Американскиот министер за финансии Скот Бесент ги посочи украинските напади врз руската енергетска инфраструктура како една од причините за ценовните шокови на глобалните енергетски пазари.

Бесент во интервју за „Фокс њуз“ изјави дека војната во Украина придонесува за енергетскиот шок преку нападите врз руските енергетски постројки, што, според него, влијае врз цените на глобалниот пазар.

– Исто така, доживуваме енергетски шок поради војната во Украина – бидејќи Украина одлучи дека сака да дигне во воздух руски енергетски постројки, а тоа води до пораст на цените на глобално ниво. Конфликтот во Иран, исто така, игра улога. Но, конфликтот во Иран ќе заврши – рече Бесент.

Изјавата доаѓа во период на зголемено внимание кон влијанието на војната во Украина врз глобалните енергетски пазари, особено по украинските напади врз објекти поврзани со руското производство и преработка на енергенси.

Украина во повеќе наврати изведуваше напади врз руската енергетска инфраструктура, при што Киев ги оправдува таквите операции како дел од воените напори за ограничување на руските приходи и логистичките капацитети што ја поддржуваат војната.

Изјавата на Бесент има и поширок политички контекст. Американскиот министер за финансии неодамна ги иритираше дел од најголемите поддржувачи на Украина меѓу сојузниците на САД со одлуката да го покани рускиот министер за финансии Антон Силуанов на состанокот на земјите од Групата 20 (Г-20).

Поканата до рускиот претставник беше протолкувана како сигнал за обид на Вашингтон да ги одржува отворени каналите за комуникација со Москва, и покрај продолжувањето на руско-украинскиот конфликт.

Бесент, пак, во интервјуто ги поврза случувањата во Украина и на Блискиот Исток со состојбите на енергетските пазари, посочувајќи дека конфликтите создаваат дополнителни притисоци врз цените.

Неговата оценка дека конфликтот во Иран ќе заврши остава отворено прашање како евентуалното намалување на геополитичките ризици би се одразило врз цените на енергенсите и глобалната економија.

The post ВАШИНГТОН СО НОВА ОЦЕНКА ЗА ЕНЕРГЕТСКАТА КРИЗА Украинските напади врз руската енергетика ги креваат цените appeared first on plusinfo.mk.

Американскиот претседател Доналд Трамп во разговор со новинарката на Фокс њуз, Алексис Мекадамс во шега ја предложи како можна наследничка на Каролин Ливит на функцијата портпаролка на Белата куќа.

Мекадамс го прашала Трамп дали Ливит може да биде заменета, откако беше објавено дека актуелната портпаролка ќе ја напушти функцијата на крајот на август.

– Не, нема. Навистина нема – одговорил Трамп, фалејќи ја работата на Ливит.

Потоа, сепак, следеше моментот кој привлече внимание.

Трамп се пошегувал дека е „многу загрижен“ затоа што Ливит, како што рекол, повеќе ги сака своите деца отколку него.

Кога Мекадамс го прашала дали има некого на ум за нејзина замена и дали сака да објават ексклузивна вест, Трамп се свртел кон неа со предлог.

– Ти? Што велиш за тебе? Ти би можела да ја работиш таа работа – ѝ рекол Трамп на новинарката, притоа ја прашал Каролин, дали таа ќе биде добра замена? Претседателот потоа додал дека отсекогаш ја ценел нејзината работа и дека не упатува вакви понуди често.

Иако Трамп ја спомена Мекадамс, не станува збор за официјално именување на нова портпаролка, туку за коментар даден во разговорот.

Fox News’ Alexis McAdams had an impromptu job interview to become Trump’s new Press Sec…

McAdams: “Is Karoline Leavitt replaceable?”

Trump: “She’s not. She really isn’t. She’s standing right over there, and she’s done a great job.”

Trump chuckling: “I found out she…

— Mario Nawfal (@MarioNawfal) August 16, 2026

Ливит заминува поради семејството

Белата куќа претходно соопшти дека Каролин Ливит ќе се повлече од функцијата на крајот на август за да поминува повеќе време со своите две мали деца и семејството. Трамп ја пофали како една од неговите најдоверливи соработнички и потврди дека таа ќе продолжи да биде негов советник однадвор.

Ливит има 28 години и е најмладата личност што ја извршувала функцијата портпаролка на Белата куќа. Таа неодамна се врати на работа по породилното отсуство по раѓањето на своето второ дете, ќерката Вивијана, родена во мај.

Нејзиното заминување доаѓа во чувствителен период за администрацијата на Трамп, во пресрет на изборите за Конгресот во ноември.

Засега нема официјална одлука кој ќе ја преземе функцијата портпарол на Белата куќа.

The post 📽️ КАРОЛИН НЕ МОЖЕ ДА СЕ ЗАМЕНИ, НО ТИ БИ МОЖЕЛА Трамп во живо ѝ понуди работа на новинарка како негова портпаролка appeared first on plusinfo.mk.

Американскиот претседател Доналд Трамп денеска изјави дека Соединетите Американски Држави се обиделе да испорачаат оружје на иранскиот народ со цел да придонесат за соборување на режимот во Техеран, но дека нивните регионални сојузници, Курдите, „ги изневериле“ и го задржале оружјето за себе наместо да го дистрибуираат.

Трамп во интервју за Фокс њуз изјави дека САД испорачале оружје на Курдите, кои се регионални противници на Иран, но оти тие го задржале за сопствени потреби.

– Курдите нè изневерија. Но, ќе го запомнам тоа, Курди – изјави Трамп.

Тој додаде дека уште од почетокот бил против тој план бидејќи се сомневал дека Курдите ќе го задржат оружјето.

Масовните протести во Иран избувнаа кон крајот на 2025 година како демонстрации на трговци во Техеран и во други градови поради лошата економска состојба, а набргу прераснаа во пошироки протести и повици за смена на власта.

Протестите завршија во средината на јануари годинава, откако властите насилно ги задушија демонстрациите и воведоа целосна интернет-блокада.

The post КУРДИТЕ НЀ ИЗНЕВЕРИЈА, ИМ ДАДОВМЕ ОРУЖЈЕ, СИ ГО ЗАДРЖАА ЗА СЕБЕ! Трамп објаснува како пропаднал планот за соборување на режимот во Иран appeared first on plusinfo.mk.

САД и Иран се поблиску до мировен договор, изјави претседателот на САД, Доналд Трамп. Тој рече дека Техеран се согласил ниту да развива, ниту да набавува нуклеарно оружје.

Во интервју за „Фокс њуз“, Трамп порача дека преговорите напредуваат, но предупреди дека воената опција останува на маса ако разговорите пропаднат.

– Би сакал да имаме договор, бидејќи можеме веднаш да го отвориме Ормускиот Теснец по потпишувањето. Единствената гаранција што ми треба е да нема нуклеарно оружје. Тие се согласија со тоа и тоа беше многу интересно – рече Трамп.

Тој додаде дека Иран прифатил да не дојде до нуклеарно оружје по ниту еден основ.

– Првично рекоа дека нема да развиваат нуклеарно оружје. Потоа прашав што ако го купат. Сега велат дека ниту ќе развиваат, ниту ќе купуваат оружје на каков било начин. Полека го добиваме тоа што го сакаме. Преговарачите се многу строги и потребно е време, но не брзам – изјави Трамп.

Воената опција останува на маса

Претседателот на САД рече дека очекува голем договор, но предупреди дека постои и друга можност.

– Ќе постигнеме голем договор. Во спротивно ќе се вратиме и ќе ги завршиме работите по воен пат – рече Трамп.

Сепак, тој нагласи дека повеќе би сакал дипломатско решение и избегнување на нова воена ескалација.

– Во суштина ја победивме нивната војска – додаде Трамп.

Трамп барал измени во договорот

Американскиот портал „Аксиос“, повикувајќи се на извори од администрацијата, објави дека Трамп побарал дополнителни измени во текстот на договорот што го подготвиле американските и иранските преговарачи.

Според информациите, една од забелешките се однесувала и на формулациите поврзани со отворањето на Ормускиот Теснец за меѓународниот бродски сообраќај.

The post „ПОЛЕКА ГО ДОБИВАМЕ ТОА ШТО ГО САКАМЕ“ Трамп најави договор, тврди дека Иран попушта appeared first on plusinfo.mk.

Изјавата на шефот на САД Доналд Трамп дека сојузничките трупи на НАТО „останале зад фронтот“ во Авганистан предизвика политичка бура во Лондон. За време на интервју за „Фокс њуз“, поранешниот американски претседател изјавил дека „не е сигурен“ дека НАТО би им помогнал на САД „ако некогаш ни бидат потребни“.

– Тие ќе кажат дека испратиле некои трупи во Авганистан и го сторија тоа, но останаа малку поназад, малку подалеку од фронтовските линии – изјави Трамп.

Министерот за здравство и социјална грижа на Велика Британија, Стивен Кинок, остро реагираше:

– Коментарите се длабоко разочарувачки и погрешни. Многу британски војници ги дадоа своите животи во поддршка на американските мисии во Авганистан и Ирак – изјавил Кинок за „Скај њуз“ велејќи дека секој што сака да ги омаловажи нивните жртви, очигледно греши.

Лидерката на Конзервативната партија на Велика Британија, Кеми Баденох, ги нарече зборовите на Трамп „апсолутни глупости“, потсетувајќи дека Велика Британија беше меѓу првите што ѝ се приклучија на американската војна против талибанците по нападите од 11 септември 2001 година.

Трупите од земји на НАТО тогаш се приклучија откако САД по нападот го активираше членот 5 за заедничка одбрана на сојузот.

Од 2001 до 2014 година, според податоците на британското Министерство за одбрана, 457 британски војници загинале во конфликтот во Авганистан. За многу семејства во Велика Британија, зборовите на Трамп биле „удар под појас“, пишува Би-Би-Си.

Токму активирањето на членот 5 беше жежок костен во разговор меѓу Трамп и актуелниот шеф на НАТО Марк Руте на Светскиот економски форум во Давос оваа недела. Зборувајќи за безбедноста на Гренланд, Руте го убедуваше Трамп дека сојузниците секогаш стојат позади САД.

The post БЕА ВО АВГАНИСТАН СО НАС, АМА ТАМУ НЕКАДЕ ПОНАЗАД Трамп ги разгневи Британците со изјавите за мисиите на НАТО appeared first on plusinfo.mk.

Главната точка на спор во преговорите за мир во Украина е територија од околу 20 отсто од Доњецката област, која моментално е под контрола на Киев, вели мериканскиот државен секретар Марко Рубио.

Рубио нагласи дека разговорите се сведени на дел од теренот широк 30 до 50 километри, и дека постои напредок во проценката за тоа што Украина би можела да го прифати како безбедносна гаранција.

Тој оцени дека иако многумина очекувале „најлесен мировен договор“, војната се покажала како исклучително комплицирана и крвава.

– Русите, губат 7.000 војници неделно. Тоа е повеќе отколку што САД изгубиле во некои цели војни – рече тој, додавајќи дека уништувањата на украинска страна се подеднакво трагични.

Американскиот државен секретар објасни дека целта на преговорите е долгорочна стабилност, економска обнова на Украина и спречување идни напади.

– Ако Украина ги направи вистинските чекори, за 10 години нејзиниот БДП би можел да биде поголем од рускиот – истакна Рубио.

Тој додаде дека САД се единствената земја која може да зборува со двете страни. Притоа потсети дека американскиот претседател Доналд Трамп посветил значително време на обидите да се премости јазот меѓу Москва и Киев.

– Ангажирани сме бидејќи никој друг не може да го направи тоа. Европските земји немаат капацитет, Кина не може. Единствениот лидер во светот кој може да разговара со двете страни е претседателот Трамп, и тој беше трпелив – рече Рубио.

Понатаму, тој оцени дека не е реално конфликтот да трае со години, ниту пак да продолжи неограниченото финансирање на Украина.

– Тоа не е реалност и нема да се случи. Не можете да ги одржувате тие размери и обем – истакна тој, додавајќи дека и Русија нема капацитет да ја води оваа војна уште пет години.

Рубио потсети дека украинските сили веќе потиснале дел од руските трупи, но предупреди дека војната прераснала во борба на исцрпување во која Москва прифаќа огромни жртви.

– Украинците постигнаа многу благодарение на нивната храброст и одлучност. Но, ова е војна на исцрпување, и за жал, Русите се подготвени да изгубат илјадници неделно – рече Рубио.

Тој подвлече дека конечната одлука за крајот на војната ја има само рускиот претседател Владимир Путин. Преговорите, според него, траат веќе десет месеци, има напредок, но не доволно за вистински мировен договор.

– Ќе се обидеме повторно да ги собереме двете страни и да најдеме предлози со кои двете би можеле да живеат. Тоа го правиме веќе десет месеци и мислам дека сме блиску до вистински чекор напред – заклучи американскиот државен секретар.

The post НАЈГОЛЕМ СПОР СЕ ВОДИ ЗА 30 ДО 50 КИЛОМЕТРИ ВО ДОЊЕЦК Рубио ги кажа своите впечатоци за преговорите appeared first on plusinfo.mk.

Американскиот претседател Доналд Трамп најавил дека ќе ја тужи британската телевизија Би-Би-Си за измама на јавноста во нивниот документарец „Панорама“. Шефот на САД вели дека медиумот има време да го повлече документерецот, да се извини и да исплати компензација од милијарди долари до петок, 14 ноември, а во спротивно ќе тужи.

– Па, мислам дека имам обврска да го направам тоа. Тие ја измамија јавноста и го признаа тоа. Дојде од земја која е наш сојузник – изјави Трамп во интервју со водителката Лори Инграм.

Трамп рече дека уредувањето на програмата „Панорама“ на Би-Би-Си го направило неговиот „прекрасен и многу смирувачки говор да звучи радикално“, наведувајќи дека тоа е „неверојатно и многу нечесно“.

Британски медиуми наведуваат дека Би-Би-Си засега нема официјален одговор, но дека редакцијата стои зад документарецот како „новинарско истражување од јавен интерес“.

По скандалот со монтираниот говор на Доналд Трамп во документарецот „Панорама“ на Би-Би-Си, одекнаа две оставки на врвот на корпорацијата. Оставки поднеле генералниот директор Тим Дејви и уредничката на документарниот оддел Дебора Торнтон, кои ја презеле одговорноста за „уредувачкиот пропуст што го нарушил јавниот интерес“.

Реакции пристигнуваат и од видни светски медиуми во врска со постапките на Би-Би-Си од јуни оваа година кога бил објавен документарецот и за тоа како медиумот се справува со случајот.

Според самиот Би-Би-Си, допис во врска со проблематичната монтажа на документарецот до редакцијата пристигнал уште истиот месец, во јуни, од страна на независниот советник  на редакцијата Мајкл Прескот, но бил игнориран од уредниците.

The post ТРАМП МУ ДАДЕ РОК НА БИ-БИ-СИ ДО ПЕТОК Дали ќе добие милијарда долари и едно „извини“? appeared first on plusinfo.mk.

Сосема добро знаеме каде се наоѓа, изјави израелскиот премиер Бенјамин Нетанјаху за телевизијата „Фокс њуз“, алудирајќи на 400 килограми ураниум збогатен до 60 отсто, јави ДПА.

Информацијата, според Нетанјаху, била споделена со Соединетите Американски Држави. Израелскиот премиер не прецизираше дали земјата планира да го заплени опасниот материјал, но инсистираше на тоа дека е потребен зголемен дипломатски и економски притисок врз Техеран за да се ограничат неговите амбиции.

Според податоци на Меѓународната агенција за атомска енергија (МААЕ), Иран летово располагал со над 400 килограми ураниум збогатен до 60 отсто – прагот кој се смета за опасно близок до 90 отсто збогатување, потребно за производство на нуклеарна бомба. Засега не е јасно дали материјалот е целосно сочуван по израелските и американските воздушни напади во јуни.

Техеран, пак, категорично ги негира ваквите намери.

„Иран нема намера да развива нуклеарно оружје“, се вели во официјално соопштение на иранската влада.

Новите санкции на Обединетите нации повторно стапија во сила минатата недела, откако истече рокот на последниот договор за ограничување на иранската нуклеарна програма. Новоизбраниот ирански претседател Масуд Пезешкијан изјави дека нема намера да се врати на преговарачка маса.

– Преговорите нема да донесат ништо освен нови проблеми – дециден е Пезешкијан.

The post МОСАД ЗНАЕ КАДЕ СЕ 400 КИЛОГРАМИ ИРАНСКИ УРАНИУМ? Нетанјаху вели дека ги информирал САД appeared first on plusinfo.mk.

Американскиот претседател Доналд Трамп денеска предупреди дека неговото трпение со рускиот претседател Владимир Путин „истекува“ и најави нови и остри економски мерки против Москва, поради застојот во мировните преговори со Украина.

– Некако ми снемува трпение, и тоа со забрзано темпо. Ќе има тешки удари преку санкции кон банките, нафтениот сектор и преку царини –  изјави Трамп во интервју за Фокс њуз.

Претседателот додаде дека неговата администрација веќе презела неколку чекори, вклучително и воведување царини кон Индија поради набавката на руска енергија. Сепак, тој очекува поголем ангажман од европските земји.

– Ова повеќе е проблем на Европа отколку на САД – нагласи американскиот претседател.

Трамп истакна дека наредните економски мерки ќе бидат насочени кон ограничување на финансиските и енергетските ресурси на Русија, со цел да се забрзаат мировните преговори и да се притисне Москва да ја смени својата стратегија кон Украина.

The post ТРПЕНИЕТО КОН ПУТИН МУ Е ПРИ КРАЈ Трамп најави остри санкции кон Русија appeared first on plusinfo.mk.

Американскиот претседател Доналд Трамп оцени дека постои 25 проценти ризик утрешниот состанок со рускиот претседател Владимир Путин во Алјаска, на кој ќе разговараат за војната во Украина, да не биде успешен.

– Тој состанок ќе го отвори патот за друг, но постои 25 проценти веројатност овој во Алјаска да не успее – изјави Трамп во интервју за радио „Фокс њуз“.

Тој изрази уверување дека Путин ќе се согласи на договор и дека заканата од нови санкции кон Русија веројатно ја поттикнала Москва да побара средба.

– Сега верувам дека тој е убеден дека ќе склучи договор. Мислам дека тоа ќе се случи и наскоро ќе дознаеме – додаде Трамп.

Според него, секој договор за прекин на војната во Украина треба да помине преку трилатерален самит со Путин и украинскиот претседател Володимир Зеленски, кој би следел по утрешниот состанок.

– Вториот состанок ќе биде многу, многу важен, бидејќи тогаш ќе се постигне договор. Не сакам да го користам терминот „поделете ги работите“, но на некој начин тоа не е лош термин. Ќе има давање и земање кога станува збор за граници и територии – изјави тој.

Трамп повтори дека, доколку утрешниот состанок помине добро, ќе го покани Зеленски на вториот состанок, кој би можел да се одржи на различни локации, вклучително и во Алјаска.

За прес-конференцијата по средбата со Путин, тој рече дека „би било убаво“ двајцата да ѝ се обратат на јавноста заедно, но ако работите не одат според планот, нема да има заедничко обраќање и тој ќе даде изјава сам, пред да се врати во Вашингтон.

Иако Трамп изрази сомнеж, Би-Би-Си потсетува дека и Кремљ и Белата куќа претходно објавија дека лидерите ќе одржат заедничка прес-конференција по разговорите.

Путин, пак, денеска изјави дека САД вложуваат „искрени напори“ за прекин на војната во Украина и наговести дека Москва и Вашингтон би можеле да постигнат договор и за нуклеарно оружје како дел од пошироките напори за градење мир.

The post ТРАМП ОТКРИ ШТО ПЛАНИРА ПО СРЕДБАТА СО ПУТИН Белата куќа и Кремљ со спротивставени најави appeared first on plusinfo.mk.