„Flex Pay“ потпиша ексклузивен договор за соработка со „Capital transfer doo“ претставник на „Ria Money Transfer“, една од водечките глобални мрежи за парични трансфери.

Со потпишувањето на овој договор, клиентите сега ќе можат да испраќаат и примаат пари преку „Ria“ – една од најбрзорастечките мрежи за парични трансфери во светот, присутна во над 190 земји и со повеќе од 500.000 локации глобално.

Услугата ќе биде достапна преку „Flex Pay“, а активностите за исплата и уплата ќе се реализираат во филијалите на „Flex Credit“, со што се овозможува максимална достапност и практичност за граѓаните низ целата држава преку широко распространета продажна мрежа.

„Со оваа соработка ‘Flex Credit’ овозможува уште поголема практичност за своите клиенти. ‘Ria’ е глобално препознатливо име во трансферот на пари, а ‘Flex Pay’ преку ексклузивно партнерство како единствена финансиска институција која ја застапува ‘RIA’ ги носи нивните услуги директно до клиентите низ цела Македонија. Оваа стратешка соработка претставува чекор напред во дигиталната трансформација на услугите кои ги нуди ‘Flex’ Групацијата, со што на клиентите им се нуди едноставно, брзо и безбедно решение за испраќање и примање средства од странство“, информираат од компанијата.

Мисијата на „Ria“ е да ги поврзува семејствата низ целиот свет на сигурен и достапен начин. Преку ова партнерство со „Flex Pay“, ќе бидат уште поблиску до корисниците, токму таму каде што им е најпотребно.

Со оваа ексклузивна соработка, „Flex Pay“ ја зацврстува својата позиција како нов клучен играч во финтек сегментот, а „Flex Credit“ ја проширува својата улога како најдостапна и доверлива финансиска мрежа во земјата.

The post ЕКСКЛУЗИВНА СОРАБОТКА ПОМЕЃУ „FLEX PAY“ И „RIA MONEY TRANSFER“ Брзи и сигурни парични трансфери сега достапни и во филијалите на „Flex Credit“ appeared first on plusinfo.mk.

Банката, исто така, планира дополнително да ја намали мрежата на филијали, потег што го следи трендот на намалување во последните години.

Говорејќи на конференција, организирана од американската банка Морган Стенли, извршниот директор Кристијан Севинг укажа за планиран „значителен број затворања на филијали“.

Тој додаде дека трошоците, поврзани со кратењето на работните места, веќе се пресметани.

Портпаролот на банката потврди дека затворањето на филијалите е дел од претходно најавените мерки, додавајќи дека не се воведува нова програма за намалување на трошоците.

Дојче банк го префрла својот фокус на дигиталното банкарство, планирајќи да ги зголеми своите видео и телефонски консултации за приватни клиенти, додава ДПА.

ДОЈЧЕ БАНК ОТПУШТА ПОВЕЌЕ ОД 100 ДИРЕКТОРИ Сака да ги намали трошоците во работењето

The post ДОЈЧЕ БАНК ОТПУШТА 2.000 ВРАБОТЕНИ И ЗАТВОРА ФИЛИЈАЛИ Фокусот се префрла на дигиталното банкарство appeared first on plusinfo.mk.

Банката соопшти дека одлучила на невообичаен чекор откако забележала невообичаено ниска побарувачка за готовина во нејзините филијали. Таа, наводно, минатата година имала во просек по двајца клиенти на час.

Одлуката на банката да ги затвори сите свои филијали во Германија, сепак, нема да влијае на понудата на готовина. Преку соработка со големи трговски синџири, банката планира да им излезе во пресрет на своите клиенти кои сепак ќе можат да подигнуваат готовина, но веќе не во типична банкарска средина.

Драстичниот потег отвора уште поголемо прашање – дали ова може да биде почеток на крајот на ерата на готовина? Експертите велат дека и други банки би можеле да го следат примерот.

The post НЕМА ПОБАРУВАЧКА НА ГОТОВИНА Банката Рајфајзен Хохтаунус ги затвора сите филијали во Германија appeared first on plusinfo.mk.

На синовите на кои им се погодиле татковците, им цветаат рози во бизнисите. Освен што им е заедничко тоа што имаат татковци моќници, поранени функционери, на овие татини синови им е заедничко и бизнисите за кои се одлучиле. А што би работеле деца кои во животот гледале само пари?! Па логично, би работеле со пари. И тоа како „продавница за пари“.

„Блиски роднини на поранешни функционери и актуелни политичари во земјава се дел од сопствениците на фирмите кои заработуваат од брзи кредити. Од вкупно 35 финансиски друштва, 23 компании се основани од македонски државјани, Меѓу нив и блиски на двајца поранешни премиери“, пишува РСЕ.

Мајката на бизнисменот Трајче Заев, братучедот на поранешниот премиер Зоран Заев, Убавка Заева, е сопственик на финансиското друштво „Пеон“ од Струмица. Управител на оваа фирма е нејзината ќерка Катерина Бојовиќ Заева, сопруга на Радиша Бојовиќ, сопственикот на струмичката дискотека „Аватар“.

Фирмата Пеон е основана во 1996 година како штедилница, а со лиценца за брзи кредити и издавање на гаранции се стекнува во 2013 година. Оваа компанија е основана со 800.000 евра и со годишни приходи по околу 400.000 евра. Во изминативе две години прави добивка од 170.000 до 270.000 евра.

Синот на поранешниот премиер Љубчо Георгиевски, Лав Георгиевски, е влезен во бизнисот со брзи кредити. Тој отворил продавница за пари во центарот на Скопје „Премиум фајнанс“.

Минатата година во овој бизнис влегол и синот на поранешниот прв разузнавач и советник за национална безбедност во кабинетите и на поранешниот премиер Зоран Заев и на актуелниот премиер Димитар Ковачевски, Зоран Верушевски, проблематичниот Александар Вершушевски.

Младиот Верушевски лани ја отворил фирмата „Генерал фајнанце“ во Струга со подружница во Скопје, која се занимава со издвање брзи кредити.

И најпознатиот битолски бизнисмен Силјан Мицевски заработува на маката на другите. Мицевски во 2016 под име „Пелистер“ ја основа и фирмата за брзи кредити со седиште во Битола.

Од фирмите кои им нудат заеми на граѓаните основани од македонски државјани најголема добивка во изминативе две години направила фирмата „Кредитен центар БС“, фирма чиишто сопственици се синовите на познатиот бизнисмени и политичар Борис Стојменов, Марјан и Емил Стојменови.

The post ДЕЦА КОИ ЦЕЛ ЖИВОТ ГЛЕДАЛЕ ПАРИ, ЛОГИЧНО Е СО ШТО ЌЕ РАБОТАТ! Синови и блиски на политичари во бизнисот со брзи кредити appeared first on plusinfo.mk.

Бугарија се обидува да ја смени тактиката кон Скопје, откако земјата во декември го блокираше патот на Северна Македонија кон Европската унија, а вчера бугарската министерка за надворешни работи му го презентираше на специјалниот пратеник на земјава за Бугарија Владо Бучковски Акцискиот план за соработка во имплементација на Договорот за добрососедство, пишува  „Еурактив“.

Бугарскиот документ, кој се однесува на сите секторски министерства, ќе биде разгледан од властите во Северна Македонија.

Дипломатски извори за „Еурактив“ велат дека Софија има предлози поврзани со железниците и инвестиции на бугарски компании во Северна Македонија.  Во планот, според истите извори, има и предлози за отворање филијали на бугарски универзитети во Северна Македонија, а опфатени се и учебниците по историја.

Од бугарска страна, додава „Еурактив“, ќе бидат разгледани предлозите во Акциски план на С Македонија, а потоа двете влади треба да дадат одобрување и тоа би се случило на претстојниот состанок на Заедничката меѓувладина комисија.

Предложениот акциски план е првиот конструктивен чин на властите во Софија, откако вицепремиерот Красимир Каракачанов во септември објави дека треба да се блокира европската перспектива на Северна Македонија, пишува „Еуроактив“.

The post „Еурактив“ открива делови од акцискиот план: Бугарија бара отворање и на филијали на нејзините универзитети appeared first on plusinfo.mk.