Новинарски текст

Реал Мадрид не успеа да го ангажира аргентинскиот напаѓач Хулијан Алварез, откако Атлетико Мадрид ја одби понудата вредна 150 милиони евра за една од своите најголеми ѕвезди.

„Кралскиот клуб“ испратил официјална понуда по состанок на Управниот одбор, но од Атлетико Мадрид не сакале ниту да преговараат за трансферот.

„Атлетико изрази благодарност за предлогот и во рамките на добрите односи меѓу двата клуба ја одби понудата. Притоа се повика на откупната клаузула во договорот“, соопштија од Реал Мадрид.

Според шпанскиот весник „Марка“, откупната клаузула на Алварез изнесува дури 500 милиони евра, што практично го прави недостижен за потенцијалните купувачи. Аргентинецот има договор со Атлетико до 2030 година.

Алварез минатото лето пристигна во Атлетико Мадрид од Манчестер Сити во трансфер вреден 75 милиони евра и веднаш се наметна како еден од клучните играчи во тимот. Во својата прва сезона одигра 49 натпревари и постигна 20 голови.

Напаѓачот е стандарден и во репрезентацијата на Аргентина, за која на 51 натпревар постигнал 14 погодоци.

Со одбивањето на понудата од 150 милиони евра, Атлетико Мадрид испрати јасна порака дека нема намера да се раздели со својот најдобар стрелец, особено не во корист на градскиот ривал Реал Мадрид.

The post РЕАЛ ПОНУДИ 150 МИЛИОНИ ЕВРА, НО ДОБИ „НЕ“ Атлетико не сака ни да слушне за продажба на Алварез appeared first on plusinfo.mk.

Португалскиот тренер Жозе Мурињо стапил во контакт со челниците на Бенфика за да ги увери дека не стои зад видеото во кое е прикажан во дрес на Реал Мадрид. Португалските медиуми објавија дека искусниот тренер смета оти снимката е изработена со помош на вештачка интелигенција.

Контроверзната снимка пре дизвика бура откако беше објавено на веб-страницата на Флорентино Перез, претседателот на „тимот од Сантијаго Бернабеу“.

Видеото се појави на интернет во момент кога се засилија шпекулациите за можно враќање на Мурињо ка Кралевите. Во кратката снимка Португалецот е прикажан во дрес на Реал Мадрид и го изговара само зборот „да“.

Покрај видеото беше објавена и пораката:

„Има уште многу историја што треба да се напише“.

Над написот со големи букви стои „Гласај“ (Vota).

MOUcha historia por hacer. pic.twitter.com/7wLmDk8r2M

— Florentino 2026 (@Florentino2026_) June 3, 2026

Загреана клупа во Реал

Актуелниот прв човек на Реал Мадрид распиша предвремени избори по турбулентната сезона, а противкандидат му е Енрике Рикелме.

Во дел од шпанските медиуми се појавија информации дека Перез е подготвен повторно да му ја довери клупата на Мурињо доколку добие нов мандат.

Покрај тренерското прашање, се споменуваат и неколку можни засилувања за тимот. Меѓу нив се Дензел Дамфрис и Ибрахим Конате.

15 милиони евра на чекање

Противкандидатот Енрике Рикелме најави поинаква визија за иднината на клубот. Тој порача дека сака да го донесе Родри на „Сантијаго Бернабеу“, како и еден од најпознатите тренери во светот.

Сепак, нагласи дека тоа не е Жозе Мурињо.

Во меѓувреме, португалскиот весник „Рекорд“ објави дека Реал Мадрид ја известил Бенфика за намерата да ја активира откупната клаузула од 15 милиони евра следната недела.

Според истиот извор, португалскиот клуб размислува за Марко Силва како можна замена доколку Мурињо замине.

The post 📽️ СНИМКАТА ОД МУРИЊО Е ВЕШТАЧКА ИНТЕЛИГЕНЦИЈА? Португалецот негира дека се договорил со Кралевите appeared first on plusinfo.mk.

Тектонска промена во Реал Мадрид. Помалку од едно деноноќие по триумфот на Барселона во Џеда, Флорентино Перез ја пресече ерата на Чаби Алонсо. Она што требаше да стане династија, се распадна за само шест месеци. Формално – спогодбен раскин. Неофицијално – класична победа на „ѕвездите“ над стратегот.

Инцидентот што го запечати крајот

Наводно, по поразот во финалето, Алонсо побарал неговите играчи да направат шпалир за Барселона. Но Килијан Мбапе, прв пат видливо револтиран, одбил – и целата екипа го послушала него, не тренерот.

На видеото од доделувањето на медалите, Алонсо стои сам додека играчите минуваат крај него без поздрав. Симболична сцена на крајот на авторитетот.

XABI ALONSO le pidió a los futbolistas que se queden durante la premiación del #Barcelona pero Kylian MBAPPÉ ordenó que NO.

Los jugadores se FUERON al VESTUARIO.pic.twitter.com/p8yEW0b4nD

— Deportes Al Taco (@DeportesAlTacok) January 12, 2026

Мбапе и Винисиус, двојниот фронт против тренерот

„Атлетик“ објави дека Винисиус веќе му порачал на клубот дека нема да потпише нов договор додека Алонсо седи на клупата. Неговиот тврд стил и дисциплински казни не им одговарале на ѕвездите навикнати на попустливост.

Наместо тим, Реал станал збир на индивидуалци со различни интереси – и слаба хиерархија.

Арбелоа, човекот за ред, не за револуција

Новиот тренер е Алваро Арбелоа, досегашен стратег на Кастиља. Блискоста со Флорентино Перез и неговата репутација на „војник на клубот“ му ја отворија вратата.

– Ќе воведе ред и дисциплина – велат изворите блиски до управата.

The post ГАЛАКТИКОСИТЕ ЈА ПРОГОЛТАА СВОЈАТА ИДЕОЛОГИЈА Алонсо падна под тежината на егото во Реал Мадрид appeared first on plusinfo.mk.

Реал Мадрид уште еднаш покажа дека величината на клубот не се мери само со бројот на освоени трофеи, туку и со почитта што ја покажува кон своите легенди. Еден таков момент беше пречекот што шпанскиот гигант му го приреди на македонската спортска икона, Владимир Богоевски.

На покана лично од претседателот Флорентино Перез, Богоевски присуствуваше на натпреварот меѓу Реал Мадрид и Валенсија, кој од свечената ложа на „Сантијаго Бернабеу“ го проследи во друштво на Перез. Како што соопшти Македонскиот олимписки комитет (МОК), средбата поминала во пријателска атмосфера, исполнета со спомени од златните денови на спортот и разговори за идните предизвици.

Владимир Богоевски е едно од најпрепознатливите имиња на македонската одбојка. Во раните 1980-ти години, тој беше дел од одбојкарската секција на Реал Мадрид, каде што остави длабока трага и стекна огромен углед меѓу шпанските љубители на спортот.

Гестот на Перез не е само формалност, туку вистинско признание за кариерата и за човекот што достојно ја претставувал Македонија на меѓународната сцена. Денес, Богоевски е спортски директор на МОК, а оваа средба уште еднаш потврдува дека неговото име и понатаму буди почит и во највисоките спортски кругови.

The post 📷 КРАЛСКИ ТРЕТМАН ЗА БОГОЕВСКИ НА „БЕРНАБЕУ“ Реал Мадрид никогаш не ги заборава своите херои, Македонецот лично поканет од Перез appeared first on plusinfo.mk.

Претседателот на Реал Мадрид, Флорентино Перез, сака да го потпише напаѓачот на Манчестер сити, Ерлинг Халанд, ако крилниот напаѓач Винисиус биде продаден.

Според „Cadena Ser“, шефот на мадридскиот клуб сонува Халанд и напаѓачот Килијан Мбапе да играат во неговиот тим во исто време. Се забележува дека Перез може да го трансферира норвешкиот фудбалер со парите добиени од потенцијалната продажба на Винисиус.

Претходно, медиумите објавија интерес за Бразилецот од страна на клубови од Саудиска Арабија.

Во сезоната 2024/25, Халанд има 48 натпревари на сите турнири, на кои постигна 34 гола и имаше пет асистенции.

Тековниот договор на 25-годишниот Норвежанец со Сити е до крајот на јуни 2034 година. Порталот „Transfermarkt“ ја проценува вредноста на играчот на 180 милиони евра.

Винисиус одигра 58 натпревари минатата сезона, постигнувајќи 22 гола и 19 асистенции. Договорот на 25-годишниот Бразилец со Реал Мадрид е до летото 2027 година.

На фудбалскиот пазар Винисиус има вредност околу 170 милиони евра.

The post РЕАЛ МАДРИД ГО САКА ХАЛАНД ВО ТИМОТ „Кралевите“ ќе го одврзат ќесето за Норвежанецот, ако Винисиус си замине appeared first on plusinfo.mk.

Не е лесно да се биде тренер на Реал Мадрид кога испаѓа од Лигата на шампионите на УЕФА. Но, Карло Анчелоти денеска увери дека ја ужива поддршката од лидерот на клубот, Флорентино Перез.

По елиминацијата против Арсенал, медиумите веќе „го отпуштија Анчелоти“ и „го назначија Чаби Алонсо“.

– Кој и да зборува за конфликт со клубот или со претседателот, не ја кажува вистината. Сега чувствувам поголема поддршка од Перез отколку кога освојувавме трофеи. Ова е реалноста во која живееме, нечиј кредибилитет постојано се доведува во прашање. Овој клуб освои 30 трофеи во последните 11 години и воопшто не сум загрижен што луѓето ја доведуваат во прашање мојата позиција – изјави Анчелоти на прес-конференција.

Анчелоти посочи дека сите во клубот страдаат заедно, но сепак и остануваат заедно, во добри и во лоши времиња.

– Сите ние страдаме заедно. Ние во соблекувалната, навивачите, лидерите по испаѓањето од Лигата на шампионите. Но, овие работи се случуваат во фудбалот, не може постојано да се победува. Сите сме на иста страна, нема конфликт и немало, ниту ќе има. Сите сме во ист брод. Во добри и во лоши времиња – истакна тој.

Тимот утре се соочува со дерби против Атлетик Билбао. Реал Мадрид нема право на грешка бидејќи Браселона запиша победа попладнево.

– Би сакал да му честитам на Билбао за пласманот во полуфиналето на Лигата на Европа на УЕФА, а тие се блиску до играње финале на нивниот „Сан Мамеш“. Играат интензивен фудбал, наше е да одговориме на ист начин. Имаме уште шанса да освоиме три трофеи и ќе се бориме за нив до крајот на сезоната – истакна Италијанецот.

The post ВО ДОБРИ И ВО ЛОШИ ВРЕМИЊА – СИТЕ СМЕ НА ИСТ БРОД Анчелоти вели дека денес има повеќе поддршка од Перез отколку во шампионските денови appeared first on plusinfo.mk.

Случајот „Негреира“ во кој Барселона беше обвинета дека со години поткупувала судија и за возврат од него добивала помош на нејзините натпревари, ја отвори „Пандорината кутија“ и веќе е покренат нов случај. Овој пат за подмитување е обвинет и другиот шпански гигант – Реал Мадрид и неговиот претседател Флорентино Перез.

Поранешниот шеф на шпанската национална полиција, Хозе Мануел Виљарехо, јавно проговори против првиот човек на кралскиот клуб и рече дека Флорентино Перез ги поткупува судиите, со години е недопирлив и дека ништо не се случило поради тоа.

– Флорентино Перез веќе ги подмитуваше судиите пред тоа да го направи Барса. За секој што ќе се осмели да го пријави Флорентино тоа би било самоубиство. Воопшто е невозможно да се суди и тоа да влијае на Флорентино Перез – обвини поранешниот началник на полицијата во Шпанија.

Реал Мадрид веднаш одговори со официјално соопштение и најави дека ќе покрене правна постапка против Виљарехо врз основа на обвинувањата против првиот човек на клубот од Сантијаго Бернабеу.

– Претседателот на Реал Мадрид, Флорентино Перез нареди итно да се покрене соодветна правна постапка против екс-комесарот Виљарехо поради лажни обвинувања на каталонското радио RAC1 – се вели во соопштението на Реал.

БАРСЕЛОНА ЌЕ БИДЕ ИСФРЛЕНА ВО ВТОРА ЛИГА? Каталонците се обвинети за поткуп

The post ХАОС ВО ШПАНСКИОТ ФУДБАЛ По Барселона, сега и Реал Мадрид обвинет за подмитување судии appeared first on plusinfo.mk.

Синоќа и утринава медиумот објави уште два текста во кои објавува транскрипти од разговори кои Перез ги водел во различни временски периоди и во кои ги вреѓа легендите на Реал.

Во третиот текст објавен утринава, „Ел Конфиденсијал“ носи детали од разговор кој се случил во октомври 2012 година, а во кој Перез говори лошо за Кристијано Роналдо и Жозе Мурињо.

– Тој е луд. Типот е идиот. Можеби мислиш дека тој е нормален, но не е. Да е, не би правел се ова што го прави. Зошто мислиш дека стално прави глупости? – говори Перез за Роналдо, па додал:

– Мендеш нему не му е шеф. Баш како што не е ни Мурињо. Нема никакво влијание. Ни за интервјуа. Нема е*ена шанса. Тие двајца се размазени типови кои не ја гледаат реалности. Да се паметни би заработувале многу повеќе пари. Говориме за многу пари кога се во прашање правата на ликот и делото. Го имаат и тоа лице кое ги одбива луѓето. Мадрид ги изеде немаат своја глава. Роналдо е моментално гомно, а Мурињо идиот. Не е дека Роналдо не сака да игра… Малку е глуп. Се вози наоколу без возачка дозвола. Притисокот го мачи, но на овој другиот тоа не му е гајле.

Тука не застанал со контроверзните изјави затоа што зборувал и за Мурињо и Коентрао.

– Кристијано и Мурињо се луѓе со големо его. Двајцата се разгалени и одбиваат да ја прифатат реалноста. Коентрао е идиот. Човекот вози без возачка дозвола. Тој е обично гомно – кажал Перез.

Шпански „Ел Конфиденсијал“ намерно или ненамарно дојде до снимки кои датираат уште од 2006 година, снимки на кои Перез „гази“ , негативно коментира за играчите кои потекнаа од школата на Реал и едноставно одбележаа ера во овој клуб.

– Бекам е добро и многу паметно момче. Заработува 30 милиони евра годишно. Роналдо Назарио исто така. Зидан добива по 25 милони евра. И тука е Раул кој не продава апсолутно ништо. Човече, ништо, ниту дрес, нема медиумско внимание. Тој е лош, верува дека Реал е негов и тој е една од причините поради која си заминав. Го уништува клубот, моралот на играчите, сè. Многу лош човек – вели Перез.

– Фановите го обожаваат Касилјас.. Не знам зошто толку го бранат и го сакаат. Тој е една измама, а другата е Раул. Ова се двете најголеми измами во историјата на Реал Мадрид, – вели Перез во снимките.

Флорентино воедно генерално нема добро мислење за фудбалерите.

– Фудбалерите се себични. Не можете да сметате на нив за ништо. Имам ужасна слика за фудбалери, страшна, страшна… Сум видел многу работи во мојот живот, но никогаш нешто слично на нив – вели Перез.

Првиот човек на Реал се огласи по најновите случувања порачувајќи дека ова намерно се прави за да се оцрни неговото име, но и да се направи штета на проектот за европската Супер лига.

The post Нови скандалозни снимки: Перез вели дека Роналдо е луд, а Мурињо е идиот! appeared first on plusinfo.mk.

„Нашиот претседател Флорентино Перез периодично се тестира на Ковид-19 и неговиот последен тест е позитивен, иако тој не покажува симптоми“, се наведува во клупското соопштение.

Перез идниот месец ќе го прослави својот 74 роденден.

Пред него, позитивен на коронавирус во редовите на Реал Мадрид беше и тренерот Зинедин Зидан поради што последните два натпревари на екипата ги водеше неговиот помошник Давид Бетрони.

The post Флорентино Перез позитивен на коронавирус appeared first on plusinfo.mk.