Сите лажни пораки кои ги добиваат граѓаните, а кои се однесуваат на тоа дека извршиле некаков сообраќаен прекршок за кој треба да платат казна стигнуваат од странски броеви и многу лесно може да се идентификува дека тоа не е МВР, туку некој што се обидува да ги измами граѓаните, вели министерот за внатрешни работи Панче Тошковски.

– Во однос на фишингот, односно лажните пораки што ги испраќаат до македонските граѓани, упатив една порака и претходно. Значи, од македонски број не може да стигне лажна порака, за да платите ова или тоа. Сите оние лажни пораки стигнуваат од странски броеви. Повторно опозицијата, со дрзок обид за искривување на реалноста, нападна дека токму поради тоа не го поддржале „Сејф сити“. Тие не можеа да смислат каков проблем би можел да произлезе во иднина, а реално не е проблем што го нема која било друга институција во светот што на електронски начин остварува одредени права или услуги – рече Тошковски во гостување на Канал 5.

Министерот додаде дека земјава мора да го следи технолошкиот развој кој се случува во другите земји.

– Светот мора да се развива, мора да одиме напред. Тоа не значи дека не треба да ги применуваме сите овие нови технолошки решенија што ни се нудат во 21 век. Што треба сега? Да останеме пред два века – додаде Тошковски.

Тој нагласи дека секогаш кога има фишинг напади должни се навремено да ги информираат граѓаните

– И повторно напоменувам, кога станува збор за странски број што упатува таков тип порака, „платете тука“ или „платете онде“, тоа треба да се игнорира, затоа што станува збор за измама – додаде Тошковски.

The post ОД СТРАНСКИ БРОЕВИ СТИГНУВААТ ЛАЖНИТЕ ПОРАКИ ЗА ПЛАЌАЊЕ КАЗНИ ЗА СООБРАЌАЈНИ ПРЕКРШОЦИ Тошковски порача да се игнорираат appeared first on plusinfo.mk.

Спам-пораките, „ексклузивните“ попусти и понудите што не смеат да се пропуштат се во пораст околу 14 февруари, Денот на вљубените, бидејќи киберкриминалците го користат празникот за да ги намамат и измамат корисниците, се наведува во истражување на безбедносната фирма „Bitdefender“.

Според нивните наоди, 41 процент од спам-пораките за Денот на вљубените се насочени кон измама.

Меѓу техниките што најчесто ги користат киберкриминалците за кражба на лични и финансиски информации се фишинг, романтични измами, лажни наградни игри, барања за авансно плаќање и лажни анкети.

САД се земјата најпогодена од овие измами, со 55 проценти од пресретнатите пораки од овој тип, по што следуваат Германија (13 проценти), Ирска (8 проценти) и Обединетото Кралство (6 проценти). Следуваат Јапонија, Јужна Африка, Полска, Италија, Австралија, Франција и Канада.

САД, исто така, остануваат главна земја на потекло на измамничките кампањи за Денот на вљубените – 43 проценти од спамот. Следуваат Бразил, Хонг Конг, Кина, Италија, Јужна Африка, Полска, Индија, Франција и Унгарија.

Според истражувањето, околу 10 проценти од пораките користат мамки со тематика за запознавање, честопати со слики од профили генерирани со вештачка интелигенција.

Значителен дел од измамите за Денот на вљубените, исто така, се потпираат на лажно претставување на брендови, при што киберкриминалците се претставуваат како добро познати трговци на мало и луксузни брендови.

Истражувачите на „Bitdefender“ препорачуваат да се обрне посебно внимание на е-поштата, пораките на социјалните мрежи и СМС-пораките што ветуваат бесплатни подароци, награди или специјални понуди, како и да се проверат сите навидум неразумни понуди или пораки пред да се одговори на нив.

The post НЕ СЕКОЈА ЉУБОВНА ПОНУДА Е ИСКРЕНА Кибер-криминалците демнат за Денот на вљубените appeared first on plusinfo.mk.

МВР апелира граѓаните да не отвараат лажни пораки што им пристигаат на мобилните телефони, имејловите и на социјалните мрежи во кои од нив се бара да извршат уплата за сторен сообраќаен прекршок преку наведен лажен линк. СМС-известувањата за направен прекршок, велат од МВР, треба да бидат од испраќач MVR-SC, а во текстот задолжително треба да содржи регистарска ознака од возилото што направило прекршок и линк од следниот формат https://safecountry.mvr.gov.mk.

„Министерството за внатрешни работи ја информира јавноста дека изминатиот период е забележана појава на фишинг-напади, кои се изведуваат преку лажни СМС-пораки, електронски пораки, веб-страници и пораки на социјалните мрежи. Лажните пораки наводно пристигнуваат од оддел за моторни возила како известување од системот „Безбеден град“ и во нив е наведен лажен линк преку кој се пренасочуваат граѓаните да извршат уплата за наводен сообраќаен прекршок“ – се вели во соопштението од МВР.

Апелираат граѓаните да бидат внимателни при користењето интернет, да не се отвораат сомнителни линкови и пораки, никогаш да не споделуваат лични податоци, како што се броеви на банкарски картички, лозинки или лични идентификатори преку неовластени канали, да ја проверат адресата на испраќачот – официјалните институции и компании користат службени домени, да користат двофакторска автентикација (2FA) за дополнителна заштита на нивните сметки и да пријават сомнителни пораки кај надлежните институции или во надлежната банка.

„СМС-известувањата за направен прекршок треба да бидат од испраќач MVR-SC. Во текстот задолжително треба да содржи регистарска ознака од возилото што направило прекршок и линк од следниот формат https://safecountry.mvr.gov.mk“ – велат од МВР.

Секторот за компјутерски криминал при Министерството за внатрешни работи, се додава во соопштението, продолжува со активни истраги и преземање мерки за откривање и санкционирање на сторителите на ваков вид измами.

The post ВНИМАВАЈТЕ, ИМА ЛАЖНИ ПОРАКИ ОД „БЕЗБЕДЕН ГРАД“! Ако ви се бара да платите казна, не наседнувајте, проверете кој е испраќачот! appeared first on plusinfo.mk.

Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку лажни СМС пораки, електронски пораки, веб-страници и пораки на социјалните мрежи.

Пораките обично изгледаат како да доаѓаат од доверливи извори, како банки, државни институции, реномирани компании, но имаат за цел да ги измамат корисниците и да ги обезбедат нивните лични или финансиски податоци. Најчести се лажните СМС пораки за пристигнати пратки од пошта, а главната цел е да се приберат личните податоци на примателот или да се натера да посети лажна веб-страница преку која со оставање на неговите лични податоци може да се предизвикаат дополнителни злоупотреби на истите. Изминатата година до Секторот за компјутерски криминал пристигнале повеќе од 50 пријави за ваков вид измами.

„Апелираме до граѓаните да бидат внимателни при користењето на интернет, да не се отвараат сомнителни линкови и пораки, никогаш да не споделуваат лични податоци, како што се броеви на банкарски картички, лозинки или лични идентификатори преку неовластени канали, да ја проверат адресата на испраќачот – официјалните институции и компании користат службени домени, да користат двофакторска автентикација (2FA) за дополнителна заштита на нивните сметки и да пријават сомнителни пораки кај надлежните институции или во надлежната банка.

Секторот за компјутерски криминал при Министерството за внатрешни работи продолжува со активни истраги и преземање мерки за откривање и санкционирање на сторителите на ваков вид измами“ – соопшти МВР.

The post НЕ ОТВАРАЈТЕ СОМНИТЕЛНИ ЛИНКОВИ И ПОРАКИ И НЕ СПОДЕЛУВАЈТЕ ЛИЧНИ ПОДАТОЦИ Предупредување од МВР за зачестени „фишинг-напади“ appeared first on plusinfo.mk.

Фишинг измамите повторно земаат замав во Македонија, а мета овојпат се граѓани коишто очекуваат пратки од странство. Се работи за лажно претставување во името на Пошта, при што измамниците испраќаат СМС пораки со линк до фалсификувана веб-страница, барајќи лични и банкарски податоци.

Секако, станува збор за измами и за жал, многумина досега наседнале на нив и останале со „олеснети“ сметки.

На социјалните мрежи се споделуваат бројни предупредувања, откако еден измамен граѓанин го раскажа своето непријатно искуство:

– Ме фатија во поспан и ме измамија. На мобилниот телефон ми пристигна СМС порака дека имам пратка, линкот изгледаше исто како страницата на Пошта – со лого, адреса, сѐ беше исто. Побара адреса за достава и 14 денари за режимски трошоци. Ја впишав картичката, пристигна и код за верификација. Го впишав и него… и тука веќе знаев дека нешто не е во ред – вели измамениот граѓанин.

Сомнежите се потврдиле кога добил барање да го внесе и салдото од картичкатa, нешто што ниту една банка или институција никогаш не го бара. Бројот од кој била испратена пораката бил од Велика Британија, а подоцна од банката го информирале дека имало обид за наплата во индиска валута. За среќа, на картичката што ја користел немало многу пари.

– Ми е срам. Знам какви се овие измами, ама ме фатија во момент на невнимание. Пишувам само за да не падне уште некој. Сѐ изгледа реално, ама не е – додава тој.

Истата СМС порака измамниците ја испраќаат во истовреме до неколку телефонски броеви, за што можете да погледнете во фотографијата подолу:

Реакции на социјалните мрежи

Корисници на Фејсбук и на Икс веќе алармираат дека истата порака ја добиле и тие, со идентичен линк и лажна веб-страница на Пошта.

Некои забележале и мали правописни грешки, а други успеале да ја идентификуваат измамата според тоа што се бараат премногу лични податоци за наводна „пратка“.

Чувајте се од „фишинг“ измами, предупреди МВР

Министерството за внатрешни работи вчера ги извести граѓаните дека Секторот за компјутерски криминал активно презема мерки за истраги и справување со „phishing“ (фишинг) напади, кои имаат за цел да ги измамат граѓаните и да ги добијат нивните лични или финансиски податоци.

„Фишинг-нападите најчесто се изведуваат преку лажни електронски пораки, веб-страници или пораки на социјалните мрежи, кои изгледаат како да доаѓаат од доверливи извори, како што се банки, државни институции или познати компании. Воедно, Ве информираме дека е забележана појава на достава на лажни фактури за уплата на парични средства на електронските адреси на вработени во правни лица кои се овластени за истото, во име на управителите на правните лица но од лажни електронски адреси“, соопшти МВР.

НЕ ВНЕСУВАЈТЕ ЛИЧНИ ПОДАТОЦИ НА СОМНИТЕЛНИ ВЕБ СТРАНИЦИ Чувајте се од „фишинг“ измами, предупреди МВР

Колку „понормално“ изгледаат пораките, толку измамата е поуспешна

Поради сè почестиот проблем со кои се соочуваат граѓаните Плусинфо неодамна на оваа тема разговараше со Драган Илиевски, консултант за сајбер безбедност, како и со лица од МВР кои работат во секторот за сајбер криминал.

– За една порака да биде испратена по СМС протокол, треба да содржи барем 3 параметри: од кого е испратена, до кого е испратена, и самата содржина на пораката. За жал, напаѓачите со релативно евтина опрема која се поврзува со „SMS Gateway“ можат да го манипулираат полето од кого е испратена и на тој начин да се претстават како имитација на пошта, банка итн. со тоа што поседуваат и листа на постоечки броеви на корисници кои може да се измамат. Овој тип на напад се нарекува „Smishing“ и е најефикасен кога напаѓачот прави генеричка порака која не изгледа сомнително, а во самата содржина не бара сензитивни информации веднаш (како не би ни текнало дека се работи за измама), но бара корисникот индиректно да провери нешто на конкретен линк (како дали пратката е стигната или дали картичката е активна) каде дополнително ќе биде измамен затоа што сајтот до кој ќе биде насочен ќе изгледа слично на вистинскиот – вели Илиевски.

Но, граѓаните често си го поставуваат прашањето, како измамниците доаѓаат до македонските мобилни броеви и од каде пристигнуваат испратените СМС пораки.

– Постојат повеќе возможни сценарија околу тоа како напаѓачите би можеле да дојдат до македонските мобилни броеви. Некои од нив се изложени преку социјалните мрежи или сајтови како Пазар3 и Реклама5 каде корисниците самоволно си ги објавиле броевите и нивниот идентитет, а во таков случај напаѓачите имаат механизам на собирање на броевите од повеќе извори (техниката се вика „crawling“). Исто така, има можност да имаат најдено слабост во некој државен или приватен систем од каде ги имаат изложено и зачувано, или постои веќе готова колекција на црниот пазар од каде тие можат да ги купат. Кое и да е сценариото, при конкретна истрага на напаѓачите околу нивната локација, не секогаш е возможно да се лоцираат во вистинската локација затоа што постојат повеќе начини на прикривање (најчесто преку VPN/Proxy) со што се заменува вистинската локација со некоја друга. Сепак, во посериозни истраги, постојат државни алатки кои по судски налог може да побараат од сопственикот на VPN да ги издаде конкретните локации на напаѓачите со цел да се спречи нападот долгорочно – објаснува Илиевски.

Банките со апели до корисниците

Стопанска банка соопшти дека корисниците на нивните платежни картички добиваат пораки од АД „Пошта на Северна Македонија“ за пратка за која треба да се плати царина во износ од 10,2 денари.

– При добивање на ваков допис, бидете внимателни и не споделувајте ги податоците од вашите картички (број на картичка, CVV код или PIN код) ниту личните податоци (име/презиме, ЕМБГ) затоа што станува збор за т.н. фишинг кампања со која се изложувате на потенцијална кражба и на податоци и на финансии – велат од Стопанска банка.

Слична реакција имаше и од НЛБ банка која ги предупреди своите корисници дека станува збор за измама и да бидат внимателни, каде и кога ги споделуваат своите податоци.

„Доколку добиете ваква порака Ве молиме не ги споделувајте податоците за Вашата НЛБ Платежна картичка, ниту пак Вашите лични податоци. Се работи за лажни e-mail пораки на кои целта им е злоупотреба на лични податоци и финансиски средства“, се вели во известувањето.

Како да препознаете фишинг порака?

Измамниците често го копираат визуелниот изглед на вистинските веб страни на банките и други компании. Во последно време лажните пораки се во целост идентични со оригиналите, меѓутоа постојат одредени детали кои ја откриваат измамата:

– Правописни и граматички грешки;

– Се бараат лични податоци;

– Се бара инсталирање на програма за која се тврди дека ќе го поправи пронајдениот сигурносен пропуст;

– Лажни линкови и пораки;

– Некористење на SSL и дигитален сертификат;

– Содржината на пораката е HTML образец;

– Нереално ветување;

– Грешки во предметот на пораката

– Се бара итен одговор;

– Не гласат на одредена личност.

Како да се заштитите од фишинг?

– Никогаш не одговарајте на е-поштите кои бараат лични податоци – финансиските институции ги имаат Вашите податоци, а мала е веројатноста некоја реномирана компанија да Ви ги побара личните податоци по пат на е-пошта;

– Никогаш не следете ги (не кликнувајте) сомнителните веб страни – најчесто таквите линкови се дел од некој сомнителна е-пошта;

– Никогаш не следете ги линковите ако не сте сигурен кој ги испратил – за оваа цел корисно е да употребуваш дигитален потпис;

– Користете програма за филтрирање на спам – овие програми ги намалуваат несаканите пораки кои најголем број од корисниците ги добиваат секојдневно;

– Користете антивирус програма – овие програми ги препознаваат малициозните софтвери кои исто така можат да се користат за собирање лични податоци;

– Користете личен firewall – за да може да го следите сообраќајот кон интернетот во две насоки и да имате увид на евентуалните сомнителни активности;

– Користете antispyware софтвер;

– Редовно ажурирајте го софтверот кој го користите;

– Следете ја состојбата на вашата сметка;

– Користете добри лозинки и често менувајте ги – добрите лозинки се состојат од комбинација на мали и големи букви, броеви и специфични симболи кои се тешки за побивање;

– Проверете дали веб-страницата користи HTTPS протокол – Веб адресите на финансиските институции би требало да почнуваат со https://наместо http://, со двојно кликнување на иконата со клуч може да го провери дигиталниот сертификат;

– Бидете во тек, следете ги информациите за интернет-фишинг.

The post „МЕ НАЧЕКАА ПОСПАН И МЕ ИЗМАМИЈА“ Наезда од лажни СМС пораки во Македонија – ви ги крадат податоците и ви ги празнат сметките appeared first on plusinfo.mk.

Опасност од измамата

Измамниците преку fzom.net се обидуваат да ги измамат граѓаните да ги внесат своите:

• Лични податоци (име, презиме, матичен број, адреса);
• Податоци за здравствено осигурување;
• Податоци за банкарски сметки и кредитни картички;
• Кориснички имиња и лозинки.

Предупредувања и препораки

ФЗОМ категорично ги предупредува граѓаните да не ги внесуваат своите лични податоци на веб-страницата fzom.net. Официјалната веб-страница на Фондот е исклучиво fzo.org.mk.

•  Проверете ја внимателно веб-адресата пред да внесете какви било лични податоци.
• Не кликајте на линкови од сомнителни е-пошти или пораки.
• Не споделувајте ги вашите кориснички имиња и лозинки со никого.
• Пријавете ги сите сомнителни активности на ФЗОМ или во најблиската полициска станица.
• Официјалната веб страна на ФЗОМ никогаш нема да побара од вас внесување на банкарски податоци.

ФЗОМ презема мерки

ФЗОМ веќе презема мерки за да ја блокира оваа лажна веб-страница и да ги заштити граѓаните. Фондот соработува со надлежните органи за да ги идентификува и да ги казни сторителите на оваа измама.

Контакт за дополнителни информации

За дополнителни информации и за пријавување сомнителни активности, граѓаните можат да се обратат на:

• Официјалната веб-страница на ФЗОМ: fzo.org.mk;
• Телефонскиот број на ФЗОМ;
• Бројот 02 3289 000
• Е-пошта: info@fzo.org.mk

ФЗОМ апелира до граѓаните да бидат внимателни и да ги заштитат своите лични податоци од ваквите измами.

The post ЛАЖНА ВЕБ-СТРАНИЦА СЕ ПРЕТСТАВУВА КАКО ФОНДОТ ЗА ЗДРАВСТВО И КРАДЕ ПОДАТОЦИ Како да ја препознаете измамата? appeared first on plusinfo.mk.

Според извештајот, измамниците испраќаат е-пошта за кои се тврди дека се во име на „Meta for Business“, деловната платформа на Фејсбук, тврдејќи дека страницата на примачот содржи забранета содржина.

Во е-поштата, од корисниците се бара да дадат објаснување за да им се одблокираат сметката и страницата. Од компанијата „Kaspersky“ истакнуваат дека целта на напаѓачите е да добијат пристап до деловните сметки на корисниците.

Анонимизираните податоци од компанијата „Kaspersky“ покажуваат дека ваквите мејлови почнале да пристигнуваат до корисниците на 14-ти декември, а поплаки доаѓаат од организации ширум светот, вклучително и Македонија. Гледајќи го полето „From“ во е-поштата, можете да видите дека доменот не припаѓа на Фејсбук. Според „Kaspersky“, мејловите користени во оваа кампања биле испратени од различни домени.

Врската во е-поштата ги пренасочува корисниците на „Facebook Messenger“. На „Messenger“, сметката што се претставува како тим за поддршка на Фејсбук изгледа легитимна, што создава лажно чувство на доверба. Има индикации дека се работи за фан-страница, но лесно е да се занемари ова во ситуација со висок стрес по обвинувањата за ширење нелегитимна содржина, се вели во соопштението на компанијата.

„Оваа измама се издвојува по својата софистицираност. За разлика од претходните измами кои ги обвинуваа корисниците за кршење на авторските права и ги упатуваа да одговорат преку е-пошта, овој пристап симулира внатрешна комуникација на самата платформа на Фејсбук“, додаваат тие.

За да се заштитите од такви напади, „Kaspersky“ препорачува:

– Секогаш користете двофакторна автентикација секогаш кога е можно;

– Обрнете внимание на известувањата за сомнителни обиди за најава;

– Проверете дали сите ваши лозинки се силни и уникатни;

– Внимателно проверете ги адресите на страниците кои бараат податоци за пристап;

– Доколку постои и најмало сомневање дека страницата е лажна, не ја внесувајте вашата лозинка;

The post НОВА ИЗМАМА НА ФЕЈСБУК, ТАРГЕТ СЕ КОМПАНИИ Експертите со предупредување до сите што користат „Meta for Business“ appeared first on plusinfo.mk.

Лажни пораки за пратки – како се изведуваат измамите

Најчесто измамниците испраќаат СМС пораки во кои информираат дека граѓаните имаат наводна пратка на нивно име, за која треба да доплатат минимална сума. Во пораките е вклучен линк што води кон лажна веб-страница, дизајнирана да изгледа како официјална страна на Пошта на Македонија или други институции.

По внесувањето на податоци од платежни картички, граѓаните стануваат жртви на финансиски измами.

„Обично, првобитната трансакција е минимална, но потоа се извршуваат поголеми трансакции“, информираат од полицијата.

Измами со криптовалути – нова форма на манипулација

Во последно време, граѓаните се таргетирани и преку лажни платформи за инвестирање во криптовалути. Жртвите често се контактирани телефонски од странски броеви од лица кои се претставуваат како финансиски советници.

„Со долготрајна комуникација и убедување, сторителите ги наведуваат жртвите да вложат значителни суми. Но, кога ќе се обидат да ги повлечат средствата, се појавуваат измислени препреки,“ велат од Секторот за компјутерски криминал.

Од МВР апелираат до граѓаните:

– Не отворајте сомнителни линкови и датотеки од непознати испраќачи.
– Не споделувајте лични податоци и информации од платежни картички на непознати веб-страници.
– Внимавајте на непознати телефонски повици, особено од странски броеви.
– Проверете ја легитимноста на платформите за инвестирање преку интернет и меѓународни регулативи.

„Граѓаните мора да бидат внимателни и да не стануваат лесна мета на ваквите измами. Секој сомнителен случај треба веднаш да се пријави“, изјавија од Секторот за компјутерски криминал.

Со зголемено внимание и соработка, граѓаните можат да ги избегнат опасностите што доаѓаат со фишинг пораките и лажните инвестиции.

The post ПОЛИЦИЈАТА АЛАРМИРА, НЕ СПОДЕЛУВАЈТЕ ПОДАТОЦИ Расте бројот на напади преку СМС пораки и небезбедни линкови appeared first on plusinfo.mk.

Од Народната банка појаснуваат дека до граѓаните пристигнува фишинг порака (СМС, е-порака), во која се наведува на итност за исплата, испорака на пакет и слично и се дава врска на која треба да се уплати.

Од Банката додаваат дека измамениот е пренасочен кон „злонамерна“ веб-страница, на која внесува име и презиме, адреса, сериски бр.на картичка, дата на важност и CVV код од картичката. Измамникот ги користи овие информации за почеток на постапка за отворање на Google Pay паричник.

„Со започнатата постапка на измамникот за отворање на Google Pay паричник, Банката на измамениот му испраќа ОТП код за автентикација кој е со намена за дигитализација на платежна картичка, кој измамениот мислејќи дека му е потребен за завршување на платежната трансакција го внесува на ‘злонамерната’ веб-страница. Измамникот со добиениот ОТП код ја завршува регистрацијата на Google Pay и оттогаш располага со средства на сметката на измамениот“, објави Народната банка на Фејсбук.

Од Народната банка бараат граѓаните да се информираат и да бидат внимателни за постојни измами, преку „фишинг“, како и редовно да ги следат насоките и информациите доставени од банките.

„Внимателно прочитајте го текстот за намената на ОТП кодот кој ви е доставен. Доколку ОТП кодот е доставен со намена да се изврши дигитализација на вашата платежна картичка, а вие тоа не сте го побарале, прекинете со активноста и веднаш контактирајте ја банката“, велат од банката.

Додаваат дека граѓаните треба да направат прилагодување на лимитите за плаќање со нивните платежни картички согласно нивната вообичаена потреба и редовно да ги следат сметки за соминителни активности.

The post ВНИМАВАЈТЕ АКО ВИ СТИГНЕ СОМНИТЕЛНА СМС ПОРАКА ЗА ИСПЛАТА Народната банка предупредува за нова измамничка шема appeared first on plusinfo.mk.

-Во делот на новите технологии, домашните банки применуваат напредни системи за анализа на платните трансакции за откривање измама, засновани на вештачка интелигенција. Овие системи придонесуваат за натамошно зајакнување на безбедноста на платежните трансакции, со тоа што ќе може да препознаат невообичаена трансакција,  невообичаен трговец, невообичаен уред, време, држава и слично, од каде што се изведува трансакцијата, при што ќе се бара дополнителна автентикација од клиентот – изјави Јанкоски во интервју за МТВ.

Според него, примената на новите технологии треба да се одвива во согласност со законските прописи, анализата на ризиците од користењето на новата технологија и едукацијата на корисниците за начинот на нејзиното користење

Јанкоски смета дека банките применуваат голем број заштитни механизми со кои обезбедува соодветна заштита, но препорачува и граѓаните да бидат крајно внимателни, како корисници на финансиските услуги, за да можат да ги препознаат ризиците од кибернападите, коишто во изминатиот период се зачестени.

-Народната банка постојано обезбедува финансиска едукација преку која ги информира граѓаните за тоа како да ги препознаат ризиците од кибернападите, како што е измамата преку сомнителни пораки (фишинг). Канали преку кои доаѓаат сомнителните пораки се електронско сандаче, СМС, вибер-пораки, спонзорирани објави на социјалните мрежи и директни телефонски јавувања до клиентите. Најчесто, пораките доаѓаат од непознат број или адреса, а нивната содржина предизвикува потреба од итност во реакцијата. Во такви случаи препорачуваме граѓаните да комуницираат со банките исклучиво преку официјалните канали за комуникација и да ги следат советите на банките и на надлежните институции – вели Јанкоски.

Јанкоски додава дека Народната банка има посебна организациска единица која ги следи новите трендови на кибербезбесност и регулатива за осигурување на дигиталната отпорност во финансискиот сектор, којашто е во согласност со најдобрите практики на Европската централна банка и Европскиот банкарски орган. Со оглед на брзиот технолошки развој и дигитализацијата, централната банка постојано ги следи најновите трендови за јакнење на свесноста од ризиците и врши надополнување на регулативата и засилени теренски контроли.

The post БАНКИТЕ ПРИМЕНУВААТ НАЈНОВИ ТЕХНОЛОГИИ ЗА ЗАШТИТА ОД КИБЕРНАПАДИ Но дали ние знаеме да ги препознаеме ризиците? appeared first on plusinfo.mk.