Во неделата на неколку плажи долж централниот дел на Португалија се појавиле ретки облаци наречени „roll clouds“ или облаци  „volutus“, јави Португалскиот Институт за Море и Атмосфера. Се чини дека несекојдневните летни температури низ Европа, кои наместа достигнаа и до 42 степени, го предизвикаа овој феномен.

Облаците се појавиле напладне поради контрастот помеѓу топлиот копнен воздух и посвежиот морски ветер. Облакот, налик на ролна, се движел хоризонтално, носејќи силен ветер што ги изненадил сончарите долж брегот меѓу Пениќе и Повоа де Варзим, јавува ПортугалЊуз.

Облаците „во ролна“, иако визуелно драматични, не се поврзани со земјотреси или со цунами, но сепак може да донесат засилен ветар на брегот.

Топлотниот бран во Португалија предизвика нестабилни атмосферски појави како поројни дождови, громови, град и силен ветер во внатрешноста на земјата.

It was nuts to have experienced this rolling cloud in the north of Portugal. Felt like a tsunami out of a movie!
Apparently it was 150km long, stretching from Figueira da Foz all the way up to Vila do Conde, which is close to where I was. pic.twitter.com/BOnr4knsJe

— Helder (@HelderHP) June 30, 2025

This cloud rolled in like an actual tsunami over Portugal.

It’s actually called a roll cloud.pic.twitter.com/0MA27DS4ia

— Massimo (@Rainmaker1973) June 30, 2025

Топлотниот бран во Италија донесе обилни врнежи од дожд, но и поплава и свлекување на земјиштето во е град блиску до границата со Франција. Од поплавата биле спасени десетина лица, а загина 70-годишен маж.  а однесе и еден човечки живот.

Massive flash flood due to heavy rain in Bardonecchia of Piedmont region, Italy (30.06.2025) pic.twitter.com/nxwaBozqiS

— Disaster News (@Top_Disaster) June 30, 2025

Низ земјата се забележани и неколку бури, но и пожари. Во Болоња, пак, починал 47-годишен маж откако му се слошило поради високите температури.

Во Франција се очекува температурите да достигнат и 41 степен Целзиусов, на неколку локации има пожари, а поради топлотниот бран, некои атракции, како Ајфеловата кула, се затворени за јавноста.

The post 📽️ ВАКВИ „РОЛНИ“ ОБЛАЦИ ВО ПОРТУГАЛИЈА НИКОГАШ НЕМАЛО Топлотниот бран донесе поплави низ Европа appeared first on plusinfo.mk.

На 10, 11 и на 12 јуни 2025 година, светот сведочи еден редок и визуелно спектакуларен небесен настан кај народот познат како „Месечина на јагодите“ или „Розова месечина“. Но, оваа година, таа не е обична: ова е најниската полна месечина на небото од 2006 година и нема повторно да се случи до 2043 година.

Полниот месечев диск достигнува врв на осветленост на 11 јуни утрото пред изгрејсонце, но ќе биде забележлив и вечерта 11 за 12 јуни.

 Зошто оваа појава е толку ретка?

Феноменот се должи на природниот 18.6-годишен астрономски циклус кој е карактеристичен по долгото задржување на Месечината (Major Lunar Standstill). Во овој период, патеката по која се движи Месечината на небото го достигнува својот најјужен (или најсеверен) екстрем, при што во летните месеци полната месечина изгрева и останува многу ниско на небото, објави Earth Sky.

Во Северната хемисфера, оваа јунска полна месечина ќе го следи истото плитко трасирање како и Сонцето во декември, оставајќи ја ниско над хоризонтот во текот на целата ноќ. Оваа појава е астрономски ретка и визуелно силна – не само поради нејзината позиција, туку и поради нејзиниот златно-портокалов сјај, што настанува кога светлината од Месечината минува низ погуста атмосфера.

Зошто се вика Месечина на јагодите или „розова“ месечина?

Името „Месечина на јагодите“ не значи дека Месечината ќе биде розова или црвена. Тоа потекнува од староседелските народи на Северна Америка, особено племињата Алгонкин, кои ја користеле оваа месечина како сигнал дека е време за берење на дивите јагоди.

Денес, името се задржало како поетски симбол за летниот почеток, а астрономи и љубители на небото ширум светот го користат за оваа јунска полна месечина.

Исто така, се смета дека оваа појава се нарекува и Розова месечина по вид розово цвеќе што обично цвета во раната пролет.

Ами Ниескенс од „Алманахот на стариот фармер“ објаснува дека априлската полна месечина се нарекува Полна розова месечина затоа што се совпаѓа со појавата на приземниот флокс, познат и како „розов мов“ – еден од првите весници на пролетта. Таа додава дека оваа месечина е позната и под други имиња што го најавуваат пролетниот период, како што се Месечина на ртењето на тревата, Месечина на јајцата и Рибја месечина.

Многу од традиционалните имиња на полната месечина потекнуваат од културата на староседелските народи од Северна Америка. За нив, месечевите фази биле важен природен календар, еднакво значаен како и годишниот сончев циклус на кој се темели денешниот грегоријански календар.

Што се гледа?

Покрај ниското трасирање, оваа Месечина ќе биде визуелно збогатена со неколку дополнителни фактори:

• Лунарна илузија – Поради ниската позиција, нашето око ја перцепира Месечината како многу поголема отколку кога е високо на небото.
• Златно-жолта боја – Атмосферската рефракција и густината на воздухот во ниските слоеви создаваат ефект сличен на зајдисонце.
• Астрономска двојка – Месечината ќе се наоѓа блиску до ѕвездата Антарес, црвениот „срцев удар“ на соѕвездието Шкорпија, што ќе создаде драматичен контраст на небото.

Небесна сцена што не се пропушта

Ако се водиме според астрономите, вакви појави треба да се гледаат не само со очи, туку и со свест. Бидејќи ова е единствен момент од 2006 година, па наваму, таа не е само визуелно привлечна, туку е и научно вредна за разбирање на цикличноста на небото.

Следната ваква месечина, која ќе биде толку ниско на небото, ќе се случи дури во 2043 година.

Како вчера, оваа вечер, исто така, можете да излезете и да погледнете нагоре, ве очекува прекрасна глетка.

The post РОЗОВА МЕСЕЧИНА НА МАКЕДОНСКОТО НЕБО Каков е овој редок феномен што се појавува еднаш на 18 години? appeared first on plusinfo.mk.

Уште не е познато што го предизвика големиот прекин на електрична енергија од Мадрид до Лисабон, но според претседателот на Европскиот Совет, Антонио Кошта, во овој момент нема индикации дека се работи за сајбер-напад.

Би-Би-Си напиша дека нормализирањето на мрежата во Португалија може да потрае и до една недела. Медиумот се повикува на соопштение на португалската национална електроенергетска компанија РЕН, која вели дека се работи за сложена операција и дека е потребно ребалансирање на протокот на струја на меѓународно ниво.

Португалската национална електроенергетска компанија исто така обвини дека прекините се резултат на „дефект во шпанската електрична мрежа“. Оттаму велат дека хаваријата е поради „редок атмосферски феномен“, но не појаснуваат што значи тоа, пренесува Би-Би-Си.

Претходно, шефот на шпанската електрична мрежа рече дека обновувањето на електричната енергија може да потрае меѓу шест и 10 часа.

Oд друга страна, во ажурирано соопштение, „Red Electrica“, електроенергетската компанија на Шпанија вели дека напонот е обновен во одредени трафостаници во областите на север, југ и запад од земјата.

„Продолжуваме да работиме со сите ресурси за да постигнеме што поскоро обновување на снабдувањето на целата територија“, велат од „Red Electrica“.

Во меѓувреме, властите во ЕУ се во контакт со Мадрид и со  Лиасбон и со мрежните оператори.

– Комисијата ќе продолжи да ја следи ситуацијата и ќе се погрижи да има непречена размена на информации – рече портпаролот на извршната власт на ЕУ.

Португалскиот премиер Луис Монтенегро повика на трпение додека службите за итни случаи работат на враќање на енергијата во земјата во наредните часови, според коментарите објавени од дневните весници „Публико“ и „Диарио де Нотицијас“, пренесува „Гардијан“.

Монтенегро исто како и Кошта рече дека нема индикации дека прекинот е предизвикан од сајбер-напад, но истакна дека е премногу рано да се отфрли какво било сценарио. Тој посочи и дека дефектот на мрежата „не бил предзивикан во Португалија“, при што, како што вели, земјата беше погодена поради проблемот во Шпанија.

Поради хаваријата откажан е и Мутуа Мадрид Опен (Mutua Madrid Open), еден од најпознатите и најголеми светски тениски турнири, кој се одржува секоја пролет во Мадрид. Организаторите соопштија дека се откажани и дневната и ноќната програма на настанот.

Големи региони на Иберискиот Полуостров уште се без струја. Делови од метрото во Мадрид беа евакуирани, а семафорите во градот престанаа да функционираат.

The post РЕДОК ФЕНОМЕН, САЈБЕР-НАПАД ИЛИ НЕШТО ТРЕТО? Проблемите со струјата во Португалија може да траат со денови appeared first on plusinfo.mk.

Денеска имаше делумно затемнување на Сонцето кое беше видливо од делови од Европа, Северна Америка и од Африка.

Околу 20 отсто од површината на Сонцето над Европа беше покриена од Месечината, но поради облаците на небото не можеше јасно да се види.

Делумното затемнување беше видливо од источниот брег на Северна Америка, Гренланд, од поголем дел од Европа, северна Русија и пд делови од северозападна Африка.

Од Балканот овој феномен беше речиси незабележлив.

За разлика од Европа, во делови од Северна Америка затемнувањето зафаќа значително поголема површина на Сонцето.

Целосното затемнување на Месечината се случи помеѓу 13 и 14 март.

Жителите на Северна Америка имаа можност да набљудуваат целосно затемнување на Сонцето на 8 април минатата година.

The post ДЕНЕСКА СОНЦЕТО ДЕЛУМНО СЕ ЗАТЕМНИ Еклипсата најмногу видлива во САД, на Балканот незабележлива appeared first on plusinfo.mk.

Планетите Венера, Марс, Јупитер, Сатурн, Нептун и Уран ќе се наредат во една оска во редок астрономски феномен кој ќе се случи идната недела. Најдобро време да се набљудува како планетите кои ќе „парадираат“ ќе биде по 21 јануари и пред 21 февруари.

Се чини дека новата 2025 година ни приреди спектакуларен почеток. Нема да мора да чекате долго за сите шест планети да бидат на небото. Оддалечете се од градските светла кога небото е ведро. Најдобро е да се отиде во природа, далеку и од приградските населби.

Планетите треба да бидат таму веднаш штом ќе зајде сонцето. Кога ќе се стемни, ќе имате само неколку часа да ги набљудувате пред Венера, Сатурн и Нептун да зајдат под хоризонтот за таа вечер. Ова важи без разлика на локацијата, па каде и да сте, сè се случува во исто време.

За далечни планети како Уран и Нептун ќе ви биде потребна опрема за да ги видите. За Уран доволен е телескоп кој зголемува 20 до 50 пати, додека за да ги видите прстените на Нептун ќе ви треба зголемување од 150 пати. Телескопот можете да го искористите и да го видите Сатурн во сета негова слава.

Во текот на последните неколку дена од февруари, ќе се појави Меркур и парадата ќе се зголеми на седум планети. Ова најдобро ќе биде видливо веднаш по заоѓањето на сонцето и ќе биде потешко да се забележи додека сонцето сè уште е на хоризонтот затоа што неколку планети ќе бидат доста блиску до сонцето.

The post СЛЕДНАТА НЕДЕЛА „КОЦКИТЕ ЌЕ СЕ СПОЈАТ“ НА НЕБОТО Шест планети се редат за спектакуларен вовед во новата година appeared first on plusinfo.mk.

Ватикан ги призна „бројните позитивни плодови“ што се случуваат во Меѓугорје, светски познато место за аџилак во Босна и Херцеговина, меѓутоа не сака да го коментира натприродниот феномен поврзан со тврдењата на луѓе кои велат дека на местото им се појавува Богородица и им испраќа пораки.

Во Белешката за духовното искуство поврзано со Меѓугорје, потпишана од кардиналот Виктор Мануел Фернандез, раководител на Дикастеријата за доктрина на верата, се наведува дека позитивната оценка на повеќето пораки од Меѓугорје „не подразбира изјава за директно натприродно потекло“.

Ватикан Њуз додава дека нотата на Дикастеријата, која официјално беше одобрена од папата Франциско, ги разгледува и главните аспекти на пораките, почнувајќи од пораката за мир сфатена не само како отсуство на војна, туку и во духовната, семејната и социјалната смисла, најоригиналната титула што Богородица си ја припишува е, имено, Кралица на мирот.

„Овој аспект е подобро разбран во екуменскиот и меѓурелигискиот контекст на Босна и Херцеговина, обележан со страшна војна со силни религиозни елементи“, се вели во документот.

Предупредување за лажните пророци Документот, исто така, предупредува против лажните пророци и ги споменува таквите пораки.

„Оние кои прават катастрофални предвидувања се лажни пророци“, се наведува во текстот.

На крајот, дикастеријата ги охрабрува оние што одат во Меѓугорје „да прифатат дека не се оди на аџилак за да се сретнат со наводни гледачи, туку да се сретнат со Марија, кралицата на мирот“.

Феноменот Меѓугорје е поврзан со тврдењата на шест лица дека од 1981 година Богородица им се појавува на тоа место во Херцеговина и испраќа пораки за мир, поради што ја нарекуваат Кралица на мирот. Ватикан формираше специјална комисија која го достави својот извештај за феноменот Меѓугорје до папата Франциско.

Во меѓувреме, за оваа парохија беше назначен специјален папски пратеник. Од почетокот на феноменот до денес, 50 ​​милиони аџии го посетиле Меѓугорје.

The post НА ВАТИКАН НЕ МУ СЕ ВЕРУВА Богородица им се јавува на верниците во Меѓугорје? appeared first on plusinfo.mk.

Месечината, нашиот најблизок сосед во Сончевиот систем, полека се оддалечува од Земјата, што би можело да има значително влијание врз нашиот секојдневен живот.

Истражувањето спроведено на Универзитетот во Висконсин-Медисон покажа дека Месечината секоја година се оддалечува од Земјата за 3,82 сантиметри. Според истражувањето предводено од професорот по геонаука Стивен Мејерс, ова може да резултира со зголемување на должината на деновите на Земјата во далечна иднина, пишува Mirror.

„Како што Месечината се повлекува, Земјата е како лизгач на мраз кој забавува додека ги шири рацете“, објасни Мејерс, додавајќи: „Нашата амбиција е да ја користиме астрохронологијата за да го одредиме времето во најдалечното минато и да развиеме многу стара геолошка временска вага“.

Иако ќе помине долго време пред да почувствуваме значителна разлика, со сегашната стапка на повлекување на Месечината, нашите денови би можеле да бидат долги 25 часа за 200 милиони години. Овој процес може да изгледа бавен, но неговите долгорочни последици би можеле да бидат далекусежни.

Покрај ова откритие, научниците неодамна пронајдоа пештери на Месечината кои би можеле да направат револуција во идните патувања и животот на Месечината. Екстремните климатски и температурни услови на површината на Месечината отсекогаш биле проблем за експертите кои се обидувале да го овозможат човечкиот живот на небесното тело, но пештерите под површината би можеле да дадат потенцијално решение.

Друга значајна вест доаѓа од неодамнешната експедиција која откри траги од вода во почвата на Месечината. Овие откритија би можеле да имаат големо влијание врз науката, идните мисии и можноста за долгорочно човечко живеење на Месечината.

The post МЕСЕЧИНАТА ПОЛЕКА СЕ ОДДАЛЕЧУВА ОД ЗЕМЈАТА Научниците ги соопштија последиците од ваквиот феномен appeared first on plusinfo.mk.

Американската поп ѕвезда ја започна својата турнеја „Ерас“ во Велика Британија со 3 концерти во шкотската престолнина Единбург, на кои од петокот до неделата присуствуваа над 200.000 обожаватели.

 

View this post on Instagram

 

A post shared by Taylor Swift (@taylorswift)

Секој концерт го соборуваше рекордот за најпосетен концерт на стадион во историјата на Шкотска, а БГС забележа земјотреси за време на концертите. БГС, исто така, откри дека „најзначајната сеизмичка активност на ноќта“ се случила за време на омилените песни на фановите Ready For It?, Cruel Summer и Champagne Problems.

Публиката за време на песната Ready For It? пренела приближно 80 киловати енергија, што одговара на приближно 6.000 автомобилски акумулатори.

Ова не е првпат Тејлор Свифт да ги натера своите обожаватели да ја „затресат земјата“ бидејќи нејзините концерти во Сиетл во САД во јули минатата година создадоа сеизмичка активност еквивалентна на земјотрес со јачина од 2,3 степени.

По Единбург, „свифтманија“ се упатува кон Ливерпул во северозападна Англија, после што следуваат настапи во Кардиф, во Велс и на лондонскиот стадион Вембли.

Според истражувањето на Баркли во мај, турнејата се очекува да ја поттикне економијата на Обединетото Кралство за речиси 1 милијарда фунти (1,3 милијарди долари). Се проценува дека речиси 1,2 милиони фанови ќе потрошат 848 фунти за билети, патувања, сместување и сувенири.

– Возбудливо е да се истражува сеизмичката активност предизвикана од дру вид на феномен. Очигледно, шкотската публика и понатаму е публика со најголем ентузијазам – рече сеизмологот на БГС, Калум Харисон.

The post 📽 ТЕЈЛОР СВИФТ ПРЕДИЗВИКУВА ЗЕМЈОТРЕСИ, АМА БУКВАЛНО?! Регистрирана сеизмичка активност на 6 километри од местото на концертот во Единбург appeared first on plusinfo.mk.

Софија од Лесковац, Србија, има три години и „три вида“ коса.

Ако се гледа од напред – нејзината коса е кафена и права, во профил од едната страна девојчето има големи кафеави локни, а на другата страна на лицето, покрај кафените прамени, ќе видите и руси, ситни, или како што некои ги нарекуваат – „афро“ кадрици, објави „Н1“.

Нејзината мајка раскажува дека оваа необична коса почнала да расте по првиот роденден на Софија.

Прочитајте повеќе на „Мајка и дете“.

The post РЕДОК ФЕНОМЕН КАЈ ТРИГОДИШНО ДЕТЕ На девојче од Србија му растат три вида коса appeared first on plusinfo.mk.

Во Македонија највисока максимална температура на воздухот е измерена во Демир Капија од 45,7 степени Целзиусови на 24 јули 2007 година, а во Скопје највисоката измерена температура била 43,4 степени. Дали ова лето ќе бидат соборени овие рекорди? Одговори на овие прашања побаравме од метеопрогнозерот Славчо Попоски, како и од Управата за хидрометеоролошки работи.

– Според податоците кои ги имаме не значи дека пред нас е екстремно топло лето. Напротив, според долгорочните прогнози со кои располагаме ќе имаме нормално топло лето, што значи дека нѐ очекуваме некои долготрајни топлотни бранови. Секако топлотните бранови ќе ги има и тие ќе условуваат многу високи температури на воздухот, но ќе траат пократко за разлика од изминатите години – вели Попоски за Плусинфо.

Тој истакнува дека тука се и временските непогоди кои ќе бидат честа појава и ова лето, особено во јули и во август кога би можело да има и поголеми временски непогоди и натпросечно количество на врнежи за тие месеци.

– Да го спомнеме метеоролошкиот феномен „Ла Ниња“ кој особено ќе добива на интензитет кон крајот на ова лето. Тој носи пониски температури и го лади европскиот континент. Токму поради овој метеоролошки феномен во иднина ќе има повеќе врнежи кај нас – додава метопрогнозерот.

Од Управата за хидрометеоролошки работи за Плусинфо информираат дека со голема веројатност се очекува дека летото 2024 ќе биде топло и суво.

– Според анализите за целиот југоисточен регион на Европа, се очекува летните температури да достигнат натпросечни вредности. За територијата на Република Северна Македонија постои многу голема веројатност за надминување на температурите од многугодишните просечни вредности. Надминувањето на температурите може да достигне и до 3 степени Целзиусови речиси на целата територија – информираат од УХМР.

Оттаму истакнуваат дека најголемото позитивно отстапување на температурата на воздухот од повеќегодишните просеци за оваа сезона се очекува да биде во јули.

– Несигурноста кај регионалните прогнозирања за врнежите е секогаш поголема во однос на температурата. Ако се набљудува медитеранскиот регион тогаш нема јасен сигнал за врнежите и можеме да кажеме дека ќе бидат просечни. Но доколку се ограничиме на регионот на југоисточна Европа, тогаш локалните фактори и локалната варијабилност на регионално ниво со поголема веројатност ни дава сигнал за намалување на врнежите во однос на повеќегодишниот просек. Се очекува целиот југоисточен регион на Европа да има врнежи под просечните – велат од Управата.

Во јули, според прогнозите се очекува да биде и најголемото негативно отстапување на врнежите за оваа сезона.

– Во планинските делови постои голема веројатност дека просечните врнежи ќе бидат надминати поради епизоди на засилена конвекција и појава на обилни врнежи. Многугодишниот просек (1981-2010) за температурите на воздухот во летната сезона се движат од 16 степени Целзиусови во планинските предели до 25,3 степени измерени во Гевгелија. Врнежите во овој период се во границите од 23,9 mm измерени во метеоролошката станица во Штип до 96,7 mm во Маврово – велат од УХМР.

Во многугодишниот просек (1981-2010) на температурата на воздухот во Скопје за јуни, јули и август изнесува 21,9, 24,2 и 23,9 степени.

Најтопол ден во земјава е регистриран на 5 јули 2000 година во Гевгелија со средно дневна температура од 34,7 Целзиусови степени, додека во Скопје тоа било на 24 јули 2007 со температура од 32,6 Целзиусови степени.

Многугодишната (1981-2010) просечна количина на врнежи во Скопје за јуни, јули и август изнесува 44 mm, 37,6 mm и 34,4 mm, соодветно.

– Сезонскиот изглед на времето е научен пристап кој овозможува информации за климатските карактеристики за неколку месеци или сезони однапред. Во претстојната летна сезона секако постои веројатност да се јават периоди со исклучително топло и сушно време, како и веројатност за изразени негативни отстапувања од вообичаените средни вредности на температурата, но и влажни продори. Повремено може да доминираат субсезонски варијации, кои не се предвидливи долго време однапред, па затоа силно се препорачуваат редовно ажурирање на прогнозата. За дополнителни и навремени информации потребно е редовно следење на подеталните краткорочни прогнози, кои редовно и вонредно ги издава Управата за хидрометеоролошки работи – велат од Управата.

Владата вчера одржа вонредна седница по најавите дека денеска и утре Гевгелија, Богданци, Валандово и Дојран ќе бидат зафатени од високи температури од портокалова фаза, и донесе соодветни препораки.

Владата ги усвои препораките од Министерството за здравство за намалување на ризиците од високите температури, согласно Акцискиот план на Министерството за превенирање на последиците од топлотните бранови врз здравјето на населението за територијата на овие градови. Се препорачува ослободување од работните обврски на најранливите групи население, односно бремените жени и лицата на возраст над 60 години.

The post ПРЕД НАС Е ПЕКОЛНО ЛЕТО Температурата ќе биде за 3 степени над просечната, но ќе има и поројни дождови appeared first on plusinfo.mk.