Основното јавно обвинителство Скопје синоќа донесе Наредба за спроведување истражна постапка против 51-годишник за кого постои основано сомнение дека извршил кривично дело – Убиство според член 123 став 2 точка 2 од Кривичниот законик.

„На 25 јуни, во атарот на селото Летевци, при вршење семејно насилство, тој со умисла ја лишил од живот неговата сопруга. Осомничениот вечерта со автомобил ја зел жената од нејзиното работно место, ја однел во тешко пристапен терен каде физички ја нападнал. Со дел од неговото тело силно ја притиснал на вратот, а истовремено и ги држел затворени устата и носот за да не може да дише. Жртвата пружала отпор и се бранела, но не успеала да се оттргне и се задушила и починала на лице место. Осомничениот го скрил нејзиното тело под гранки помеѓу дрвја, а утредента во полиција пријавил дека неговата сопруга е исчезната. На 27 јуни, на тројца познаници им кажал дека знае каде се наоѓа жената, бидејќи му се појавила во сон и му кажала каде да оди за да ја спаси. Сите со возило се упатиле кон локацијата каде го забележале телото на жената и пријавиле во полиција.

Јавниот обвинител оцени дека во конкретниот случај постојат околности кои укажуваат на опасност од бегство, можност осомничениот да ја попречува кривичната постапка со влијание врз сведоците, како и околности кои го оправдуваат стравот дека тој би можел да стори ново кривично дело. Во прилог на ова, обвинителството особено го имаше предвид видот и тежината на кривичното дело, како и начинот на неговото извршување кој вклучува претходен период на планирање, но и временски период по настанот во кој осомничениот го прикривал телото на оштетената, истовремено создавајќи привидна слика на загрижен сопруг кој активно учествува во нејзиното барање и обидувајќи се да си создаде алиби за да избегне кривичен прогон. Од тие причини, јавниот обвинител до судијата за претходна постапка од Основниот кривичен суд Скопје достави предлог за определување мерка притвор“ – се вели во соопштението на Јавното обвинителство.

УАПСЕН ЖИТЕЛ НА ТАОР ОСОМНИЧЕН ЗА УБИСТВО НА ПАРТНЕРКАТА Ја пријавил за исчезната, па рекол дека ја пронашол мртва

The post ПОБАРАН ПРИТВОР ЗА ОСОМНИЧЕНИОТ ЗА УБИСТВО НА СОПРУГАТА Рекол дека мртвата жена му се појавила во сон, па така ја нашол appeared first on plusinfo.mk.

55-годишната Македонка Милена Витанова е пронајдена мртва во својот дом со повеќе убодни рани во италијанскиот град Пјаченца.

Според италијанските медиуми, нејзиниот сопруг Хако Витанов во петокот  околу 15.30 часот телефонски ѝ признал на полицијата дека ја убил, по што избегал од местото на злосторството.

На местото брзо пристигнале карабинери, пожарникари и екипи на Итната медицинска помош. Станот бил заклучен, поради што пожарникарите морале да влезат преку балкон, каде што ја затекнале жената без знаци на живот.

Првичните полициски сознанија укажуваат дека жртвата имала повеќе убодни рани, како и тешки повреди на главата. Во близина на телото бил пронајден нож, за кој истражителите веруваат дека е користен во нападот.

Осомничениот убиев бил пронајден неколку часа подоцна на гробот на нивниот син Методиј, кој починал пред неколку години. Полицијата веднаш го привела.

Истрагата продолжува за да се утврдат мотивите и околностите на убиството.

Во моментот на трагедијата, децата на семејството не биле во станот и според информациите се наоѓаат на безбедна локација.

Случајот предизвика шок во Пјаченца и меѓу македонската заедница во Италија, каде што овој настан се доживува како уште еден брутален пример на семејно насилство со фатален исход.

The post МАКЕДОНКАТА МИЛЕНА ВИТАНОВА УБИЕНА ВО ИТАЛИЈА Сопругот го признал убиството, па побегнал на гробишта appeared first on plusinfo.mk.

Во италијанското селце Пјанело Валесина, во општината Монте Роберто кај Анкона, вчера попладне беше пронајдена мртва 49-годишната Саџиде Муслија, Македонка која со години живеела во регионот Марке. Таа лежела на креветот во својот дом со тешки повреди на главата и траги од крвничко тепање, а италијанските истражители веднаш ја отфрлија можноста за несреќа. Најверојатното сценарио, според првичните наоди, е дека жената била убиена од нејзиниот сопруг, Назиф Муслија, кој е во бегство и по кого полицијата интензивно трага, пренесуваат италијанските медиуми.

Околностите околу откривањето на телото само го засилија сомнежот. Вратата на домот била отклучена, со клучеви оставени во бравата, знак дека сторителот побрзал да избега. Алармот бил подигнат од нејзиниот работодавач, кој ја чекал на работа, а не можел да ја добие на телефон.

Кога карабинерите влегле во станот, ја нашле Саџиде на креветот, во локва крв, со целосно изобличено лице. Дежурниот судија, истражната единица од Анкона и крим-техника веднаш го обезбедиле местото на злосторството.

Истрагата брзо откри дека ова убиство не било изолиран чин, туку епилог на семејно насилство кое траело најмалку две години. Саџиде повеќепати пријавувала физичко и психолошко малтретирање, со сè потешки епизоди.

Најдраматичниот инцидент се случил на 12 април годинава, кога нејзиниот сопруг, убеден дека го изневерува, ја скршил вратата од спалната со секира. Жената бегала кај соседите, а само брзата интервенција на карабинерите спречила уште поголема трагедија.

Назиф бил уапсен и притворен, но во јули добил спогодба за признавање вина и бил ослободен. По извесен период на разделба, двојката повторно се вратила да живее заедно, во истиот дом каде што Саџиде беше најдена мртва.

Утрината кога се случило убиството, Назиф не се појавил на работа. Неговите колеги потврдиле дека го нема, а карабинерите откриле дека исчезнал без трага. Полицијата веќе ја активирала потрагата со патроли, специјални единици и контроли во околината.

Истрагата продолжува, а истражителите работат на реконструкција на последните часови од животот на Саџиде, вклучувајќи ја и временската линија на нападот кој се верува дека се случил меѓу вечерните и раните утрински часови.

Пјанело Валесина, мирно селце во срцето на Марке, е во длабок шок. Жителите ја опишуваат Саџиде како тивка, трудољубива жена која неколку пати барала помош и се надеваат дека бегството на сопругот ќе биде наскоро спречено.

Случајот останува отворен, а карабинерите продолжуваат интензивно да го бараат осомничениот.

The post 📽️ МАКЕДОНКА УБИЕНА ВО ИТАЛИЈА Жена брутално претепаната и најдена во локва крв, сопругот е во бегство appeared first on plusinfo.mk.

Италијанскиот парламент одобри нов закон со кој и формално се воведува фемицидот во кривичниот законик на земјата, со пропишана казна доживотен затвор.

Гласањето се совпадна со Меѓународниот ден за борба против насилството врз жените, ден одреден од Генералното собрание на ОН.

Поддржан од конзервативната влада на премиерката Џорџија Мелони, законот реагира на низа убиства и друго насилство насочено кон жените во Италија.

Исто така, законските измени вклучуваат построги мерки против родово базирани злосторства, како што се следењето и одмазничката порнографија.

Случаите со висок профил, како што беше бруталното убиство на студентката Џулија Чечетин во 2023 година, која ја избоде нејзиното момче, предизвикаа широко јавно негодување, протести и дебата за причините за насилство врз жените во патријархалната Италија.

– Го удвоивме финансирањето за центрите против насилство и засолништата, промовиравме телефонска линија за итни случаи и имплементиравме иновативни активности за образование и подигање на свеста. Ова се конкретни чекори напред, но нема да застанеме тука. Мора да продолжиме да правиме многу повеќе, секој ден – рече премиерката Мелони

Според италијанската агенција за статистика „Истат“ лани во Италија се случени 106 фемициди, од кои 62
се извршени од партнери или поранешни партнери.

The post КОЈ ЌЕ УБИЕ ЖЕНА, ЦЕЛ ЖИВОТ ЌЕ ПОМИНЕ ЗАД РЕШЕТКИ Италија го прогласи фемицидот за кривично дело казниво со доживотен затвор appeared first on plusinfo.mk.

Трагедијата што ја потресе Босна и Херцеговина има име. Убиената девојка во Мостар е 32-годишната Алдина Јахиќ од Калесија, млада економистка, истражувачка и поранешна студентка на Тузланскиот универзитет, пишуваа регионалните медиуми.

Алдина беше убиена од нејзиното поранешно момче, фудбалскиот судија Анис К. (33) во еден угостителски објект во Мостар. Настанот се случил вечерта на 16 ноември, во момент кога Алдина трчала да се спаси од прогонителот.

Според полицијата и локалните медиуми, осомничениот ја следел од автобуската станица, потоа го оставил автомобилот на околу 50 метри од ресторанот и влегол по неа. Девојката успеала да се засолни во тоалетот, каде што напаѓачот ја пронашол и пукал кон неа. Полицијата пристигнала за две минути, но веќе било доцна, јави „Вечерњи лист“.

• ФУДБАЛСКИ СУДИЈА ЈА УБИЛ СВОЈАТА ДЕВОЈКА ВО МОСТАР Се обидел да се самоубие, но пиштолот му заглавил

Меѓутоа, како што подоцна било потврдено, Алдина и порано добивала закани од поранешниот партнер, но не ги пријавувала. Според изјавата на дежурната обвинителка на кантонот, Весна Прањиќ, Алдина веројатно верувала дека заканите ќе останат само зборови.

– Кога тргнала на фитнес, тој ја пресретнал, ја нападнал физички и ѝ впреил пиштол. Таа се обидела да избега до хотелот, но тој влегол и ја убил – изјави Прањиќ.

Осомничениот, кој бил фудбалски судија на Првата лига на Федерацијата БиХ, во последните месеци легално пријавил пиштол, наведувајќи дека му се закануваат поради судиската работа. По убиството, наводно се обидел да си го одземе животот, но оружјето закочило. Уапсен е веднаш на лице место.

Осомничениот Анис К. е син на познат фудбалер од клубот Вележ.

Меѓу бројните пораки на луѓето кои се простуваат од Алдина на социјалните мрежи е и економостот Адмир Чавалиќ кој пишува:

„Алдина можеше да организира настан за 1.000 луѓе, да напише десетици (стручни) трудови, да говори пред преполна сала, течно на англиски, да зборува за БиХ и да се шегува. Можеше сè, така ја гледав. Но, вечерва не успеа да побегне. Оди понатаму, драга филозофке (Алдина). Рахмет на босанската душа, искрено сочувство до семејството Јахиќ“.

The post УБИЕНАТА АЛДИНА ВО МОСТАР БИЛА МЛАДА ЕКОНОМИСТКА Добивала закани од Анис, не ги пријавувала appeared first on plusinfo.mk.

Пратеничките од Клубот на пратенички во Собранието упатија заедничка реакција со која апелираат за доследно почитување на законите, како и за навремена и ефикасна реакција на институциите во случаите на насилство врз жените, особено при спречување и превенција на фемицидот.

„Ние едногласно ги поддржавме измените на Кривичниот законик со кои фемицидот се препознава и се третира како кривично дело. Бараме од надлежните институции да ги преземаат сите мерки за заштита на жртвите и превенција на фемицидот“, се вели во заедничката изјава.

Пратеничките остро ги осудија зачестените случаи на свирепо насилство врз жени и на фемицид. Оценија дека е неопходна целосна и сериозна ангажираност на сите релевантни институции.

„Фемицидот е најтежок облик на насилство врз жените само затоа што се жени. Жените мора да се чувствуваат безбедно и сигурно, а тоа треба да го обезбедат сите институции во државата“, порачуваат пратеничките.

Во реакцијата се посочува и дека судските органи мора да ја земат предвид Истанбулската конвенција, која е веќе ратификувана, како и измените во Кривичниот законик, кои се усогласени со оваа меѓународна обврска.

The post ПРАТЕНИЧКИТЕ БАРААТ ЕФИКАСНИ РЕАКЦИИ ПРИ НАСИЛСТВОТО ВРЗ ЖЕНИТЕ Институциите мора да работат заедно за да ги спречат фемицидите appeared first on plusinfo.mk.

Ова го покажува анализата на родово-базирани содржини „Фемицидот во македонските медиуми“ што ја изработи Институтот за комуникациски студии. Анализата покажува како медиумското известување за случаите на фемицид влијае на одржувањето на родовите стереотипи, опфаќајќи 300 новинарски извештаи за три посебни случаи за фемицид во Македонија и за фемицидот на Махса Амини во Иран од полицијата, објавени од септември 2022 до јануари 2023 година.

Во известувањето за случаите во Македонија не се препознава родовата компонента на убиствата на жените, ниту се зема предвид дека најголем дел од овие убиства се извршени од машки партнери или роднини, во домот во кој живее жртвата. Недостига анализа на општествено-политичкиот контекст во кој се одвива дејството на случаите и воопшто не се зема предвид улогата на институциите во спречувањето и заштитата од насилство, особено од фемицид.

И во известувањето за протестите во Иран директно не се поврзува насилството и бруталноста со последицата – смрт, а само неколку македонски медиуми му посветиле внимание на поширокиот контекст. За споредба, фокусот на медиумите низ Европа беше ставен на борбата за автономија врз сопственото тело и слободата над сопствениот живот, наметнувањето на репресивни регулативи врз женските тела, прекршувањето на човековите права преку родовото насилство и фемицидот и револуцијата за слобода и социјална правда.

Во новинарските извештаи речиси и не се употребува родово-сензитивен јазик. Извештаите директно не промовираат родови стереотипи, но сепак гласот на жртвата е во втор план, што всушност го одржува родовиот стереотип за инфериорноста на жената во општеството. Дополнително, најголем дел од медиумите употребуваат сензационалистички јазик, особено во кликбејт-наслови за да привлечат поголем број читатели, а кои се нечувствителни за суштината на случајот.

Известувањето најчесто има информативен карактер, без длабинско анализирање на случаите. Новинарските извештаи главно се генерички, фактографски и значително наликуваат или се идентични еден на друг. Изворите што ги користат се ограничени на соопштенијата на институциите, а дополнителни извори и статистика се користат многу ретко. Во голем дел од извештаите не се назначува изворот на информации и фотографии, не се почитува приватноста на личноста и постои сензационализам при информирање во случаи на несреќи и семејни трагедии.

Анализата на известувањето за фемицидите укажува на алармирачки ниското ниво на превентивна функција на медиумите за подигање на свеста кај граѓаните за сите форми на родово-базирано насилство, како и промовирање на родовата еднаквост и елиминирање на стереотипите за родовите улоги, која е и законски одредена.

Медиумската анализа е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија“, кој се реализира со поддршка на Британската амбасада во Скопје.

The post МАКЕДОНСКИТЕ МЕДИУМИ НЕ ГО ПРЕПОЗНАВААТ ФЕМИЦИДОТ Анализа на содржините за родово-базирано насилство appeared first on plusinfo.mk.

Во пресрет на Меѓународниот ден против насилството врз жените (25 ноември), објавени се резултатите од истражувањето за 2021 година, кои не потсетуваат на најраспространетиот облик на кршење на човековите права во светот – насилството врз жените и девојчињата.

Резултатите од извештајот на агенцијата на Обединетите нации UNODC и UN Women покажуваат дека, во просек, повеќе од пет жени или девојчиња биле убивани секој час од нивните партнери или други членови на семејството во 2021 година.

Повеќе за ова на порталот „Мајка и дете“.

The post СЕКОЈ ЧАС СЕ УБИВААТ НАЈМАЛКУ ПЕТ ЖЕНИ ИЛИ ДЕВОЈЧИЊА Најголемата опасност ги демне таму каде што треба да се најбезбедни appeared first on plusinfo.mk.