По барање на јавната обвинителка денеска во Основниот кривичен суд беше одложено судското рочиште против поранешниот директор на Истражниот затвор во Шуто Оризари, Филип Андов – Сокол и против уште 7 вработени во затворот, обвинети за овозможување спровод на осуденици за нивни приватни потреби.

На почетокот на денешното рочиште беа доставени листите на докази, со што заврши доказната постапка и судскиот процес требаше да продолжи со изнесување на завршни зборови. По барање на јавната обвинителка, рочиштето е презакажано за 26 декември.

Обвинителката образложи дека барањето за одлагање е заради подготовка на завршниот збор, како и поради нејзини неодложни обврски во Основното јавно обвинителство за гонење организиран криминал и корупција (ОЈО ГОКК).

– Барам одлагање заради припрема на завршен збор, воедно имам итна работа во рамките на моето постапување во ОЈО ГОКК кое не трпи одлагање – рече обвинителката.

Андов и уште неколку вработени во затворот се обвинети дека овозможувале спровод на осуденици кои си исполнувале приватни потреби. Обвинителството дел од нив ги гони за злоупотреба на службената положба, а дел за несовесно работење во службата.

Претходно пред Судот тие изјавија дека не се чувствуваат виновни.

Обвинетите, како што се наведува во соопштението на Обвинителството, во периодот од март до јули 2024 година, со умисла извршиле повеќе временски поврзани дејствија при вршење на нивните овластувања, при што на петмина осуденици им овозможиле погодности кои, согласно судските одлуки, не им следувале.

ДОЗВОЛИЛЕ ЗАТВОРЕНИЦИ ДА ШЕТААТ СЛОБОДНО ОД ЗАТВОР ДО ДОМА Обвинителство ги товари директорот Андов и уште 7 лица за тешка злоупотреба

The post ЗАВРШИ ДОКАЗНАТА ПОСТАПКА ПРОТИВ ЕКСДИРЕКТОРОТ НА ЗАТВОРОТ ВО ШУТКА Обвинителката ги одложи завршните зборови appeared first on plusinfo.mk.

Во раните утрински часови, полицијата спроведе акција низ Скопје, во која беа уапсени повеќе лица, меѓу кои и поранешниот директор на КПУ Затвор Скопје, Филип Андонов – Сокол, како и неговиот најблизок соработник, заповедник во затворот Сашо Крстевски – Ѕверот.

Според првичните информации, станува збор за организирана криминална група, составена од сегашни и поранешни затворски службеници, осомничени за злоупотреба на службената положба, овозможување бегство и незаконско ослободување на затвореници.

Во пријавата поднесена против нив, како и против неколку други лица, се наведуваат сериозни кривични дела, вклучително и злоупотреба на службена положба и овластување (член 353), овозможување бегство на лице лишено од слобода (член 372), противзаконито ослободување на затвореници (член 373) и соизвршителство (член 22).

Според првичните информации, групата делувала подолг период, користејќи ги своите позиции за незаконски активности во затворскиот систем. Во тек е истрагата која треба да утврди дали и други лица биле инволвирани во оваа криминална мрежа, како и дали имало финансиски мотиви зад нивните постапки.

Од Основното јавно обвинителство информираат:

„Под раководство на јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција по Наредба на судија на претходна постапка полициски службеници од Одделот за сузбивање на организиран криминал и корупција при МВР извршуваат претреси на локации во Скопје. Подетални информации во текот на денот“, се вели во соопштението на ОЈО.

Инаку, Сокол беше именуван за директор на Истражниот затвор Скопје во населбата Шуто Оризари во 2020 година, а претходно му беше советник на тогашниот премиер Зоран Заев за креирање политики кои се од посебен интерес за граѓаните на Град Скопје. Пред тоа менаџираше локални барови и имаше еден неуспешен обид за угостител.

The post АПСЕЊА ВО СКОПЈЕ, СОКОЛ И ЅВЕРОТ ВО КАФЕЗ На удар организирана криминална мрежа во затворите appeared first on plusinfo.mk.