Овој музички проект носи наслов „Спомен“, а Ферчо изминатите месеци го снимаше спотот во соседна Србија, а во кадрите се појавуваат и нивни заеднички фотографии направени од нивните телевизиски гостувања.

„Најскапоцено нешто што останува како највреден спомен со Вас мои Кралеви. Секој момент поминат заедно, сите неодговорени прашања и недокажани нешта ги има во оваа мелодија“, стои во објавата на социјалните мрежи на младиот Ферчо.

Како што знаете, кралот на саксафонот нé напушти на 22 мај по кратко боледување, а само три месеци по тоа, на 15 август почина и неговиот син Илми Мустафов, таткото на Ферчо.

Инаку нивниот наследник веќе некое време живее и работи во Србија, каде соработува со најпознатите тамошни музички ѕвезди, а полека, но сигурно тој станува еден од најбараните дувачи на овие простори…

Погледнете го спотот за нивниот заеднички проект „Спомен“:

The post 📽️ СИТЕ НЕОДГОВОРЕНИ ПРАШАЊА ГИ ИМА ВО ОВАА МЕЛОДИЈА Наследникот на Ферус го објави последното оро снимено со дедо му и со татко му Илми! appeared first on plusinfo.mk.

Познатиот саксафонист и кларинетист Илми Мустафов беше член на групата „Огнени момчиња“.

Во неговата скоро 30-годишна кариера, Илми има снимено многу ора и чочеци, дел со својата група, а дел со неговиот познат татко Ферус Мустафов.

Според последните информации погребот ќе биде утре, најверојатно на Камник.

Неговата смрт ги остави во неверување колегите музичари и пријателите, кои се простуваат од него на социјалните мрежи.

Меѓу оние кои се простуваат од Илми е и пејачката Сузана Гавазова.

„Илми Мустафов, синот на нашата легенда и кралот на саксофонот, Ферус, почина синоќа. Си замина толку брзо, толку ненадејно и зад себе остави опустошени срца, болка и тага. Настапувавме заедно на свадба во Дебар пред некој ден со ‘Огнени момчиња’ и со Илми, беше сè нормално, никој не се посомнева дека такво нешто може да се случи. Во еден момент видов дека плаче, но искоментиравме со колегите дека тоа е поради смртта на неговиот татко. Илми си замина прерано. Ќе ни недостигаш многу. Почивај во мир пријателе“, напиша таа и сподели заедничка фотографија на Фејсбук.

The post ПОЧИНА СИНОТ НА ФЕРУС МУСТАФОВ Пред неколку дена свирел на свадба во Дебар, а колегите го забележале како плаче appeared first on plusinfo.mk.

Мустафов доживеа мозочен удар минатиот месец, а оттогаш во тешка критична состоба беше сместен во Градската болница „8 Септември“.

Ферус е роден на 20 декември 1950 година во Штип во ромско музичко семејство. Својата кариера ја почнал од мали нозе, а познат беше по својата виртуозност на кларинет и саксофон, со кои  кој зад себе остави богата кариера и бројни настапи. Се смета за легенда на македонската музичка сцена, човек кој свиреше со љубов и од душа, а неговите изведби и настапи долго ќе се паметат.

По негова желба Мустафов ќе биде погребан во Штип , каде со семејството ги помина последните години од својот живот .

The post ПОЧИНА ФЕРУС МУСТАФОВ Кралот на ромската музика ќе биде погребан во Штип appeared first on plusinfo.mk.

Засега нема детални информации за неговата здравствена состојба.

„До сите мои пријатели и колеги. Мојот дедо Ферус Мустафов не е починат. Точна е информацијата дека се наоѓа во болница и дека се бори за својот живот“, напиша Ферчо Мустафов на својот Фејсбук профил.

Ферус е жива легенда на македонската сцена, кој зад себе има оставено богата кариера и бројни настапи. Неговата кариера започнала уште од мали нозе, а кларинетот и саксофонот се интрументите со кои испишува историја на музичката сцена.

„Да се помолиме за негово здравје! Ви благодарам во името на фамилија Мустафови за поддршката и вниманието“, напиша неговиот внук.

Ферус Мустафов е роден на 20 декември 1950 година во Штип.

The post ФЕРУС МУСТАФОВ СЕ БОРИ ЗА ЖИВОТ ВО БОЛНИЦА Неговиот внук побара од фановите да се молат за здравјето на неговиот дедо appeared first on plusinfo.mk.