Повод за новите коментари за изгледот на пејачката Били Ајлиш и шпекулациите дека ги намалила градите, се нејзините фотографии од кампањата за накитот на луксузниот бренд „Џон Харди“ (John Hardy), во која учествува и нејзиниот брат Финеас. На нив 24-годишната пејачка носи потесна облека, поразлична од широките и предимензионирани парчиња по кои со години е препознатлива.

Корисниците на социјалната мрежа Икс почнаа да ги споредуваат новите фотографии со постари снимки на пејачката, тврдејќи дека нејзините гради изгледаат значително помали. Дел од нив претпоставуваат дека направила операција за намалување на градите, додека други сметаат дека промената може да се должи на губење килограми.

 

View this post on Instagram

 

A post shared by BILLIE EILISH (@billieeilish)

Меѓу коментарите има и такви што ја бранат пејачката и потсетуваат дека одлуките поврзани со нечие тело се лична работа. Други укажуваат дека впечатокот на фотографиите може да зависи од облеката, долната облека, позата, аголот на снимање и светлината. Засега нема потврда дека Ајлиш навистина направила операција.

Оваа расправа се појави неколку години откако пејачката на хитот „Bad Guy“ јавно проговори за осудувањето на нејзиниот изглед. Во краткиот филм „Not My Responsibility“ од 2020 година, кој го објави на интернет, таа се осврна на коментарите за нејзиното тело и двојните стандарди со кои се соочуваат жените поради начинот на кој се облекуваат.

– Ако носам нешто во кое ми е удобно, тогаш не сум жена. Ако се соблечам, тогаш сум курва. Иако никогаш не сте го виделе моето тело, сепак го осудувате, а поради него ме осудувате и мене – рече таа тогаш.

– Создаваме претпоставки за луѓето врз основа на нивната телесна градба. Одлучуваме какви се и колку вредат. Ако носам повеќе или помалку облека, кој одлучува што тоа зборува за мене? Што значи тоа? Дали мојата вредност зависи само од тоа како вие ме доживувате? Или вашето мислење за мене не е моја одговорност? – порача пејачката во филмот.

Во минатото Ајлиш отворено зборува за коментарите за нејзиното тело и причините поради кои често носи широка облека. Во интервју за магазинот „Варајети“ во ноември 2023 година изјави дека има големи гради уште од деветгодишна возраст и дека тоа едноставно е дел од нејзиниот изглед. Уште во 2019 година се пожалила дека фотографија на која носела обичен топ предизвикала огромно внимание, а нејзините гради станале една од најкоментираните теми на интернет.

Интересно е што во мај годинава, гостувајќи во подкастот „Good Hang“ на Ејми Полер, пејачката зборувала за тоа колку се радува на природното стареење и промените што со текот на годините ќе ги доживеат нејзиното лице и тело. Рекла дека сака да старее без да го менува својот природен изглед со естетски интервенции.

Засега Били не се огласила во врска со шпекулациите за намалување на градите.

The post БИЛИ АЈЛИШ ГИ НАМАЛИЛА ГРАДИТЕ? Обожавателите споредуваат стари и нови фотографии од пејачката appeared first on plusinfo.mk.

Ед Ширан остана без сите четворица преостанати придружни изведувачи на неговата турнеја „Луп“, откако тие одлучија да се повлечат во знак на солидарност со американскиот рапер Меклмор. Финeас, Лукас Греам, Арон Роу и ирската група „Беога“ во вторникот објавија дека повеќе нема да бидат дел од турнејата.

Нивните одлуки уследија само еден ден откако Меклмор беше отстранет од американскиот дел на турнејата поради неговите јавни изјави за поддршка на Палестина. Раперот настапи со Ширан на концертите на „Метлајф стадиум“ во Њу Џерси на 4 и 5 септември, а во својот настап порача дека луѓето во Газа и на окупираниот Западен Брег не се заборавени и извика „Слободна Палестина“.

По неговите настапи, повеќе стадиони каде што требало да продолжи турнејата известиле дека нема да дозволат концертите да се одржат доколку Меклмор остане во програмата. Промоторот „Месина Туринг Груп“ потоа соопшти дека, по разговорите со сите засегнати страни, Меклмор нема да настапува на преостанатите датуми. Тој требало да биде предгрупа на осум од последните десет концерти во САД.

Случајот предизвика дополнителна реакција откако Ширан објасни дека отстранувањето на Меклмор не било негова одлука. Британскиот пејач рече дека стадионите му се заканиле дека ќе ги откажат концертите доколку раперот остане дел од програмата и дека цела недела се обидувал да најде решение. Според Ширан, конечната одлука била на промоторот и сопствениците на објектите.

Токму ова беше повод за повлекувањето на останатите изведувачи. Финeас, кој требаше да настапува со Ширан во Јужна Америка, порача дека „уметниците не треба да бидат замолчувани“ кога зборуваат за угнетените и додаде дека стои зад Палестина и нејзиниот народ. Арон Роу и „Беога“, пак, се повикаа на ирското историско искуство со колонијализмот, гладот и насилната окупација.

И Лукас Греам соопшти дека се повлекува, иако изрази благодарност кон Ширан и го опиша потегот како тешка одлука. Групата порача дека треба да може да се зборува за војните, цивилните жртви и децата кои заслужуваат да растат без оглед на тоа под кое знаме живеат.

Меклмор со години јавно ја поддржува Палестина. Во 2024 година ја објави песната „Hind’s Hall“, посветена на палестинската кауза и на протестите поврзани со војната во Газа. Токму таа песна ја изведувал и на концертите со Ширан, пред да ја упати пораката „Слободна Палестина“.

Ширан, пак, по повлекувањата на изведувачите повтори дека не сака неговите концерти да бидат политички форуми. Тој рече дека неговата публика е составена од луѓе со различно потекло, вклучително и деца, и дека неговата намера е концертите да бидат простор за музика, единство и забава. Во исто време, тој нагласи дека лично е згрозен од страдањата предизвикани од конфликтот меѓу Израел и Палестина.

По овие случувања, американскиот и јужноамериканскиот дел од турнејата „Луп“ продолжува со значително изменет состав на изведувачи. Следниот американски концерт на Ширан е закажан за 19 септември во Филаделфија.

The post ЕД ШИРАН ОСТАНА САМ НА ТУРНЕЈАТА Четворица изведувачи го напуштија пејачот во знак на солидарност со Меклмор, кој беше отстранет поради поддршката за Палестина appeared first on plusinfo.mk.