Инспекторите на Независната управа за јавни приходи на Грција (ААДЕ) во текот на 2025 година откриле 147 компании вклучени во организирани мрежи за фиктивни трансакции, со вкупна вредност од 718,1 милион евра, јави дописничката на МИА од Атина.

Како што соопштија од ААДЕ, преку издавање фиктивни фактури овие компании избегнале плаќање данок на додадена вредност (ДДВ) во вкупен износ од 143,5 милиони евра.

Фиктивните фактури биле регистрирани во повеќе економски сектори, меѓу кои градежништвото, трговијата на големо со храна и земјоделски производи, трговијата со облека и обувки, фармацевтски производи, метали, телекомуникациска и ИТ-опрема, малопродажбата на мобилни телефони, компјутери и аудио-видео опрема, како и услугите за трговско посредување и деловна поддршка.

Според официјалните податоци, најголем обем на нерегуларности е утврден во градежниот сектор и во услугите за трговско посредување, каде што износите на неплатен ДДВ достигнуваат десетици милиони евра.

Најголем број фиктивни фактури – 20.058, со вкупна вредност од 214,5 милиони евра, издале 37 компании од градежниот сектор, кои избегнале плаќање ДДВ од 50,2 милиони евра.

Во секторот за деловна поддршка и општи услуги, 26 компании издале речиси 9.800 фиктивни фактури во вредност од 97,7 милиони евра, при што не бил уплатен ДДВ од околу 20 милиони евра.

Дополнително, 14 компании од секторот за трговија на големо со храна и земјоделски производи издале над 7.000 фактури со вредност од 81,9 милиони евра, со што избегнале плаќање ДДВ од 11,7 милиони евра.

The post СКАНДАЛ ТЕЖОК 718 МИЛИОНИ ЕВРА Грција разби мрежи со фиктивни фактури appeared first on plusinfo.mk.

Систем од компании подолг период црпел пари по основ на поврат на ДДВ со фиктивни фактури и го оштетиле Буџетот за милиони. Во мрежата од компании кои испумпале милиони често се менувале одговорни лица и сопственици. Во поголем број од случаите истите се лица кои што се од наши соседни земји и кои тешко се лоцираат – рече денеска на прес конференција пратеникот на ВМРО-ДПМНЕ Бојан Стојаноски.

– Буџетот е оштетен, а државата тешко без кривично гонење ќе може да ги поврати исплатените милиони, бидејќи компаниите преку кои се штанцани фиктивните фактури и се испумпани пари немаат имот за од истиот да се наплати долгот.

Со жалење констатираме дека системот на контролен механизам во институциите е нефункционален, а тоа го потврдуваат случаите минатата година процесуирани од обвинителство за фиктивно фактурирање и злоупотреба на службена положба.

Криминалните мрежи преку фиктивна документација како и фиктивни фактури и фиктивна евиденција, го исцрпуваат даночниот потенцијал од Буџетот, а сведоци сме дека државните институции кои се задолжени да го контролираат, изминатите години немаат преземено никакви мерки.

Симптоматично е и тоа што до сега не се преземени дејствија со кои ваквите случаи ќе бидат спречени и условите за вакви криминални дејства ќе се доведат на минимум, а не сега кога веќе се испумпани милиони по основ на поврат на данок од Буџетот со контролите да се покаже слика дека институциите делуваат на сузбивање на криминалните мрежи.

Прашање е уште колку милиони од платени даноци од граѓаните се исцрпени од криминални структури и зошто не се создадени системи кои ова ќе го спречат?

За познавачите на даночната политика е сосема јасно дека ваков систем не можел да функционира без УЈП. Челници од Управата или знаеле и молчеле за целиот случај или целосно го девастирале системот и немаат увид – рече пратеникот Стојановски.

The post МИЛИОНИ СЕ ИСПУМПАНИ СО ФИКТИВНИ ФАКТУРИ! Ваков криминал не е можен без луѓе во УЈП, обвинува ВМРО-ДПМНЕ appeared first on plusinfo.mk.

Основото јавно обвинителство за гонење на организиран криминал и корупција не соопштува детали за постапката е тајна. Порталот МКД дознава дека станува збор за синџир од фирми што меѓусебно фиктивно си издаваат фактури, никој никому ништо не плаќал, освен државата ДДВ-то. За ваква операција да биде успешна, неопходно е најмалку едно лице од УЈП одвреме-навреме да замижи.

Повеќе за ова на следниот ЛИНК.

The post НА ПОВИДОК МЕГА АФЕРА ВО УЈП Порталот МКД на трага на голема измама со фиктивна наплата на ДДВ appeared first on plusinfo.mk.