Минатата година 1.644 лица − ученици од основното и средното образование, студенти, деца од предучилишна возраст, ученици со посебни потреби, професори, наставници, како и пензионирани лица беа опфатени со процесот на финансиска едукација на Народна банка.

Како што соопшти банката, процесот на финансиска едукација на населението кој почна пред 11 години продолжува и годинава. Само во текот на Глобалната недела на парите се едуцирани 200 лица.

Досега преку овој процес на НБ поминале 22.000 лица.

Народната банка од 2013 година постојано придонесува кон јакнење на финансиската писменост во земјава. Во овој период се изработени голем број едукативни материјали и се одржани 528 поединечни предавања за основното и средното образование, како и 44 поединечни предавања на факултетите, за околу 22.000 лица.

Организирани се и голем број настани и јавни настапи за зголемување на свеста за значењето на финансиската писменост на населението за подобар економски напредок. Финансиската писменост во 2022 година беше вклучена во стратегиските цели на Народната банка, а во 2021 беше донесена и првата национална Стратегија за финансиска едукација и финансиска инклузија. Деловните банки, како и граѓанскиот сектор, исто така, ги зголемуваат своите едукативни активности од година во година што е во прилог на донесената стратегија.

Лани во рамките на оваа активност на банката беа објавени две едукативни брошури: „Платежната сметка со основни функции” и „Безбедност при користењето дигитални финансиски производи и услуги”.

The post 1.644 ЛИЦА ЛАНИ НАУЧИЛЕ НЕШТО ЗА ПАРИТЕ Народна банка продолжува финансиски да го едуцира населението appeared first on plusinfo.mk.

На прашањето „дали сметате дека имате доволно знаење да управувате со расположливите парични средства?“, во 2021 година 41% одговориле дека имаат делумно знаење, додека 56% рекле дека имаат знаење. Во 2022 година, 55% од испитаниците сметале дека располагаат со делумно знаење за управувањето со парите, додека 43% сметале дека располагаат со знаење. Овие резултати, според НБ, укажуваат дека има широк простор за унапредување на финансиската едукација кај оваа возраст.

Од аспект на тоа од каде се информираат за функциите и управувањето со парите, и во 2021, и во 2022 година испитаниците го посочиле семејството како главен извор со 37%, односно 41% од сите анкетирани. Понатаму со речиси иста застапеност се училиштето, интернетот и медиумите.

Според анкетата, учениците се најзапознаени со услугите на банкарскиот систем, и тоа 42%, односно 33% во 2021 и 2022 година, соодветно. Овие резултати соодветствуваат со структурата на финансискиот систем во државата. Сепак, тоа укажува дека има потреба од едуцирање и за останатите сегменти од финансискиот систем.

На прашањето каква едукација претпочитаат учениците, најголемиот дел од нив, или 35%, односно 29% во 2021 и 2022 година, соодветно, одговориле дека претпочитаат класична настава. Втори на листата посакувани едукативни методи се видеоматеријалите, па едукативните текстови на интернет и печатените брошури, наведуваат од НБ.

* Предавања од областа на финансиската едукација од страна на Народната банка, може да се закажуваат на следнава врска: https://www.nbrm.mk/baranje-za-e-predavanje-fin-edu.nspx

** Народната банка го преведе и Водичот за лични финансии (https://www.nbrm.mk/content/Pametno_upravuvanje_so_parite__web.pdf) на албански јазик, достапен на следнава врска:  https://www.nbrm.mk/content/Menaxhimi-i-men%C3%A7ur-i-parave-web.pdf.

The post ВО СЕМЕЈСТВОТО УЧАТ КАКО ДА РАСПОЛАГААТ СО ПАРИ Анкета за финансиска писменост на деца од 13 до 15 години appeared first on plusinfo.mk.