Веста во Грција ја проследија црковните медиуми и информативните портали, а главно го пренесуваат соопштението од Вселенската патријаршија под наслов „Историско сослужување во Фанар за Педесетница со учество на Охридскиот архиепископ“.

Во опширното и детално соопштение од Патријаршијата се пренесени обраќањата како на Вселенскиот патријарх, така и на Охридскиот архиепископ, но и средбата на Вартоломеј со владината делегација од Северна Македонија, по завршувањето на литургијата.

Грчката телевизија „Скај“, преку нејзиниот дописник од Истанбул објави дека вчерашната заедничка литургија траеше пет часа, а присуствуваа, меѓу другото и премиерот Димитар Ковачевски и министри од Владата.

– Во Фанар се случи историски настан, бидејќи по 59 години Охридската архиепископија се враќа во Вселенската патријаршија – објави „Скај“ на нејзиниот официјален сајт.

Порталот „Ортодоксија – новинска агенција за црковни вести“, коментира дека вчерашната заедничка литургија стави крај на 55-годишната шизма.

„Јасна порака до архиепископот Охридски господин Стефан дека отсега нивниот тек во сеправославниот свет зависи исклучиво од нивното сопствено однесување и нивниот избор испрати Вселенскиот патријарх Вартоломеј при завршувањето на историското сослужување што се одржа во патријаршиската црква „Свети Георгиј“ во Фанар, што во пракса го запечати возобновувањето на литургијата и враќањето во канонско заедништво на црквата која 55 години беше карактеризирана како шизматичка“, пишува порталот.

Црковниот портал „Еклисија онлајн“ се осврнува на поканата до Вселенскиот патријарх Вартоломеј да го посети Скопје, упатена како од премиерот, така и од Охридскиот архиепископ“.

– Во некој момент ќе имам радост и благослов да остварам таква посета – одговори Неговата Светост, објаснувајќи ги причините поради кои сѐ уште не ја посетил земјата, пишува порталот.

Онлајн изданието на весникот „Прото тема“ пишува дека „Вселенскиот патријарх вчерашниот ден го карактеризираше како ден на почеток во кој Охридската црква официјално го зазема своето место во Светото црковно тело“.

The post ИСТОРИСКО СОСЛУЖУВАЊЕ ВО ФАНАР Грчките медиуми опширно известуваа за литургијата appeared first on plusinfo.mk.

Во своето обраќање кон вселенскиот патријарх Вартоломеј, архиепископот Стефан му се заблагодари прифаќање на нашето апелациско прибегнување и за востановувањето на литургиското општење со нашата црква.

– Како првојерарх на Охридскиот престол, од името на свештениот Синод, на свештенојерархијата, на монаштвото и на верниот народ, како и од свое име, со преполно срце на уважување и почит, уште еднаш Ви благодарам за честа со која нè удостоивте и за срдечната љубов со која нè прегрнавте – соопштувајќи ни го благопријатниот Ваш суд за нашето апелациско прибегнување: востановувањето на литургиското општење со Вас и, преку Вас, со полнотата на православната црква – истакна архиепископт Стефан.

Сега е јасно, додаде г. Стефан, колку Вашето добротворство за нашата Охридска Архиепископија, се покажа, всушност, како Ваш најнов принос пред Сељубивиот Бог – како долично дело за таткото на православните.

– А ние, скромните Ваши чеда, можеме да Му заблагодариме на Бога, покрај за споменатата милост, ете – и за тоа што сме удостоени да бидеме современици на Вашата личност и на Вашите дела за доброто на Црквата и што ја имаме можноста да се радуваме и да се утешуваме од Вашиот подвиг на „добро стоење“, на автентично последување и себепрегорно, дури до мачеништво, исповедање на канонскиот и свештен поредок на православната црква – рече меѓу другото архепископот Стефан.

На крајот од богослужбата, епископот антаниски Партениј со неговото братство и сестринство, на вселенскиот патријарх Вартоломеј му подари архиерејска панагија во чест на неговиот именден и во знак на благодарност за признавањето на Охридската Архиепископија.

Храмот „Св. Георгиј Победоносец“ за литургијата беше исполнет со голем број на гости, меѓу кои многумина од земјава, кои допатува во Истанбул по повод значајните настани кои деновиве се случуваат во древниот Фанар. Дел од нив благодарејќи и со цвеќе во рацете на патријархот Вартоломеј му го честитатаа именденот.

Денешната богослужба се одржа по вчерашното предавање на патријархот Вартоломеј на архиепископ Стефан на Патријаршискиот и синодален акт на Вселенската патријаршија за примање на Охридската Архиепископија во богослужбено и канонско единство со останатите православни цркви, со кој се отстрани повеќедецениската шизма наложена врз нашата Црква.

Патријархот Вартоломеј и архиепископот Стефан в недела на роденденот на Црквата – празникот Педесетница, во храмот на Вселенската Патријаршија во Фанар ќе одржат заедничка патријаршиска и синодална света литургија.

The post БЛАГОДАРАМ ЗА ЉУБОВТА И ЗА ПРЕГРАТКАТА Архиепископот Стефан му го честиташе именденот на Вартоломеј appeared first on plusinfo.mk.