Легендарниот актер и режисер Роберт Дувал почина на 95-годишна возраст. Неговата сопруга Лусијана, со која беше во брак повеќе од две децении, ја соопшти веста преку објава на Фејсбук. Таа напиша дека тој починал во неделата, мирно во својот дом, опкружен со љубов и спокој.

– Вчера се простивме од мојот сакан сопруг, драг пријател и еден од најголемите актери на нашето време. Боб замина мирно, дома, опкружен со љубов и топлина. За светот тој беше добитник на Оскар, режисер и раскажувач на приказни. За мене, тој беше сè – напиша таа.

Таа додаде дека неговата страст кон актерството била еднакво силна како и љубовта кон ликовите што ги толкувал, кон добрата трпеза и кон разговорите во друштво.

– Во секоја од бројните улоги Боб внесуваше целосна посветеност, оставајќи траен белег и сведоштво за човечкиот дух. Ви благодариме за поддршката што му ја дававте низ годините и што ни овозможивте простор и мир да ги негуваме спомените што ги остави зад себе – стои во објавата.

Препознатлив по своето мирно, но силно присуство на екранот, Дувал имаше кариера што се протега низ седум децении. Филмскиот пат го започна во 1962 година со улога во „Да се убие птицата подбивница“, а потоа следуваа низа улоги што ја освоија критиката и публиката.

Во текот на кариерата доби бројни награди и номинации. Единствениот Оскар го освои во 1984 година за улогата во драмата „Нежни милости“ од 1983 година, каде го толкуваше ликот на кантри-пејач во животна криза. Меѓу неговите најпознати улоги се Том Хејген, советникот на Вито Корлеоне, во „Кум“ и „Кум 2“, како и потполковникот Бил Килгор во „Апокалипса сега“.

Во подоцнежните години беше поретко присутен на филмското платно, но признанијата не изостанаа. Во 2015 година, на 84-годишна возраст, ја доби својата седма номинација за Оскар за улогата во филмот „Судијата“.

The post ПОЧИНА ЛЕГЕНДАРНИОТ АКТЕР РОБЕРТ ДУВАЛ Остави траен белег со своите улоги appeared first on plusinfo.mk.

Според неговите кажувања, неговата кариера тој ја изградил на улоги коишто Ди Каприо ги одбивал, бидејќи режисерите редовно прво оделе кај него, а потоа кај сите други глумци.

– Со мене не е исто… Види, денес е, но требаше да мине некое време. Секоја улога што ја добива одреден глумец, како да е улога што Ди Каприо ја одбил. Нема врска со тоа колку си добар со режисерот, секоја улога којашто јас ја толкував, му е понудена и нему. Значи, ти благодарам, Лео! Тој буквално може да избере што да работи. И, тоа е добро за него, тој е одличен. Јас сум благодарен што добивам каква било улога и свесен сум дека не можам да се однесувам како што тој глуми. Не можев ни да живеам со славата со којашто тој живее, а го прави тоа на одличен начин – рече Бејл, оскаровецот од филмот „Борач“.

Бејл годинава е актуелен со филмовите „Амстердам“ и „Тор: Љубов и гром“.

The post ДА НЕ БЕШЕ ТИ НИШТО ОД МОЈАТА СЛАВА Бејл призна дека својата кариера му ја должи на Ди Каприо appeared first on plusinfo.mk.