Полицијата во Тирана уапси 36-годишен државјанин, баран со меѓународна потерница за фалсификување валута, со цел да биде екстрадиран во Македонија.

„Овој државјанин е прогласен за меѓународно баран откако Основниот суд во Куманово го осуди на 2 години затвор, за кривично дело „Фалсификување валута“, се вели во полициското соопштение за акцијата со име „Операција 73“.

Според извештаите, 36-годишникот бил прогласен за баран и од страна на ДВП Драч, за кривично дело „кражба“.

Во меѓувреме, Интерпол Тирана, во соработка со властите на Македонија, ќе ги спроведе постапките за екстрадиција на 36-годишникот, пишува Еуроњуз.

The post УАПСЕН ВО ТИРАНА, ЌЕ БИДЕ ЕКСТРАДИРАН ВО МАКЕДОНИЈА 36-годишник осуден во Куманово баран од Интерпол appeared first on plusinfo.mk.

Управата за финансиска полиција до Основното јавно обвинителство – Скопје поднесе кривична пријава против осум физички лица – поранешни функционери и службеници во Општина Сарај и во Град Скопје, како и надзорен инженер, поради сомнение за злоупотреба на службената положба и овластување, несовесно работење во службата и фалсификување или уништување на деловни книги.

Како што информираат од Управата, кривична пријава е поднесена против лицата Б.Б. во својство на поранешен градоначалник, С.Ш. и Ќ.К. во својство на поранешни секретари во Општина Сарај, А.С. и Ќ.А. во својство на раководители на сектор за урбанизам во Општина Сарај, А.Ш. во својство на помлад соработник во Општина Сарај, И.Б.Ш. во својство на раководител на сектор за планирање и уредување на просторот во Град Скопје и Љ.Т. во својство на надзорен инженер, за сторени кривични дела: „Злоупотреба на службена положба и овластување“ од член 353 од Кривичниот законик на РСМ, „Несовесно работење во службата“ од член 353–в од Кривичниот законик на РСМ и „Фалсификување или уништување на деловни книги“ од член 280 од Кривичниот законик на РСМ.

„Постојат основи на сомнение дека пријавените лица, вработени во Општина Сарај, иако биле свесни дека за катастарската парцела КП 10405/6 КО Сарај не постои донесен детален урбанистички план, со пречекорување на своите службени овластувања изготвиле и одобриле извод од план и одобрение за градба со невистинита содржина, како и пресметки за надоместок за уредување на градежно земјиште, спротивно на законските прописи, а надзорниот инженер извршил технички преглед на објектот и изготвил завршен извештај со невистинита содржина“, соопшти Управата за финансиска полиција.

На овој начин пријавените лица, злоупотребувајќи ја својата службена положба и овластувања, како и несовесно вршејќи ги своите должности, му овозможиле на правниот субјект „Азра Идриз“ ДООЕЛ од селото Глумово, Скопје – Сарај да се стекне со противправна имотна корист во износ од 108.638.840 денари или околу 1,7 милиони евра.

The post 8 ВРАБОТЕНИ ВО ОПШТИНА САРАЈ И ВО ГРАД СКОПЈЕ ФАЛСИФИКУВАЛЕ ДОКУМЕНТИ На фирма од Глумово ѝ овозможиле да стекне имот вреден 1,7 милиони евра appeared first on plusinfo.mk.

Основното јавно обвинителство во Битола поднесе обвинение против поранешната директорка на Државниот ученички дом „Мирка Гинова“ поради серија злоупотреби и фалсификување документи. Обвинението опфаќа и прекршувања поврзани со договори за работа и јавни набавки.

Според обвинението, во текот на 2022 и 2023 година, обвинетата му овозможила на еден работник да добие незаконски исплата за неискористен одмор, дневници и трошоци за наводни службени патувања, а му дозволила и да продолжи да користи службен телефон. Вкупната штета за ученичкиот дом изнесува околу 140 илјади денари.

Дополнително, таа самата си исплатила неоправдани трошоци од 8.176 денари за службени патувања во Србија и Унгарија.

Обвинетата директно склучила договор за сметководствени услуги без јавна набавка, со што правното лице прибавило незаконски корист од 180 илјади денари.

Исто така, таа ги надминала дозволените бројки за ангажирање лица по договор на дело и незаконски исплатила вкупно 1,1 милион денари во периодот од 2021 до 2024 година, вклучувајќи исплати на договори подолги од 24 месеци без согласност од Министерството за финансии.

Обвинението го опфаќа и фалсификувањето патни налози и службени записи. Таа, наводно, составувала лажни патни налози за да оправда своето отсуство од домот, при што во девет случаи во 2022 година со службеното возило ја напуштила земјата преку граничните премини Меџитлија, Ќафасан и Ново Село. Во 2024 година, таа целосно го изменила една страница од записникот на Управниот одбор за службените патувања.

Сега обвинетата се соочува со судење за продолжени кривични дела злоупотреба на службената положба, фалсификување исправа и прекршување на законот за трансформација во редовен работен однос.

The post ДИРЕКТОРКА ПРАВЕЛА ‘РШУМ ВО УЧЕНИЧКИ ДОМ ВО БИТОЛА Се товари за неосновани исплати, незаконски вработувања, набавки во четири очи, фалсификување записници… appeared first on plusinfo.mk.

Поднесени се уште шест кривични пријави за девет лица до Основното јавно обвинителство заради вршење криминални дела со употребувани возила, при што е нанесена директна штета врз Буџетот од 635.827 денари, информираат од Царинската управа.

Во еден случај вмешан е и царински службеник за кој е изготвено отказно решение. Случаите се дел од предкривичните постапки на Секторот за контрола и истраги при Царинската управа за криминални дела со употребувани возила за кои извести пред јавноста изминатиот месец.

„Во предкривичните постапки инспекторите уште во еден случај утврдија најгрубо кршење на законските прописи при што возач, увозник и царински службеник се сомничат за внес на товарно моторно возило во државата при што за истото е избегнато плаќање увозни давачки со што е нанесена директна штета врз Буџетот од 256 илјади денари. Во овој случај возилото е одземено, а против сторителите е поднесена кривична пријава и тоа по два основи, кривично дело царинска измама и кривично дело фалсификување исправи. Против царинскиот службеник е изготвено отказно решение“, велат од Царина.

Оттаму додаваат дека кривична пријава заради царинска измама и фалсификување исправа е поднесена и до правно и одговорно лице на фирма за сторено кривично дело царинска измама и фалсификување исправа. Во овој случај станува збор за кривични дела заради плаќање пониски увозни давачки.

„Сторителите при увоз на товарно моторно возило при царинење на возилото поднеле фалсификувана исправа за преференцијално потекло на стоката со цел истата да биде ослободена од плаќање царина. Ова е утврдено по извршена верификација на приложениот доказ за потекло на стоката со царински орган на земја членка на ЕУ, по што изготвено е решение со кое увозникот се задолжува да плати износ од 236.241 денар“, информираат од Царина.

Во останатите четири случаи Секторот за контрола и истраги поднесе кривични пријави за четири лица заради основано сомнение фалсификување исправи со цел плаќање помали увозни давачки при увоз на глисери и возило со што е нанесена директна штета врз Буџетот во висина од 143.453 денари.

The post ЦАРИНА УДРИ ПО КРИМИНАЛОТ СО ВОЗИЛА И ГЛИСЕРИ Поднесени 6 кривични пријави против 9 лица, штета од 635 илјади денари appeared first on plusinfo.mk.

Во статусот објавен на Фејсбук Милошоски пишува:

На 12 јули директорката на Академијата за судии и јавни обвинители (АСЈО), Наташа Габер поднесе оставка од функцијата, а како причини ги наведе „нестручната” одлука на Антикорупциската комисија и „неисправната” одлука на Управниот суд, поврзани со прекршувањето на изборниот законик од страна на раководството на АСЈО. Но, позади овој навидум етички чин, веројатно се крие загриженоста на директорката Габер дека неколку членови на Управниот одбор на Академијата веќе имаат сериозни индиции дека е фалсификуван записник од нивната седницата одржана на 15 март 2024 година.

Имено, по контроверзните измени на Законот за Академија за судии кои во Собранието беа протуркани со злоупотреба на европското знаменце, Управниот одбор на АСЈО заседавал, но НЕ ДОНЕЛ одлука за временската рамка за полагањето на квалификацискиот тест во писмена форма.

Сепак, три дена подоцна, претставничка на Академијата ги убедувала членовите на Приемната комисија дека Управниот одбор ДОНЕЛ одлука за полагање на тестот, иако Наташа Поп Трајкова, член на Приемната комисија, забележала дека во материјалите кои им се пратени нема таква одлука на УО. Испаѓа дека претставничката на Академијата пред Приемната комисија лажно тврдела дека Управниот одбор ја донел на записник спорната одлука.

Според Статутот на АСЈО токму директорката Габер е одговорна да ги извести органите на Академијата дали се исполнети законските услови за носење на таква одлука, и без нејзино знаење тешко би можело да се замисли некој да фалсификува записник од седницата на Управниот одбор.

После пресудите на Управниот суд дека АСЈО го прекршила законот, Антикорупциската комисија побара одговорност и оставки од членовите на Управниот одбор на Академијата. Ваквиот тек на настаните мотивирал неколку членови на УО на АСЈО да го побараат записникот од седницата на Приемната комисија (види прилог стр.2; 18.03.2024) и така ги забележале лажните тврдења на нивна штет, односно дека УО ја донел спорната одлука. Сепак, одговорот кој сторил фалсификување на службена исправа и по чиј налог најдобро го знае директорката Наташа Габер, која за овие дилеми ќе треба да одговара пред Управниот одбор, како и пред министерството за правда како институција која е надлежна да врши надзор. Нејзината закаснета оставка сепак не ја штити од одговорноста за ваквите силни индиции за незаконито фалсификување на записници, пишува Милошоски.

The post МИЛОШОСКИ ЈА ПРАШУВА ГАБЕР Дали како директорка на Академијата за судии учествувавте во фалсификување на записник? appeared first on plusinfo.mk.

„Имено, З.Л. во својство на полициски службеник и претседател на комисија за утврдување на дисциплинска одговорност, несовесно постапил во вршење на своите должности и овластувања така што во 2 наврата во законски предвиден рок не спровел постапка за утврдување на дисциплинска одговорност против С.А., вработена во Полициската станица за гранични проверки и граничен надзор Богородица, а за која претходно од Одделот за внатрешна контрола, криминалистички истраги и професионални стандарди е поднесена кривична пријава за примање поткуп. Исто така, З.Л. фалсификувал потпис на член на комисијата, кој лично не учествувал во донесувањето на одлуката за прекин на постапката против С.А., ниту своерачно ја потпишал“, известува Министерството за внатрешни работи (МВР).

На тој начин пријавениот му нанел штета на угледот на МВР.

Одделот за внатрешна контрола, криминалистички истраги и професионални стандарди ќе поднесе предлог против З.Л. да биде споведена постапка за кршење на работниот ред и дисциплина и ќе биде отстранет од работното место до завршување на дисциплинската постапка, се вели во извештајот на МВР.

The post ФАЛСИФИКУВАЛ ПОТПИС ЗА ДА СПАСИ ПОТКУПЕНА КОЛЕШКА Кривична пријава против полицаец од Гевгелија appeared first on plusinfo.mk.

1. На пет дена пред крајот на пописот, скопските општини се само половично попишани (во бојкотот дефинитивно води општина Аеродром), каде цели згради одбиваат да се попишат – види видео во коментар.

2. Луѓе кои биле во странство и оттаму се попишале (во април), сега се вратени во МК и пак се попишуваат втор пат – системот не ги дава како попишани!?

3. Човек се попишал во Австрија, сега од дома – жена му повторно го попишува како да е тука (системот не го дава дека е двојно попишан)!?

4. Фамилија иселена во Швајцарија пред неколку години – маж, жена и две деца – дедото ги попишува дека се тука (системот не ги дава дека се веќе попишани)!?

5. Планот за фалсификување на пописот дефинитивно им е пропаднат! Немаат време ни да се закануваат со казни, ни да ги пишуваат (оти така ќе признаат дека стотици илјади Македонци одбиле да се попишат). Во недоумица се што е најпаметно да направат за да не се избламираат – па гледаат само провизорно да го „покријат“ теренот со попишувачи кои ги шетаат и по други градови. Затоа и ги отворија овие т.н. локални пунктови за попишување надвор од дома, кои немаат никаков ефект.

6. Планираат подоцна, од вака скрпените податоци, истите да ги пополнуваат вештачки – преку разни регистри и застарени „бази на податоци“! Но, тука им се јавува еден огромен проблем – им фалат личните изјаснувања (за јазик, припадност, религија и сл.), па добиле инструкции од раководните луѓе на ДЗС буквално да ги фалсификуваат на своја рака – за што, накнадно, ќе си одговараат кривично.

Наравочуение: Пописот 2021 го прогласуем за умрено!

The post АПАСИЕВ ГО ПРОГЛАСИ ПОПИСОТ ЗА „УМРЕНО“ Планот за фалсификување дефинитивно им е пропаднат! appeared first on plusinfo.mk.

Деветнаесетгодишна Французинка, која работела во најголемиот центар за вакцинација во Бордо, добила условна казна од 18 месеци затвор, бидејќи фалсификувала 20 ковид-потврди за нејзините роднини. Кривичниот суд во Бордо, исто така, ѝ изрекол петгодишна забрана за работа во јавниот сектор.

Таа работела во центарот од 1 септември и признала дека учествувала во фалсификување 24 потврди за 16 лица.

Обвинителката рече дека не верува дека таа го направила тоа за финансиски надомест.

Според податоците од нејзиниот мобилен телефон, полицијата ги пронашла пропусниците кои биле многу неконзистентно произведени, објави Индекс.

Младата жена, која работела од својата 16 година, објаснила дека сакала да им направи услуга на пријателите и на роднините кои не сакаат да се вакцинираат и дека сакала да оди во кино или во ресторан со некои од нив.

Продолжува истрагата за корисници на лажни документи и можни други измами.

The post НЕМАЛА СО КОГО ДА ГЛЕДА ФИЛМ Французинка фалсификувала ковид-сертификати за невакцинираните другарки appeared first on plusinfo.mk.

– Обвинетиот, на 10 септември, во постапката за продолжување дозвола за привремен престој на странец, пред службите на Министерството за внатрешни работи, употребил како вистинска преправена јавна исправа – турски пасош. Во патната исправа била извршена замена на оригиналната надворешна корица и на страницата со податоци, информираа од ОЈО.

Надлежниот јавен обвинител на Основниот кривичен суд му предложил да определи притвор, бидејќи постои опасност од бегство на обвинетиот кој е странски државјанин.​

The post Турски државјанин обвинет за фалсификување исправа appeared first on plusinfo.mk.