Дроновите над Данска кои ги кренаа алармите во последните неколку дена можеби биле лансирани од морето, анализира хрватски Индекс повикувајќи се на изјави на данската полиција и на написи во данските медиуми.

Главниот град на Данска во понеделникот, 22 септември, се најде во необична ситуaциjа, кога дронови кружеа над неколку аеродроми. Властите ги следеле траги што водат до 3 мистериозни брода поврзани со Русија, се вели во статијата. Постои сомнеж дека токму од бродовите Astrol-1, Pushpa и Oslo Carrier-3 полетале леталата што го парализирале воздушниот сообраќај во Данска.

Данската полиција соопшти: „Позицијата на бродовите во моментoт на нападот е дел од истрагата“.

Освен полицијата, во истрагата се вклучени војската, безбедносните служби, но и меѓународни партнери. Инцидентот е веќе класифициран како „најсериозен напад врз критичната инфраструктура“ во Данска. Поради дроновите, аеродромите во Копенхаген и Осло останаа затворени со часови.

Ships in the waters around Denmark claim that their radars have detected drones flying in the North Sea, the location of two Russian shadow vessels, the SEA MAVERICK and the PUSHPA.

This is how the Russian operation looks like «Павутиння»#RussiaisATerroistState… pic.twitter.com/EGh1RX50JJ

— Oleg Dunda (@oleg_dunda) September 25, 2025

3 брода и многу случајности

Новинарот Петер Молер открил дека Astrol-1, брод под руско знаме се движел во невообичаена „цик-цак“ траекторија пред да се појави кај Копенхаген. Правникот Александар Лот објасни:

– Секое отстапување од најкратката рута е сомнително.

Oslo Carrier-3, регистриран во Норвешка, се нашол во теснецот Ересунд токму во моментите на летот на дроновите. Иако не е официјално руски, дел од екипажот говори руски, а неговиот сопственик има канцеларија во Калининград.

Најдиректна е врската со третиот брод Pushpa. Иако плови под знаме на Бенин, се смета дека овој брод пренесува руска нафта и дека припаѓа на таканаречената „флота духови“ што ѝ помага на Русија да ги избегне санкциите.

@pmolpmol lists three ships interesting as suspected drone carriers in last night attack on Copenhagen Airport.

In this thread, I will argue that Russian ship ASTROL 1 is an excellent fit.

Right time, right type, erratic track just before attack, highly suspicious background. pic.twitter.com/5rrYSMLtwI

— auonsson (@auonsson) September 23, 2025

Last night, multiple drones were reported near Danish airports in Esbjerg, Sønderborg, and Skrydstrup.

At the same time, two Russian shadow fleet ships, SEA MAVERICK and PUSHPA, were spotted off the Danish coast.

The PUSHPA, already suspected of links to the recent… https://t.co/bPlTHNrHvN pic.twitter.com/q4QLxxTmQ1

— Russian Forces Spotter (@TiaFarris10) September 25, 2025

Дронови со фиксни крила се сериозна работа

Според експертот Јулијан Павлиак, бродовите се идеална мобилна платформа за лансирање дронови. Трагите лесно се бришат со ваквото војување.

Од друга страна, експертот Бруно Оливеира Мартинс предупредува дека можеби се користени дронови со фиксни крила, што, според него, би било доказ за сериозна воена операција.

Премиерката на Данска Мете Фредериксен алудираше дека инцидентот наликува на „моделот“ од Полска и Естонија, каде веќе биле обвинети руски актери.

– Тоа се повторува и станува дел од шаблон – истакна Фредериксен.

A Finnish drone is currently keeping a very close eye on the Russian flagged vessel ‘Astrol 1’. The vessel is suspected to be involved in drone flights over Danish territory earlier this week. Tonight, more drones were reported over a Danish airport. pic.twitter.com/BDk4zTSkoS

— Kyle Glen (@KyleJGlen) September 24, 2025

Совршени алатки за тивка војна

Според Павлиак, заштитата на аеродроми од дронови е „нерешлив проблем“. И да се докаже потекло од брод, Русија секогаш може да тврди дека станува збор за „недржавни актери“.

– Дроновите се тивки, тешко пресретливи, а уште потешко се лоцира налогодавачот – заклучува Мартинс.

Медиумот „Франс 24“ ја коментира ситуцијата велејќи дека „токму затоа, дроновите се совршени алати за хибридна војна“.

Пинг-понг меѓу Данска, НАТО и Русија

Одговорот на Кремљ на наводите на Данска во врска со инцидентот беше следен:

– Обвинувањата се неосновани, сериозна држава не би требало да ги изнесува – изјави портпаролот на Кремљ, Дмитриј Песков.

Руската амбасада во Данска, пак, оцени:

„Очигледно е дека инцидентите се инсценирани провокации. Русија категорично ги отфрла овие апсурдни шпекулации.“

Премиерката на Данска подоцна на Икс напша дека разговарала со генералниот секретар на НАТО Марк Руте за сериозноста на ситуацијата, додека Руте возврати со објава дека Алијансата работи со Данска за да се заштити инфраструктурата.

The post 📷 ДРОНОВИТЕ НАД ДАНСКА ПОЛЕТАЛЕ ОД 3 ФАНТОМСКИ БРОДОВИ? Властите во Данска ја истражуваат сомнителната „флота на Путин“ appeared first on plusinfo.mk.

Се разбира дека има причина за овој и ваков наслов, како и за овој текст. Зашто ние, едноставно, не умееме да се откачиме од минатото. И тоа она лошото, непријатното, некогаш и криминалното, додека она доброто, успешното, хуманото, веднаш го забораваме. Не знам каква е таа навика, или можеби болест, никој не се ни обидува да ја проучи. Уште помалку да ја лечи. Иако не е само наша. Балканска е.

Директна причина може да биде едно возило силеџиски паркирано на велосипедска патека цели четири часа. Ама не е, тоа може само да биде некаков лош, минорен повод, за еден исто така минорен лик кој од никаде, како фантом, повторно се појавува на овој простор. Неповикан, или можеби грешам? И како воопшто смее да се врати? Никој не објаснува. А никој и не се буни, што е уште поинтересно, особено не оние од ЗНМ и компанија. Молчат ко риби!

А причини, сепак, има многу повеќе, и полоши, а и поголеми. Се вртат низ секојдневиево цели три децении како фантоми кои не нè оставаат намира, се плеткаат во т.н. висока политика, залегнуваат на секакви функции без оглед на не баш светлото минато … Зошто, зарем ние самите ги повикуваме или некој ни ги наметнува? И заради што? Треба ли повторно нешто да одработат, и за кого?

И уште еднаш: не е тоа само наш рецепт. Погледнете ја Србија со оној Вучиќ, паднат како фантом, или како преместувач на гајби под командата на „војводата“ Шешељ, од времето на растурањето на Југославија. Или оној Борисов, на пример, со сето негово минато. Или грчкине „династии“ кои така фантомски се менуваат на власт. Зарем Балканот навистина не умее да излезе од фантомската приказна или некој упорно му ја држи главата во тој и таков историски песок? А во тој контекст, колку да не остане неспомнато односно да не им дадам повод на некои шутраци: до кога куќнион совет и нивните „пајтон партии“ ќе се занимаваат со онаа приказна за ВМРО-то (историско, обединето, раздвоено, михајловистичко или александрово …), коешто си има свое место во македонската историја но некој сака да го претстави (и) како злосторнички фантом? Не умееме ли да најдеме поблиски фантомски приказни што повеќе влијаат на совремието?

На пример, дали меѓу политичките фантоми во Македонија по онаа историска 1989 односно 1992 година спаѓаат и Глигоров, Андов, Керим, Тупурковски …, но и целата онаа папазјанија од генерации и генерации комунистички раководители на левото или десното (да простите) маде, а кои некој потоа ни ги смести и во новата држава? И како што, како експерти за – што? А зошто не и еден Крсте Црвенковски, на пример, но и некои други? Тие беа помалку вредни од овие? Вредни – за што?

И дали, на пример, еден Ѓинѓиќ беше „помалку вреден“ па заврши така како што заврши или тие што го турнаа во таа авантура немаа(т) појма за односите и „традициите“ на Балканот, особено во Србија? Зашто, не сакам да тврдам дека целата онаа композиција од фантоми – во којашто Ѓинѓик, дури несвесно, влета како некаков туѓ џокер – беше диригирана токму од оние кои де факто ја растурија екс-Југославија, а кои сега ги растураат односно (ре)конструираат и другите еу (малите букви се…) кандидати според некој свој терк? И кои се тие и каков им е кредибилитетот па нашиве фантоми „се лепат“ за нив? Или „се лепат“ на идејата за моќ, влијание, пари…?

Современи држави со сериозна демократска идеја и ориентација не смеат да се занимаваат со фантоми. Од минатото но и од сегашноста. Тоа се завршени приказни спремни за архивирање и проучување на историчарите, политиколозите – па и психијатрите, ако веќе сакате! – и сите други кои сакаат да се занимаваат со нив.

Има ли Европа вакви примери на фантоми? Нема, се разбира. Или се многу ретки, како овој Мерц.  Барем во тој поглед тие се далеку пред нас. Нив историјата – барем таквата – не ги интересира. Тие ги „етикетираат“ политичарите, или политикантите, тогаш кога е тоа потребно и – ги фрлаат на буништето на историјата. Тие понатаму стануваат некакви и нечии советници и „бизнисмени“, како оние смешковци од типот на Хан, Билд, Блер, Џонсон и коекакви други (да простите) западни бараби, шетаат низ регионов и пошироко смеејќи им се в лице на будалите кои ги канат. Како ние.

Или, ако баш сакате, колку политички фантоми од некогашната ДДР влегоа во власта во обединета Германија? Иако и во таа нова, обединета Германија, одвреме-навреме, се појавуваа фантоми. Како Јошка Фишер, на пример. Ама тоа се исклучоци што го потврдуваат правилото. А впрочем, и тие, како и нашиве, остануваа само бледи сенки.

Само кај нас, односно на Балканите, тие и таквите политички фантоми упорно и упорно се враќаат – или ги враќаат! – во политиката служејќи за некакви и нечии цели, но главно во разнебитувањето на сопствената држава. Се разбира, со амин на другите политички структури односно таканаречниот политички амбиент. И никој не ги чепка, никој не поставува прашања што тие ликови (повторно) бараат во политиката односно во власта, зарем им беше малку претходното… итн.

Од друга страна, некои од тие политички фантоми стануваат тоа во вистинската смисла на зборот односно (и) по нивниот политички но и животен крај. Како, на пример, Глигоров. Мигот кога неговото претседателско возило летна во воздух, тој стана двоен фантом. Зошто? Затоа што неговото нарачано убиство со одложено дејство понатаму никого не го интересираше. Како впрочем и убиството на Ѓинѓиќ (иако имаше „спектакуларно“ судење со бројни обвинети и казнети), како впрочем и со „несреќата“ на Јордан Мијалков и др. Тие, се разбира, продолжуваат да живеат во современата македонска историја, но нивниот животен и политички пат останува обвиткан и со фантомски превез на неразрешена мистерија. И тоа фантомско минато останува да живее со нас бидејќи не станува збор за „обични“ политичари туку за претседател на држава, министер за внатрешни работи итн.!

Се обидува ли „историјата“, или оние кои мислат дека ја креираат, да нѐ убеди дека нештата – особено оние важните – се случуваат непланирано, некоординирано, ненамерно…? И дека никој не ги „меша“ картите со предвидлив резултат освен, можеби, оној горе? Или ние навистина треба да мислиме дека и претседатели и министри на полиција гинат во несреќи, дека бивши високопозиционирани комунистички персони преку ноќ стануваат демократи и партиски лидери, дека бивши младински комунистички раководители со неприкосновена партиска кариера потоа и во новата држава стануваат водечки политичари? Толку ли сме „лесни“?

Иако, ако погледнете, ние и денес тоа го правиме: создаваме нови фантоми. Зашто, што станува оној Филипче ако не уште еден политички фантом после онакво министерување, а сега и со овој „избор“ за партиски „лидер“? Без противкандидат и со освоени 18.001?! Како што впрочем и на еден тотално непродуктивен фантом МПЦ му доверува да посредува помеѓу неа и Цариград! Па тој не умееше да посредува ни помеѓу своите неколку „јас“, не пак во ваков спор.

Па во тој контекст и мудрата изјава на Димитриевски дека дијалогот е добредојден, „посебно кога се во прашање државните интереси и кога има потреба од компромиси и постигнување консензус, но би било лошо да се воспостави пракса креаторот на проблемите да биде и составен дел на решенијата“.

Фантомите од минатото треба да се остават таму – во минатото!

The post Фантоми од минатото appeared first on plusinfo.mk.

Министерот Ѓоко Велковски, исто како и останатите технички министри и заменици, веќе почна да ја оправдува својата улога како техники министер во труд и социјала и заслужува честитки. Не дека Ѓоко го познавам лично, ама искрено верував уште првиот ден дека како кадар од министерството, со кој долги години блиско сме соработувале во Унијата на млади сили и знам каков работник е, точно ќе знае каде да го бара криминалот на власта.

Ѓоко, заедно со тимот, засега пронајде ни помалку, ни повеќе, туку  2.200 „фантомски” приматели на социјална помош и на пензии кои не ги исполнуваат критериумите.

Значи, оваа криминално-коруптивна власт, на повеќе од 2.200 луѓе кои не исполнуваат услови да примаат социјална помош и пензии, тоа им го овозможила незаконски, на штета на народот, на државата и на целиот систем, нормално – за некоја взаемна корист.

Иако долго време знаевме дека постојат вакви шеми на поткуп и цицање државни пари преку фантомски приматели на социјална помош и пензии, кои имале на свое име и возила и многу други работи, сепак, заради нетранспарентноста на оваа влада, тоа не беше достапно на јавноста. Еве, сега е достапно, благодарение на Ѓоко и на ВМРО-ДПМНЕ и сега можеме да видиме дека 2.200 луѓе секој месец незаконски земале во просек од 8 до 10.000 денари. Тоа во просек месечно се 300.000 евра. Тоа во просек годишно е над 3.600.000 евра. Значи зборуваме за милиони евра годишно. Наназад со години.

Информациите кои ни ги пласираше Велковски беа само за изминативе 12 месеци, а проверките наназад за годините на владеење на СДСМ и ДУИ верувам дека уште траат и кој ли знае уште што ќе излезе. Но, да дадеме простор и поддршка да се истражи се до крај и потоа, преку органите на прогонот, да се бара одговорноста.

Значи, пари во државава има, ама се крадат. Со самото доаѓање на министер од ВМРО-ДПМНЕ, со еден потпис, укинувајќи ги овие фантомски незаконски приматели на пари, Велковски само од ова заштеди 300.000 евра месечно или 3.6 милиони евра годишно, пари кои до сега биле крадени од СДСМ и од ДУИ.

Секој проклет ден на социјалните мрежи гледаме десетици повици за донирање пари за лечење на болни деца. Секој проклет ден гледаме како некој ја изгубил битката со некоја болест поради немање средства за лечење. Секој проклет ден гледаме тажни руинирани слики од болници и од медицински установи и стари дотраени медицински возила во внатрешноста на Македонија. Секој проклет ден слушаме како десетици доктори или специјализанти си заминале да работат во Германија затоа што државата не им дава основни финансиски услови да преживеат додека работат. И зошто сето ова? Поради СДСМ и ДУИ, кои сакале да крадат. Поради СДСМ и ДУИ, кои немале друг начин, па им текнало да даваат секој месец на 2.200 лица незаконски пари и тоа да сите да не чиние 3.6 милиони евра.

И да ви кажам, не се проклети толку деновите кои што минуваат во агонија на оние кои што им треба помош од државата, а не ја добиваат, колку што се проклети овие што свесно крадат.

Со овие 3.6 милиони евра годишно ќе се излечеле 50-тина критични случаеви во странство, кои не успеале да соберат донации. Ќе се купеле 50 нови амбулантни возила. Ќе се реновирале здравствените домови во миниум во 10 града. Многу „ќе”, но за жал ги уживале овие пари некои господа „фантоми“, што се нашле на штапските списоци во СДСМ и ДУИ и нашле начин да лежат дома и да им течат пари на сметка.

Многу предизвици ќе имаме во следната власт. Многу луѓе ќе треба да понесат одговорност, а парите украдени да ги остават на државата. Многу сме уназадени како држава во изминативе 7 години и ќе треба со 100 пати посилно темпо од нормалното да работиме за да ја вратиме во колосек.

Но, не се сомневам дека тоа ќе се случи. Паралелно со чистењето на криминалот, градење на едно ново здраво општество, со проекти од можеби најдобрата изборна програма до сега, која набрзо ќе ја видат граѓаните. А и враќање на достоинството.

Да живее Република Македонија, а ВМРО-ДПМНЕ ќе се погрижи тоа да биде со крената глава.

The post Како „фантомите” од штапските списоци на власта на СДСМ и ДУИ украле милиони евра appeared first on plusinfo.mk.

Активистот Суад Мисини денеска започна штрајк со жед пред зградата на Собранието, поради тоа што, како што објави, не се решава проблемот со фантомите, односно со луѓето без документи.

Мисини уште минатата недела се обрати до јавноста, но пред сѐ до претседателот на државата, премиерот и претседателот на Собранието, да се изгласаат сите потребни закони, како што рече: „апелирам на животот да му ставите македонско знаменце, со значење – веднаш!“

„Доколку ова прашање не се затвори до 19.06.2023 (понеделник), истиот ден ќе започнам безусловен и неограничен штрајк со жед, кој ке трае сé до решавање на овој проблем. Или до нерешавање. А тоа, според медицинската наука трае најмногу до – 3 дена. Ако така решат најмоќните, нема да трае долго“, напиша Мисини.

Тој вели дека фантомите мора да ги снема од Македонија, а да се појават нормални граѓани на оваа земја, продуктивни поединци кои ќе ги уживаат правата гарантирани со Уставот и кои ќе плаќаат даноци.

„Цврсто сум убеден дека ова може веднаш да се реши, со грам политичка волја и свест. И не треба повеќе од една недела, бидејќи институциите со децении се бават со ова прашање, сѐ им е јасно, на располагање ги имаат сите решенија. Еве, 10 дена – вели Мисини.

The post СТАВЕТЕ МУ МАКЕДОНСКО ЗНАМЕНЦЕ НА ЖИВОТОТ! Активистот Суад Мисини започна штрајк со жед пред Собранието appeared first on plusinfo.mk.

Ова се очекувањата по најавите на власта, но и на опозициските АА-А за законот за државјанство.

Според информации на Плусинфо од висок функционер од опозициската коалиција, АА-А ќе попушти и ќе се согласи преодното решение понудено од власта да биде одредба од законот, а веќе се откажа и од барањето државјансто да се добие со сведоци.

Власта, пак, на маса ќе ги стави најлибералните решенија кои постојат во светот да важат кај нас за фантомите да се стекнат со државјанство.

Алијанса и Алтернатива по првата средба ја отфрлија понудата од власта за преодно решение, односно државјанства да може да добијат само лицата кои се во евиденцијата на МВР и тоа во временски период од шест месеци.

Според функционерот, Алијанса и Алтернатива на средбата со Заев ќе понудат преодното решение да биде дел од Законот за државјанство и со поголема временска рамка, веројатно една година, поради пандемијата за граѓаните да имаат време да го решат статусот на државјнаство. Објаснуваат дека таква одредба имало во Законот за државјанство од 1992 година. Од таму велат дека се конструктивни и дека впечаток им е дека и власта сака да најде решение за таа категорија граѓани.

аква одредба веќе имало во Законот за државјанство од 1992 година.

На лидерската в понеделник останува отворено прашањето како ќе се реши условот – државјанство да може да стекне само граѓанинот кој го познава официјалниот јазик на државата – македонскиот.

Алијанса и Алтернатива остануваат на барањето за добивање државјанство да важи познавање на според нив, еден од службените јазици, односно албанскиот јазик.

Тие тврдат дека, од евидентираните граѓани без државјанство голем дел се постари односно лица на 70 – 80 година, кои се родени и живеат во Македонија, но не го владеат македонскиот јазик. Нивните аргументи се дека тие не можат сега, допрва, за кусо време да го научат македонскиот јазик или пак како што понудила власта да имаат познавање од историјата и културата на Македонија. Можно е велат од АА-А ако за тоа барање не се најде решение да се отвори друг проблем, односно да бараат во Собранието автентично толкување на Законот за јазиците од 2017 година. Опозициските партии сепак се надеваат на договор со власта бидејќи како што велат „лошо се чувствуваат“ поради блокадата на Собранието, особено на петтиот пакет антикризни мерки.

Заев и денеска повтори дека очекува брз договор за измените на Законот за државјанство со опозициските Алијанса и Алтернатива.

– Се подготвиваме да излеземе во пресрет на барањата на опозицијата за постигнување на целта оние граѓани кои немаат државјанство а се наши граѓани, да го добијат. Верувам дека ќе го најдеме решението. Произлезен е заклучок дека сведоците не се решение, но има 10 до 15 услови таксативно наведени за добивање државјанство, со исполнување на еден од нив како во 2004 и 2005 година ќе можат да го добијат државјанството. Секако, анализата покажува каде се причините за неможноста граѓаните да го добијат државјанството. Во еден сектор се 530 случаи во друг 220 и во трет случај 130 граѓани. Со самото законско решение кое ќе ги исполни очекувањата на опозицијата веруваме ќе ги добијат државјанствата сите граѓани. Освен ако остане некој граѓанин што нема да исполни ниту еден од условите, што не верувам дека ќе се случи – рече Заев.

Според него, при тоа би се прифатиле услови кои би биле најниско можни што постојат во некоја држава во Европа и регионот.

– Останува Алијанса и Алтернатива да ги соопштат своите решенија и да се затвори ова прашање. Извесно е решението – рече Заев.

The post Во понеделник се очекува договор за државјанствата, па да проработи Собранието appeared first on plusinfo.mk.

Спасовски информира дека на утрешниот состанокот ќе се разговара и кои чекори треба да се преземат во наредниот период, но, како што нагласи, предлог решението би било во рамки на уставните надлежности, законските процедури и меѓународната пракса.

Околу 800 лица, според анализите во МВР, немаат никаков документ, а се наоѓаат на територијата на нашата држава или т.н. фантоми, но веќе е надминат проблемот за упис во матичната книга на родените и за добивање на сите други права кои произлегуваат за да може да ги остваруваат правата како државјани на Македонија, информира министерот за внатрешни работи Оливер Спасовски.

–  Анализи имаме и во друг сегмент, но тоа не мора да значи дека се некакви точни бројки до крај. Би требало кога ќе се започна процесот на менување на Законот ако за тоа има потреба или изнаоѓање одредени механизми навистина да дојдеме до точната бројка преку одредени пријавувања. Сепак, сметам дека тоа не е преголема бројка на оние што немаат државјанство, а се наоѓаат на територијата на нашата држава и ќе ги исполнат сите норми – рече министерот Спасовски.

The post Спасовски: Решенијата за државјанствата не можат да отстапуваат од меѓународната пракса и од тоа што се нормативи на државата appeared first on plusinfo.mk.