-Денеска потпишуваме договор за национално единство и велиме дека патот до завршување на ова патување е национално единство. Ние сме посветени на национално единство и повикуваме на тоа – наласи Абу Марзук.

Лидерите на Фатах и ​​Хамас, како што претходно беше соопштено, утрово ќе се сретнат со медиумите во Пекинг, а ќе присуствува и кинескиот министер за надворешни работи Ванг Ји. На состанокот ќе бидат претставени вкупно 14 палестински фракции, објави кинескиот информативен канал CGTN на социјалните мрежи.

Палестинските фракции одржаа дијалог за помирување во кинескиот главен град на 21-23 јули.

Палестинските фракции на состанокот во Пекинг постигнаа договор за формирање влада на единство со цел формирање палестинска држава и ставање крај на окупацијата, пренесоа синоќа палестинските медиуми.

Во соопштението објавено на крајот од вчерашниот состанок, претставниците на различните фракции се согласија да формираат привремена влада на национално единство и да ги обединат институциите на Западниот брег и Газа, да започнат со реконструкција на Појасот Газа и да се подготват за одржување на општи избори што е можно поскоро.

The post ХАМАС И ФАТАХ НА ИСТА СТРАНА Заедно со 14 други палестински фракции сакаат влада на национално единство appeared first on plusinfo.mk.

Европа не може да ги реши сите светски проблеми, а особено не оние што се премногу комплицирани, како што е овој на Блискиот Исток, изјави денеска германската канцеларка Ангела Меркел.

Меркел повтори дека Германија го поддржува правото на Израел на самоодбрана, како и дека Берлин смета дека масовната акција на ИДФ е „вистинска работа“. Но, додаде, дека не верува дека воената акција ќе придонесе за мир во регионот.

– Од друга страна, ние ќе придонесеме во дипломатските обиди што ќе донесат траен мир и долгорочно решение – рече германската канцеларка, додавајќи дека еден од начините да се постигне тоа е да се одржат индиректни разговори со Хамас.

Таа претходно кажа дека Израел има право да се брани, но погледите на ветската јавност сѐ уште се насочени кон Појасот Газа, во кој 11 дена траат конфликтите меѓу милитантниот Хамас и силно вооружениот Израел.

Сите напори, дури и оние што доаѓаат од личноста која има најголемо влијание врз Израел, американскиот претседател, досега не вродија со плод, додека има бројни анализи во медиумите кои покажуваат дека, ниту Израел, ниту Хамас, не се расположени за прекин на огнот, бидејќи всушност, на последниве во низава војни, им обезбеди политичка моќ, која почнаа да ја губат. На Бенјамин Нетанјаху му одговара заради климавата можност за формирање влада, а на милитантниот Хамас војната му треба за политички да го надмине ривалскиот Фатах.

The post Меркел: Не може Европа да ги решава сите светски проблеми appeared first on plusinfo.mk.