Окружен суд во Флорида ја отфрли тужбата за клевета од 10 милијарди долари поднесена од претседателот Доналд Трамп против „Волстрит џурнал“.

Судијата Дарин П. Гејлс изјави вчера дека Трамп не успеал веродостојно да докаже дека весникот дејствувал со „вистинска злоба“ објавувајќи извештај за честитка наводно со неговото име испратена до покојниот осуден сексуален престапник Џефри Епстин.

Тужбата, исто така, „не е ни блиску“ до исполнување на клучните законски стандарди, напиша судијата.

„Волстрит џурнал“ минатата година објави за наводно писмо испратено до Епстин за неговиот 50-ти роденден во 2003 година, во кое се наоѓало името на Трамп и се сугерирало понатамошна врска меѓу двајцата мажи.

Писмото содржело сексуално сугестивен текст и скица од женска фигура нацртана со маркер. Трамп негира дека е автор на истата. По извештајот, тој поднесе тужба барајќи отштета од 10 милијарди долари против весникот.

Трамп, исто така, покрена правна постапка против Би-Би-Си, барајќи вкупно 10 милијарди долари отштета.

Тужбата, поднесена во Флорида, се однесува на спор околу уредувањето на говорот што Трамп го одржа на 6 јануари 2021 година, кој радиодифузерот го користеше во својата програма „Панорама“. Тој ден, американскиот Капитол во Вашингтон беше нападнат од поддржувачи на тогашниот претседател.

Емисијата се емитуваше кратко пред претседателските избори во САД во ноември 2024 година. Рочиштето за случајот е закажано за февруари 2027 година.

Трамп поведе низа медиумски организации откако првпат стана претседател, вклучувајќи ги Њујорк Тајмс, Вашингтон Пост и Си-Ен-Ен.

The post ПРОПАДНА МЕГАТУЖБАТА ОД 10 МИЛИЈАРДИ ДОЛАРИ Отфрлено барањето на Трамп против „Волстрит џурнал“ appeared first on plusinfo.mk.