„На 19.02.2025 во СВР Штип, 47 – годишник од Република Турција, со живеалиште во Штип, во СВР Штип пријавил дека бил измамен од едно лице за сума од 3.550 евра. Имено, според пријавеното, по претходен договор, на 18.02.2025 на студент од Република Турција со престој во Штип, во неколку наврати на сметка во банка му префрлил вкупно 134.851 турски лири и за возврат друго лице во Штип му дало 71 банкноти во апоени од 50 евра“, се вели во полицискиот билтен.

Како што е пријавено, откако ги земал парите, се посомневал во нивната исправност и ги проверил во менувачница во Штип, каде што му било потврдено дека се фалсификат.

Исто така, според пријавеното, тој стапил во контакт со лицето кое му ги дало парите и откако негирало дека му дало фалсисификат евра, тој со својот адвокат го пријавил случајот.

„Се преземаат мерки за расчистување на случајот“, соопшти СВР Штип.

The post МУ ГИ СМЕНИЛ ЛИРИТЕ СО 3.550 ФАЛСИФИКУВАНИ ЕВРА Турски државјанин бил измамен во Штип appeared first on plusinfo.mk.

Во Приштина се запленети илјадници празни документи за идентификација со ознаки на повеќе од 50 земји ширум светот, вклучително и на Србија.

Документите биле пронајдени во импровизирана лабораторија за која се верувало дека биле користени за производство на фалсификувани документи. Истовремено, едно лице е уапсено и одредена му е мерка притвор од 1 месец, соопшти косовската полиција.

Фалсификуваните бланко документи, како што е наведено, биле откриени минатиот петок кога во Приштина било запрено едно возило при што бил уапсен возачот Ф.К.

Потоа бил извршен претрес во куќа во Приштина, која, според косовската полиција, служела како „лабораторија“ за изработка на фалсификувани документи – пасоши, лични карти и возачки дозволи.

При претресот на оваа куќа биле пронајдени и запленети ласерски машини, принтери, повеќе од 20.000 микрочипови и илјадници документи од 51 земја во светот.

Пронајдени се и празни лични карти и пасоши со идентификација од Република Србија, Обединетото Кралство, Бразил, Мексико, Германија итн.

На уапсениот возач му е изречена мерка притвор од 1 месец.

Отворен е случај за „фалсификување документи“ и за „организиран криминал“.

The post ВО ПРИШТИНА Е ОТКРИЕНА ЛАБОРАТОРИЈА ЗА ФАЛСИФИКУВАЊЕ ДОКУМЕНТИ Запленети се илјадници исправи од повеќе од 50 земји appeared first on plusinfo.mk.

Од грчката полиција соопштија дека двајцата мажи биле уапсени откако им била извршена проверка при влезот во Грција, а кај едниот, во поставата на јакната пронашле скриени вкупно 440 бланко документи (лични карти, возачки дозволи, дозволи за престој) од разни европски земји, кои биле одземени.

При претресот на возилото во багажникот биле пронајдени уште 159 празни документи, кои исто така биле одземени.

Грчката новинска агенција АНА-МПА објави дека Прекршочниот суд во Кукуш, двајцата уапсени ги прогласил за виновни за фалсификување и здружување со цел економска корист и биле осудени на затворска казна од 5 години.

Според АНА-МПА двајцата обвинети за време на рочиштетот не откриле детали за нивните активности и се бранеле со молчење.

The post ЛИЧНИ КАРТИ, ВОЗАЧКИ, ДОЗВОЛИ ЗА ПРЕСТОЈ…Уапсени двајца македонски државјани за внесување фалификувани бланко документи во Грција appeared first on plusinfo.mk.

Ова тврдење се наведува во синоќешното соопштение на Обвинителството, по повод неговото барање за одредување едномесечен притвор за шестмината уапсени, од кои тројца македонски и тројца косовски државјани, кај кои на 28 ноември беа откриени метални монети со апоени од две евра, во вкупен износ од 85.010 евра.

Во барањето до Обвинителството кое го пренесе невладината „Заклетва на правдата“, која ја следи работата на косовските судски институции, се вели дека „постои сомневање оти обвинетите Б.А, Ш.А, А.А, С.Р, М.К. и Х.Д., со цел незаконски да се стекнат со материјална корист за себе и за групата, во неверификувано време обезбедиле фалсификувани пари, произведени во Северна Македонија и вкупно 42.505 парчиња метални монети со апоени од 2 евра, во вкупен износ од 85 илјади евра“.

Во барањето е наведено дека осомничените потоа ги ставиле монетите во разни кеси, камуфлирајќи ги за да личат на товари обична стока и ги ставиле во автомобили, а потоа на 28 ноември годинава ги донеле во Косово, каде координирано се сретнале во Генерал Јанковиќ со обвинетите С.Р., М.К. и Х.Д. со цел заедно да го продолжат патот до Приштина.

Според планот на сторителите, во косовскиот главен град била планирана купопродажба на фалсификуваните пари, односно прием и испорака на количината на фалсификувани пари, при што се откриени и идентификувани од полицијата, која интервенира и на дело ги апси одземајќи им ја сумата на фалсификувани пари.

Косовското обвинителство цени дека осомничените со овие дејствија во соработка сториле кривично дело „Купување, прифаќање и прикривање предмети прибавени со кривично дело, од член 333 (ст. 1) по член 31 од Законот бр. 06/L-074 Кривичен законик на Република Косово“.

Во реконструкцијата на настанот, обвинителството наведува и дека осомничените Б.А, Ш.А и А.А., на 28 ноември, во Генерал Јанковиќ се сретнале со обвинетите С.Р., М.К. и Х.Д., ставајќи ги фалсификуваните евра во автомобил Фолксваген „Пасат“ кој го управувал Х.Д., по што заедно продолжиле за Приштина, за да се сретнат на бензинската пумпа „Шел“, каде што било планирано примопредавањето на фалсификуваните пари. Во текот на трансакцијата тие се откриени и идентификувани од Полицијата која интервенирала и на дело ги привела сторителите и ја одзела споменатата количина фалсификувани пари.

Според барањето на обвинителството, осомничените го извршиле кривичното дело „Фалсификување пари“, санкционирано од член 296 (ст. 1) во врска со член 31 од косовскиот Кривичен законик.

The post ЛАЖНИТЕ МОНЕТИ ГИ „КОВАЛЕ“ ВО МАКЕДОНИЈА, А ГИ ТРОШЕЛЕ ВО КОСОВО На тројца македонски државјани им виси притвор на вратот appeared first on plusinfo.mk.

Специјалното обвинителство на Косово соопшти денеска дека уапсило шест лица, од кои тројца македонски државјани и тројца од Косово, осомничени за фалсификување пари, јави дописникот на МИА од Приштина.

Според соопштението на Обвинителството, осомничените биле дел од група која дистрибуирала и внесувала на пазарот фалсификувани пари за кои, како што се наведува „постои сомневање дека се произведени во земја која е сосед на Косово“.

Во акција, спроведена од Обвинителството и Управата за стопански криминал и корупција при косовската полиција, запленети се над 85 илјади евра во монети од по две евра, за кои постои сомнение дека се фалсификувани.

– Во оваа акција запленети се кеси со по две евра во вредност од осумдесет и пет илјади и десет (85.010,00) евра за кои постои сомнение дека се фалсификувани. Запленети се и четири автомобили кои ги користеле уапсените и седум мобилни телефони, се наведува во известувањето на Обвинителството.

Надлежен обвинител им одреди на приведените 48-часовен притвор.

The post ФАЛСИФИКУВАЛЕ 85.000 ЕВРА ВО МОНЕТИ ОД ПО 2 ЕВРА Косовската полиција приведе шест лица, тројца се македонски државјани appeared first on plusinfo.mk.

– СВР Велес поднесе кривична пријава против М.М.(22) од Скопје, поради постоење основи на сомнение за сторено кривично дело „фалсификување пари“. На 10.11.2021 во Велес во продажен објект, пријавениот употребил фалсификувана банкнота од 100 американски долари. На 25.11.2021 полициски службеници извршиле претрес во просторија која ја користел пријавениот, при што биле пронајдени сомнителни банкноти во износ од 396.200 американски долари во апоени од 100 долари – посочуваат од МВР.

The post ФАТЕН СО ЛАЖНИ 100 ДОЛАРИ Полицијата во домот на скопјанец пронајде фалсификувани 396.200 долари appeared first on plusinfo.mk.

На денешната прес-конференција во Собранието, пратеникот од редовите на Левица, Борислав Крмов рече дека неговата партија го оспорува и начинот на кој беа соопштени податоците во присуство на дипломатскиот кор, оценувајќи го тоа како „обид да се бара легитимитет кај странскиот фактор“.

– Овој процес не беше ништо освен една политичка операција изведена под палката на ДУИ, а одобрена од СДСМ. Имавме многу говори и гостувања по емисии каде образложуваме зошто е проблематичен Законот за попис. Прво Законот го шверцуваа со европско знаменце, што не е случај во ниту една држава. Потоа имавме попис на дијаспора што не е случај во ниту една држава, имавме попишување со само давање на матичен број, што ги крши сите меѓународни стандарди. Имавме ситуација да може трети лица да даваат лични податоци што е забрането со меѓународни конвенции коишто Република Македонија ги има ратификувано. Имаме ситуација документи за идентификација да бидат насловени како „соодветни документи“, значи намерно не се прецизирани за да може да имаме манипулации. И на крај секако, врзаниот потпис на заменик директорот на ДУИ, за да може да ги добиеме овие, би ги нарекол, буквално фалсификувани и штелувани резултати коишто ги добивме – вели Крмов.

Тој додаде дека ДЗС и самиот признале оти некаде околу 132.000 луѓе внеле само од базите.

– Доколку има таква ситуација тоа значи дека тие луѓе бојкотирале, што значи нема валиден попис – рече Крмов.

Левица смета дека еден од најголемите проблеми е попишувањето на дијаспората, за што, според партијата, со еднострано лобирање на министрите на ДУИ, како и користењето на државјанство како главен критериум за попишување, дошло до помешување на резидентното население и иселениците.

Според Крмов, од резултатите призлегува дека непопишани се 300.000 државјани.

– Левица нема да го признае овој фингиран попис – рече Крмов, посочувајќи дека целиот овој случај ќе биде детално истражен и „ќе следуваат кривични пријави“, што, ќе биде и услов на партијата за влез во идна влада.

The post ЛЕВИЦА НЕ ГО ПРИЗНАВА ПОПИСОТ Крмов вели резултатите се штелувани и фалсификувани appeared first on plusinfo.mk.

Државното обвинителство во Минхен соопшти дека во моментов пасошот за вакцинација е „најбараната фалсификувана стока“.

Преку онлајн платформите, како што е Телеграм, може да се стигне до таков фалсификат.

„Цените на фалсификуваните пасоши за имунизација со внесени вакцини против ковид-19 се меѓу висок двоцифрен и низок трицифрен број“, се наведува во соопштението.

Постојат и „посебни услови“ за оние кои порачуваат повеќе од еден пасош.

Полицијата посочува дека овие пасоши лесно се фалсификуваат, бидејќи празни пасоши можат легално да се нарачаат, а печатот од лекарот лесно се добива.

Фалсификаторите го преземат потребниот сериски број на вакцината од фотографиите на лицата кои биле вакцинирани и потоа се фалеле со објави преку социјалните мрежи.

The post Пасошите за вакцинација – најбарана фалсификувана стока appeared first on plusinfo.mk.

Кривична пријава против пет македонски и еден британски државјанин заради приложување на лажен негативен тест за ковид-19 на аеродромот во Скопје.

– Регионалниот центар за гранични работи Север поднесе кривична пријава против Е.Д.(22) од Р.Турција, Н.Р.(48) и Е.Р.(34), двајцата од с.Неготино, гостиварско, Р.А.(22) од с.Пласница, општина Македонски Брод, Н.Б.(67) од Кичево, С.Б.(22), државјанин на Р.Северна Македонија и В.Б.(37) државјанин на Велика Британија поради постоење основи на сомнение за сторени кривични дела „фалсификување исправа“ и „непостапување според здравствените прописи за време на епидемија“, соопшти денеска МВР.

Од Министерството информираат дека тие во периодот од 16 февруари до 27 февруари 2021 година во Полициската станица за Граничен премин „Меѓународен аеродром Скопје“ приложиле фалсификувани негативни ПЦР тестови.

The post Британец, Турчин и пет Македонци фатени со лажни ПЦР тестови на скопскиот аеродром appeared first on plusinfo.mk.

Вчера околу 15.00 часот на Граничниот премин „Меѓународен aеродром“ – Скопје, при проверка на Р.Б.(36) и Л.Б.(34), двајцата од Боговиње, тетовско, било констатирано дека на увид приложиле фалсификувани негативни ПЦР тестови. Од МВР денеска информираа дека тие биле приведени и задржани за понатамошна постапка.

Во денешното соопштение од МВР стои дека вчера во 04.00 часот на Граничниот премин „Меѓународен aеродром“ – Скопје, при проверка на Р.Б.(21) од Казахстан било констатирано дека на увид приложила фалсификуван негативен ПЦР тест. Таа била приведена и задржана за понатамошна постапка.

Во утринските часови поради приложување на фалсификувани ПЦР тестови биле приведени Е.С.(48) и А.С.(46), двајцата од Кoсово, кои се задржани за понатамошна постапка.

При проверка на Г.Х.(50) од Турција било констатирано дека на увид приложил фалсификуван негативен ПЦР тест. Тој бил приведен и задржан за понатамошна постапка.

The post Приведени шест лица на скопскиот аеродром поради фалсификувани ПЦР тестови appeared first on plusinfo.mk.