Шубарт, кој поседува ранч од 215 хектари во Вон, Монтана, пред судот се изјасни за виновен за трговија со диви животни и заговор за трговија со диви животни.

Обвинителите велат дека тој незаконски користел ткиво и тестиси од диви овци убиени од ловци во Централна Азија и САД за да одгледува хибридни овци за продажба.

Според судските документи, Шубарт соработувал со уште најмалку 5 луѓе меѓу 2013 и 2021 година за да создаде поголема хибридна раса овци која би имала високи цени на ловечките засади, каде што луѓето плаќаат за ловење трофејни животни во заробеништво.

-Ранчот на Шубарт е специјализиран за купување, продавање и одгледување „алтернативен добиток“ како планински овци, планински кози и разни други копитари – тврдат обвинителите.

Тие велат дека Шубарт од Киргистан во Америка тајно донел делови од најголемата овца во светот, овците аргали, познати и како овци „Марко Поло“.

Машките овци „Марко Поло“, кои потекнуваат од планините на регионот Памир во Централна Азија, можат да тежат повеќе од 140 килограми со рогови кои можат да се протегаат повеќе од метар и половина.

Тој вид е под меѓународна заштита, а на суд беше кажано дека нивното одгледување во Монтана е забрането за да се заштитат домашните овци од болести и хибридизација, односно вкрстување на различни видови.

Обвинителите велат дека Шубарт испратил генетски материјал од делови од телото на овци аргали во лабораторијата каде што биле создадени клонираните ембриони. Потоа, тој ги всадил ембрионите во овци на својот ранч, што резултирало со единствена, генетски чиста машка овца аргали која ја нарекол „Крал на планината Монтана“ или ММК која е висок 125 сантиметри и тежи до 145 килограми.

За споредба обичната овца е висока 80 сантиметри и може да тежи 125 килограми. дивата овца аргали „Марко Поло“, расте до 120 сантиметри и може да тежи 140 килограми.

Farmer faces jail for breeding ‘massive mutant sheep’ https://t.co/yPS2h3vI7J

— Vkessper (@KessperV) March 15, 2024

На судот му беше кажано и дека Шубарт, заедно со соработниците, користеле семиња од планината Монтана за вештачко оплодување на разни други видови овци и создавање хибридни животни.

Шуберт продал едно од хибридните животни на некои луѓе во Тексас за 10.000 долари.

Со цел да ги продатдат забранетите овци во и надвор од Монтана, Шубарт и други фалсификувале сертификати за ветеринарна инспекција, лажно тврдејќи дека овците се законски дозволени видови.

Обвинителите рекоа дека Шубарт, исто така, продавал семе од Montana Mountain King директно на фармерите на овци во други држави.

-Ова беше храбра шема за создавање големи хибридни раси овци кои ќе се продаваат и ловат како трофеи – рече помошникот државен обвинител Тод Ким.

Тој додаде дека Шубарт го прекршил меѓународното право и Законот за Лејси, кој ја штити одржливоста и здравјето на популациите на домашните животни.

Законот за Лејси забранува трговија со диви животни што се земаат од дивината, се транспортираат и продаваат со кршење на федералните или државните закони.

По секоја точка, обвинетите се соочуваат со максимална казна од пет години затвор и парична казна од 250.000 долари. Изрекувањето на пресудата за Шубарт е закажано за 11 јули.

Шубарт се огласи на Фејсбук за целиот случај.

„Три години не можеме да продаваме овци. За прв пат по повеќе од 80 години сум без пари“, напиша тој.

The post 📷 ФАРМЕР ОД МОНТАНА ОДГЛЕДУВАЛ МУТАНТИ ЗА ЛОВ Со клонирање создал овца од 150 килограми appeared first on plusinfo.mk.

По цел ден работи на нива, „се расправа“ со кокошки и ужива во тоа.

А како и нема, кога е дел од еден цел циклус кој почнува и завршува токму таму, на земјата што ја наследил од своите родители и за која сега се грижи тој. Ги обработува своите ниви со голема љубов, за да произведе квалитетно жито за него и неговата мајка, но и за нивните кокошки. Нашиот соговорник е сопственик на „Еко јајце“, еколошка живинарска мини фарма за традиционално, природно производство на јајца од слободни кокошки во тетовското село Фалише.

„Целиот процес до добивањето на јајцата кај нас започнува од производството на жито од нашите ниви. Тоа значи посветена и грижлива обработка на почвата во текот на целата година. За добивање на здраво жито за нашите кокошки не користиме хемиски препарати, туку нивите ги храниме со ѓубривото од кокошките и целиот процес е токму онаков како што треба да биде, еден природен и затворен циклус“, вели Бране кој од неодамна е дел од големото семејство на Слоу фуд и вредно работи на формирање на нов конвивиум во својот град.

Целиот текст прочитајте го на порталот „Арт кујна“.

The post ЦЕЛ ДЕН РАБОТИ НА НИВА И НА ЖИВИНАРСКА ФАРМА И УЖИВА ВО СЛОБОДАТА Бране од Фалише е пример за сите што бегаат од село во град appeared first on plusinfo.mk.

Жител на најјужната индиската сојузна држава Тамил Наду, еден ден по „неговиот погреб“, се вратил дома. Тоа, секако, било шок за семејството, јавува МИА.

Марти, 55-годишен фармер, отишол во друг град за да бере шеќерна трска. Неколку дена не контактирал со своите роднини и не се вратил. Набргу потоа, близок роднина го известил семејството дека маж е пронајден мртов близу околната автобуска постојка. Синот на Марти „го препознал“, како што извести полицијата регистрирајќи го настанот пред да го предаде телото на семејството.

Ден по погребот, Марти неочекувано се вратил жив дома.

– Не можевме да им веруваме на своите очи кога влезе во куќата. Сите бевме шокирани! – вели неговата фамилија.

Марти и семејството сѐ уште не знаат кого закопале. Полицијата поведе истрага за вистинскиот идентитет на закопаниот маж.

Инаку, претходно светските медиуми објавија дека жители на градот Мтата во Јужна Африка, по грешка погребале туѓинец наместо нивниот исчезнат син, кој се вратил четири месеци по погребот.

The post ГО ПОГРЕБАЛЕ, А СЛЕДНИОТ ДЕН СЕ ВРАТИЛ ДОМА Индиска фамилија ставила погрешен човек под земја appeared first on plusinfo.mk.

Се разбира, најмалку го сакаат оние кои цел живот го поминале на село, па едвај чекаат да се вгнездат во некоја државна институција каде што наместо да го прават сето она што еден човек најмногу го прави човек, стануваат дел од инвентарот, клатат врата и земаат плата. Оние другите пак, кои имале можност да бидат и малку тука, малку таму и онаму, тие можат сè. Можат да бидат и интелектуалци и уметници и земјоделци и овчари и покажуваат дека сето тоа ги прави само покомплексни, покомплетни и подобри луѓе.

Дури и ако само го изгледате видеото направено од визуелниот уметник Стефан Шашков (под текстот), кое го отсликува секојдневјето на нашата соговорничка Јасмина Котевска во демирхисарското село Суводол или ако само ги погледнете фотографиите од истото тоа секојдневје, ќе ве привлечат овие рурални универзуми во кои има нешто што е неизвалкано со цивилизациските нуспродукти. Ливадите, воздухот, животните и луѓето, сето тоа се состојки на една инспиративна слика која, верувам, ќе привлече многумина, барем во дел од времето да го почувствуваат тој живот, поинаков од сè што може да се доживее во градот.

Како дел од платформата genuinexperiences.com, Јасмина ќе се обиде да придонесе за развој на еден вид авантуристички туризам во кој се вклучени и нејзините пријатели, овците со кои нејзиното семејство традиционално се занимава со генерации. Ќе ви понуди можност да пасете овци, да ги нахраните јагненцата, да дегустирате органско сирење и месо, а можете и да спиете во плевна и да уживате во мирисот на свежо покосено сено! Сето тоа во една незагадена атмосфера која ќе ви го обезбеди надворешниот мир и ќе ве инспирира да си го најдете и внатрешниот, или барем ќе ви го отвори умот и ќе ви ги прошири видиците.

Целиот текст прочитајте го на порталот „Арт кујна“.

The post ЈАСМИНА КОТЕВСКА: ФАРМЕР И ИСТОРИЧАР НА УМЕТНОСТ Во срцето има место за повеќе светови appeared first on plusinfo.mk.