Триесет и шестгодишен жител на скопско пријавил во полиција дека бил физички нападнат, а потоа и грабнат и однесен на друга локација.

Според информациите од Министерството за внатрешни работи, Д.Е. пријавил дека околу 14 часот на подрачјето на Карпош, додека се движел со патничко возило „мерцедес“, бил пресретнат од три патнички возила.

Како што навел во пријавата, едно од лицата, идентификувано како Р.Б., физички го нападнало и му нанело тешки телесни повреди. Потоа, според неговите тврдења, бил внесен во едно од возилата и однесен најпрво на автоплац во Карпош, а потоа бил оставен во селото Шишево.

Од МВР информираат дека се преземаат мерки и активности за целосно расчистување на случајот и утврдување на сите околности поврзани со настанот.

The post „МЕ НАПАДНАА, МЕ ВНЕСОА ВО ВОЗИЛО И МЕ ОДНЕСОА“ Скопјанец тврди дека бил тепан, грабнат и оставен во Шишево appeared first on plusinfo.mk.

Дваесет и двегодишна скопјанка пријавила во полиција дека била физички нападната на своето работно место во здравствена установа во општина Аеродром.

Според информациите од Министерството за внатрешни работи, на 2 јуни во 13:30 часот во СВР Скопје, З.Х. (22) од Скопје пријавила дека ден претходно, на 1 јуни, по претходно недоразбирање, лицето З.Ј. агресивно се однесувало кон неа и физички ја нападнало.

Инцидентот, како што е наведено во пријавата, се случил во здравствена установа на подрачјето на општина Аеродром.

Од МВР информираат дека се преземаат мерки и активности за целосно расчистување на случајот.

The post ИНЦИДЕНТ ВО ЗДРАВСТВЕНА УСТАНОВА ВО АЕРОДРОМ Вработена пријавила агресивно однесување и физички напад appeared first on plusinfo.mk.

Седум пријави за семејно насилство добила полицијата во изминатото деноноќие. Уапсени се 6 насилници, сите мажи. Тие ги нападнале родителите, децата, сопругите, а еден ја нападнал пасторката. Неколкумина од нив биле пијани.

На 31.5.2026 година во 17:55 часот во Полициската станица Карпош, полициски службеници од СВР Скопје го лишија од слобода Д.Н.(36) од Скопје, постапувајќи по претходна пријава дека во домот физички го нападнал неговиот 60-годишен татко.

На 1.6.2026 година во 00:15 часот во СВР Штип, 25-годишна жена од село во општина Карбинци пријавила дека на 31.5.2026 година во 17:30 часот во семејниот дом била физички нападната од нејзиниот сопруг Ш.М.(45). Според пријавеното, претходниот ден тој физички ги нападнал нивните малолетни деца. Таа и малолетните деца се предадени на Центарот за социјални работи Штип.

На 31.5.2026 година во 23:10 часот, полициски службеници од СВР Куманово го лишија од слобода С.М.(26) од Куманово, постапувајќи по претходна пријава дека во семејната куќа во Куманово физички ја нападнал 16-годишната ќерка на неговата вонбрачна сопруга.

На 1.6.2026 година во 00:30 часот во Велес, полициски службеници од СВР Велес го лишија од слобода Ф.Д.(53) од Велес, постапувајќи по пријава од Центарот за социјални работи Велес дека по кратка расправија физички го нападнал неговиот 16-годишен син. По преземени мерки било констатирано дека Ф.Д. бил под дејство на алкохол, односно му биле измерени 1,87 промили алкохол во крвта. Тој е задржан во полициска станица и известен е јавен обвинител.

На 31.5.2026 година во 21:40 часот во Велес, полициски службеници од СВР Велес го лишија од слобода А.А.(34) од Велес, постапувајќи по претходна пријава дека во домот им се заканувал на неговите родители. Според пријавеното, ваквите настани се случувале подолг временски период. По преземени мерки било констатирано дека А.А. бил под дејство на алкохол, односно му биле измерени 0,87 промили алкохол во крвта. Тој е задржан во полициска станица и известен е јавен обвинител.

На 31.5.2026 година во 13:45 часот во Полициското одделение Жеровјане, полициски службеници го лишија од слобода Р.С.(38) од тетовско село, постапувајќи по претходна пријава од неговата 56-годишна мајка дека по кратка расправија физички ја нападнал.

На 31.5.2026 година во 21:35 часот на улицата Гоце Делчев во Гостивар, полициски службеници го лишија од слобода В.П.(42) од Гостивар, постапувајќи по претходна пријава од неговата 38-годишна сопруга од Гостивар, со која се во бракоразводна постапка, дека по кратка расправија, физички ја нападнал и ѝ го оштетил возилото.

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави, информира полицијата.

The post УАПСЕНИ 6 МАЖИ НАСИЛНИЦИ Ги тепале родителите, децата, сопругите, пасторката… appeared first on plusinfo.mk.

49-годишен маж е осомничен дека физички нападнал дете во дворот на основно училиште во Илинден, откако претходно неговиот син влегол во расправија со соученик.

Според информациите од Основното јавно обвинителство Скопје, инцидентот се случил на 22 мај, кога момчето го повикало својот татко по недоразбирање со врсник во училишниот двор.

Кога пристигнал во училиштето, осомничениот најпрво почнал да му упатува навреди, пцовки и погрдни зборови на детето, а потоа физички го нападнал.

Според обвинителството, мажот го удирал детето со шлаканици и тупаници по главата и телото, при што му нанел расекотини и подливи.

Од Обвинителството информираат дека против него е поведена постапка за кривично дело „Насилство врз дете“.

„Осомничениот извршил физичко и психичко насилство врз дете родено 2013 година“, соопштија од Јавното обвинителство.

Обвинителството побарало и мерки на претпазливост, односно осомничениот редовно да се јавува во суд и да не смее да му се приближува на оштетеното дете.

The post ТЕПАЛ ДЕТЕ ВО УЧИЛИШЕН ДВОР Татко дошол по расправија меѓу ученици, удирал со шлаканици и тупаници appeared first on plusinfo.mk.

41-годишен жител на скопското село Кондово пријавил дека бил нападнат и повреден со кундак од пиштол пред својот дом, откако се обидел да ја заштити својата малолетна ќерка.

Според информациите од полицијата, инцидентот се случил во неделата вечер околу 21:30 часот. Н.Ш. пријавил дека 18-годишниот Б.И. физички го нападнал и му нанел повреда удирајќи го со кундак од пиштол.

Како што навел во пријавата, претходно во текот на денот неговата малолетна ќерка имала расправија со друга малолетничка.

Кога вечерта забележал дека Б.И. и уште едно лице ја држат неговата ќерка за врат пред куќата, се обидел да интервенира и да ги оттурне, по што бил нападнат.

Од МВР информираат дека се преземаат мерки за целосно расчистување на случајот.

The post САКАЛ ДА ЈА СПАСИ ЌЕРКАТА, ПА ДОБИЛ УДАР СО КУНДАК Малолетничка држена за врат, таткото претепан appeared first on plusinfo.mk.

На 09.05.2026 полициски службеници од СВР Куманово го лишиле од слобода Н.С.(49) од Куманово затоа што физички ја нападнал неговата мајка.

На 09.05.2026 полициски службеници од СВР Куманово го лишиле од слобода А.С.(34) од Куманово затоа што физички ја нападнал неговата сопруга.

На 09.05.2026 полициски службеници од СВР Скопје го лишиле од слобода И.Б.(40), постапувајќи по претходна пријава дека околу 10 часот во семејниот дом на подрачјето на Карпош упатувал закани кон неговата 68-годишна мајка и покрај Решението од Основен граѓански суд Скопје за отстранување од домот и забрана за приближување.

На 10.05.2026 полициски службеници од СВР Скопје го лишиле од слобода Б.А.(45) од Скопје, постапувајќи по претходна пријава дека на 09.05.2026 околу 22 часот во неговиот дом на подрачјето на општина Аеродром во Скопје физички ја нападнал неговата 33-годишна партнерка од Скопје и ѝ упатувал закани со огнено оружје. Според пријавеното, тој и во изминатиот период бил насилен кон неа, но таа досега не го пријавувала.

На 09.05.2026 полициски службеници од СВР Скопје го лишиле од слобода Б.Џ.(34) од Скопје, постапувајќи по претходна пријава дека во 07 часот во семејниот дом на подрачјето на Бит-пазар физички ја нападнал неговата 41-годишна сопруга. Според пријавеното, тој и во изминатиот период физички и психички ја малтретирал.

На 10.05.2026 полициски службеници од СВР Скопје лишиле од слобода 16-годишник од Скопје, постапувајќи по претходна пријава дека околу 01:30 часот во семејниот дом на подрачјето на Центар физички го нападнал неговиот 50-годишен татко.

На 09.05.2026 полициски службеници од СВР Скопје извршиле службен разговор со С.Д.(33) од скопско село, постапувајќи по претходна пријава дека на 08.05.2026 околу 18 часот во семејниот дом физички ја нападнал неговата сопруга и ѝ упатувал закани со остар предмет. Таа во изминатите пет години била психички и физички малтретирана од нејзиниот сопруг, но досега не пријавувала.

На 10.05.2026, 37-годишна жена од Скопје пријавила дека на 09.05.2026 околу 01 часот во сместувачки објект на подрачјето на Бит-пазар била физички нападната од нејзиниот партнер Г.К. од Турција.

На 10.05.2026 полициски службеници од СВР Штип го лишиле од слобода А.В.(44) со престој во Штип, постапувајќи по претходна пријава од неговата 41-годишна сопруга дека на 09.05.2026 во семејниот дом, по претходна расправија помеѓу нив, пријавениот го турнал нивниот малолетен син.

Полицијата соопшти дека презема мерки за расчистување на случаите и по нивно целосно документирање против сторителите ќе поднесе соодветни пријави.

The post 16-ГОДИШНИК НАПАДНАЛ ТАТКО Две жени пријавиле дека сопрузите со години ги малтретирале appeared first on plusinfo.mk.

Тепачка меѓу две жени во дом во Чаир завршила со две различни пријави во полиција.

Според полицијата, 37-годишна жена пријавила дека била физички нападната од 33-годишна жена, која притоа ја снимала со мобилен телефон.

Претходно, и 33-годишната жена пријавила дека била физички нападната. Според нејзината верзија, инцидентот се случил околу 18.45 часот.

Полицијата соопшти дека по целосно документирање на случајот ќе следуваат соодветни поднесоци.

The post ДВЕ ПРИЈАВИ, ЕДНА СНИМКА OД МОБИЛЕН Две жени се степале во дом во Чаир appeared first on plusinfo.mk.

Шеснаесетгодишен малолетник бил физички нападнат додека седел во паркирано возило во Битола, а случајот во полиција го пријавил заедно со неговата мајка.

Според информациите, инцидентот се случил доцна синоќа на улицата Филип Втори Македонски, каде што малолетникот се наоѓал во патничко возило „Фолксваген бора“ со битолски регистарски таблички. Во еден момент, на возачкото седиште влегол 53-годишен битолчанец со иницијали В.С. за да го помести автомобилот, по што, според пријавата, го нападнал малолетникот.

Случајот бил пријавен во СВР Битола, од каде информираат дека се преземаат мерки за целосно расчистување на настанот.

Полицијата работи на утврдување на сите околности поврзани со инцидентот.

The post 53-ГОДИШНИК НАПАДНАЛ 16-ГОДИШНИК Влегол во паркиран автомобил па го удирал малолетникот appeared first on plusinfo.mk.

33-годишна државјанка на Србија пријавила дека била физички нападната и вознемирувана во изнајмен стан во скопската населба Центар.

Според пријавата, инцидентот се случил по полноќ, кога сопственикот на станот наводно ја допирал по телото и ја нападнал, а претходно ѝ испраќал и вознемирувачки пораки.

Случајот бил пријавен во полиција во раните утрински часови, по што започнала постапка за негово расчистување. Надлежните институции преземаат мерки за утврдување на сите околности поврзани со настанот.

Од полицијата апелираат граѓаните веднаш да пријавуваат вакви инциденти, со цел навремена реакција и заштита на жртвите.

The post СТАН ВО ЦЕНТАР КОЈ СЕ ПРЕТВОРИЛ ВО КОШМАР Србинка го пријавила газдата за физички напад appeared first on plusinfo.mk.

44-годишниот О.Л. синоќа околу 23:15 часот во семејна куќа во Охрид физички ги нападнал неговата невенчана сопруга и нивното малолетно дете.

Полициски службеници од СВР Охрид веднаш интервенирале и го лишиле од слобода осомничениот. По целосно документирање на настанот, против него ќе следува кривична пријава.

Семејството, за среќа, не претрпело посериозни повреди, а соседите ја повикале полицијата откако слушнале врева од домот. Полицијата сè уште ги истражува околностите на нападот.

The post ОХРИЃАНЕЦ ГИ НАТЕПАЛ ЖЕНАТА И ДЕТЕТО Соседите пријавиле врева, полицијата го приведе насилникот appeared first on plusinfo.mk.