– Конечно сме собрани повторно овде во нашите прекрасни тоалети – рече глумицата Џоди Фостер, која прва се појави на сцената, каде што почесната Златна палма ѝ ја врачи Педро Алмодовар.

Потоа им се придружи и Бонг Џун-хо, добитникот на Златната палма во 2019 година, за филмот „Паразит“, и претседателот на жирито – Спајк Ли. Оваа година, 24 филма се натпреваруваат за Златната палма.

Прв филм на Фестивалот е „Анет“ на Лео Каракс, којшто се натпреварува за главната награда. На списокот филмови во трката за Златната палма, меѓу другите, се и делата на италијанскиот режисер Нани Морети, Американецот Шон Пен, Русинот Кирил Серебреников и Французинот Жак Одијар. Во конкуренција се и „Француска диспечерка“ на американскиот режисер Вес Андерсон и „Бенедета“ на Холанѓанецот Пол Верховен.

Повеќе од 60 филмови ќе бидат прикажани за време на фестивалот, којшто ќе трае до 17 јули.

Канскиот фестивал, што обично се одржува во мај, годинава беше преместен во јули поради корона-пандемијата. Нема полициски час во Кан, ниту ограничувања за бројот луѓе во киносалите, но носењето маска останува задолжително во затворените простории.

The post Џоди Фостер на фестивалот во Кан: Конечно сме собрани повторно appeared first on plusinfo.mk.

– Двете мерки се донесени интервентно, земајќи ја предвид моменталната ситуација со светската пандемија предизвикана од вирусот ковид-19, а нивната цел е да се помогне и одржи кревката македонска кинематографија. Истите или слични мерки се спроведуваат во безмалку сите земји во Европа. На собранието на ДФРМ, едногласно беа поздравени овие потези, знаејќи дека во изминативе шест месеци работата на филм во државата беше во целосен застој – информираат од ДФРМ.

Едногласно, од страна на собранието беше донесен заклучок дека со индигнација се отфрлаат и осудуваат неодамнешните написи во одредени медиуми, како и обвиненијата на поединци во врска со споменатите мерки.

– Политичките притисоци на тие поединци, каде се издвојува името на нашиот режисер Милчо Манчевски, претставуваат атак на домашната кинематографија, со единствена цел да се остварат лични интереси во време на предизборни активности на политичките партии. Ваквото однесување нѐ враќа кон времињата на едноумие и нетранспарентност, кога огромни средства со години се префрлуваа на поединци и им беа исплаќани екстремно високи хонорари. На тој начин се оставаше малку простор за афирмација и работа на голем дел од филмската фела, посебно кај младите професионалци. ДФРМ смета дека овој начин на функционирање треба да го ставиме зад нас, посебно во периодот кога македонската кинематографија има свој драматичен подем – велат од ДФРМ.

Оттаму потенцираат дека македонските филмови се дел од најпрестижните филмски фестивали и ја освојуваат светската публика преку филмските фестивали како Санденс, Берлин, Кан, па се до огромниот успех на годинашната церемонија на американската Академија, каде нашата земја се закити со две номинации за Оскар.

ДФРМ испраќа апел до политичките партии и одредени медиуми, да не подлегнуваат на притисоците и манипулативните конструкции кои, наведуваат, ги лиферуваат поединци за сопствен бенефит.

– Сметаме дека треба јасно и недвосмислено да се искаже ставот дека е недозволиво, македонската филмска фела да биде заложник на таквите интереси и со тоа да назадува националната кинематографија. Посакуваме заедно, посветено и транспарентно, да ги почитуваме пропишаните критериуми кои мора да важат за сите подеднакво и да продолжиме со афирмацијата на нашиот филм и култура во светот – велат од ДФРМ.

Членовите на Друштвото на филмските работници на Македонија истакнуваат дека нивното здружение е единственото релевантно од областа на филмот во нашата земја.

– ДФРМ e член е на IMAGO, светската асоција на кинематографери, член на FERA, европската асоцијација на филмски режисери, основач е и организатор на Интернационалниот фестивал на филмска камера „Браќа Манаки“ и ја поседува лиценцата за избор на национален претставник за наградата Оскар, доверена од страна на Американската академија за подвижни слики, уметност и наука. Оваа година Друштвото на филмските работници прославува 70 години од своето основање – посочуваат од ДФРМ.

The post Филмските работници ги поддржаа мерките за спас на филмската фела и македонската кинематографија appeared first on plusinfo.mk.

За прв Претседател на ДФРМ беше избран Јован Бошковски, а Милтон Манаки, првиот снимател на Балканот беше избран за прв Почесен член на Друштвото. Во него членувале и членуваат водечките авторски имиња кои стојат зад македонските филмски остварувања.

Друштвото е иницијатор, основач и организатор на Интернационалниот фестивал на филмската камера „Браќа Манаки“, првиот и најстар светски филмски фестивал посветен на креативноста на светските кинематографери. ДФРМ членува во Европската федерација на режисери, Меѓународната асоцијација на кинематографери и во Европскиот продуцентски клуб.

Друштвото го врши изборот на национален кандидат за наградата Оскар на Aкадемијата за подвижни слики уметност и науки, во категоријата за најдобар интернационален филм.

Во Друштвото моментално членуваат над 100 филмски професионалци.

Големиот јубилеј на ДФРМ ќе биде свечено одбележан во септември оваа година.

The post Друштвото на филмските работници на Македонија одбележува 70 години од своето постоење appeared first on plusinfo.mk.

Ревијално онлајн ќе бидат прикажани неколку краткометражни, среднометражни (првпат на Фестивалот) и долгометражни (документарни) филмови, а електронски ќе биде достапен темат „Филозофија и филм“ на националното списание „Филозофска трибина“.

Селекцијата од 20-ина кратки остварувања од целиот свет се по избор на Дејан Здравков. Победникот ќе ја добие наградата (статуетка) „Златен був“ за Најдобар краткометражен филм и соодветна парична награда.

На еден од филмовите жирито ќе му додели и плакета за новооснованата награда „Стефан Сидовски-Сидо“ во чест на професорот, филозоф и филмофил, кој беше соработник на овој фестивал од неговите почетоци.

– „Онлајн миграции“ се замислени како солидарна културна акција на креативен отпор кон ограничениот пристап на идејно профилирани културни содржини оваа пролет, но и недостапноста на културата на граѓаните поради влошената економска состојба. Оттука, фестивалската програма на Cinesquare ќе биде достапна бесплатно и со поддршка на работата на режисерите коишто, исто така, се силно погодени од коронакризата. Првпат ќе биде доделена парична награда за победникот во Селекцијата на краткометражни филмови – наведуваат организаторите на ФФФ.

Покрај филмови, преку различни социјални платформи ќе бидат организирани повеќе активности. Останатата програма на ФФФ (Официјална селекција на долгометражни филмови, Ревијална програма „Филм-философија“, Меѓународна конференција „Филозофија и филм“, Едукативната програма и ФФФ Караванот) ќе се одржи наесен со учество на домашни и странски гости.

The post Онлајн Филозофски филмски фестивал од 21 до 31 мај appeared first on plusinfo.mk.