Семејна расправија во скопско заврши со физичка пресметка меѓу брат и сестра, кои подоцна и двајцата случајот го пријавиле во полиција.

Според информациите, 21-годишна скопјанка околу 11:30 часот во семејниот дом прво влегла во вербална расправија со нејзиниот 23-годишен брат, по што ситуацијата ескалирала и прераснала во физички напад. Во текот на инцидентот, таа возвратила на ударите.

Неколку часа подоцна, во 21:30 часот, и братот пријавил во полиција дека претходно бил физички нападнат од неговата сестра, по што, како што навел, и тој возвратил на нападот.

Од полицијата информираат дека со 23-годишникот е извршен службен разговор, а по целосно документирање на случајот ќе биде поднесена соодветна пријава.

The post СЕМЕЈНА ДРАМА ВО СКОПСКО Брат и сестра се претепале и се пријавиле во полиција appeared first on plusinfo.mk.

Вчера вечерта во населбата Скопско Поле, инцидент со насилство заврши со привршување на полицијата. Околу 22:00 часот, 35-годишниот А.С. од Скопје и уште едно лице физички ги нападнале И.С. (31) од с.Марино и Б.А. (32) од населба Илинден, по претходно недоразбирање во угостителски објект.

Во нападот, А.С. упатил закани со пиштол кон И.С., со пиштол, сопственост на А.М.(30) од с.Стајковци, скопско, вработена во МВР и која била со нив. Полицијата интервенирала и околу 22:20 часот го лишила од слобода А.С., при што кај него во возило „БМВ“ било пронајдено и одземено оружјето.

Подоцна, во раните утрински часови, на подрачјето на Гази Баба, полицијата ја привела и 30-годишната А.М., сопственичка на пиштолот и вработена во МВР. Двајцата се задржани во полициска станица, а по целосно расчистување на случајот ќе следува соодветна пријава.

The post СЕ ЗАКАНУВАЛ СО ПИШТОЛ НА ПОЛИЦАЈКА Напаѓач приведен во Скопје, подоцна уапсена и сопственичката на оружјето appeared first on plusinfo.mk.

14-годишно момче од Скопје било физички нападнато во автомобил од возач кој потоа ја одвел и неговата 16-годишна сестра, во инцидент што се случил во попладневните часови на подрачјето на Бит Пазар.

Според пријавата на нивната мајка, двајцата малолетници околу 17:30 часот влегле во патничко возило „Опел“ управувано од В.С. Во внатрешноста на автомобилот, возачот го нападнал момчето, по што го исфрлил во населбата Сингелиќ. Наместо да застане, тој продолжил да вози со 16-годишната девојка.

Мајката случајот го пријавила вечерта околу 23 часот. Полицијата презема мерки за пронаоѓање на возачот и целосно расчистување на настанот.

The post ВОЗАЧ НАТЕПАЛ 14-ГОДИШНО ДЕТЕ, А СО КОЛА ЈА ОДВЕЛ НЕГОВАТА СЕСТРА Мајка пријавила стравотен настан кај „Бит Пазар“ appeared first on plusinfo.mk.