Согласно со Законот за спречување перење пари и финансирање на тероризам, како документ за идентификација на банкарските клиенти, покрај личната карта може да биде земена предвид и патната исправа (пасош). Оттука, граѓаните коишто имаат важечка патна исправа (пасош), а немаат важечка лична карта, услугите и производите од својата банка/штедилница може да ги користат со приложување на важечката патна исправа.

Притоа се имаат предвид и законските одредби, согласно со кои важноста на одредени патни исправи се продолжува до 31.12.2021 година.

Во случаите кога граѓанинот, постоечки клиент на банка/штедилница не поседува ниту валидна патна исправа пасош или патна исправа со важност продолжена до 31.12.2021 година, ниту валидна лична карта, за користење на услугите и производите на банката/штедилницата на којашто е клиент ќе може својот идентитет да го потврди врз основ на увид во матичниот број на граѓанинот наведен во потврдата издадена од Министерството за внатрешни работи дека е поднесено барање за издавање на нова лична карта и дека постапката за издавање е во тек. Конкретно, станува збор за потврдата којашто редовно се издава при аплицирање (фотографирање) за нова лична карта.

Македонската банкарска асоцијација ја известува јавноста дека сите банки и штедилници веднаш започнуваат да го применуваат ваквиот начин на идентификување на клиентите коишто немаат валидна (важечка) лична карта, овозможувајќи им непречено користење на своите услуги и производи.

Истовремено оттаму известуваат дека согласно со добиеното мислење од Управата за финансиско разузнавање, банките и штедилниците се должни за клиентите коишто во моментот немаат ниту валидна лична карта ниту валидна патна исправа, во најкус можен рок од моментот на добивањето на важечка лична карта или патна исправа, да направат ажурирање на документите и податоците за клиентот. Затоа, клиентите коишто во моментот немаат ниту важечка лична карта ниту важечка патна исправа (пасош), по добивањето на нов документ треба да ја контактираат својата банка/штедилница, со цел навремено ажурирање на податоците.

The post НЕМАШ ЛИЧНА КАРТА, НИ ПАСОШ, ДАЈ ПОТВРДА! Решен проблемот на граѓаните со банките appeared first on plusinfo.mk.

Директорот на Управата за финансиско разузнавање Блажо Трендафилов очекува до крајот на годинава да има кривични пријави и пресуди за некои од предметите за перење пари, а кои, како што вели, се со суми во милионски вредности.

Докажувањето на перење пари, потенцира денеска Трендафилов, е прилично сложен процес.

– Пред месец и половина реков дека Управата за финансиско разузнавање работеше на предмети со прилични суми и тие се во истражни или во предистражни постапки и знаете, бидејќи и тогаш нагласив докажувањето на перење пари е прилично сложен процес. Но, во државата веќе постои едно чувство дека тие предмети ќе се процесуираат и ќе има пресуди за нив. До крајот на годината ние очекуваме, значи за повеќе предмети коишто ги водеше и СЈО и таму имаше предмети поврзани со перење пари, и Обвинителството за организиран криминал во моментот води предмети во кои имаме суми коишто се во милионски вредности, и сметаме дека до крајот на оваа година ќе имаме за овие предмети – поднесено и кривични, а некои ќе бидат и со пресуди – рече Трендафиов, во одговор на новинарско прашање во однос на истрагите за перење пари.

The post Финансиско разузнавање: Имаме предмети со милионски суми во перењето пари appeared first on plusinfo.mk.