гордоста на Македонецот колку-толку ќе бидат барем малку задоволени. Не бараме ништо ново, немаме империјалистички барања, туку барања кои само ќе биде потврда на нешто што сме го имале. Од друга страна, да имаме предвидлив процес, во кој нема да се соочиме повторно со други дополнителни блокади.

Денес ако направиме пресек можни се 2 работи. Едната работа е одложено дејство на аплицирање на уставни измени. А второто е да имаме промена на методологијата.

Видовме во минатото, пред 2-3 години, кога не блокираше Франција, не нас туку генерално пристапниот процес, кога бараше измена на преговарачката методологија. Значи видовме дека е возможно кога сакаат земјите да имаа промена на методологија.

И сега се погласни се гласините од Брисел дека оваа работна група меѓу Франција и Германија работи на промена на таа методологија, за да нема користење на вето до моментот на ратификација на пристапниот протокол. Тоа му дава една предвидливост на процесот на преговори“, вели Мицкоски во интервјуто за неделникот „Фокус“.

The post НЕ СЕ ЗАГРОЗЕНИ БУГАРИТЕ ВО МАКЕДОНИЈА ТУКУ МАКЕДОНЦИТЕ ВО БУГАРИЈА Мицкоски ја анализира генезата на македонско-бугарските односи appeared first on plusinfo.mk.

Според судот, во двете пресуди е пропуштено да се утврди повреда на слободата на изразувањето на Влатко Стојановски, како новинар од „Фокус“, за време на настаните од 27 април 2017 година, кои се одвивале во Собранието.

Како што изјави денеска портпаролката на Уставен суд, Христина Беловска, појдовна основа за заземање на овој став на Судот е тоа што слободата на медиумите, како составен дел на слободата на изразувањето ја опфаќа слободата на јавното информирање и слободното примање и пренесување на информации за прашања од јавен интерес.

– Сето ова претставува предуслов на постоење на демократско општество, бидејќи слободната комуникација на информации и идеи за политичките и други општествени прашања од јавен интерес се од суштинско значење. Ова имплицира слобода на медиумите да добиваат информации врз основа на кои тие ќе можат да ја остваруваат својата улога, да коментираат и известуваат за сите прашања кои се значајни и од јавен интерес – додаде Беловска.

Како што потенцираше, наведените околности се важни и релевантни, но не биле земени во предвид од страна на надлежните судови кои одлучувале по барање на подносителот.

Таа напомена дека одлуката на Уставниот суд е конечна и извршна и надлежните судови се должни да ја применуваат.

– Таа е деклараторна и со тоа барателот ќе може да ги оствари своите права – нагласи Беловска.

Во однос на предметот заверен под реден број 87/2023 година, односно оспорениот член 1 од Закон за дополнување на Законот за плата и други надоместоци на избрани и именувани лица во државата, Уставниот суд на денешната седница одлучи да се отфрли иницијативата, бидејќи во случајот станува збор за дерогирана одредба која што е исцрпена во примената и не постојат основни услови за мериторно впуштање на судот за одлучување.

Ова, како што рече Беловска, се однесува на основицата за пресметување на платите на уставните судии во конкретен период.

– Во изреката за укинување не беше опфатена таа одлука, односно ова се однесува на изреката за укинување која што Судот ја донесе во март годинава и се однесуваше на замрзнатата основица и уште еден член, односно двата члена кои беа укинати тогаш. Судот ја констатира таа одредба во образложението, но од причина што таа не беше дел од одлуката кога се укинаа двата члена од законот. Оваа денешна одредба, која што беше оспорена е дерогирана со подоцнежни законски измени, што практично е надвор од сила, не е во правниот промет – додаде Беловска.

The post УСТАВЕН ПРЕСЕЧЕ На новинар на „Фокус“ на 27 април му била сторена повреда на јавното изразување appeared first on plusinfo.mk.

Тој вели дека јасно се издвоени изборите едни од други и има зошто се така одвоени.

– Не гледам причина зошто да ги спојуваме. Зошто волјата на граѓаните да ја калкулираме со продолжување или скратување мандати? Едноставно е, ајде да го почитуваме Уставот и законите, без притоа да правиме политички толкувања – изјави Зечевиќ.

На прашањето дали се почнати одредени внатрепартиски дискусии и консултации околу кандидатот со кој ќе настапи СДСМ на претседателските избори, Зеевиќ одговори:

– Претседателската функција е врвот на државната пирамида. Таа фигура треба да е со исклучителна морално-политичка вертикала во себе, со визија и одважност да ги претставува вредностите на македонската Република. СДСМ ќе го избере најдобриот, победничкиот кандидат за претседателските избори, преку соодветна процедура. Секако дека ќе следуваат и консултации со нашите коалициски партнери. Уште од сега можам да најавам дека две работи се сигурни: прво, кандидатот на СДСМ ќе биде следниот претседател на државата; и второ, Македонија ќе има мирно море уште пет години, цврсто држејќи го кормилото на напредокот и државниот успех – истакнува Зечевиќ во интервјуто за Фокус.

The post НЕМА ЗОШТО ДА ГИ СПОЈУВАМЕ ИЗБОРИTE Зечевиќ тврди дека кандидатот на СДСМ ќе биде идниот претседател на државата appeared first on plusinfo.mk.

„Во текот на советувањето и гласањето судиите го усогласија ставот дека со пресудите е направена повреда на неговите права, но Уставниот суд немаше мнозинство гласови за сите точки кои го сочинуваат конечниот предлог, а се однесуваат на правната судбина на двете пресуди, што значи дека овој предмет не е завршен“, велат од Уставниот суд.

Стојановски ја тужеше државата за повреда на слободата на изразување за настаните од „крвавиот четврток“, но Граѓанскиот суд го одбил со образложение дека членот 10 од Европската конвенција за човекови права се однесува на овозможување на секој да го изрази своето мислење во секојдневното живеење, а не во услови кога се случуваат акти на насилство како што бил настанот од „крвавиот четврток“.

По ова, Стојановски се обратил до Уставен суд, со барање да се утврдат повреди на уставно загарантираните слободи и права, кои според него се направени со пресудите на првостепениот и на второстепениот суд.

Апелациониот суд Скопје, пак, ја одби жалбата на новинарот Горан Трпеноски против Основниот граѓански суд Скопје, кој претходно му ја отфрли тужбата против државата, зашто на 27 април 2017 година за време на организираниот напад на Собранието, не го заштитила како новинар, а му го загрозила и правото да известува за нападот.

Трпеноски тужеше како тогашен новинар на дигиталната редакција на порталот СДК, а во образложението на пресудите на понискиот и на повисокиот суд стои квалификација дека ниту тужителот бил новинар, ниту СДК е медиум, бидејќи онлајн медиумите законски сè уште не се регулирани.

The post СУДИИТЕ ЗБУНЕТИ ОД НОВИНАРИТЕ ЗА „27 АПРИЛ“ Правата на Влатко Стојановски од Фокус повредени, а Горан Трпеновски од СДК не бил новинар?! appeared first on plusinfo.mk.

– Следниот период нè чека интензивна трансформација на македонското општество, подготовка на Патоказите за владеење на правото и за реформа на јавната администрација, завршување на уставните измени и скрининг процесот – рече Маричиќ, додавајќи дека има доволно време и простор успешно да ги завршат уставните измени, за задржување на динамиката на процесот на преговори и избегнување ново вето, овој пат од наш политички фактор, повторно чекање и ставање на државата во ќорсокак и неизвесност.

Маричиќ потврди дека до 30 јуни годинава, колку што ќе трае шведското претседателство со ЕУ, ќе работат рака под рака со Шведска, бидејќи според него само со единство можеме да придонесеме во напредокот на нашата европска иднина и иднината на Европа.

– Убеден сум дека ќе успееме овие шест месеци да ги искористиме за напредок и интензивирање на реформите, а за време на шпанското претседателство, да го осигураме процесот на преговори со ЕУ и европската иднина на земјата – нагласи Маричиќ, истакнувајќи дека со тоа Северна Македонија влегува во следната фаза на евроинтеграциите и ќе ја одржи втората Меѓувладина седница со ЕУ.

The post ШЕСТ МЕСЕЦИ СЕ ДОВОЛНО ВРЕМЕ Маричиќ бара фокус на уставните измени appeared first on plusinfo.mk.

„ЗНМ смета дека постапката на МВР да се предупредуваат новинари поради објавен текст е непримерна, несоодветна и непотребна , бидејќи на тој начин се врши притисок врз слободата на изразување на новинарите. Бараме одговорност од полициските службеници кои ги злоупотребиле своите овластувања да одговараат за истите, односно против нив да биде поведена дисциплинска постапка“, велат од здружението додавајќи дека ќе поднесат претставка за кршење на полициските овластувања.

Од МВР за „Фокус“ велат дека Клинчарова требало да го пријави случајот во Внатрешна контрола. Тие додаваат дека ќе го испитаат случајот и ќе преземат мерки.

Од „Фокус“, пак, побарале одговор од полицијата за тоа на која основа се издаваат ваквите предупредувања. Меѓу другото, велат од „Фокус“, во новинарскиот текст на Клинчарова воопшто не е спомнато името на жената ниту автомобилот со кој таа го удрила детето.

Имено, во текстот објавен во „Фокус” пренесена е изјава на мајката на прегазеното дете, Билјана Малиминова, кое со тешки телесни повреди моментално е на болничко лекување на скопските клиники. Во изјавата, мајката посочи дека жената возач откако го удрила детето со автомобилот, наместо да повика итна медицинска помош и да го остави возилото со кое се случила несреќата на самото место поради увид, таа го зела повреденото дете во својот автомобил, тргнала да го носи дома, а попат запрела и го извадила момчето надвор од возилото, наводно за да провери дали тоа може да оди.

Исто така, мајката појасни дека сторителката ѝ кажала дека нејзиниот сопруг е полицаец, па јавно прашуваше дали е важно чиј сопруг е полицаец, во ваков случај, посебно кога се работи за дете, и дали законите важат исто за сите.

The post ЗНМ ПОБАРА ОДГОВОРНОСТ ЗА ВОЗНЕМИРУВАЊЕТО НА КЛИНЧАРОВА Новинарката од „Фокус“ била посетена и предупредена од полицајци appeared first on plusinfo.mk.