Планот на ДУИ е на плоштадот „Илирија“ да ги покани изведувачите Тајна, Нора Истрефи, Гетоар Селими, Љуми Б и Бута, но Касами тврди дека подмирувањето на трошоците за изведувачите Ахмети ќе го направи со злоупотребени пари од јавни фондови.

– Пријателски го советувам раководството и членството на ДУИ да не оди по паметот на Артан Груби и на 4 јуни да слави во Тетово по сето она што му се случи на градот во изминатите три дена. Да не ги провоцираат тетовци како што ги провоцираа на фудбалски натпревар кога предизвикаа отворен конфликт меѓу Скопје и Тетово. Парите што ќе ги потроши ДУИ за ангажирање пејачи, кои сите знаеме дека не доаѓаат бесплатно, се злоупотребени пари. Ние видовме колку многу го оштетија џебот на тетовци и сите тие проекти кои имаат бројни недостатоци ги реализираа само за да го зголемат своето богатство. Парите нема да ги дадат од свој џеб, туку повторно ќе бидат злоупотребени јавните фондови – рече Касами.

Од партијата на Ахмети молчат и официјално не го коментираат ваквиот јавен „партибрејкерски“ потег од првиот човек на Тетово, иако, како што се зборува во партијата, најавените прослави со сигурност ќе се одржат и дека токму интегративците ќе им помогнат на настраданите тетовци од поплавите и во санацијата на штетите од пожарот.

Покрај забавниот дел, 20-годишнината на ДУИ ќе се одбележи и со други манифестации на кои се очекува да присуствуваат видни личности од земјата и регионот, а во однос на обвинувањата за злоупотреба на парите од јавните фондови, партијата на Ахмети тврди дека прославите се финансираат од партиски средства и од спонзорства. Според проценките, концертите ќе ја чинат ДУИ од 70 до 80.000 евра.

И сега, ако ги тргнеме сите овие препукувања настрана, конечно дојде на ред да се постави главното прашање: „А зошто и по чиј пример, побогу, ДУИ има потреба воопшто да одбележува јубилеј од 20-годишно владеење?“

Флакрон Беџети од Алијанса за Албанците во изјава за Плусинфо вели дека состојбата во којашто се наоѓа државата е толку лоша и дека во најмала рака е безобразно сега да се прават прослави од таков тип.

– Одлуката на ДУИ да прославува јубилеј за дведецениско владеење, според нас, е непотребен чин, бидејќи во моментов не гледаме некоја голема причина за славење. Земјава се наоѓа во една страшна економска криза, а еден од главните причинители на таа криза е токму ДУИ. Поради коруптивната политика на партијата на Ахмети ние не можеме да напредуваме како држава. Во кратки црти, сметаме дека прославата на ДУИ е непотребна и дека нема зошто да слават освен за нивните привилегии што ги користат функционерите на 20-годишната власт – вели Беџети.

Земјава се наоѓа во една страшна економска криза, а еден од главните причинители на таа криза е токму ДУИ.

Флакрон Беџети Алијанса за Албанците

Поранешниот министер за здравство и кандидат за претседател, Имер Селмани, смета дека ДУИ има право да го прославува јубилејот, но дека во овој момент кога граѓаните се соочуваат со егзестенцијални проблеми, организирањето прослава не наидува на одобрување кај граѓаните.

– Дведецениското владеење на ДУИ има и добри и лоши страни, а лош белег кој ја видоизмени државата е тоа што ДУИ го поддржа проектот Скопје 2014, кој, како што гледаме, бил финансиран на криминален начин. Друг лош момент е што голем број млади луѓе се вработуваа по клуч, а не одеа на работа поради што не ни успеаја да изградат административна кариера. Секоја власт по неколку години владеење се расипува и тоа веројатно е точно. ДУИ и на локално и на државно ниво се обивнува за криминал, но не е покренат ниту еден процес за разлика од функционери од СДСМ и од ВМРО-ДПМНЕ. Но, ДУИ умее да соработува со двете најголеми партии. Како и да е, сметам дека прославата во овие тешки моменти е неприфатлива – вели Селмани.

The post „ПАРТИБРЕЈКЕРОТ“ КАСАМИ КОНТРА „ЖУРКАЏИЈАТА“ АХМЕТИ Зошто, побогу, ДУИ би славела 20-години владеење? appeared first on plusinfo.mk.

Дека планот е наскоро да се организираат предвремени избори, во петокот најави лидерот на опозициската ВМРО-ДПМНЕ, Христијан Мицкоски, кој им порача на македонските граѓани да бидат трпеливи, бидејќи планот веќе е испратен во кројачницата.

Но, премиерот Димитар Ковачевски не мисли дека на земјава ѝ се потребни предвремени парламентарни избори, а како што истакна, нема да подлегне на никакви притисоци, закани и уцени.

Премиерот не попушта

Бидете трпеливи, јас сум сериозен човек и веќе го кројам планот како да издејствуваме предвремени парламентарни избори, порача лидерот на ВМРО-ДПМНЕ, Христијан Мицкоски.

– Нормално дека имаме план, јас сум сериозен човек и секогаш во животот ги правам работите со план. Ќе ги искористиме сите институционални и вонинституционални методи и алатки за што побрзо да се распишат предвремените избори – истакна Мицкоски.

Од друга страна, пак, премиерот Ковачевски не попушта. Тој денеска порача дека парламентарни избори ќе има, но во 2024 година.

– На земјава не ѝ се потребни избори, туку лидерство за надминување на последиците од кризата. Не сум човек кој подлегнува на притисоци, закани и уцени. Ако единствена точка за која опозицијата смета дека треба да се разговара се предвремени избори, тогаш нема да имаме средба – рече Ковачевски.

Во овој момент, додаде тој, на Македонија ѝ е потребно лидерство и одговорност за справување со големите предизвици што ги имаме во оваа кризна година, а тоа е енергетската криза, која е европска, потоа здравствената криза која сѐ уште е присутна преку новите соеви и ценовната инфлација.

– Затоа, сакам да повторам дека избори ќе има, но во 2024 година – истакна Ковачевски.

По ваквата негова изјава веднаш следуваше реакција од ВМРО-ДПМНЕ.

„Ковачевски бега од избори за да продолжи да краде милиони во енергетската криза. Тој не прифаќа лидерска средба затоа што сака да продолжи да краде. Ковачевски бега од избори, затоа што тој не сака решение на кризата, тој сака да ги краде парите на граѓаните преку големи набавки, кои ги правда под превезот криза. Ковачевски само го интересира неговата политичка кариера и профит“, реагираше партијата на Мицкоски преку соопштение.

Опозицијата се обединува

Од страната на ВМРО-ДПМНЕ и на Христијан Мицкоски веднаш застана и Движењето Беса, чиј лидер Билал Касами истакна дека предвремените парламентарни избори се неопходни доколку сакаме земјава да излезе од политичката криза.

– Со претседателот на ВМРО-ДПМНЕ, Христијан Мицкоски, се договоривме за соработка на централно ниво, а како две опозициски партии ќе понудиме решение за проблемите со коишто се соочува земјава во овие критични моменти, како што е патот кон интеграцијата во ЕУ и енергетската криза. Се договоривме во наредниве денови да одржиме активности за да имаме предвремени парламентарни избори и на тој начин волјата на граѓаните да биде изразена и на централната власт – рече Касами.

Портпаролот на Алијанса за Албанците, Флакрон Беџети, во изјава за Плусинфо потврди дека партијата на Зијадин Села се приклучува на барањето за предвремени избори.

– Собранието не може да функционира. Парламентарното мнозинство е тесно и нестабилно. Проблематично течат и преговорите со Бугарија, а не смееме да го занемариме и лошото справување со пандемијата со коронавирусот, но и со енергетската криза. Сите овие работи го отежнуваат животот на граѓаните и затоа сметаме дека се потребни предвремени парламентарни избори. Ние сме во постојан контакт со другите опозициски партии и се надеваме дека ќе продолжи нашата соработка со ВМРО-ДПМНЕ и со Беса во поглед на дејствувањето околу одржување предвремени избори. Важно е да ги усогласуваме нашите политики и нашите политички програми, но и заедно да ги кроиме плановите и стратегиите. Оти, знаеме колку е тесно парламентарното мнозинство и многу добро знаеме како беше формирано актуелното парламентарно мнозинство. Јас се надевам дека и власта ќе ја анализира состојбата и самата ќе биде принудена да прифати предвремени парламентарни избори – вели Беџети.

Три мотиви

Освен тоа што премиерот Димитар Ковачевски сега е ставен во улога на туристички водич за странски интереси низ домашната политика, новото мнозинство е продолжение на старото делегитимирано мнозинство, вели портпаролот на Левица, Амар Мециновиќ.

Амар Мециновиќ Портпарол на Левица

Неопходни се предвремени избори и нов собраниски состав за да може да се стави крај на долгогодишниот криминал и понижувања на државните органи преку стотици јавни скандали на СДСМ и ДУИ.

– Левица има три мотиви за одржување предвремени парламентарни избори. Првично, по принципот на опозициска политичка одговорност, потоа поради здраворазумските проценки за опасно редефинирање на државните карактеристики во траењето на овој мандат и поради одговорноста кон левото гласачко тело кое СДСМ го држи во заложништво. Најпосле, неопходни се предвремени избори и нов собраниски состав за да може да се стави крај на долгогодишниот криминал и понижувања на државните органи преку стотици јавни скандали на СДСМ и ДУИ. Македонија се наоѓа во здравствена, енергетска и економска криза која ги загрозува животите на граѓаните, додека овие бизнис партии зад себе имаат низа примери за човечки трагедии и не смее да им се доверува раководењето со јавниот сектор. Во секој поглед, предвремени парламентарни избори мора да се одржат што поскоро – вели Мециновиќ за Плусинфо.

Легитимитетот во авторитарни режими, додава тој, се нагласува преку постигнувањето на цели за оправдување на владеењето над народната волја, како во овој случај.

– Сепак, и во авторитарните, како и во хибридните режими, граѓаните имаат исти видувања за изворите на владејачкиот легитимитет, кој треба да произлегува од доверувањето на консензус преку изборно оправдување. Расцепот помеѓу авторитарниот пристап на СДСМ и јавното мнение за демократскиот процес практично укажува на исцрпеноста на овој собраниски состав – посочува Мециновиќ.

The post МИЦКОСКИ ТУРКА, КОВАЧЕВСКИ ВЛЕЧЕ Едниот крои планови за предвремени избори, другиот ги сече во корен appeared first on plusinfo.mk.

Тој вели дека премиерот би можел да ѝ нанесе тежок удар на државата на последниот негов работен ден во премиерскиот кабинет, а како што посочува, ударот ќе го почувствуваме сите ние, бидејќи најмногу ќе се одрази врз идентитетот на македонскиот народ.

Таквиот потег на премиерот несомнено ќе ја внесе земјава во нова длабока политичка криза, бидејќи опозицискиот блок отворено најавува силен отпор, а не се исклучува и бојкот на институциите, па и народ на улиците.

Нема да стоиме со вкрстени раце

Портпаролот на ВМРО-ДПМНЕ, Димче Арсовски, вели дека неговата партија е искрено загрижена поради можноста премиерот Зоран Заев да потпише штетен договор со Бугарија.

– На Зоран Заев нема да му биде тешко да потпише сè што ќе му сервира нашиот источен сосед. Но, таквиот потег ќе биде круна на неговите порази и на поразите на нашата држава, а ние како партија уште сега кажуваме дека нема да почитуваме било каков штетен договор – рече Арсовски.

Засега е рано да се каже како точно ќе делуваме и во каква форма, но не исклучено да стапиме и кон бојкот на институциите, на владата и на сите институции кои се во рацете на владејачката гарнитура.

Амар Мециновиќ Портпарол на Левица

И портпаролот на Левица, Амар Мециновиќ, во изјава за Плусинфо вели дека партијата нема да стои со вкрстени раце доколку премиерот во заминување потпише нов штетен договор со Софија.

– Преку нашата заложба против потпишувањето на Преспанскиот договор докажавме дека ние навистина стоиме зад државотворните елементи на Македонија, така што Левица сигурно ќе стапи кон политичка саботажа на работењето на владата доколку премиерот во заминување Зоран Заев ќутенката потпише нов штетен договор со Бугарија. Можеме сè да очекуваме од оваа квислиншка влада и ништо не нè изненадува. Ако евентуално дојде до такво нешто, односно доколку премиерот во заминување потпише нов штетен договор со Софија, ние ќе го следиме незадоволството на народот и ќе го артикулираме. Засега е рано да се каже како точно ќе делуваме и во каква форма, но не е исклучено да стапиме и кон бојкот на институциите, на владата и на сите институции кои се во рацете на владејачката гарнитура. Во моментов можеме да заклучиме дека нашата дипломатија импотентно работи на решавање на проблемот со источниот сосед, но ние категорично застануваме зад било какво поткусурување со идентитетот на државата – објаснува Мециновиќ.

Сакаме решение, ама на легален начин

Од Алијанса за Албанците бараат процесот на преговори со Бугарија да се одвива транспарентно, а како што велат оттаму, во никој случај нема да дозволат да се стават во ризик некои работи што се врзуваат за идентитетот и историјата на државата.

Ние како партија ги поддржуваме решенијата преку кои ќе се отвори европската перспектива, но во никој случај нема да дозволиме да се доведат во ризик некои работи што се врзуваат за идентитетот и историјата на државата.

Флакрон Беџети Алијанса за Албанците

– Во наш интерес е што побрзо да се реши проблемот со Бугарија и земјава да добие датум, но сакаме процесот да се води транспарентно и јавноста да биде информирана за секој чекор што ќе го направат нашите и бугарските преговарачи, но да биде информирана и за чекорите што ќе ги направи премиерот во заминување Зоран Заев. Ние како партија ги поддржуваме решенијата преку кои ќе се отвори европската перспектива, но во никој случај нема да дозволиме да се доведат во ризик некои работи што се врзуваат за идентитетот и историјата на државата. Веруваме во дијалогот и во компромисот, а нормално е дека треба да се направат некакви отстапки за да се дојде до решение кое ќе биде прифатливо за двете страни. Не би можел сега да одговорам на прашањето каква ќе биде реакцијата на Алијанса за Албанците доколку премиерот потпише некаков договор со Софија пред да ја напушти премиерската фотелја, бидејќи за идните чекори одлучуваат партиските органи и партиските тела – вели Флакрон Беџети, портпарол на Алијанса за Албанците.

Пратеникот на Беса, Фадил Зендели, вели дека не вреди да се коментираат шпекулации, но како што посочува, неговата партија секако дека бурно ќе реагира доколку премиерот во заминување потпише нов штетен договор со Бугарија.

– Постојат шпекулации дека премиерот во заминување би можел да потпише некаков договор со Бугарија, но тоа се муабети излезени од чајџилница и сметам дека не вреди да се коментираат сè додека не се појави официјална информација. Ако има нешто конкретно и ако се подготвува некаков нов договор кој е штетен за државата, нормално е дека ќе реагираме. Ние како партија сакаме да се реши проблемот со Бугарија и конечно земјава да добие датум за преговори со Европската Унија, но тоа треба да се стори на легален начин, почитувајќи го Уставот и законите – објаснува Зендели.

The post ШТО АКО ЗАЕВ „ЌУТЕНКАТА“ ПОТПИШЕ НОВ ДОГОВОР СО БУГАРИЈА? Опозицијата ќе ги вади шаторите и свирчињата од таван appeared first on plusinfo.mk.

The post ВЛАСТА СО ЦРНА КАМПАЊА ЈА НАПАДНА ОПОЗИЦИЈАТА Делат памфлети со клевети и омраза, сведочи Алијанса за Албанците appeared first on plusinfo.mk.