Бугарски државјанин е уапсен на граничниот премин „Богородица“ поради сомнение дека сторил кривично дело „фалсификување исправа“, соопшти Министерството за внатрешни работи.

Според МВР, на 2 октомври во 09:50 часот, полициски службеници го лишиле од слобода И.А.И. (58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

За случајот бил известен јавен обвинител, а бугарскиот државјанин бил предаден во Полициската станица Гевгелија.

Од МВР информираат дека по целосното документирање на случајот ќе биде поднесена соодветна пријава.

The post УАПСЕН БУГАРСКИ ДРЖАВЈАНИН НА ГП „БОГОРОДИЦА“ Имал фалсификувани документи appeared first on plusinfo.mk.

Фалсификат е документот со кој мафта Венко Филипче дека јас сум овластено лице на фирмата која добила тендер од 1,6 милион евра и за тоа ќе ги тужам, рече денеска Никола Ќуркчиев од СДСМ, кој е дел од иницијатирите на Платформата 12.05.

– Станува збор за компанија од Грција која инвестираше во Македонија во 2019 година, кога премиер беше Зоран Заев. Јас бев хонорарно ангажиран, но не сум имал својство на овластено лице. Фирмата „Армос Балкан“ тогаш победи на тендер. Јас веднаш дадов демант кога се појави информацијата од Венко Филипче дека сум  поврзан со таа фирма – рече Ќурчиев.

Додаде дека Филипче во интервју на телевизија мафтал со листови на кои тврди дека стои неговото име како овластен претставник на фирмата.

– Тој фалсификат најверојатно го направиле со фотошоп или со ЧатЏПТ. Тоа е кривино дело. Побарав извинување за кажаното. Но, потоа на сајтот СДСМ продолжи, со соопштение дека ВМРО-ДПМНЕ преку овој тендер ја финансира Платформата 12.05. Отидов во СДСМ и им дадов опомена пред тужба, а ќе следува и кривична пријава. Имаат рок од 8 дена да ми се извинат, кој истекува – рече Ќурчиев на денешниот брифинг за следните активности на Платформата 12.05.

Платформата 12.05, иницирана од поранешни функционери на СДСМ, денеска најави дека ќе го руши Венко Филипче од лидерската позиција на СДСМ, со цел СДСМ повторно да стане силна опозициска партија која ќе биде стожер за силно опозициско обединување, а со крајна цел – победа на парламентарни избори и симнување од ВМРО-ДПМНЕ од власт.

Игор Ивановски, Андреј Петров, Гордан Георгиев, Никола Ќуркчиев, Славјанка Петровска и Емилијан Станковиќ денеска на брифинг ги најавија следните чекори на иницијативата 12 и 5. Во сабота ќе ги одржат вторите „Разговори за иднината во 12 и 5“, на тема „35 години потоа“, по што, можеби и од следниот ден „ќе тргнат“ по Филипче.

• ФИЛИПЧЕ ИМ ПОРАЧА НА СОПАРТИЈЦИТЕ ОД ИНИЦИЈАТИВАТА 12.05 ДА СЕ ВРАЗУМАТ Не е добро да се ситни опозицијата, вратата за обединување е отворена

Филипче, пак, им порача да се вразумат.

ПРВО ЌЕ ГО СРУШАТ ФИЛИПЧЕ, ПА ЌЕ ЈУРИШААТ КОН ВЛАСТА Платформата 12.05 се одважи да се справи со колабираниот СДСМ и да создаде опозициски фронт

The post ЌУРКЧИЕВ ГО ОБВИНИ СДСМ ЗА ФАЛСИФИКАТ И НАЈАВИ КРИВИЧНА ПРИЈАВА Не бил овластено лице во фирма која доби милионски тендер appeared first on plusinfo.mk.

Сопственик на фирма од Охрид, на возраст од 43 години, заработи кривична пријава откако со месеци продавал станови со лажни документи.

Во текот на 2024 и 2025 година, тој фалсификувал одобрение за надградба на станбена зграда, претставувајќи го како официјален документ издаден од општина Охрид. Со тоа „покритие“ се рекламирал на веб-страници за продажба и нудел станови што реално немале валидна дозвола.

Според информациите од МВР, повеќе лица наседнале на измамата и му уплатиле пари, верувајќи дека купуваат легален имот.

The post ПРОДАВАЛ СТАНОВИ СО ЛАЖНИ ДОКУМЕНТИ Измама тешка илјадници евра во Охрид appeared first on plusinfo.mk.

Во СВР Велес 60-годишна велешанка синоќа пријавила дека фирмата каде што работи била оштетена за 21.111 евра, информира МВР во дневниот билтен.

Имено, фирмата извршила уплата на средствата по фактура кон деловен партнер, но откако добиле порака на електронската адреса дека уплатата не е реализирана, стапиле во контакт со банката и деловните партнери и утврдиле дека фактурата била пресретната и фалсификувана, а средствата биле уплатени на друга сметка, се вели во информацијата од МВР.

The post ФАКТУРАТА ПРЕСРЕТНАТА И ФАЛСИФИКУВАНА? Велешка фирма оштетена за повеќе од 21.000 евра appeared first on plusinfo.mk.

Во септември минатата година, обид за изборна манипулација во Богданци се одвивал зад затворени врати, преку злоупотреба на лични податоци и фалсификувани документи. Во случајот се опфатени три лица – еден жител на Богданци и двајца од Скопје.

Според наодите на полицијата, 40-годишен маж од Богданци без знаење и согласност ги искористил личните податоци од лична карта и пасош на својата мајка и уште едно лице. Наместо тие податоци да останат приватни, завршиле кај 33-годишен скопјанец, кој ги употребил во постапка за кандидирање членови за Советот на општина Богданци.

Во документите поднесени до општинската изборна комисија, полицијата утврдила дека биле фалсификувани и потписите на лицата чии податоци биле злоупотребени. Така изработените лажни јавни исправи, на 13 септември 2025 година, во Богданци биле доставени до членовите на изборната комисија, со цел да се поднесе кандидатска листа за советници.

Во целиот процес бил вмешан и трет осомничен, 45-годишен жител на Скопје, кој, според пријавата, учествувал во предавањето на фалсификуваната документација. Против тројцата се поднесени кривични пријави за злоупотреба на лични податоци, фалсификување исправа и помагање во овие дела.

The post СО ЛАЖНИ ПОТПИСИ КАНДИДИРАЛЕ СОВЕТНИЧКА ЛИСТА Полицијата откри фалсификат на локалните избори во Богданци appeared first on plusinfo.mk.

СВР Битола, до Основното јавно обвинителство Битола, поднесе кривична пријава против М.Т.(46) од Битола поради постоење основи на сомнение за сторени кривични дела „злоупотреба на службена положба и овластување”, „фалсификување исправa” и „употреба на исправа со невистинита содржина”.

Пријавениот, управител во приватна фирма од Новаци, во април и мај 2024 година, со пречекорување на границите на своите службени овластувања, а со намера да прибави противправна имотна корист, нанел штета од 5.453.7000 денари или 88.678 евра на РЕК Битола. Имено, тој извршил промена на две барања од РЕК Битола (рудник Суводол) до фирмата за набавка на ролни за јаглен за репарирање на лента за јаглен, на тој начин што извршил промена на количината, односно ги преправил првичните појдовни барања кои како документи биле изготвени и таквите фалсификувани барања ги употребил како доказ во правен сообраќај за набавка на гумени прстени.

The post СО ФАЛСИФИКАТ ГО ОШТЕТИЛ РЕК БИТОЛА ЗА 90.000 ЕВРА Кривична пријава за управител на фирма од Новаци appeared first on plusinfo.mk.

Царинските службеници во Тетово спречија обид за криумчарење 2.000 килограми фалсификуван прашок за перење со ознаки на познатата марка Ариел, наменет за увозник од Скопје. Според Царинската управа, овој производ е особено ризичен затоа што непознатиот хемиски состав може да предизвика сериозни здравствени последици и да ја загадува животната средина.

Контролата била извршена на товар натоварен во Турција, по што цариниците посомневале во оригиналноста на производот. Одделението за нетарифни мерки и заштита на правата од интелектуална сопственост веднаш го известило правниот застапник на носителот на правата на брендот. Од таму било потврдено дека станува збор за фалсификат.

– Овој случај уште еднаш потврдува дека царината секојдневно спречува влез на небезбедни и штетни производи на нашиот пазар. Фалсификатите не се само економска закана, тие многу често се опасни по здравјето и животната средина – велат од Царинската управа.

Бидејќи сопственикот на правата дал согласност, стоката ќе биде уништена. По целосното спроведување на постапката, против сторителот ќе биде поднесена соодветна пријава.

The post ФАЛСИФИКАТ АРИЕЛ ЗАПЛЕНЕТ ВО ТЕТОВО Царина спречи влез на 2 тони опасен прашок appeared first on plusinfo.mk.

Обвинителството во хрватскиот град Вараждин подигне обвинение против две лица, татко и син, под сомнение дека организирале производство на над 1,3 милиони лажни ковид тестови во Турција и ги продавале ширум Европа, при што оствариле нелегална финансиска добивка од околу 450.000 евра.

Обвинителството наведе дека е подигнато обвинение против 26-годишен и 66-годишен маж поради фалсификување лекови или медицински производи и перење пари.

Обвинителството не ги објави имињата на осомничените, но според хрватските медиуми, станува збор за син и татко, Филип и Анѓелко Михалиќ. Таткото е поранешен пратеник од владејачката Хрватска демократска заедница (ХДЗ).

Според обвинението тие од 26 август 2022 до 25 мај 2023 година организирале производство на лажни ковид тестови. Во фабрика во Истанбул биле произведени 1,3 милиони лажни тестови кои биле прикажани како оригинални и биле увезени во Хрватска преку нивна фирма, а потоа биле продавани во Хрватска, Грција, Романија, Австрија., Шпанија и Германија.

The post ПРОИЗВЕДУВАЛЕ ЛАЖНИ КОВИД ТЕСТОВИ, „ЗГРНАЛЕ“ 450.000 ЕВРА Поранешен хрватски пратеник и негов син уапсени за криминал appeared first on plusinfo.mk.

Надворешната канцеларија за криминалистички работи Берово поднесе кривична пријава против Д.Ј.(57) од Пехчево поради постоење основи на сомнение за сторено кривично дело „фалсификување исправа”.

На конкурс за директор во основно училиште пријавената приложила фалсификуван сертификат за познавање англиски јазик со намера незаконски да биде избрана, информира МВР во билтенот.

The post СО ЛАЖЕН СЕРТИФИКАТ ЗА АНГЛИСКИ КОНКУРИРАЛА ЗА ДИРЕКТОРКА НА УЧИЛИШТЕ Пријава за фалсификат во Пехчево appeared first on plusinfo.mk.

Две години условна казна за незаконско назначување на директор во училиштето „Зини Хани“ во Велешта и парична казна од 2.500 евра за „Браќа Миладиновци“ во Струга доби струшкиот градоначалник Рамиз Мерко.

Условна казна од две години доби и првообвинетата Егзона Шеи, која ја извршувала функцијата в.д. директор во училиштето со фалсификувани исправи.

Судечкиот судија Јордан Јованов кажа дека доколку го повторат делото во рок од две години, ќе следува една година ефективна затворска казна. Обвинетата Шеи, според него, која засновала работен однос во училиштето како апсолвент, како приправник работела четири години и од условот за поставување директор со пет години стаж, таа четири години била приправник.

– Кај исправите постојат елементи на кривичното дело „употреба на исправа со невистинита содржина“. Тоа подразбира дека изјавата не е лажна, но она што е напишано во неа не е точно. Егзона која засновала работен однос како апсолвент како приправник работела четири години. Истиот месец кога дипломирала била избрана за в.д. директор, а стручен испит за наставник полагала кога го почнала третиот и последен мандат како в.д. директор, истакна судијата Јованов.

Тој појасни, дека таа се товареше дека фалисфикувала три исправи, едната е уверението за приправнички стаж во кое се тврди дека го има завршено приправничкиот испит, втората е потврдата за работно искуство со која се тврди дека има пет години работела како наставник за да може да исполни услови како директор и третата исправа е мислењето на Наставничкиот совет во кое се тврди дека ги совладала предвидените компетенции.

– Со оглед на тоа дека делата се сторени со поврзани дејствија под исти околности, одлучив на сите да им биде изречена иста санкција. Овој пат со оглед на олеснителните околности, ќе биде условна осуда, така што им се утврдува казна во траење од една година, која што нема да се изврши доколку во рок од две години по правосилноста не сторат ново кривично дело – рече Јорданов.

Незадоволни од пресудата изразија и јавниот обвинител Џемал Лога и одбраната на Мерко, Игор Петкоски, кои најавија жалба по приемот на пресудата.

– Не очекував парично, но со оглед дека за првиот предмет беше осуден условно, за вториот требаше ефективна затворска казна – изјави обвинителот Лога.

Струшкиот градоначалник Рамиз Мерко доби ослободителна пресуда за набавката на луксузниот автомобил „Ауди“ во вредност од 67.000 евра и парична казна од 10.000 евра за незаконско поставување директори во неколку основни училишта.

Против него во Судот во Струга се води постапка за незаконско поставување спомен обележје – плоча на влезот на Општинската зграда, а идниот месец треба да почне судскиот процес за склучен договор за осветлување на дел од речното корито на Црн Дрим.

Тој е на „црната листа“ на Соединетите Американски Држави (САД) поради вмешаност во корупција.

The post РАМИЗ МЕРКО КУРТУЛИ ОД ЗАТВОРСКА КАЗНА Поставувањето директорка со лажни документи ќе го чини 2.500 евра appeared first on plusinfo.mk.