Новото клучно прашање во енергетскиот сектор е каде и како ќе се складира произведената електрична енергија од обновливи извори, изјави Тодор Анѓушев, управител на ЕМС во рамките на ФЕРО ИНВЕСТ, на стручната трибина „Складирање на електрична енергија и интеграција на производство од обновливи извори – предизвици и решенија“, организирана од МАКО СИГРЕ на ФЕИТ во Скопје.

Тодор Анѓушев нагласи дека без батериски системи е невозможно целосно да се искористи потенцијалот на обновливите извори на енергија, но дека поставувањето батериски систем е многу посложено од изградба на сончева електрана.

– Батериските системи се сложен енергетски објект кој треба правилно да се проектира, софтверски да се интегрира, да се усогласи со мрежните правила, регулативите и пазарните механизми и, најважно, секојдневно да се управува со него – истакна Анѓушев.

Тој нагласи дека е многу важно инвеститорите да проценат кој ќе им го инсталира батерискиот систем, кој ќе се грижи за него, кој секојдневно ќе го програмира за полнење и празнење и, конечно, кој ќе им ја откупува произведената и складирана електрична енергија.

Тодор Анѓушев даде конкретен пример преку батериските системи на ФЕРО ИНВЕСТ, кои веќе се реално поставени, поврзани на мрежата, со обезбедени сите потребни дозволи, и веќе подолг период работат и се дел од комерцијалната експлоатација без никаква техничка или административна пречка.

ФЕРО ИНВЕСТ во 2025 година го изведе првиот батериски систем во Македонија, поставен на сопствена електрана, кој, според новите законски одредби, единствен поседуваше градежна дозвола, согласност за приклучување на мрежата и лиценца за складирање електрична енергија.

 

View this post on Instagram

 

A post shared by Plusinfo.mk (@plusinfo.mk)

ФЕРО ИНВЕСТ досега учествуваше во изведба на над 250 MWh (мегават-часови) батериски системи за сопствените електрани и за електрани на клиенти.

Во реализација се уште околу 70 MWh батериски капацитети.

На панел-дискусијата на ФЕИТ учествуваа и претставници од клучните институции и компании во енергетскиот сектор: Електродистрибуција, МЕПСО, МЕМО, ФЕРО ИНВЕСТ и Интебако.

На дебатата беше потенцирано дека батериите овозможуваат електричната енергија да се складира во текот на денот, кога има високо производство од сонце, а пазарните цени се ниски, и да се користи или продава во ноќните часови, кога нема сончево производство, а побарувачката и пазарните цени на електричната енергија се значително повисоки.

На овој начин батериите создаваат добивка за производителот, односно за електраната, а истовремено му помагаат на електроенергетскиот систем на Македонија, штитејќи го од преоптоварување со прекумерни количини енергија во критичните часови од денот.

The post ФЕРО ИНВЕСТ ГО НАПРАВИ ПРВИОТ ЧЕКОР Македонија веќе има батериски системи во комерцијална употреба appeared first on plusinfo.mk.

Веро центарот, кој е лоциран во центарот на Скопје, ќе ја користи кровната електрана за своите сопствени потреби, што беше основна идеја на инвеститорот кога се обрати до ФЕРОИНВЕСТ за изведување на проектот.

Електраната со инсталирана моќност од 730 kW е поставена и пуштена во пробна работа во рок од два месеци во текот на летниот период, во услови на топлотен бран, но со засилено темпо на работа од страна на инженерите и техничарите на ФЕРОИНВЕСТ и ЕМС, со цел клиентот да може што повеќе да искористи од периодот на поволно сончево зрачење за производство на електрична енергија.

Со овој проект, компанијата Верополус Груп се постави во редот на еколошки ангажирани компании кои инвестираат во енергетски проекти значајни за енергетската транзиција на државата, и кои долгорочно носат финансиска заштеда за инвеститорот.

ФЕРОИНВЕСТ нуди изградба на електрани од обновливи извори по принципот клуч на рака, односно од нивно проектирање, изградба, пуштање во употреба, па сè до обезбеден откуп на енергијата и 24-часовен мониторинг и одржување на електраната.

The post ФЕРОИНВЕСТ ИЗГРАДИ ФОТОНАПОНСКА ЕЛЕКТРАНА НА ПОКРИВОТ НА ВЕРО ЦЕНТАР Објектот ќе замени до 40% од потрошувачката на струја со струја од фотоволтаици appeared first on plusinfo.mk.

ФЕРО ИНВЕСТ започна со изведба на Батериски системи за домаќинства, како начин за драстично намалување на месечните сметки за електрична енергија на домаќинствата кои имаат голема потрошувачка.

Со батерискиoт систем на ФЕРО ИНВЕСТ, кој содржи интерактивен софтвер за паметно складирање и управување со енергијата, објектите стануваат независни од електричната мрежа и имат напојување дури и кога ,,нема струја”, односно во случај на дефект во мрежата.

Како функционира системот?

Софтверското решението на ФЕРО ИНВЕСТ, кое е сопствено дело на инженерите на компанијата и е развивано во последните две години, во моментот претставува единствен модел за правилно дневно распоредување и целосно искористување на вишокот електричната енергија добиена од сонце, со што батерискиот систем работи според потребите на корисникот и остварува најголеми заштеди. Софтверското решение може да се примени на домаќинства, комерцијални згради, објекти од индустријата и електрани од обновливи извори.

Фотоволтаични панели поставени на објектот се поврзуваат со батерии и заедно се врзани за ПЛЦ управување, а по барање на клиентот може да бидат поврзани и со центарот за мониторинг на ФЕРО ИНВЕСТ.

Решението обезбедува енергетска независност на објектот. Имено, во текот на денот, кога постои поволно сончево зрачење, произведената електрична енергија веднаш се користи за неопходните потреби, а вишокот оди во батериите. Попладне и ноќе, кога нема сонце, а кога цените на струјата се далеку повисоки, наместо да се влече електрична енергија од мрежа, се користи складираната енергија од батериите, со што се прават огромни заштеди. Во објектот има панел на кој корисникот постојано ја следи потрошувачката на енергија, залихата во батеријата, влечењето енергија од мрежа и неговата сопствената заштеда.

Големи заштеди и енергетска независност

Пресметките покажуваат дека со инсталација на еден батериски систем со вклучено софтверското решение на ФЕРО ИНВЕСТ, домаќинствата и малите бизниси може да ги намалат своите сметки за електрична енергија и до 98%.

Нашата компанија веќе има инсталирано батериски системи во објекти, со кои се докажа дека домаќинствата може да бидат над 90% енергетски независни од мрежата.

Домаќинствата кои со својата потрошувачка го надминуваат Блок 2 и влегуваат во Блок 3 и Блок 4, а особено оние на кои значаен дел од потрошувачката им е во Блок 4, се домаќинствата кои ќе имаат најголема корист од батериските системи. ФЕРО ИНВЕСТ нуди батериски системи и за домаќинствата кои веќе имаат инсталирано фотоволтаични панели, а за оние кои немаат, ФЕРО ИНВЕСТ нуди „клуч на рака” решение и изведба и за фотоволтаиците.

Систем креиран посебно за секој потрошувач

Системот се прилагодува на потребите на корисникот, и батеријата се сетира да дава енергија според приоритетите на потрошувачка кои ќе ги избере корисникот, се’ со цел што помалку или воопшто да не се повлекува енергија од мрежата.

Најголемите поволности од системот се големата заштеда, односно потрошувачот е заштитен од високи сметки, како и енергетската независност на објектот.

Препознавајќи ја важноста која оваа инвестиција ја има за енергетската транзиција, банкарскиот сектор е отворен за кредитирање на овие инвестиции, како со домашни средства, така и со посебна кредитна линија на Европската инвестициска банка преку македонските банки.

The post ФЕРО ИНВЕСТ ПОЧНА СО ИЗВЕДБА НА БАТЕРИСКИ СИСТЕМИ ЗА ДОМАЌИНСТВА До 98% помали сметки за струја appeared first on plusinfo.mk.

По допрен глас од медиумите до сопствениците на БРАКО и ФЕРО ИНВЕСТ/ЦЕНТРАЛ ИНВЕСТ, кои имаат сопственост и во биогасната електрана Биоентерпрајз во Сарамзалино, општина Лозово, истите испратија цистерна за собирање на штетната материја која се наоѓа на површината на велешкото езеро Младост и нејзино пренесување во биогасната електрана за таму да се истури во т.н. дигестор на електраната каде се собира органски отпад, измет и силажа, а од кои материи во биотехнолошки процес понатаму се издвојува биогас.

„Нашите инженери во биогасната електрана Биоентерпрајз во Сарамзалино утврдија дека штетната материја која го загадува Велешко Езеро може да биде употребена во процесот на производство на биогас. Но, не можеме веднаш и цела материја да ја собереме и употребиме, бидејќи таа е веќе полна со бактерии, врие и е активна, и не смее одеднаш да се стави преголема количина во системот на електраната бидејќи ќе направи проблем. Мораме да ја почитуваме технологија на производство на биогасот и соодносот на материи, кои мора да бидат дозирани за да биде производството безбедно, бидејќи станува збор за производство и насобирање гас кој гори”, појаснуваат од групацијата Феро Инвест.

Ова наше вклучување во чистењето на Велешко Езеро, додаваат оттаму, кое е значајно оддалечено од биогасната електрана, за нас претставува општествена одговорност.

„Ние собираме отпад од блиските фарми околу електраната, бидејќи не е исплатливо да се носи суровина од подалеку, но превозот и сите издатоци за оваа акција за нас претставуваат помош за Велес, за граѓаните и за заштита на околината и водата во езерото, а ние и понатаму ќе продолжиме да помагаме. Треба и да се знае дека откако ваквите материи ќе поминат низ технолошкиот процес во биогасната електрана и производството на електрична енергија, на крај како нус продукт излегува земјоделско ѓубриво и хумус, така што штетната материја која денес го загадува езерото ќе биде неутрализирана во еден затворен процес со нула отпад. Овој пример најдобро го покажува значењето на биогасните електрани во една економија, како производители на чиста електрична енергија и чистачи на отпадот, и се класичен пример на циркуларна економија“, велат од прес службата на компанијата ФЕРО ИНВЕСТ, во сопственост на Кочо Анѓушев.

The post 🎥 📷 „БРАКО“ И „ФЕРО ИНВЕСТ“ ГО ЧИСТАТ ВЕЛЕШКОТО ЕЗЕРО Цистерните за еден ден извлекоа 60 тони штетна материја appeared first on plusinfo.mk.

РЕС е најголем снабдувач со струја на слободниот пазар, објави Регулаторната комисија за енергетика. Во продолжение Ви проследуваме соопштение од компанијата РЕС ДООЕЛ, поврзано со податоците објавени во годишниот извештај на Регулаторната комисија за енергетика и водни услуги за 2023 година, кој е во прилог на оваа порака (соопштението се однесува за делот помеѓу 88-91 стр.)

„РЕС е најголем снабдувач со струја на слободниот пазар и најголем дел од стопанството добива електрична енергија од РЕС, објави Регулаторната комисија за енергетика.

РЕС (Renewable Energy Supply) сам држи речиси една третина од пазарот, а останатиот дел го делат други 20 снабдувачи.

Во 2023 година РЕС продал 609.771 MWh електрична енергија, или 28,84% од вкупната енергија на слободниот пазар, додека во снабдувањето на големите субјекти држи дури 34% од пазарот.

Покрај на големите потрошувачи, РЕС дава исклучително поволни и поевтини понуди за снабдување и на мали потрошувачи и нивниот број во балансната група на РЕС постојано расте, особено од почетокот на 2024 година.

Компанијата во моментот бележи уште повисоки резултати и снабдува над 900 клиенти, со предвидена годишна количина од околу 700.000 MWh електрична енергија.

РЕС е формиран во 2022, а годинава се најде на листата на ТОП 100 компании со најголема добивка во 2023 година“.

The post РЕС Е НАЈГОЛЕМ СНАБДУВАЧ СО СТРУЈА НА СЛОБОДНИОТ ПАЗАР Регулаторната комисија за енергетика објави извештај appeared first on plusinfo.mk.

Одржувањето се состои во чистење кое се спроведува со специјални машини и средства, а должината на рачките од над 9 метри им овозможува на операторите целосно сигурно и безбедно чистење на панелите со што може да се овозможи производството на електрична енергија да биде од 20% до 40% повисоко од моменталното.

Проект менаџерот за фотоволтаични проекти во Феро инвест, Крсте Илијески, им препорачува на сите оние кои имаат свои фотоволтаични електрични централи на кровови, често одржување на панелите за да се постигне повисока ефикасност.

– Сопствениците на фотоволтаици на кровови, особено оние кои се наоѓаат во индустриски зони или зони каде има поголема загаденост, интензивни градежни работи или дрвја во близина кадешто се гнездат птици, потребно е најмалку 2 пати во текот на годината да ги исчистат панелите, за да се зголеми нивното производство до 40%. Во места каде што има и потешка индустрија, панелите би можело да се исчистат и до 5 пати во текот на годината, за да нема загуби во производството – посочи Илијески.

Феро инвест е е првата компанија во Република Северна Македонија која почна со изградба на малите хидро електрани, како пионери во обновливите извори на енергија, а во своето портфолио нуди услуги „клуч на рака“ за изградба на мали хидро електрани, фотоволтаици, биогасни електрични централи и трафостаници.

The post ИСЧИСТЕТЕ ГИ КРОВНИТЕ ФОТОВОЛТАИЦИ ЗА ДА ДОБИЕТЕ ПОВЕЌЕ СТРУЈА Нова услуга од Феро инвест appeared first on plusinfo.mk.

Комората, во која членки се и компании од групацијата Феро Инвест и БРАКО, донесе заклучок со забелешки и предлог до Владата, кој го достави и до јавноста:

„Во врска со Предлогот на Законот за данок на солидарност, Стопанската комора на Северна Македонија изминатиот период во континуитет укажува дека носењето на вакво законско решение за измината фискална година (конкретно за 2022 година), создава несигурност кај постојните и потенцијалните инвеститори, особено ако се има предвид дека правната сигурност е еден од врвните приоритети за кои се залагаме како застапувачи на интересите на бизнис заедницата во земјата.

Стопанската комора на Северна Македонија, која ги застапува компаниите кои создаваат половина од вкупниот приход во приватниот сектор, компании кои генерираат речиси половина од нето добивката во приватниот сектор и компании кои вработуваат повеќе од една третина од вработените во приватниот сектор уште еднаш ги афирмира своите забелешки во однос на Предлог-законот за данок на солидарност и укажава на следното:

– Селективен пристап, затоа што се опфатени само поголемите компании кои остваруваат приход поголем од 615.000.000 денари;
– Се врши оданочување на добивката што ја оствариле компаниите, независно дали истата е резултат на пазарните услови (остварена екстра добивка поради движења на пазарите на енергенси или други причини кои довеле до конјуктурни поместувања на пазарот) или е резултат на нивното работење, односно резултат на зголемени инвестиции, подобрена продуктивност, освојување на нови пазари и сл.;
– Дестимулирање на успешните компании, кои се инвестициски ориентирани, односно во неповолна положба се доведуваат компании кои инвестирале во претходните години.
– Ефектот кој се очекува од примената на истиот, во смисла на обезбедување на дополнителни средства во државниот буџетот, може да изостане за делот на добивката на компаниите кои се корисници на државна помош, од причина што ќе се намали нивниот индивидуален износ на доделена државна помош, и по тој основ нема да се зголемат приходите во буџетот.
– Ваков данок, кој се носи ад хок, во втората половина на деловната година создава несигурност кај постојните и потенцијалните инвеститори.

Во таа насока Клуб 100, како најрепрезентативно тело на раководење во Стопанската комора, ја повикува Владата на РС Македонија да го повлече Предлог на Законот за данок на солидарност и со тоа да покаже сериозен однос кон укажувањето на најголемата и најбројна бизнис асоцијација во државата. Исто така, сакаме да напоменеме дека е јасна намерата на Владата на РС Македонија дека овој закон сака да го протне со европско знаме, кој ќе нанесе поголема штета него добро“, велат од Стопанската комора на Македонија и од Клуб 100“ – се вели во соопштението на Комората.

Комората испрати и фотографии од потпишаната иницијатива упатена до Владата.

The post ДА СЕ ПОВЛЕЧЕ ПРЕДЛОГ-ЗАКОНОТ ЗА ДАНОК НА СОЛИДАРНОСТ Бизнис-заедницата наведе неколку причини зошто ваквата мерка е штетна за економијата appeared first on plusinfo.mk.

Делегацијата на Феро Инвест се сретна со светски познати компании од секторот за производство на електрична енергија од фотоволтаични електрични централи, а целта беше да се разменат искуства и знаења за примена на најсовремените методи и практики во оваа област на обновливите извори.

Беа зацврстени партнерските односи со светски познатите компании Trina, специјализирани за соларни панели, Goodwe за инвертери за електрични централи, PV Case за софтвери за проектирање и многу други кои се специјализирани за одредени сегменти во изградба и одржување на фотоволтаични електрични централи.

Посебен акцент беше ставен на средбите со производители на батериски системи за складирање на електрична енергија, како дел од проектираните цели на Феро Инвест да биде првата македонска компанија која ќе инсталира ваков систем во фотоволтаична електрична централа.

Intersolar e најголемиот светски саем за соларна енергија, а оваа година собра на едно место околу 2.500 компании од 57 земји во светот, кои ги изложуваа своите производи и услуги, а над 105.000 лица го посетија саемот.

The post (ГАЛЕРИЈА) ФЕРО ИНВЕСТ УЧЕСТВУВАШЕ НА INTERSOLAR 2023 Се претставија на најголемиот светски саем за соларна енергија appeared first on plusinfo.mk.

Присутните се запознаа со енергетски ефикасните електрични и водородни возила за одржување хигиена во градски средини кои се произведуваат во „Брако“, при што детали за овој високотехнолошки и за околината нештетен производ изнесе оперативниот директор Ангел Анѓушев.

Во Овчеполскиот регион гостите од странство ја посетија биогасната електрана „Био Ентерпрајз“ во Сарамзалино, каде проект-менаџерот Арти Ќормемети ги информира за производниот процес кој има нула загадување, односно производство на биогас кој потоа служи како погонско гориво за производство на електричната енергија.

Делегацијата беше и на локацијата на фотоволтаичната електрана „Централ инвест“ во Кочани, која е исто така инвестиција на групациите „Феро инвест“ и „Централ инвест“.

Посетата организирана преку Хабитат-Македонија беше дел од проектот EXCITE, кој во рамките на европската програма Хоризонт 2020 има за цел директно да ги подобри акциските планови во 25 општини ширум Европа во однос на климатските промени.

The post ВОЗИЛАТА НА ВОДОРОД ЧИСТАТ И НЕ ЗАГАДУВААТ Странска делегација ги посети електраните и фабриките на „Феро инвест“ appeared first on plusinfo.mk.

На конференцијата на комората, насловена „Економски предизвици во 2023 година: како да го одржиме економскиот раст и да ја трансформираме економијата“, Тодор Анѓушев предупреди дека моменталниот тренд на приватните инвеститори да градат пред сѐ, електрани на сончева енергија, може по одреден период да биде неисплатливо и да не одговара на потребите на системот и потрошувачката на пазaрот.

– Во моментот има интерес за изградба на фотоволтаични електрични централи со инсталирана моќност од околу 7 GW, што е многу. Северна Македонија треба да спроведе паметна стратегија и да се стимулираат инвестиции во обновливи извори кои евентуално би можеле да обезбедат базна енергија која е многу важна. Хидроелектрани, кои неоправдано се најдоа на удар како проект, потоа биогасни електрани, гасни, како и учество во некој регионален проект за нуклеарна електрана – нагласи  тој.

„Многу е важно што побргу да се изгради Чебрен, бидејќи тој е исклучително важен енергетски објект и е електрана од огромен интерес за Македонија и за регионот бидејќи е ревирзибилна електрана“, порача во своето излагање Тодор Анѓушев, претседател на Групацијата на обновливи извори на енергија при Македонската енергетска асоцијација и управител на „Мали хидроелектрани“ ДОО Скопје и на ЕМС ДОО (Energy Maintenance Solutions), членки на групацијата Феро инвест.

Анѓушев укажа и дека за побрзо градење електрани од обновливи извори потребно е државата да ги олесни процедурите и да ја подобри регулативата.

The post ПОТРЕБНИ НИ СЕ ЕЛЕКТРАНИ ОД ОБНОВЛИВИ ИЗВОРИ Тодор Анѓушев предупредува дека Македонија треба да спроведе паметна стратегија appeared first on plusinfo.mk.