Француската ѕвезда призна дека Шпанија целосно го наметнала својот ритам, а „триколорите“ не успеале да го спроведат планот што го подготвиле за полуфиналето.

Килијан Мбапе не бараше изговори по елиминацијата од Шпанија. Напротив, капитенот на Франција даде една од најискрените анализи по поразот од 2:0 и призна дека неговиот тим бил тактички и технички надигран.

Според него, Французите уште од стартот му дозволиле на противникот да го наметне темпото на игра.

– Не го одигравме натпреварот онака како што сакавме, ниту тактички ниту технички. Шпанија се држеше до својот план и остана верна на својот стил. Тие сакаат да ја контролираат топката и ритамот, а ние не успеавме да ги спречиме во тоа – изјави Мбапе.

Францускиот напаѓач смета дека клучната битка била изгубена во средниот ред.

– Имаше премногу технички недостатоци. Им дозволивме да ја диктираат играта. Кога ги притискавме, постојано беа побројни во средината. Против Шпанија тоа е смртна пресуда – рече тој.

„Требаше да играме еден на еден“

Мбапе смета дека Франција требало да преземе поголем ризик и да ја принуди Шпанија да игра во ситуација што не ѝ одговара.

– Требаше да играме еден на еден и да ги натераме тие да нè бркаат. Овој тим не сака да трча без топка. Но нашите додавања и први допири едноставно не беа на нивото што го бара едно полуфинале на Светско првенство – анализираше капитенот на Франција.

Тој посебно ги издвојува Фабијан Руиз и Родри, кои, според него, добиле премногу простор за организација на играта.

– Фабијан и Родри имаа премногу време за додавања. Кога ќе им го дозволите тоа, многу тешко можете да ја запрете Шпанија – додаде Мбапе.

Прв пораз по 90 минути на Мундијал

Поразот од Шпанија има и дополнителна тежина за француската ѕвезда. Тоа е негов прв пораз по регуларни 90 минути на натпревар од Светско првенство.

Мбапе не го криеше разочарувањето по завршувањето на мечот.

– Како и сите други, разочаран сум. Сонувавме за финале и сакавме да ѝ дадеме причина на Франција да сонува. Тешко е да се најдат вистинските зборови. Ќе морам да го преболам ова, да одам на одмор и повторно да почнам од почеток – изјави тој.

На Дешамп судијата му е крив

Франција во полуфиналето пристигна како една од најефикасните селекции на турнирот со 16 постигнати голови. Сепак, против Шпанија не успеа да го наметне својот стил, а поразот од 2:0 стави крај на мундијалскиот сон на „триколорите“.

Во претходните реакции по натпреварот, селекторот Дидие Дешамп го критикуваше судењето и спорниот пенал за Шпанија, но истовремено призна дека неговиот тим бил надигран. Мбапе отиде чекор подалеку и вината ја побара исклучиво во играта на Франција.

Во француската јавност не стивнаа реакциите за моментот кога Јамал со дел од раката ја допре топката пред пеналот за Шпанија.

The post МБАПЕ БРУТАЛНО ИСКРЕН ЗА ЛОШАТА ИГРА НА ФРАНЦИЈА Требаше да играме еден на еден, Шпанците беа тактични appeared first on plusinfo.mk.

Првото полувреме од четвртфиналето меѓу Шпанија и Белгија донесе сè што може да посака еден неутрален навивач – темпо, шанси, големи интервенции и два гола.

По првите 45 минути во Инглвуд резултатот е 1:1, а патникот во полуфиналето ќе се решава во вториот дел. Белгијците доживеаја шок уште пред почетокот на натпреварот. Капитенот Јури Тилеманс се повреди на загревањето и мораше да отпадне од составот. На негово место влезе Ханс Ванакен.

Шпанија очекувано го презеде поседот од самиот старт, додека Белгија трпеливо чекаше простор за контранапади.

Јамал го најавуваше голот

Првите дваесетина минути минаа во шпанска доминација. Ламин Јамал беше најактивниот играч на теренот. Прво Баена бараше пенал по удар што заврши во раката на Нгој, но англискиот судија Мајкл Оливер остана нем.

Потоа Јамал се закани со удар од далечина, а Олмо не успеа добро да реагира по една одлична акција во шеснаесетникот.

По паузата за хидратација, притисокот на Шпанците стануваше сè посилен.

Руиз ја награди шпанската доминација

Отпорот на Белгија конечно попушти во 30. минута.  Поро ја освои топката во дуел со Доку и веднаш ја префрли кон Јамал. Младата ѕвезда центрираше до Олмо, чиј удар Куртоа го одбрани, но само до Фабијан Руиз. Играчот од средниот ред не погреши и ја смести топката во мрежата за заслужено водство од 1:0.

Само неколку минути подоцна Јамал повторно се закани од слободен удар, но Куртоа уште еднаш ја спаси Белгија.

Првиот гол што го прими Шпанија на Мундијалот

Кога изгледаше дека Шпанците ќе заминат на пауза со предност, следуваше студен туш. Во 41. минута Белгија изгради трпелива акција околу шпанскиот шеснаесетник. Кастањ испрати прецизен центаршут од десната страна, а Шарл Де Кетелаере највисоко скокна и со глава го совлада шпанскиот голман.

Тоа беше првиот примен гол на Шпанија на Светското првенство. До паузата Белгија имаше уште една опасна контра, но Олмо навреме интервенираше и спречи целосен пресврт.

Шпанија има поголем посед и повеќе иницијатива, но Белгија покажа дека може да биде смртоносна кога ќе добие простор. Со резултат 1:1 двете селекции влегуваат во второто полувреме, а победникот ќе обезбеди полуфинална пресметка со Франција.

The post 📽️ ЈАМАЛ ГО ОТВОРИ БАЛОТ, ДЕ КЕТЕЛАЕРЕ ВОЗВРАТИ Шпанија и Белгија ремизираат по првите 45 минути appeared first on plusinfo.mk.

Актуелниот европски шампион Пари Сен Жермен го декласираше Реал Мадрид со 4-0 во второто полуфинале од Светското клупско првенство, кое годинава се одржува во Соединетите Американски Држави. Победата на ПСЖ значи финале против Челзи, кој претходно го совлада бразилски Флуминенсе.

Натпреварот во Лос Анџелес ќе остане запаметен како последен за хрватскиот ас Лука Модриќ во дресот на Реал Мадрид. Емоционален крај за легендата на „кралскиот клуб“, кој доби аплаузи и од навивачите на ПСЖ.

„Ова беше повеќе од фудбал, симболичен крај на една ера. Модриќ заслужува само респект“, гласеа коментарите на социјалните мрежи по натпреварот.

Фабијан Руиз беше херојот на натпреварот со два гола во 6. и 24 минута, додека Дембеле во 9 и Рамос во 88 минута го довршија уништениот тим на Чаби Алонсо.

Челзи своето место во финалето го обезбеди ден порано, со сигурна победа од 2-0 против Флуминенсе, благодарение на двата гола на Жоао Педро.

Финалниот натпревар меѓу ПСЖ и Челзи ќе се игра во недела (13 јули) со почеток во 21:00 часот по средноевропско време, а победникот ќе го освои официјалниот трофеј на најдобриот клупски тим во светот.

The post ПСЖ И ЧЕЛЗИ ВО ФИНАЛЕ НА СВЕТСКОТО КЛУПСКО ПРВЕНСТВО Лука Модриќ со солзи го заврши последниот натпревар за Реал Мадрид appeared first on plusinfo.mk.