Станува збор за интернационален филмски фестивал што се залага за афирмација и презентација на европските филмови. Оваа година, покрај „Те дуа, жими мене“,  во официјална селекција се најдоа и филмови од Шпанија, Полска, Италија, Косово, Франција, Финска и од Албанија.

„Те дуа, жими мене“, е комедија во режија на Марјан Гавриловски, а по сценарио на Никола Кузелов. Домашната премиера ќе биде на 22 септември во „Синеплекс“, Скопје, по што ќе се емитува на редовен репертоар.

– Приказната следи квази фраер, коцкар и армоникаш, кои трудејќи се да ја вратат назад купената жена од Албанија, стануваат дел од мафијашка зделка и мораат да се справат со низа на несекојдневни ликови. Во филмот се појавуваат низа истакнати актерски имиња, како Игор Џамбазов, Тони Михајловски, Владо Јовановски, Сенко Велинов, Мими Таневска, а главните ликови ги играат Никола Кузелов, Атанас Атанасовски, Валентин Видовиќ и Ангела Стојановска, се појаснува во соопштението на „Емперор продукција“.

The post 🎥 МАКЕДОНСКИ ФИЛМ НАГРАДЕН НА ФЕСТИВАЛ ВО АЛБАНИЈА „Те дуа, жими мене“ доби престижна награда од публиката appeared first on plusinfo.mk.