Две странски компании од автомобилската индустрија најавија дека ќе ја напуштат Македонија, објави порталот Бизнисвести.мк.

Според најавите, американската компанија „Аптив“ ќе ја затвори својата фабрика во Скопје најдоцна до крајот на 2026 година. Компанијата, која произведува електронски компоненти за автомобилската индустрија, веќе почнала со процес на постепено намалување на обемот на работа и прераспределба на производството кон други држави.

Исто така, американскатат компанија „Дура аутомотив системс“ објави дека ќе го прекине своето производство во Македонија, поради намалување на нарачките од главниот клиент, што довело до финансиски притисок и невозможност за одржување на тековните производствени капацитети.

Според порталот, двете компании, чии погони биле лоцирани во Технолошко индустриската зона Бунарџик, заедно имале околу илјада вработени.

Најавите за заминување на двете американски компании од Македонија го кометнираше и премиерот Христијан Мицкоски на новинарско прашање за време на неговата денешна посета на ТИРЗ Бунарџик.

– Ќе има компании кои што ќе се отвораат и ќе има компаниии кои што ќе се затвораат, и домашни и странски, и тоа не тереба да се сфаќа како крај на светот. Ние како Влада се обидуваме и умешни сме во тоа да привлечеме што е можно повеќе компании. Веќе имаме неколку што се во процес на завршување на преговори, до крајот на годината и то 4 или 5 такви компании, за веќе да потпишат договори со Владата. Очекувам нови над 1.000 работни места кои што би се креирале само како разултат на овие договори – рече Мицкоски, кој присуствуваше на отворање на нов погон на компанијата „Костал“.

The post ДВЕ АМЕРИКАНСКИ КОМПАНИИ СИ ОДАТ ОД МАКЕДОНИЈА Причина е намалување на нарачките appeared first on plusinfo.mk.

Во последните осум месеци, десет македонски текстилни конфекции ставија клуч на врата, а сите се лоцирани во источниот дел на земјата, предупредува Ангел Димитров од Организацијата на работници. Причината за ваквиот колапс, како што посочува, е намалувањето на порачките од страна на странските партнери.

– Јас немам точен податок, но од она што ми го кажуваат колегите, околу десеттина конфекции ја затворија својата дејност. Дури и оние што продолжуваат со работа, ги намалуваат бројот на вработени, особено со заминувањето на постарите работници во пензија, без намера да ангажираат нови луѓе за одржување на производството на претходното ниво – изјави Димитров за МИА.

Тој додава дека македонскиот текстилен сектор во последните години преживеал три кризи, по што се намалија налозите од традиционалните германски партнери.

– Во моментов конфекциите работат на помали налози, бидејќи тие што доаѓаат од Бангладеш, нашите партнери не ги прифаќаат – додаде тој. Според проценките, во индустријата останаа да работат околу 25.000 лица.

– Од 2010 година наваму, производството на облека постојано опаѓа, со намалување на бројот на работници и на извозот. После корона-кризата, падот се засили, а дополнително влијаат и проблемите во германската економија, како нашиот најголем партнер. Војната во Украина и енергетската криза предизвикаа пад на побарувачката за текстилни производи, што директно го погоди работењето на нашите конфекции – објасни Димитров.

Тој додава дека во моментов седниците на Економско-социјалниот совет се во мирување. Последната седница беше во август, а се очекува тие да продолжат по локалните избори, кога работодавачите ќе ги презентираат своите барања.

The post ТЕКСТИЛНАТА ИНДУСТРИЈА Е ВО КРИЗА Десет конфекции ставија клуч на врата во осум месеци appeared first on plusinfo.mk.

Основачот на Мајкрософт и американскиот милијардер Бил Гејтс смета дека вештачката интелигенција (АИ) во иднина ќе ја преземе улогата на многу професии, меѓу кои и лекарите и наставниците, објави Замин.

– Вештачката интелигенција ќе внесе интелект во медицината и веќе нема да има недостиг на кадар – рече Гејтс.

Тој се осврнува на недостигот на медицински работници во Индија, Африка и САД. Според проценките на Здружението на американски медицински колеџи, до 2036 година во САД ќе недостасуваат 86.000 лекари.

Сличен проблем постои и во образованието. Дури 86% од јавните училишта во САД известиле дека тешко наоѓаат наставници за учебната 2023-2024 година, а 45% се соочуваат со сериозен недостиг на кадар.

Во Велика Британија, лондонскиот „Дејвид гејм колеџ“ (David Game College) спровел едногодишен експеримент со користење на Чат ГПТ во наставата. Дваесет студенти користеле вештачка интелигенција во предмети како англиски јазик, математика, биологија и компјутерски науки. Иако постоеле иницијални сомнежи околу можноста за мамење, наставниците на крај признале дека алатката заштедила време и го подобрила процесот на учење.

Гејтс предупреди дека вештачката интелигенција нема да ги заобиколи ниту другите професии. Работниците во фабрики, градежништво и угостителство исто така ќе бидат погодени.

– Ова бара голема вештина  и ќе ја развиеме – рече тој.

Тој предвидува дека во иднина работните места ќе исчезнат или ќе се трансформираат, што може да доведе до порано пензионирање или до скратена работна недела.

– На крајот, прашањето ќе стане филозофско. Што потоа? – заклучи Гејтс.

The post ОД НАСТАВНИЦИ ДО ЛЕКАРИ, ВЕШТАЧКАТА ИНТЕЛИГЕНЦИЈА ЌЕ ГИ ЗАМЕНИ СИТЕ ПРОФЕСИИ Бил Гејтс предвидува дека луѓето ќе работат помалку, ако воопшто работат appeared first on plusinfo.mk.

Францускиот производител на гуми „Мишелин“ денеска им потврди на синдикатите дека најдоцна на почетокот на 2026 година ќе затвори 2 фабрики во Франција, а без работа ќе останат вкупно 1.254 работници.

Во фабриката на локацијата Ван се вработени околу 300 работници кои произведуваат метални шипки за засилување на гумите, додека 963 работници на локацијата Шола произведуваат гуми за комерцијални возила, пишува Фигаро.

Причините за затворање на фабриките е азиската конкуренција конкуренција.

-Цените на енергијата во Европа се двојно повисоки отколку во Соединетите Американски Држави или Азија, кои двојно ги зголемија трошоците за производство во споредба со 2019 година – вели извршниот директор на групацијата Мишелин, Флорент Менего.

Според него, Мишелин повеќе нема да може никому да гарантира вработување бидејќи тоа би било неодговорно во услови на глобализираниот пазар.

– Очигледно е шок за вработените – признава Менего кој вели дека компанијата ги проучила сите сценарија пред да одлучи да ги затвори фабриките. Притоа ќе бидат искористени и опциите за предвремено пензионирање и шемите за внатрешна и надворешна мобилност.

Тој информира и дека деловните активности во двете фабрики ќе бидат запрени до следниот понеделник за да им се овозможи на работниците доволно време да ги прифатат информациите за затворање.

The post ФРАНЦУСКИ „МИШЕЛИН“ ЗАТВОРА ДВЕ ФАБРИКИ Повеќе од 1.200 работници ќе добијат отказ appeared first on plusinfo.mk.

„Опасната спирала на напади и одмазда создава ризик да предизвика ново продолжување на регионалниот конфликт. Признавајќи го правото на Израел на самоодбрана, ЕУ ги повикува сите инволвирани страни да покажат најголема можна воздржаност со цел да се избегне ескалација надвор од контрола која не е во ничиј интерес, соопшти Европската унија.

Иран предупреди дека ќе се брани по последните израелски напади, чии цели, според Израел, биле ракетни фабрики и воени објекти во неколку ирански региони. Иран објави дека загинале двајца војници.

Израел предупреди дека Иран ќе плати „тешка цена“ доколку одговори на тие напади, кои пак беа одговор на нападите на Иран врз Израел на 1 октомври.

The post ЕУ ПОВИКА НА „НАЈГОЛЕМА ВОЗДРЖАНОСТ“ Брисел бара да се избегне ескалација по нападот на Израел врз Иран appeared first on plusinfo.mk.

– На пазарот на трудот влијаат и други долгорочни трендови, особено демографски, додека продуктивноста на трудот заостанува зад растот на платите – нагласи Набиулина, додавајќи дека сите споменати фактори вршат притисок врз руската економија.

Таа наведе дека истражувањето е спроведено во околу 15.000 руски фабрики.

Управниот одбор на Банката на Русија денеска одлучи да ја задржи референтната каматна стапка на 16%. Како што се истакнува во соопштението на руската Централна банка, намалувањето на инфлацијата во Русија на посакуваните 4% бара рестриктивната монетарна политика да се одржува подолго од првично планираното.

Рускиот претседател Владимир Путин вчера предупреди дека на неговата земја сè уште и се заканува раст на инфлацијата, но според него трендовите се позитивни.

Тој нагласи дека Русија во следните 6 години треба радикално да го зголеми индустриското производство „за десетици проценти“, како и дека нови компании, вклучително и високотехнолошки, треба да се појават буквално насекаде во земјата.

The post РУСИЈА СЕ СООЧУВА СО НЕДОСТИГ НА РАБОТНА СИЛА Дури 70% од фабриките го имаат тој проблем, алармира руската гувернерка appeared first on plusinfo.mk.

На овие простори се правеле и бродови, авиони, вагони, оружје, па дури и компјутери, а некои од брендовите биле познати и во светот.

Она што е интересно за Македонија е дека на денешниот ден можеби за првпат на едно интернационално ниво во градот Јајце во Босна и Херцеговина, на второто заседание на АВНОЈ, биле признаени Македонците и Македонија како посебен и конститутивен народ во сопствена држава, заедно со Црногорците, Србите, Хрватите и Словенците. Овој потег дава импулс што влијаел овие народи понатаму да бидат признаени и во други меѓународни институции.

Лани на овој ден југословенската тробојка осамна на улиците на Кочани закачена на автомобили заедно со знамиња со ликот на Тито и натписот „За слобода и независност на социјалистичката република“ и „Македонски титови следбеници“. Празникот неформално се празнува и по распаѓањето на СФРЈ во неофицијална форма. Во Србија и официјално празникот се славел до април 2002 година кога бил укинат.

Доколку денес би постоела Југославија, таа би била голема колку Велика Британија, воено моќна колку Грција, а богата колку Перу или Казахстан.

Исто така, малку е познато дека во некогашна Југославија било планирано да влезат Егејска Македонија, Албанија, Бугарија и Романија, но преговорите пропаднале, а во некои од овие места победило западното влијание по Втората светска војна.

Постои и една смешна „балканска димензија“ од деновите кога се празнувал овој ден. Имено, многу луѓе колеле прасиња и јагниња во чест на „братството и единството“, а масивно се закажувале и свадби.

Секако, пеењето песни за Тито и станувањето Титов пионер со давањето заклетва кон државата за постарите генерации уште претставува една свежа и убава меморија од времето за една поголема држава која, како што велат, била „средена, чиста, успешна…“

Дури и бендот „Забрањено пушење“ со иронија или без иронија ја отсвире песната „Дан Републике“ која станала хит за генерации и генерации.

The post ЗОШТО Е БИТЕН 29 НОЕМВРИ? Погледнете колку различни фабрики биле во погон во некогашна Југославија! appeared first on plusinfo.mk.

Тојота Мотор Корпорација денеска објави дека е принудена да ги затвори сите 14 фабрики во Јапонија.

Портпаролот на компанијата изјави за АФП дека производните линии „не можеле да ги испорачаат нарачаните делови поради грешка во системот“, пренесува Teletrader.

Сепак, јапонскиот автомобилски гигант вели дека не верува дека грешката е предизвикана од сајбер напад.

Како што се наведува, неизвесно е кога фабриките на Тојота ќе можат да го обноват производството.

Првично, погоните во фабриката Mијата во префектурата Фукуока и фабриката на Тојота Дајхатсу во Кјото не беа погодени од проблемот, но подоцна Тојота најави и нивно затворање.

The post ТОЈОТА ГИ ЗАТВОРИ СИТЕ ФАБРИКИ ВО ЈАПОНИЈА Грешка во системот предизвика хаос во производството appeared first on plusinfo.mk.

Во сеф-собата бил пронајден сув цвет од канабис кој не бил означен и спакуван согласно законските прописи, а во останатите простории била пронајдена непријавена сува маса од канабис за кое правното лице не доставило известување до Комисијата при Министерство за здравство, на што е обврзано со закон, објаснува МВР.

„На 14.04.2023 полициски службеници од Одделот за криминалистичка полиција – Сектор за недозволена трговија со дрога, оружје и опасни материи – Единица за недозволена трговија со дрога, во две координирани акции заедно со полициски службеници од СВР Велес – ОВР Кавадарци и ОВР Неготино, како и со СВР Битола запленија голема количина на марихуана од две фабрики за производство на канабис за медицински цели.

Имено, по претходно преземени мерки и активности и обезбедени докази дека правните лица постапувале спротивно на одредбите од Законот за контрола на опојни дроги и психотропни супстанци, односно во правните субјекти одгледувале растенија канабис спротивно на законот, со цел понатамошна продажба на дрогата, биле обезбедени наредби за претрес од Основен суд Кавадарци и Основен суд Битола.

По претходно извршени контроли на полициски службеници заедно со претставници од Комисијата за оценување на исполнетост на условите во однос на простор, опрема и кадар за добивање на одобрение за одгледување на канабис за медицински цели од правен субјект во кавадаречко, била одземена марихуана во вкупна количина од 1 тон, 570 килограми и 135 грама, и тоа како финално обработен и необработен сув цвет од канабис, биомаса од канабис, суви листови и суви гранки од канабис

При контролата биле констатирани неправилности при работењето, односно во сеф собата бил пронајден сув цвет од канабис кој не бил означен и спакуван согласно законските прописи, а во останатите простории била пронајдена непријавена сува маса од канабис за кое правното лице не доставило известување до Комисијата при Министерство за здравство.

– Воедно, не била пријавена ни количината на финален сув производ, а во целиот процес на одгледување се постапувало незаконски, бидејќи иако имале законска обврска да ја известат Комисијата, тоа не го правеле за да можат произведената дрога марихуана да ја пуштат во продажба на црниот пазар, чија вредност изнесува околу 6 милиони евра и на тој начин да се стекнат со противправна имотна корист – изјави Сузана Прањиќ Талевска од МВР

Исто така, од правно лице со седиште во битолско, биле одземени 300 килограми марихуана и 494 растенија канабис. Министерството за внатрешни работи поднесе две кривични пријави против сопствениците на правните субјекти, за кои е утврдено дека се државјани на Р.Албанија, и тоа од СВР Битола по член 215 од Кривичниот законик и член 95 В од Законот за контрола на опојни дроги, како и од страна на ОВР Кавадарци поднесена е кривична пријава по член 95 В. Министерството за внатрешни работи, во координација со Јавен обвинител, презема понатамошни мерки и активности за утврдување на одговорност и на останати лица инволвирани во незаконска трговија со дрога“ – се вели во соопштението на МВР.

The post (ВИДЕО) ОД ДВЕ ФАБРИКИ ЗАПЛЕНЕТ КАНАБИС ВРЕДЕН 6 МИЛИОНИ ЕВРА! Произведувале непријавена и неевидентирана марихуана appeared first on plusinfo.mk.

Говорејќи на пролетниот состанок на Меѓународниот монетарен фонд (ММФ) и Светската банка, Малпас истакна дека Светската банка одигра голема улога во обновата на европската челична индустрија по Втората светска војна и дека може да игра слична улога и во Украина .

– Уништувањето е застрашувачко, рече тој, цитирајќи ја неодамнешната проценка дека обновата на украинската економија ќе чини 411 милијарди долари, или 2,6 пати повеќе од очекуваниот бруто домашен производ (БДП) на Украина во 2022 година.

Оваа сума, која ја пресметаа Светската банка, Обединетите нации, Европската комисија и Украина, е значително повисока од проценката од 349 милијарди долари, објавена во септември минатата година.

Вкупните обврски на Светска банка во 2022 година изнесуваат 75 милијарди долари, што е за 50 отсто повеќе од просекот.

– Европската унија има големи ресурси што би можеле да бидат вклучени – рече Малпас и додаде дека „банката е подготвена да ја одигра својата улога во реконструкцијата, но сумата за реконструкција на електроенергетскиот, патниот и железничкиот сектор е многу поголема во споредба со билансите на меѓународните финансиски институции“.

Американската министерка за финансии Џенет Јелен вчера повтори дека Вашингтон ќе ја поддржува Украина се додека е потребно. Таа рече дека поддршката од САД и Европската унија ќе биде доволна за Украина до крајот на годината, но ако војната продолжи, Вашингтон ќе мора да работи со партнерите за да обезбеди дополнителна поддршка.

The post УНИШТУВАЊЕТО Е ЗАСТРАШУВАЧКО Обновата на Украина ќе чини над 411 милијарди долари appeared first on plusinfo.mk.