Кошаркарскиот натпревар меѓу Панатинаикос и Фенербахче, кој заврши со победа на грчкиот гигант (81:77), остави горчлив вкус поради навредливата атмосфера на трибините. Тренерот на гостите, Ергин Атаман, кој е и селектор на турската репрезентација, по мечот експлозивно реагирал на песната што десет илјади домашни навивачи ја пееле навредувајќи ја неговата мајка.

– Многу сум лут! Тие луѓе, десет илјади од нив, пееја песна за мојата мајка, која има 87 години. Тоа не е во ред. Горд сум што сум селектор на Турција – изјави Атаман.

Неколку часа подоцна, познатиот турски новинар Мурат Муратаноглу јавно возврати со жестока критика.

– Жал ми е што Атаман не го кажуваше истото кога беше тренер на Галатасарај. Тогаш не реагираше кога некои луѓе ја пцуеја мајка ми, која го носеше дресот на истиот клуб. Неговата мајка е мајка, а мојата не е? – рече Муратаноглу.

Тој потсети дека непристојностите на трибините не се нов феномен во турската кошарка, туку резултат на долготрајни лични и спортски пресметки. Муратаноглу и Атаман одамна имаат медиумска „војна“ од времето кога Ергин работеше во Турција. Двајцата често се судираа преку изјави и јавни коментари.

Муратаноглу додал дека мајките и татковците се свети личности и дека ваквите напади ги деградираат спортските вредности.

– Мајките се нешто свето. Никој родител не заслужува вакви навреди. Наместо тоа, Атаман можеше да зборува и за судењето, кое беше контроверзно – заврши новинарот.

The post „ЛУТ СУМ, 10.000 ЛУЃЕ ЈА ПЦУЕЈА МАЈКА МИ“ Турските трибини отворија стара рана меѓу Атаман и Муратаноглу appeared first on plusinfo.mk.

Турскиот фудбалски гигант Фенербахче објави денеска дека ја прекинува соработката со португалскиот тренер Жозе Мурињо, два дена откако клубот од Истанбул беше елиминиран од Бенфика во плејофот за пласман во Лигата на шампионите.

„Му се заблагодаруваме за неговата досегашна работа со нашиот тим и му посакуваме многу успех во неговата идна кариера“, објави турскиот клуб.

Португалскиот тренер Мурињо, кој дојде во Истанбул од почетокот на сезоната 2024/2025, втора сезона не успеа да го одведе Фенербахче до групната фаза во Лигата на шампионите.

По ремито 0-0 во првиот натпревар против Бенфика, турскиот тим во средата вечер загуби со 1-0 на реваншот во Лисабон и ќе ги продолжи настапите во Лига Европа.

The post ФЕНЕРБАХЧЕ ГО ОТПУШТИ МУРИЊО Португалецот киксна во Лисабон appeared first on plusinfo.mk.

Жозе Мурињо и Столе Димитриевски во иста екипа – звучи како сценарио што би ги возбудило македонските љубители на фудбалот.

Турскиот великан Фенербахче сериозно го посакува македонскиот репрезентативен голман во своите редови.

Димитриевски во последно време речиси и да не добива шанса во Валенсија, што предизвикало разочарување и желба да ја смени средината.

Прв кој официјално се обидел да го привлече е токму Фенербахче, а покрај него, интерес покажале и Лил од Франција и Џенова од Италија.

Сепак, турскиот клуб засега е најупорен во намерата да го обезбеди неговиот потпис.

The post МУРИЊО ГО САКА ДИМИТРИЕВСКИ Фенербахче тргна по македонскиот голман appeared first on plusinfo.mk.

Турскиот фудбал е повторно во центарот на вниманието по голем скандал што избувна откако во јавноста се појавија ВатсАп-пораки меѓу членови на Дисциплинската комисија, кои водат отворени разговори за Жозе Мурињо и клубот Фенербахче.

Содржината на пораките, кои алудираат на планирани санкции или „одмазда“ кон португалскиот тренер во претстојната сезона, предизвика бурни реакции во јавноста и доведе до оставки.

Претседателот на Професионалната дисциплинска комисија, заедно со неколку други функционери, поднесоа неотповикливи оставки откако случајот излезе на виделина.

Контроверзијата доаѓа само неколку недели по јавните критики што Мурињо ги упати на сметка на Турската фудбалска федерација и организаторите на лигата. Тој отворено зборуваше за серија судиски одлуки што, според него, директно го оштетиле тимот од Истанбул во клучни натпревари од сезоната.

Фенербахче не остана рамнодушен – клубот експресно реагираше преку своите официјални канали, барајќи итна реакција и одговорност од институциите. Во обраќањето се наведува дека станува збор за „сериозно нарушување на фер-плејот и директен удар врз кредибилитетот на лигата и интегритетот на натпреварувањето“.

Случајот предизвика лавина од реакции меѓу фудбалската јавност, а многумина бараат темелна истрага за да се утврди дали навистина постоела организирана намера за влијание врз одлуките кои можат да влијаат врз резултатите и судбината на клубовите во елитната турска лига.

Tarafsızlık sorgulanıyor: PFDK Üyelerinin ifşa olan yazışmaları hakkında

Bugün kamuoyuna yansıyan ve Profesyonel Futbol Disiplin Kurulu üyelerine ait olduğu iddia edilen yazışmalar karşısında kulübümüz Türkiye Futbol Federasyonu’na resmi başvurusunu yapmıştır.
Tarafsızlık… pic.twitter.com/9KWzJiJoGa

— Fenerbahçe SK (@Fenerbahce) June 17, 2025

The post ГОЛЕМ СКАНДАЛ ВО ТУРСКИОТ ФУДБАЛ Мурињо во центарот на вниманието appeared first on plusinfo.mk.

Менаџерот Жозе Мурињо и турскиот клуб Фенербахче ќе го објават крајот на соработката во следните неколку дена, објавија турските медиуми.

Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за раскинување на договорот.

Португалецот ги презеде „жолто-црните“ минатото лето, но тимот под негово водство не освои ниту еден трофеј. Во турското првенство беа втори зад нивниот најголем ривал Галатасарај.

Покрај тоа, Мурињо е во постојан конфликт, како со судиите, така и со службените лица од други клубови, што предизвика гнев кај навивачите и новинарите и го наруши угледот на турскиот фудбал.

The post МУРИЊО РАСКИНА СО ФЕНЕРБАХЧЕ Познатиот тренер бара 15 милиони евра appeared first on plusinfo.mk.

Тренерот на Фенербахче, Жозе Мурињо, повторно стана тема на дискусија откако на прес-конференцијата по натпреварот против Ренџерс во Лига Европа со своето однесување предизвика мешани реакции.

Додека еден турски новинар му поставуваше прашање, португалскиот стратег делуваше незаинтересирано и во еден момент дури и се преправаше дека спие, потпирајќи ја главата на раката.

Видно изнервиран од долгото прашање, тој кратко прокоментира: „Ова е премногу за мојата глава. Уморен сум“.

Оваа негова постапка брзо стана вирална на социјалните мрежи, а фановите на Фенербахче не беа воодушевени од однесувањето на нивниот тренер, особено по разочарувачкиот резултат – пораз од 1:3 во првиот натпревар.

Многумина го обвинија за непочитување кон медиумите, додека други го бранеа, велејќи дека тоа е дел од неговата препознатлива харизма.

Без разлика дали реакцијата на Мурињо беше само моментална фрустрација или дел од неговиот добро познат театар, јасно е дека неговото име повторно доминира во фудбалските кругови.

José Mourinho pretended to fall asleep after this journalist took too long to ask him a question

@tntsports & @discoveryplusUK pic.twitter.com/1nsy3N4nJV

— Football on TNT Sports (@footballontnt) March 6, 2025

The post 🎥 МУРИЊО ЗАСПА НА ПРЕС-КОНФЕРЕНЦИЈА Португалецот ги налути фановите, ама и новинарите appeared first on plusinfo.mk.

Станува збор за словачкиот интернационалец Милан Шкриниар, кој од ПСЖ се сели во Истанбул.

Шкриниар беше промовиран во авионот во кој од Париз требаше да лета кон Истанбул, за да го комплетира потписот на договорот.

Со тоа Жозе Мурињо добива екстра засилување за вториот дел од сезоната.

The post 📷 ШКРИНИАР ПРОМОВИРАН ВО АВИОН Жозе Мурињо доби големо засилување appeared first on plusinfo.mk.

Португалецот Кристијано Роналдо нема да стане нов фудбалер на Фенербахче, тврди тренерот на овој клуб Жозе Мурињо, цитиран од турските медиуми.

„Специјалниот“ во свој стил изјави дека неговиот сонародник може да дојде во Истанбул само да го види и дека нема врска со трансферот, со што ги демантираше информациите кои се појавија во саботата.

– Кристијано Роналдо може да дојде во Истанбул да се одмори на пат за Португалија, бидејќи тоа е на половина пат. Или може да се качи во приватен авион и да дојде во Турција и да руча со својот стар пријател Жозе Мурињо – рече тренерот на Фенер.

Мурињо рече и дека „на оние кои пишуваат дека ќе стане нов играч на Фенербахче, можам само да им кажам дека се целосно несвесни за глупостите што ги пишуваат, а можеби и уживаат да објавуваат такви глупости“.

Во последното коло од турскиот шампионат Фенербахче победи против Кајзери со 6:2 и тоа беше на гости, а Мурињо и по тој натпревар покажа каков перфекционист е.

– Ако Фенер играше како што сакам јас, немаше да победиме со 6:2, туку 8:0 и немаше да дозволиме ривалот да дојде до 3:2 по 3:0 – изјави Мурињо.

The post РОНАЛДО МОЖЕ ДА ДОЈДЕ НА РУЧЕК ВО ФЕНЕРБАХЧЕ Мурињо го демантираше наводниот трансфер на Португалецот appeared first on plusinfo.mk.

По натпреварот, Фенербахче излезе со соопштение во кое, особено, го нарекоа вработениот во Гезтепе кој го турна „фудбалски терорист“. И се пожали дека против него не е преземено ништо.

„Кој му дава храброст на овој човек кој не се двоуми да изврши злосторство пред милиони луѓе и да го напушти стадионот без да преземе ништо против него?“,  прашуваат од Фенербахче.

Натпреварот помеѓу Гезтепе и Фенербахче заврши нерешено 2:2.

Ali Koç’u iten Göztepe yetkilisiymiş.. Kafana göre stad basar, sahaya inersen bir babayiğit de çıkar böyle haddini bildirir.pic.twitter.com/pcn1Mi6XY1

— pep (@sinyorpep_) August 17, 2024

The post 📽️ НОВ СКАНДАЛ ВО ТУРСКИОТ ШАМПИОНАТ Со шише нападнат претседателот на Фенербахче appeared first on plusinfo.mk.

Во 7. минута Белхаѓ ги разочара навивачите на Фенербахче. Да го искористеше зицерот Беслими во 25. минута, којзнае како ќе завршеше овој двомеч за избраниците на Жозе Мурињо.

Сепак, во продолжение домаќините се активираа, Душан Тадиќ го одигра целиот меч и имаше силно влијание врз конечниот исход, но клучен беше Един Џеко. По центаршутот на Хакан Јандас, тој во свој стил ја погоди мрежата за израмнување, па Себастијан Шимански за триумф го искористи додавањето на Тадиќ.

Во третото коло Фенербахче ќе игра против подобриот од натпреварот помеѓу Партизан и Динамо Киев.

Резултати квалификации:

Карабак – Линколн 5:0
Петрокаб – АПОЕЛ 1:1
Фенербахче – Лугано 2:1
Спарта Прага – Шамрок 4:2
ТНС – Ференцварош 1:2

Во тек:

Слован Братилсава – НК Цеље 4:0
Клаксвик – Малме 1:2.

The post ЏЕКО И ТАДИЌ СЕ ХЕРОИ Фенербахче се пласираше во третото коло од квалификациите за Лигата на шампионите appeared first on plusinfo.mk.