Тишина ја пресече Америка откако семејството на американската ТВ-водителка Савана Гатри јавно се обрати со апел до киднаперите. „Ќе платиме“, порача семејството во видео кое ја разоткри драмата зад исчезнувањето на нивната мајка, пишува Би-Би-Си.

Мајката на познатата водителка Ненси Гатри исчезнала од својот дом во Тусон. Истражителите веруваат дека станува збор за киднапирање. Камерата на влезната врата била исклучена и отстранета. Неколку часа подоцна, апликацијата поврзана со нејзиниот пејсмејкер била оневозможена. Овој редослед на настани го зацврсти сомнежот кај властите.

„Вратете ни ја нашата мајка“

Во видео објавено на Инстаграм, Савана Гатри застана меѓу братот и сестрата, со глас што се крши.

– Ја примивме вашата порака и ја разбираме. Ве молиме вратете ни ја нашата мајка за да можеме да славиме со неа – рече таа.

Потоа додаде дека семејството е подготвено да плати.

– Ова е од огромна вредност за нас. И ние ќе платиме.

Таа не откри детали за пораката што ја спомена, ниту за начинот на контакт.

 

View this post on Instagram

 

A post shared by Savannah Guthrie (@savannahguthrie)

Исчезнување среде ноќ

Ненси Гатри не се појавила на неделната миса. Тоа веднаш ја загрижило нејзината црковна заедница. Подоцна било утврдено дека околу 2.28 часот по локално време бил прекинат сигналот од апликацијата поврзана со нејзиниот медицински уред.

Истражителите наведоа дека засега нема идентификуван осомничен или лице од интерес.

Порака и милиони во криптовалути

Специјален агент на Федерално биро за истраги (ФБИ), Хајт Јанке, потврди дека се проверува можна порака за откуп испратена до неколку медиуми. Според информациите, пораката содржела рок и барана сума. Некои медиуми наведоа дека се барале милиони долари во криптовалути.

Властите соопштија дека се свесни за новите пораки и дека ја проверуваат нивната автентичност. Уапсено било едно лице поради испраќање лажна порака за откуп.

Семејството и полицијата предупредија дека Ненси Гатри може да биде во животна опасност без редовните лекови.

– Таа престана да ги зема лековите. Тие ѝ се потребни за да преживее – изјави Савана Гатри во претходна објава.

Политичка и локална реакција

Претседателот на САД Доналд Трамп изјави дека е во контакт со семејството на Гатри и дека ставил на располагање федерална помош за истрагата. Тој наведе дека надлежните служби работат на случајот и дека постојат индикации кои се проверуваат.

Шерифот на округот Пима, Крис Нанос, изјави дека истрагата продолжува и дека властите не ја исклучуваат можноста Ненси да е сè уште жива.

– Во моментов веруваме дека Ненси е некаде таму. Сакаме да ја вратиме дома – рече тој.

The post 📽️ КИДНАПИРАНАТА МАЈКА НА ТВ-ЅВЕЗДА ЈА РАЗБРАНУВА АМЕРИКА Семејството порача „Ќе платиме“ appeared first on plusinfo.mk.

Протестите против американската Служба за имиграција и царина (ICE) продолжија и денеска, по смртоносното пукање врз 37-годишна жена во Минеаполис, а демонстрациите се проширија и во неколку други американски држави, објави ДПА.

Според извештаите на медиумите, десетици студенти им се приклучиле на протестите во Минеаполис, со што јавно го изразиле своето противење на присуството и дејствувањето на службениците за имиграција. Стотици протести и митинзи се најавени низ целата земја за денеска и утре.

Коалиција на организации за човекови права и заштита на мигрантите порача дека протестните акции „мора да останат мирни и да се фокусираат на спротивставување на зголеменото насилство од страна на властите, како и на нивните операции во локалните заедници и училишта“.

Рене Гуд, 37-годишна американска државјанка, беше застрелана во својот автомобил за време на операција на Службата за имиграција и царина во средата. Убиството, кое било снимено, предизвика бран на национален гнев, а истрагата за инцидентот сè уште е во тек.

Градоначалникот на Минеаполис, Џејкоб Фреј, ги повтори своите критики на прес-конференција синоќа, истакнувајќи дека дејствувањето на агенцијата им нанесува штета на локалната економија, демократијата и јавната безбедност. Тој повика на темелна и транспарентна истрага, во која ќе бидат вклучени и органите за спроведување на законот во Минесота.

Министерството за правда на САД го задолжи Федералното биро за истраги (ФБИ) да ја води истрагата. Во меѓувреме, претседателот на САД, Доналд Трамп, изјави дека федералната влада нема да соработува со властите во Минесота, кои ги нарече корумпирани.

The post АМЕРИКА НА НОЗЕ ПО УБИСТВОТО НА РЕНЕ ГУД Протестите против ICE се шират низ целата земја appeared first on plusinfo.mk.

Авганистанскиот државјанин Рахманулах Лаканвал (29), осомничен за вооружениот напад врз двајца припадници на Националната гарда во близина на Белата куќа, зад себе има долгогодишна соработка со неколку американски владини агенции, вклучувајќи ја и ЦИА, дознаваат американските медиуми.

Лаканвал пристигнал во САД по хаотичното повлекување од Авганистан во 2021 година, како дел од програмата „Добредојдени сојузници“ – проект на администрацијата на Џо Бајден за преместување на ранливи Авганистанци и лица кои соработувале со американските сили. Подоцна поднел барање за азил, а според Си-Ен-Ен, администрацијата на Доналд Трамп го одобрила неговото барање во април годинава.

Разузнавачки извори тврдат дека Лаканвал бил ангажиран во Кандахар, каде повеќе години работел заедно со американските специјални сили. Роднина за Ен-Би-Си изјавил дека осомничениот поминал една деценија во авганистанската армија, дел од времето токму во базата во Кандахар.

Одлуката да му се дозволи влез во САД ја критикуваше поранешниот директор на ЦИА, Џон Ретклиф, кој оцени дека „на такви лица никогаш не требало да им се овозможи да влезат во земјата“.

ФБИ го води случајот како можен акт на меѓународен тероризам. Нападот се случил вчера околу 14:15 часот, а дватајцата гардисти од Западна Вирџинија се сè уште во критична состојба. Лаканвал бил ранет во престрелката и е хоспитализиран под полициско обезбедување.

Американскиот претседател Доналд Трамп го осуди нападот, нарекувајќи го „монструозен чин на терор“ и најави дека напаѓачот „ќе ја плати највисоката можна цена“.

Како реакција на инцидентот, Службата за државјанство и имиграција веднаш ја стопираше обработката на сите имиграциски барања поврзани со авганистански државјани сè додека не се изврши дополнителна безбедносна ревизија.

The post СОРАБОТНИК НА ЦИА ПУКАЛ ВО ГАРДИСТИТЕ Ова е напаѓачот кој работел за САД во Авганистан appeared first on plusinfo.mk.

Пукањето се случило во мормонска црква во Гранд Блан, околу 80 километри северно од Детроит.

– Едно лице почина по пукање и пожар во мормонска црква во Мичиген – соопшти полицијата, објави Скај њуз.

Властите на прес-конференција соопштија дека осомничениот бил убиен од полицијата и дека 9 лица се повредени.

– Две лица се во критична состојба – потврди градоначалникот на Гранд Блан, Вилијам Рејниер, на прес-конференција.

Тој додаде дека осомничениот е 40-годишен маж од Бартон, кој со своето возило влегол во црквата и почнал да пука кон стотици луѓе што присуствувале на неделните молитви.

Осомничениот користел автоматска пушка, рече Рејниер, но не е јасно колку муниција имало на местото на настанот.

USA| Drama in #Michigan, in #Genesee County : a man opened fire on Sunday in a Mormon church, The Church of Jesus Christ of Latter-day Saints in Grand Blanc, killing several people and injuring many more. The church was set on fire, the shooter shot dead, according to police. pic.twitter.com/gfam9RjcrO

— Nanana365 (@nanana365media) September 28, 2025

Во соопштението, полициската управа на Гранд Блан додаде дека црквата „активно гори“ и ја повика јавноста да ја избегнува областа.

Шерифот на округот Џенеси, Кристофер Свансон, рече дека „целата црква гори“ и потврди дека луѓето во црквата се евакуирани. Пожарот беше брзо локализиран.

Американскиот обвинител Пам Бонди, исто така, потврди дека ФБИ и Бирото за алкохол, тутун, огнено оружје и експлозиви реагираат на инцидентот.

WATCH: Mormon Church remains on fire after mass shooting in Grand Blanc, Michigan.

pic.twitter.com/qgMO2UTvAE

— AZ Intel (@AZ_Intel_) September 28, 2025

Американскиот претседател Доналд Трамп изјави на својата мрежа Truth Social дека „осомничениот е мртов, но сè уште има многу да се научи“, пред да шпекулира дека пукањето „се чини дека е уште еден целен напад врз христијаните во Соединетите Американски Држави“.

Гувернерката на Мичиген, Гречен Витмер, во соопштението изјави дека е „скршена од срце за заедницата Гранд Блан“ по пукањето.

The post 📷 📽️ ВЛЕТАЛ ВО ЦРКВА СО ВОЗИЛО И ПУКАЛ ВО ВЕРНИЦИ Едно лице загина, девет повредени во нападот и пожарот appeared first on plusinfo.mk.